„Вчера, отидоа дотаму, да преку Жан Митрев, за кого како лекар не можам да кажам што мислам, ме обвинија за рекет за цела болница. Претераа. Ова веќе ги поминува сите можни граници. Што ќе смислат следно, утре ќе ме обвинат и за силување, за убиство? За што следно? Доста е веќе.

Сега ќе ги тужам. Мојот одговор преку суд ќе го добијат и наредбодавачите и извршителот“.

Вака на прес-конференција утринава изјави лидерот на СДСМ Венко Филипче. Филипче тврди дека секој ден е предмет на јавен линч, како што вели, преку груби лаги и постојана црна кампања и манипулации за „Дубаи, згради од 42 спрата, визи, Венеција, Сент Морис итн“.

„Пред некој ден ме споредија дури и со Џим Џонс, убиец на 300 деца. Го повикувам Жан Митрев нека отиде кај обвинител и нека поднесе Кривична пријава ако смее, па да одговара по Кривичен закон. Не го прават тоа затоа што знаат дека ќе одговараат, а не вака да ги тужам само за клевета. Е, затоа власта не сака реформи, не сака реформирано правосудство по европски стандарди, за токму ова да го прави“.

Според Филипче, ВМРО-ДПМНЕ ја поминалосекоја граница со, како што вели, црната кампања против него. Лидерот на СДСМ ја критикуваше власта спомнувајќи ги, според него, буџетот, „црниот капитал преку Алта банка“, наводната изолација од нашите стратешки партнери. Тој ја спореди власта со времето на Никола Груевски повторувајќи дека Македонија, според него, не е зрела за укинување на концептот на техничката Пржинска влада пред избори.

„Нема одговор на вистинските прашања. За дупката во буџетот од 2 милијарди евра, за тоа што нема пари да се зголемат платите и пензии, за мигрантите, за црниот капитал преку Алата банка, за корумпираните тендерски постапки насекаде во државата. За тоа што исплаќаат луѓе да ги поддржуваат преку јавните мрежи, преку државни институции. Видовме колку луѓе биле исплаќани преку Лотарија.

Следат списоци од скоро сите министерства и за одбрана, и за надворешни работи. Ќе видите тоа каков скандал е, па дали на тоа некој од власта ќе одговори.

Нема ништо за реалните проблеми со кои граѓаните се соочуваат секој ден. Само дефокус, јавен линч и црна кампања.

На листата сме на земји од третиот свет поради нивната политика на изолација, криминал, корупција и ноќни волци со кои што се среќаваат од врвот на владата. Ноќните волци блиски до Путин. Доста е веќе.

Граѓани на Македонија,

Оваа криминална власт доведе до тоа, да од политиката на сите да им се гади. Затоа на гласачите им е преку глава од ‘рече ВМРО’, ‘рече овој’, ‘рече оној’…

И тоа е целта од самиот почеток. Повторно се обидуваат да нè вратат во мракот, во времето од пред 10 години. Велат ‘конструктивна опозиција’? Со кого? Со ова? Сите гледаат што се прави.

На граѓаните им е потребен подобар живот, повисок стандард, повисоки плати, повисоки пензии, добра иднина, пат кон Европа, за тоа треба да зборуваме, тоа е политика“, вели Филипче.

The post ФИЛИПЧЕ ЌЕ ГО ТУЖИ Д-Р ЖАН МИТРЕВ ЗА КЛЕВЕТА Лидерот на СДСМ вели дека е предмет на јавен линч appeared first on plusinfo.mk.

Христијан Мицкоски, претседателот на ВМРО-ДПМНЕ, имаше свое обраќање на денешниот народен митинг во Пробиштип, во рамки на изборната кампања со слоган ,,Вистинскиот избор! Твојот човек! Твоето место! За твојата иднина!”, за претстојните локални избори. Мицкоски се осврна на како што вели тој, неформалната коалиција за локалните избори составена од СДСМ, ДУИ и Левица, кои се обединети од желбата за власт и омразата кон ВМРО-ДПМНЕ. Според него, на овие локални избори тие настапуваат со црна кампања, а не нудат никакви проекти, никаква визија ниту стратегија.

– Кога зборувам за нашите противници зборувам за една непринципиелна коалиција, која што е составена од во суштина три политички партии, која што се обединила поради две главни причини, првата е желбата за власт, по било која цена. И втората е, патолошката омраза која што ја имаат кон ВМРО-ДПМНЕ. Тоа е коалицијата на СДСМ, на ДУИ, и политичката партија Левица. На некои места, оваа коалиција е формална, на некои полуформална, но во суштина, тоа е тој опозициски блок, кој што на овие избори излегува тотално без никаква програма – вели Мицкоски.

Мицкоски истакна дека опозициската СДСМ за претстојните локални избори не нуди ниту проекти, ниту визија, туку само се фокусира на црна кампања уште од првиот ден.

– Од првиот ден, заклучно со денеска, ние не слушнавме ниту еден проект, не слушнавме никаква визија, никаква стратегија, од нив не слушнавме како планираат и каде планираат да ја водат Македонија. Од нив слушнавме само три, условно кажани, политички пораки во оваа кампања. Првата е, црната кампања која што ја водат од првиот ден, па сè до ден денес. Против мене се разбира најмногу и против ВМРО-ДПМНЕ. Втората политичка порака која што ја испратија е дека тие се политички наследници и претставуваат континуитет на тоа што претставуваше влада 7 години во Македонија, коалиција СДСМ-ДУИ. Третата политичката порака е дека тие се грижеле и се бореле за нашиот дом – истакна Мицкоски и додаде:

– Црната кампања наспроти целата теорија и целата пракса, започна од првиот ден во оваа кампања. Ние немаме емитувано ниту еден негативен спот. А, веќе завршува кампањата во првиот круг. Ниту еден негативен спот.

Мицкоски истакна дека, иако има многу причини да се потсетат граѓаните на неуспесите на претходната влада, ВМРО-ДПМНЕ избира позитивна кампања фокусирана на проекти и иднината.

– А верувајте, имаме таква инспирација да ги потсетиме граѓаните, за тоа што го работеа 7 години, што ако почнеме рано наутро малку ќе ни биде еден ден сето она лошо што го направија додека 7 години беа влада. Но, рековме не. Ние сакаме да бидеме Влада која што ќе се обиде да ја врати надежта кај луѓето, и сакаме да зборуваме за убави работи, за проекти, да зборуваме за иднина. Сакавме тоа да го доближиме до граѓаните. Што е тоа што ние го сработивме. И што е тоа што ќе го сработиме. А тие, со ад хоминем напади, со ниски страсти. Прво ми посакаа, ќе било штосно ако го виделе моето тело распарчено и спакувано во куфер, за да потоа претседателот на СДСМ, претпоставувам инспириран, бидејќи неговиот политички гуру седеше во првиот ред, во еден занес, кажа дека тие нас не не мразеле туку не презирале. Тоа претпоставувам треба да е степен над омраза, барем според нивната филозофија. Инаку, човекот е педагог, редовен професор на факултет, кој што пледира утре да ја води државата. Тоа е тоа што го нуди СДСМ на овие избори – заклучи Мицкоски.

The post „НЕ ЗАСТАНАА СО ЦРНАТА КАМПАЊА – НИЕ НЕМАМЕ НИТУ ЕДЕН НЕГАТИВЕН СПОТ“ Мицкоски вели дека постои тајна коалиција СДСМ-ДУИ-Левица appeared first on plusinfo.mk.

Градоначалникот на Општина Центар, Горан Герасимовски, преку лајв видео информира дека на само една недела пред изборите одредени партиски структури спроведуваат црна кампања со намерно оставање на смет покрај празни контејнери, со цел да се прикаже лажна слика дека општината не работи и дека општинските служби не ја одржуваат хигиената.

– Ова е врв на црната кампања. Намерно се остава отпадот надвор, покрај празните контејнери, за да се создаде впечаток дека општината не чисти. Но, нашите хигиеничари се на терен, и денес, и во недела, сите изминати четири години за да не дозволиме оваа црна кампања да им пројде – истакнува Герасимовски.

Тој додаде дека општинските служби сите овие изминати години покажале континуирана посветеност кон хигиената и уредноста на Центар, и дека ваквите обиди за дискредитација нема да ја нарушат довербата на граѓаните.

Исто така, Герасимовски упати јавен повик до граѓаните да се приклучат на акцијата за чистење на депонијата кај полигонот на Кале, која ќе се спроведе утре (понеделник) со почеток во 13 часот.

– По расчистувањето на депониите во Крњево и во Градскиот парк, продолжуваме со чистење на просторот кај полигонот на Кале. Несовесни поединци таму секојдневно фрлаат ѓубре и кабаст отпад, создавајќи дива депонија која претставува ризик за околината и за здравјето на граѓаните. Не смееме да дозволиме јавните површини да се претвораат во сметишта. Ги повикувам сите граѓани да ни се придружат и заедно да го исчистиме Кале – рече Герасимовски.

Во акцијата ќе учествува целосната механизација на ПОЦ и екипите на Општина Центар.

The post 📽️ „НАМЕРНО ОСТАВААТ СМЕТ, ОВА Е ВРВ НА ЦРНАТА КАМПАЊА“ Герасимовски повика на голема акција за чистење на Кале appeared first on plusinfo.mk.

Ако СДСM молчи, тоа ќе биде доказ дека ја одобрува морбидната реторика на Бранко Тричковски и дека стои зад неа, реагира денеска ВМРО-ДПМНЕ.

„СДСМ потона во својата безидејност и очај. Немајќи што да му понуди на македонскиот граѓанин, СДСМ потпре на нејзините мегафони кои шират омраза и повици на насилство. Безидејниот СДСМ, ја сведе политиката и изборната кампања во поле на омраза, наместо натпревар на идеи, проекти и визија. Нивниот долгогодишен пропагандист и медиумски гласноговорник, Бранко Тричковски повторно премина на неговите морбидни повици за ликвидација на претседателот, Христијан Мицкоски“, се наведува во реакцијата на ВМРО-ДПМНЕ.

Во врска со настанот од пред некој ден за лажна дојава на бомба во центарот на Скопје, перјаницата на СДСМ, Тричковски на социјалните мрежи, со морбиден речник напиша дека „Најголем предизборен штос би направиле кога во куферот би го напикале распарчаното тело на Христијан!“.

„Ваквиот јавен повик за убиство не е и не може да се смета за слобода на говор, ниту метафора, тоа е повик за криминален акт против животот на друг човек. Исто така, овој испад не е изолиран случај или дело на лице со нарушена психолошка состојба, туку тоа е резултат на очајот во кој се пропаднати СДСМ и нивниот политички банкрот. Ова не е еден човек што зборува сам за себе, туку ова е гласот на очајот на СДСМ, кој се слуша преку нивните медиумски издувни вентили. Многу е јасно кога гласноговорниците и мегафони на СДСМ повикуваат на распарчување на претседателот на ВМРО-ДПМНЕ и премиер во период на изборен процес, тоа не е црн хумор, туку црна кампања насочена кон создавање страв, поделби, дестабилизација“, се нагласува во реакцијата на ВМРО-ДПМНЕ.

Оттаму потенцираат дека и медиумите кои ги пренесуваат овие пораки имаат одговорност – „дали тоа го прават по налог и како дел од сценарио, или затоа што веруваат и се согласуваат со она што тој го пишува.“

„Сите кои го споделуваат, оправдуваат или ќе го штитат овој човек се соучесници во поттикнувањето и нормализирањето на опасната реторика. Токму поради тоа ги повикуваме надлежните органи да проверат дали Тричковски има формални врски со политички структури, а СДСМ јавно да се огради од овој срамен чин“, се додава во реакцијата на ВМРО-ДПМНЕ.

Оттаму порачуваат дека нема да дозволат омразата да стане кампања и ќе ги бранат институциите на системот, државата и демократијата од секој обид за насилство, без разлика од каде доаѓа.

The post ПОВИКОТ ЗА РАСПАРЧУВАЊЕ ПРЕМИЕР Е ЦРНА КАМПАЊА Од ВМРО-ДПМНЕ бараат СДСМ да се огради од нивниот мегафон Тричковски appeared first on plusinfo.mk.

Венко Филипче денеска имаше изјава на која не знаеме што да одговориме освен дека наликува на алиби на човек потонат во непринципиелни дилови и ветувања кон луѓе кои не може да ги одржи, реагира ВМРО-ДПМНЕ.

„Негативна кампања води токму СДСМ. Нашето потсетување на катастрофата на нивното владеење не е негативна кампања, туку сурова реалност која ја живеат сите граѓани. И ако мислат ќе заборавиме, а до пред 1 година беа на власт и направија масакр од државата со кражби и уништување на институциите и предавства, тогаш се излажале.

Да дозволиме да ни глумат невини и нови ликови, со истите трикови како претходно кога ветуваа живот а сега ветуваат среќа, и кога очигледно се лицемерни и не се менуваат и сакаат да го излажат народот повторно, тоа нема да се случи. Нека си ги види Филипче Фејсбук профилите и Тик ток кампањата на негови соработници и луѓе кои ги плаќаат, каде најбрутални лаги и гадости пишуваат и измислуваат, па после нека глуми Мајка Тереза.

Разликата меѓу нас и нив е очигледна. Нив ги плаши реалноста и тоа што гледаат дека народот е против нив и никогаш нема да им заборави за злоделата кои ги направија а за кои имаат привремена заштита во обвинителството и судството. Тоа е тоа нивно лицемерие кое ни е познато и кое мора да се порази.

Тоа што зборува за МВР и разни наводни појави, наликува на алиби кое го договорил со својот ментор за да се задржи на функцијата. Ние во тоа не се мешаме освен дека ако има таква појава ја осудуваме, но сепак освен вакви панични изјави кога му стигнале последните анкети кои по наши информации го освестиле каде се наоѓа, почнува да бара алиби за да остане на тоа место. Веќе видено и познато сценарио. И народот го знае тоа. И ќе ги казни повторно затоа што не само што не се менуваат, туку упорно го потценуваат и навредуваат сопствениот народ.

За неговата состојба говори и фактот што човекот се плаши збор да каже за Заев, до толку е заложник и испреплетен во нивни взаемни интереси и бизниси. Тоа само по себе е индикатор за сѐ. И аларм за народот дека треба да ги казни. Македонија ќе победи и ќе се одбрани од истите трикови на СДСМ, кои ја доведоа до тешка состојба од која се трудиме да ја извлечеме“, се наведува во реакцијата на ВМРО-ДПМНЕ.

Лидерот на СДСМ, Венко Филипче, денеска изјави дека очајни се нападите од премиерот Христијан Мицкоски и дека тој нема ни резултати ни капацитет да ја води државата.

– Спиновите и лагите со кои што се служат премиерот и ВМРО-ДПМНЕ изминатиот период се резултат на една целосна безидејност што друго да направат. Немаат што да прикажат, немаат сериозен проект се вадат и како алиби го кажуваат тоа дека за некои работи биле потребни децении. Вистината е дека немаат ниту капацитет, ниту волја, ниту визија како да ја водат државата напред. И во таква ситуација сѐ што прават – спинуваат. Куфери со пари, предавства, поделба на граѓаните. И тоа е нешто што го прават во континуитет, тоа не е нешто ново. Тие, исто како и ланската кампања, и сега ја тераат кампањата. Ама сега водат држава, имаат одговорности, мораат да покажат резултати – рече Филипче, обвинувајќи го ВМРО-ДПМНЕ дека води црна кампања.

The post „НЕКА ВИДИ ФИЛИПЧЕ ШТО ОБЈАВУВААТ НЕГОВИ СОРАБОТНИЦИ, ПА ПОСЛЕ НЕКА ГЛУМИ МАЈКА ТЕРЕЗА“ Од ВМРО-ДПМНЕ му одговорија на Филипче дека тој води црна кампања appeared first on plusinfo.mk.

Кумовската тајфа денеска во Куманово го прошета нивниот шеф Венко Филипче – човекот со златна виза од Дубаи и најголемиот распродавач на државните интереси, а Филипче, без око да му трепне, во стилот на народната „Крадецот вели – држете го крадецот“ искажа еден куп лаги и инсинуации на сметка на лидерот на Движењето ЗНАМ и актуелен градоначалник Максим Димитриевски, се вели во реакцијата на ЗНАМ.

„Прво, лага е дека пазарот ќе се продава – зборови што ги искажа Филипче додека до него седеа луѓе од СДСМ кои партиски се вработени таму и кои се најодговорни за катастрофалната состојба во која се наоѓа градскиот пазар. Денеска еден од нив е носител на нивната листа за советници, други веќе офајдени пензионери, а трети среќно вдомени во претпријатието кое влече долгови од периодот кога СДСМ му го одстапи на кадри на ДУИ кападахиски да го управуваат и разграбуваат. Максим Димитриевски – нема да го продаде пазарот – туку целосно ќе го реконструира и ќе го направи достоинствено место и за продававачите и за купувачите, по пат на јавно-приватно партнерство“, реагира ЗНАМ.

Второ, се додава во реакцијата, многу ни е драго што Филипче го спомена и Лидл – тоа е огромна странска директна инвестиција со големо влијание во економскиот живот и во Куманово и во Македонија.

„И, тука се гледа кој е вистински, а кој е лажен патриот. Вистинскиот патриот – Максим Димитриевски носи странски инвестиции во Куманово, а лажниот патриот Венко Филипче заедно со неговиот ментор Зоран Заев ги носи украдените пари од времето кога го „дрмаше“ македоското здравство и инвестираат заедно во Дубаи. Впрочем и јавноста имаше можност да види како заедно се забавуваат во еден од најекслузивните светски центри“, се вели во реакцијата.

Движењето ЗНАМ – за наша Македонија и Максим Димитриевски се автентична политичка сила која за неполни две години покажа дека прераснува во незаобиколен фактор на одлучување за сите важни државни прашања, додава партијата.

„Ние не ги распродаваме националните и државните интереси, ние не си играме со македонските црвените линии во спорот со Бугарија како со гума за џвакање, ние не го уништуваме македонскиот национален идентитет. Ние сме сè и правиме сè спротивно од тоа. Тоа го докажавме во претходните години во Куманово и во Владата, откако сме дел од неа. И, затоа ќе победиме и во Куманово и во Центар и насекаде каде имаме кандидати за совдетнички листи. А, Венко Филипче нека не се надева на некаков си успех на локалните избори. СДСМ ќе доживее катастрофален пораз, по кој тој најверојанто ќе се подготви за итно бегство од државата, за да не заврши в затвор“, реагира ЗНАМ.

Претседателот на СДСМ Венко Филипче, одговарајќи на новинарско прашање за очекувањата на локалните избори од кандидатот за градоначалник на Куманово, Мартин Костовски, денеска изјави дека граѓаните ја препознаваат разликата меѓу чесни и професионални луѓе и оние што се грижат само за лични интереси.

– Граѓаните веќе еднаш беа излажани, но сега тоа нема да го дозволат. Мартин е еден од фаворитите за победа во Куманово, тоа ни го потврдуваат и последните истражувања. Тој има одличен прием кај граѓаните – градски човек кој може да влезе насекаде, чесен, без дамка во неговата работа. На секоја функција ја вршел својата работа професионално и во интерес на граѓаните – изјави Филипче.

Тој додаде дека Максим Димитриевски го изгубил кредибилитетот, со тоа што наместо да се бори против криминалот и корупцијата, „седна во скутот на власта и ги поддржува сите политики на ВМРО-ДПМНЕ“.

– Куманово не заслужува уште еден мандат на Димитриевски, а Мартин Костовски е вистинскиот избор за граѓаните – чесен човек, професионалец, фаворит за победа и човек со визија за модерно и европско Куманово. Јас лично ја преземам одговорноста пред граѓаните дека и како градоначалник ќе остане ист – чесен и посветен на интересите на Куманово – рече Филипче.

На новинарско прашање дека партијата води црна кампања за локалните избори, одговори дека СДСМ не е таа која води црна кампања, туку обвинувањата стигнуваат лично од премиерот Христијан Мицкоски кој постојано зборува за Дубаи, станови авиони итн.

– Не знам каде ја гледа и во што ја гледа премиерот црната кампања, а еве он посегнува го слушам вчера повторно тие нивни напади и констукции, измислени приказни. Ок, јасно е човекот нема што да каже, нема ниту едно исполнето ветување. Нема ниту еден проект со којшто може да се пофали и посегнува по тоа. Ние не водиме црна кампања ние ја кажуваме црната вистина во државата којашто дојде како резултат на неговите политики. Ете тоа ние го правиме во овој момент – рече Филипче.

Тој денеска го посети пазарот во Куманово каде на граѓаните им порача дека пазарот нема да се продаде затоа што во програмата на кандидатот Костовски има детален и целосен план како овој пазар ќе се реконструира и во кој е предвиден подземен паркинг.

The post „ПО ПОРАЗОТ ФИЛИПЧЕ НАЈВЕРОЈАТНО ИТНО ЌЕ ИЗБЕГА, ЗА ДА НЕ ЗАВРШИ ВО ЗАТВОР“ Димитриевски носи инвестиции, Филипче носи пари кај Заев во Дубаи, реагира ЗНАМ appeared first on plusinfo.mk.

Доаѓајќи накај Кавадарци забележав дека се интензивира црната негативна кампања од нашите политички опоненти, коишто се здружија со својата немоќ, се здружија свесни дека народот не ги сака и не ги почитува, рече потпретседателот на ВМРО-ДПМНЕ, Александар Николоски на вечерашниот митинг во Кавадарци.

– Ова не се први избори на кои излегуваме, но можам да ви кажам дека вака рано, ваква црна кампања до сега не се случила, што само говори за очајот од една страна на СДСМ, кој што нема никаков концепт и воопшто не се реформира и не ги учи грешките од минатото и од минатогодишниот пораз. Од друга страна ДУИ, која што сè уште сонува дека може да ги диктира политичките услови во Македонија, а во суштина се длабока опозиција и ќе останат длабока опозиција после овие избори. И од трета страна Левица, која целосно се изгуби во една негатива и црна кампања, оние коишто се претставуваа себеси за најголеми патриоти, сега се слуги на ДУИ и на Али Ахмети, оние кои што се претставуваа за скромни, плачат четири, пет дена пари колку да земеле од државата. И сега трите обединето водат црна кампања – кажа Николоски.

Николоски ги повика граѓаните да не подлегнат на нивната црна кампања и да не се демотивираат, затоа што како што вели „не сме сите исти“.

– На 19 октомври треба да се даде поддршката за кандидатите за градоначалници и листите за советници на ВМРО-ДПМНЕ, затоа што разликата е многу голема – рече Николоски.

The post НИКОГАШ ОЛКУ РАНО НЕ СЕ СЛУЧИЛА ТОЛКУ ЦРНА КАМПАЊА Тоа само говори за очајот на СДСМ, вели Николоски appeared first on plusinfo.mk.

Александар Николоски, потпретседателот на и носител на изборната единица 4 од ВМРО-ДПМНЕ, на митингот во општина Василево рамки на претседателската кампањата, му порача на Венко Филипче, носител на изборната единица 4 од СДСМ, дека тој не води црна кампања против него, туку дека граѓаните очекуваат одговор на 5 прашања, меѓу кои и прашањето каква е неговата улога во прерано згаснатите 14 човечки животи при пожарот на модуларната болница во Тетово, како и дали неговата улога во притисокот врз сопственикот на една приватна болница за истата да ја продаде на бизнисмен од Албанија.

– Каква е неговата улога во прерано згаснатите 14 човечки животи кои што за жал живи изгореa при пожарот на модуларната болница во Тетово? Второто прашање каква е неговата улога во тендерот за стерилизација, каде што стерилизацијата во сите здравствени установи во Македонија се приватизираше и случајно ја доби фирма од Албанија. Третото прашање е каква е неговата улога во притисокот врз сопственикот на една приватна болница за истата да ја продаде на бизнисмен од Албанија. Четвртото прашање е колку провизија зеде од фирмата за трговија со јужно овошје „Стабри“ од Хонг Конг кој што требаше да донесе вакцини во Македонија, вакцини сами знаете дека не дојдоа и Македонија за жал вакцини имаше само од донации – праша Николоски.

Тој го повика Венко Филипче да одговори и каква е неговата поврзаност со семејството Пановски и каква е улогата во случајот „Онкологија“, каде што не им бил давани лекови на болните од рак се со цел, како што рече тој, да се полнат приватните џебови.

Николоски го потсети и претседателскиот кандидат Стево Пендаровски дека досега не одговорил на прашањата што му се поставени.

– Го прашавме, а не одговори, каде ја донира сопствената плата, нели се фалеше ќе ја донира? До денес не одговори дали после 12 мај, кога официјално му завршува мандатот, дали ќе користи претседателски бенефиции, а тие се претседателска пензија доживотно во висина на претседателска плата, кабинет, простории, возач и обезбедување платени од државата – рече Николоски и потсети дека во 2019 година, кога Пендаровски сакал да глуми чесен, велел дека нема да ги користи овие привилегии.

Николоски рече дека Пендаровски е корумпиран до срж, сплеткар.

– На тој човек мора да му кажеме „не“ на 24 април и на 8 мај. А можеби да му помогнеме и да се исели од државава – повика Николоски.

The post КАКВА Е ТВОЈАТА УЛОГА ВО ПРИТИСОКОТ ПРИВАТНА БОЛНИЦА ДА СЕ ПРОДАДЕ НА БИЗНИСМЕН ОД АЛБАНИЈА? Пет незгодни прашања на Николоски до Филипче appeared first on plusinfo.mk.

После цели седум години неработење, ништо паметно не можете да смислите?

После седум години распродавање на македонските национални интереси, вие сериозно мислите да се вадите на овие фејковачи?

Тоа е вашата „европска“ иди нина?!

Чуму ви е лагата дека постоел некаков „оперативен план подготвен од Републичкиот изборен штаб на ДПМНЕ на 05.12.2023 година за пласирање на лажни анкети за рејтинзите на партиите и за политичарите, а објавени на МТВ, но и за други активности како пласирање лажни вести“.

Цитирам дајректли фром Бихаќка …

Па добро, сериозни ли сте?!

Секој што повнимателно ќе ги погледне објавените божемни „документи“, што ги штанца фабриката на СДСМ за лажни вести, лесно ќе сфати дека станува збор за класична измислица.

Ако баш мора, еве неколку очигледни докази за тоа:

Прво, факт е дека е згрешено презимето на наводниот клучен автор на оперативниот план, Луке Галевски. Она „в“ во презимето на Луке е вишок. Како и „в“ во презимето на Зоран Ставрески.

Нејсе, да речеме дека ова и не е некоја голема утка – ако можеле сдсмовци од презимето на својот лидер да ја исфрлат буквата „в“, другарски е Луке да истрпи да му се додаде.

Второ, малку посериозен проблем е првата реченица во божемниот документ. Гласи вака: „Согласно одлуката на Извршниот комитет на ВМРО-ДПМНЕ одржана на 05.12.2024, а поврзана со првата седница на Републичкиот изборен штаб …“

Добро, знаеме дека на пи-ар службата на СДСМ писменоста баш не ѝ е јака страна, па ќе прифатиме дека „писателиве“ не знаат дека одлука не може да биде одржана, дека тоа е фатална семантичка непрецизност во изразувањето. Децата, едноставно, не знаат што е тоа семантика.

Пострашен е датумот којшто е наведен, кога наводно се одржала „одлуката“, а веројатно се мисли на седницата на Извршниот комитет – 05.12.2024.

Добро бе, другарчиња, немате таму календари на Бихаќка? Па 5 декември 2024 година сè уште не е стасан!

Дури и да станува збор за грешка на годината – мислеле 2023, чкртнале 2024 – сте можеле да знаете дека Републичкиот изборен штаб на ВМРО-ДПМНЕ е активен од февруари 2024 година.

Кога се прават вакви фејковачи, на вакви детали треба да се мисли, ало!

Трето, во божемните документи се спомнува некојси Ивица Грамбозов. Такво лице, едноставно, не постои! Има таму некој Грамбозов, ама не е Ивица. А не е ни Марица …

Четврто, во божемните документи се спомнува и Дејан Пројковски. Добро, Дејана Пројковски го знаеме сите, но факт е дека тој не е виден во штабот на ВМРО-ДПМНЕ седум години!

Петто …

Сакате и петто?!

Ќе запрам тука со оваа „форензика“ на вашите лаги, другарчиња. И овие неколку едноставни факти на кои укажав, јасно потврдуваат дека станува збор за целосна фабрикација, создадена во фабриката на СДСМ за лажни вести, централниот погон на црната кампања на СДСМ.

Впрочем, ВМРО-ДПМНЕ одговори дека станува збор за клевета и бара извинување од владејачкиот СДСМ, а во спротивно ќе следи тужба. Кој и да ја смислил оваа блуеница, нормално, се раководел од мислата дека една таква тужба нема да може брзо да се процесира. Како и да е, челинџот е тука – постои начин да се утврди фактичката состојба и да се докаже дали станува збор за автентични или за креирани фејк документи. При што, во нормална држава, во која владее правото, товарот на докажување би бил на оној што тврди, во случајов на СДСМ.

Хм, во нормална држава …

Ќе биде ова нормална држава, еден убав ден. До тогаш, нема потреба да се исцрпуваме со докажување на она што се гледа од авион – ова се лаги и црнила.

Црна е бојата на кампањата на СДСМ.

Црна ќе биде и судбината на оваа екипа на Бихаќка.

Така ќе биде, другарчиња од СДСМ.

Жал ми е, но тоа сè уште е само добрата вест. Имам и лоши вести за вас. Но, за тоа во некоја друга (не)прилика …

Црната кампања е доказ на неспособноста на вашите пи-ар стратези да смислат приказни што ќе ги убедат луѓето и сега, на овие избори, да гласаат за вашата власт.

А пред тоа да ги прифатат вашите патетични извинувања, што ги слушам во вашите говори и во вашите колумни.

„Извинете“ ова, „извинете“ она …

Сега?!

Доцна е сега за извинувања, другарчиња.

А и тие извинувања ви се лажни. Неискрени. Недругарски. Фејкувани …

Како и да е, ништо веќе не може да ви помогне. Не се гои прасе пред Божик.

Анкетите на Владимир Божиновски и на другите тоа јасно го покажуваат. А тие анкети сепак не се лажни. Се потврдува тоа после секој изборен циклус, кога агенциите за истражување на јавното мислење ги споредуваат своите анкети со резултатите од изборите и така уверливо докажуваат дека добро го измериле изборното расположение. Барем повеќето од нив. Меѓу кои бездруго е и агенцијата на Божиновски.

Нејзините резултати не можете да ги истрпите. Ви бодат очи. Ве паничат. Ве фрлаат во очај. Па уште на МТВ …

А не треба да биде така. Успокојте се. На 8 мај СДСМ ќе потоне, но тогаш ќе сфатите дека и после изборниот пораз има живот. Додуша, не баш каков што имавте во овие долги седум години, но се живее и без бифтеци, другарчиња.

Не помагаат ваквите сачекуши. Знам дека оваа фејковача е смислена во пресрет на вечерашниот телевизиски дуел меѓу Христијан Мицкоски и Димитар Ковачевски. Кој знае со каква идиотска идеја. Ама, што со тоа?

А ни дуелот нема ништо да промени. Освен ако Ковачевски денеска до 18 часот не пушти во употреба 20 километри од кој било автопат. Добро, барем 2 километра. Јас ќе прифатам и 2 метра. Ќе го напишеме во сантиметри (200) или во милиметри (2.000), да изгледа повеќе …

Не бива, другарчиња.

Не помагаат ни валканиците од лажните Фејсбук профили. За кои се трошат илјадници евра. Тоа се пари за кои некој, набрзо, ќе праша чии се, од каде потекнуваат и како се оданочени.

Како оној идиотски профил … Сакам Супер Бинго. Не, не беше така. Сакам Да Сум Европски Граѓанин. Да, тој е. Со сите големи букви. Навистина писменоста не ви е јака страна.

Ништо не помага, другарчиња.

Помирете се со тоа. И да ви повторам:

Црна ви е кампањата, таква ќе ви биде и судбината.

Ебае будалите!

Со „в“.

The post Црна е кампањата на СДСМ, црна ќе биде и судбината на оваа екипа на Бихаќка appeared first on plusinfo.mk.

Тој додаде дека што се однесува до ВМРО-ДПМНЕ, нема да води црна кампања затоа што македонските граѓани знаат дека од осамостојувањето, како што рече, земјава немала полоша влада, од оваа на СДСМ и ДУИ и затоа ќе води позитивна кампања со презентација на проекти и решенија за проблемите на граѓаните.

– Нашата цел е во оваа кампања да водиме позитивна кампања, односно да зборуваме за проекти и да зборуваме за решенија на проблемите на граѓаните, а не да се оптоваруваме со тоа, кој колку бил лош, бидејќи сите граѓани знаат дека владата на СДСМ и ДУИ беше лоша. Односно, да бидам попрецизен, полоша влада од осамостојувањето на Македонија немало – рече Мицкоски.

The post МОНТАЖИ, НАВРЕДИ, ИЗМИСЛИЦИ, КЛЕВЕТИ Не очекувам власта да престане со црната кампања, рече Мицкоски appeared first on plusinfo.mk.