Вака експертите со коишто разговараше Плусинфо ја толкуваат изјавата на министерот за надворешни работи Бујар Османи дека Македонија би можела да западне во „црногорско сценарио“ доколку не ги спроведе уставните измени до ноември годинава.

А што всушност ќе ни се случува во пракса, доколку, ете, нѐ снајде „црногорското сценарио“?

Познавачите на меѓународната политика објаснуваат дека стравувањето од евентуално „црногорско сценарио“ наведува само на еден расплет кој е крајно неповолен за Бујар Османи како застапник на оваа Влада.

– „Црногорско сценарио“ значи дека веќе си започнал преговори со ЕУ, ги водиш преговорите веќе 7 или 8 години, си направил сѐ што се барало од тебе, и на крајот заглавуваш и не мрдаш од место. Османи сакаше да алудира на тоа дека ќе заглавиме доколку не ги направиме уставните измени и доколку не ги внесеме Бугарите во Преамбулата, но сепак, за да ти се случи „црногорското сценарио“ најпрво треба да ги започнеш преговорите со Унијата, па дури потоа да заглавиш. Така што, министерот Османи погрешно го употреби терминот, оти земјава сѐ уште не започнала преговори, а дури и да ги започне и да ги изврши сите концесии на барање на соседите, тоа не значи дека на Македонија не може да ѝ се случи „црногорско сценарио“. Во пракса, ако дојде до такво нешто, тоа ќе значи дека во 2030 година, наместо да се радуваме на членството во европското семејство, ние ќе си влеземе во чекалната и ќе си прилегнеме веднаш до Црногорците – коментира експертскиот извор.

Поранешниот министер за надворешни работи и актуелен пратеник од редовите на ВМРО-ДПМНЕ, Антонио Милошоски, во разговор за Плусинфо вели дека изјавата на министерот Османи за т.н. „црногорско сценарио” е само уште една потврда дека Владата нема капацитет да ги исполни обврските што ги презела, а се однесуваат на билатералните барања од Бугарија кои токму Османи ги прифатил како услов за почеток на преговорите со ЕУ.

– За жал, прифаќајќи сѐ на грбот на Македонија, Владата направи проблем што сега не знае како да го реши и сѐ почесто ќе се обидува да изнајде изговори за својата неспособност. Но, штом се спомнува Црна Гора како пример, тогаш можеби тоа е сигнал дека во Владата се подготвуваат за предвремени парламентарни избори, бидејќи деновиве и во Подгорица тоа е главна тема – вели Милошоски.

И поранешниот амбасадор Ивица Боцевски смета дека плашењето на македонскиот народ со некакво „црногорско сценарио“ е беспредметно.

– На Балканот не постои терминот „црногорско сценарио“, туку постои „балканско сценарио“. По приемот на Хрватска во Европската Унија, практично стопирана е интеграцијата на земјите од Западен Балкан. Нема никакво помрднување за никого, без разлика дали се исполнети условите. Јасно е дека сите земји од Балканот се крчкаат во ист лонец и дека еден ден сите заедно ќе влезат во Унијата. Плашењето со некакво „црногорско сценарио“ е дел од играта со цел да се создаде притисок и да се извршат уставните измени, односно да се внесат Бугарите во Уставот. Меѓутоа, кого мислат да уплашат? Последно за плашење беше името, а што ќе биде следно? Исто така, не заборавајте дека за секое идно проширување на ЕУ постои потреба за француски референдум, а според сите анкети, јас не гледам ниту една земја од Балканот која може да добие зелено светло на француски референдум – објаснува Боцевски.

Плашењето со некакво „црногорско сценарио“ е дел од играта со цел да се создаде притисок и да се извршат уставните измени, односно да се внесат Бугарите во Уставот.

Ивица Боцевски Поранешен амбасадор

На брифинг со новинарите, министерот за надворешни работи Бујар Османи деновиве порача дека не треба да се губи време во процесот на уставните измени, затоа што лично тој се плаши дека ако нѐ фати ноември без завршени промени на Уставот, тогаш ќе прекинат и преговорите.

– Ќе прекинат преговорите и ќе го изгубиме моментот. А губењето на моментот е една од најлошите работи што може да ви се случи на европскиот пат. Се плашам дека ќе влеземе во некакво „црногорско сценарио“, после што ќе биде многу тешко да се вратиме, со сите импликации внатре и надвор врз имиџот на државата – изјави шефот на дипломатијата.

НОВАТА ГОДИНА ПОЧНУВА СО НОВИ ЗАКАНИ Сега ќе нѐ плашат со „Црногорско сценарио“

The post ЦРНОГОРСКО СЦЕНАРИО ИЛИ БАБА РОГА ЗА СИРОМАШНИ Со или без Бугарите во Уставот – ќе си прилегнеме до Црногорците и убаво ќе се одмориме appeared first on plusinfo.mk.

Македонија, како и Црна Гора, може да добие предупредување за можен прекин на преговорите, ако не го исполни суштинскиот услов – спроведување на уставните измени до ноември годинава.

Ова во изјава за информативната агенција Журнал го тврди д-р Башким Селмани, професор во Правниот факултет на државниот Универзитет во Тетово. Тој нагласува дека согласно со францускиот предлог, бугарската заедница треба да се вклучи во преамбулата на Уставот.

Од што се плаши Бујар Османи?

Претходно, со идентична порака се огласи и министерот за надворешни работи Бујар Османи:

– Не треба да губиме време во процесот на уставни измени, затоа што мојот страв е дека ако нè фати ноември без завршени промени на Уставот, ќе прекинат преговорите и ќе го изгубиме моментот. А губењето на моментот е една од најлошите работи што може да ви се случи на европскиот пат. Се плашам дека ќе влеземе во некакво си „црногорско сценарио“, после што ќе биде многу тешко да се вратиме, со сите импликации внатре и надвор врз имиџот на државата – рече шефот на дипломатијата на брифинг со новинарите.

Новата година, според Османи, треба да почне со „формален сет консултации и јавни дебати“, во коишто ќе бидат вклучени политичарите, невладините организации, експертите, новинарите и јавноста, за да се разговара кои се аргументите за и против уставни измени.

– Секое друго настојување, кое нема да се придржува до задолжителните правила, како што се уставните измени, ќе значи дека Македонија може да изгуби многу време. Таа веќе има изгубено многу време, но нималку нема научено од историјата дека решавањето на проблемите, или меѓународните спорови не е мало прашање, туку оти се работи за сериозно прашање. Само со соработка и толеранција може да решиме едно такво прашање – коментира професорот Селмани.

Кој го блокира европскиот пат?

Европскиот пат ги блокираа СДСМ и премиерот Димитар Ковачевски, тврди ВМРО-ДПМНЕ.

– Презедоа обврски, без да имаат можност да испорачаат.

СДСМ и Ковачевски знаеја дека немаат двотретинско мнозинство во Собранието за промена на Уставот. И покрај тоа, прифатија обврски за државата. Тие беа свесни дека не можат да испорачаат, но свесно ја заглавија Македонија, само за да се сликаат еднаш и да кажат дека нешто направиле – се вели во партиското соопштение.

ВМРО-ДПМНЕ останува на ставот дека СДСМ и Ковачевски немаат мандат за промена на Уставот, бидејќи граѓаните никому не дале мандат за такво нешто.

– Не може да се носат стратешки одлуки за државата, кои ќе имаат национални последици, без за тоа да се праша народот – велат од опозициската партија и го истакнуваат барањето за предвремено извори.

Нов наратив на пропагандата на СДСМ

Поранешен искусен дипломат за Плусинфо вели дека заканата со „црногорско сценарио“ не е реална, туку е нов наратив на пропагандата на СДСМ.

– Како што потврди и претседателот Стево Пендаровски во новогодишното обраќање, дури и да се внесат Бугарите во уставот, тоа нема да значи крај на барањата и на притисоците на Софија. Така што, ако на тоа се гледа како за запирање на евроатлантскиот процес, тогаш може слободно да се каже дека ние и не сме излезени од т.н. „црногорско сценарио“. Но, тоа не е така. На патот кон ЕУ имало и ќе има подеми и падови, а секој проблем се решава со нови разговори и преговори. Мое мислење е дека покрај внатрешната јавна дебата за прашањето „Бугари во Уставот“, Владата на Ковачевски треба да покрене разговори со Софија и со Брисел за гаранции што би ги направиле уставните промени можни – вели експертскиот извор.

(Фотографија: unsplash.com)

The post НОВАТА ГОДИНА ПОЧНУВА СО НОВИ ЗАКАНИ Сега ќе нѐ плашат со „Црногорско сценарио“ appeared first on plusinfo.mk.

– Не треба да губиме време во процесот на уставни измени, затоа што мојот страв е дека ако нè фати ноември без завршени промени на Уставот, ќе прекинат преговорите и ќе го изгубиме моментот, а губењето на моментот е една од најлошите работи што може да ви се случи на европскиот пат и се плашам дека ќе влеземе во некакво си „црногорско сценарио”, после што ќе биде многу тешко да се вратиме, со сите импликации внатре и надвор врз имиџот на државата – рече шефот на дипломатијата на брифинг со новинарите.

Оваа година, според Османи, треба да се почне со формален сет на консултации и јавни дебати во коишто ќе бидат вклучени политичарите, невладините организации, експертите, новинарите, јавноста за да се разговара кои се аргументите „за” и „против” уставни измени.

Минитесторт смета дека треба да се направи разграничување меѓу партискиот и интересот на државата.

– Засега тие се измешани и не може да се направи разграничување, каде е интересот на државата, а каде е партискиот интерес и тоа ги буни луѓето, бидејќи не знаат дали став на одреден политичар е заради тоа што сака избори и сака да биде на власт или заради тоа што уставните измени се ризични по државата и по народот. Важно е да направиме разграничување каде почнува партискиот интерес, а каде завршува интересот на државата – нагласи Османи.

За да се донесат уставните измени што ќе подразбираат и промена на Преамбулата на Уставот, потребни се 80 гласови односно двотретинско мнозинство, што засега Владата ги нема бидејќи главната опозициска партија се противи на предлогот. Уставните измени произлегоа од францускиот предлог и со него во Уставот треба да се внесат Бугарите, но не само тие.

Од ВМРО-ДПМНЕ синоќа за МИА посочија дека досега не добиле покана за какви било разговори за уставните измени и дека тие нема да одбијат средба, но ќе повторат дека нема да поддржат уставни измени.

За МИА од ВМРО-ДПМНЕ велат дека не е проблем да учествуваат, но дека на таквите средби ќе биде повторено дека нема да поддржат уставни промени и оти овој состав на власта го нема мандатот за таква работа.

Вчера за уставните измени свој став изнесе и Социјалистичката партија, која е и долгогодишен коалициски партнер на ВМРО-ДПМНЕ.  Иницијативата на министерот за надворешни работи за започнување на консултации за уставни измени со формализирање на замислениот процес со јавни дебати и со учество на експерти, ја оценуваат како крајно несериозна и неодговорна. Истата во целост ја одбиваат. Партијата повторува дека ниту една политичка партија застапена со пратеници во Собранието нема мандат за какви било уставни измени, особено не партиите од власта кои немаат ниту легитимитет во инсистирањето за уставните измени, како и дека единствен излез за длабоката политичка криза и сите останати кризни состојби е одржување на предвремени парламентарни избори.

Вицепремиерот за евроинтеграции Бојан Маричиќ претходно рече дека очекува со заеднички консензус за прашањето за европската перспектива на земјата, да стигнеме до успешни уставни измени. Граѓаните, според него, го поддржуваат членството во ЕУ и добро знаат дека земјата треба да чекори по европскиот пат како единствен пат на кој може да се трансформира македонското општество според европски вредности и стандарди и кој носи стабилност, просперитет, нови можности и неповратни средства од европските фондови.

– Секое поместување од европскиот пат, а тоа ќе се случи доколку опозицијата не даде поддршка за уставните измени, ќе биде само несигурност, неизвесност, политичка криза и повторно ставање на Северна Македонија во чекалната. Следната блокада може да биде ВМРО-ДПМНЕ – вели Маричиќ.

The post БЕЗ УСТАВНИ ИЗМЕНИ ВО НОЕМВРИ НЀ ЧЕКА ЦРНОГОРСКО СЦЕНАРИО? Османи предупредува дека преговорите со ЕУ можат да прекинат appeared first on plusinfo.mk.