На социјалните мрежи се појави нова снимка од авионот на „Кроација ерлајнс“ што во саботата излетал од пистата на аеродромот во Сплит и завршил на тревна површина. Инцидентот се случил за време на полетување кон Франкфурт.

Главниот истражител за воздушни несреќи Дарко Петрин изјави дека причините засега не се утврдени, но авионот во еден момент свртел лево и излегол од асфалтниот дел на пистата.

– Од причини кои засега се неутврдени, авионот свртел лево за време на полетувањето, потоа го напуштил асфалтниот дел од пистата и завршил на тревна површина – изјави Петрин.

WATCH: A passenger onboard Croatia Airlines A220-300 captured the moment the aircraft veered off the runway during its takeoff roll at Split Airport.
: Neven Brnjas pic.twitter.com/6DL7Tw5lyY

— Turbine Traveller (@Turbinetraveler) May 18, 2026

Дронови не, црни кутии да

Истражителите веќе ги заплениле снимачот на податоци за летот и снимачот на разговори во пилотската кабина. Анализата на таканаречените црни кутии е во тек.

„Црна кутија“ е уред во авионот што ги снима најважните податоци за летот и разговорите во пилотската кабина. Уредот не е буквално црн, туку се работи за термин кој потекнува од раните воени и технички системи што не смееле да се отвораат или чепкаат.

Од Агенцијата за истрага на несреќи соопштиле дека причината за инцидентот најверојатно ќе биде позната дури по неколку месеци.

A Croatia Airlines Airbus A220-300 slid off the runway during a rejected takeoff at Split Airport and ended up in the grass.

The plane took some damage, but everyone onboard is safe.

Thankfully, no one was hurt.pic.twitter.com/uOHLg5gXog

— Mario Nawfal (@MarioNawfal) May 16, 2026

Минимална штета, нема повредени

Според првичните информации, никој од патниците и членовите на екипажот не е повреден. Авионот „ербас А220-300“ претрпел минимална штета на предниот дел и на левиот мотор.

Во следната фаза од истрагата ќе бидат сослушани членовите на екипажот, а ќе се вклучат и производителот на авионот и други стручни институции.

The post 📽️ СНИМЕН МОМЕНТ КОГА АВИОНОТ ВО СПЛИТ ИЗЛЕТА ВО ТРЕВАТА Црна кутија има, истрагата може да трае со месеци appeared first on plusinfo.mk.

Првиот извештај за сударот на патнички авион и воен хеликоптер на аеродромот Реган во Вашингтон се очекува во рок од 30 дена.

Тод Инман од Националниот одбор за безбедност на транспортот (НТСБ) изјави дека воениот хеликоптер е опремен со „некоја форма на уред за снимање“ и дека податоците ќе ги читаат тие или Министерството за одбрана.

Тој рече дека НТСБ и одделот имаат договори за споделување податоци за тие уреди за снимање.

Во несреќата загинаа 67 патници, од кои 60 патници на авионот на „Американ ерлајнс“, четворица членови на екипажот и 3 членови на екипажот на воениот хеликоптер „Блек хок“.

„Њујорк Тајмс“ и повеќе американски медиуми вчера објавија дека контролната кула не била доволно екипирана во моментот на несреќата и дека еден контролор ја вршел работата за двајца и ги координирал и авионите и хеликоптерите.

ИСТ КОНТРОЛОР ИМ ДАВАЛ ИНСТРУКЦИИ И НА АВИОНОТ И НА ХЕЛИКОПТЕРОТ? Истрагата за судирот во Вашингтон допрва се отплеткува

Во меѓувреме, американскиот претседател Доналд Трамп вчера им рече на новинарите дека не знае што довело до судирот, но рече дека има некои „многу силни мислења и идеи“.

Би-Би-Си пишува и дека само 24 часа пред смртоносниот судир во воздух над Потомак, друг авион на „Републикан Ервејс“ морал да го прекине слетувањето на националниот аеродром Реган откако хеликоптер се приближил до патеката на летот, според аудиото од контролата на летање.

The post ПРОНАЈДЕНИ СЕ ПРВИТЕ ЦРНИ КУТИИ ВО ВАШИНГТОН Ќе се вештачат снимки од диктафон за смртоносната несреќа appeared first on plusinfo.mk.

Како што е соопштено, црните кутии биле пронајдени околу 11:30 часот и биле извадени од остатоците на авионот.

Претходно Јавното обвинителство на Литванија соопшти дека досега собраните податоци укажуваат дека причина за падот на авионот на ДХЛ може да биде технички дефект или грешка на пилотот.

Според информации прелиминарните причини за авионската несреќа треба да бидат познати во рок од неколку дена.

Виткаускас, исто така, го негираше извештајот на управата на ДХЛ во Германија дека авионот извршил принудно слетување.

Германската министерка за надворешни работи Аналена Бербок во понеделникот изјави дека Германија работи со Литванија и Шпанија на истрага за авионска несреќа во близина на аеродромот во Вилнус за да се утврди дали станува збор за несреќа или друг хибриден напад, пренесе Ројтерс.

Бербок рече дека бранот хибридни напади врз луѓето и инфраструктурата ја стави Европа во готовност.

Авионот на ДХЛ се урна во понеделник наутро во близина на аеродромот во Вилнус, при што загинало најмалку едно лице, а неколку се повредени.

Полицискиот претставник Рамунас Матонис за ЛРТ потврди дека во авионот имало четири лица, а еден од двајцата пилоти загинал.

Надлежните сѐ уште немаат информации за евентуални жртви во близина на зградата или во зградата каде што се урнал авионот.

The post ПИЛОТСКА ГРЕШКА ИЛИ ДЕФЕКТ? Пронајдени црните кутии, судбината на авионот на ДХЛ полека се разјаснува appeared first on plusinfo.mk.