Ќерката на жената од Македонија која беше уапсена во Улцињ, Црна Гора, откако со автомобил прегази куче, вели дека прегазениот шарпланинец го нападнал и го усмртил нивното куче, а потоа ги нападнал и членовите на семејството.

– На видеото се гледа и нашето мало куче ши-цу кое е усмртено од шарпланинец преку 50 килограми тежок. Влезе во нашиот апартман, го распарчи нашето куче пред наши очи додека не постоеше начин да го одбраниме и да му помогнеме, бидејќи станува збор за крволочно куче кое подоцна нè нападна и нас и мојот малолетен брат – вели ќерката во разговор за Сител.

Таа додаде дека шарпалнинецот имал сопственик, кој по настанот со толпа негови пријатели им се заканувал пред апартманот.

Тврди дека прегазувањето било обид жената да ги одбрани децата и своето милениче.

Обвинителството во Улцињ попладнево соопшти дека на жената ѝ е одредено 72-часовно задржување и дека е осомничена за кривично дело Убивање и мачење животни.

(ВОЗНЕМИРУВАЧКО) МАКЕДОНКА ЅВЕРСКИ УСМРТИ КУЧЕ ВО УЛЦИЊ Полицијата ја приведе жената во обид да ја премине границата

The post ПРЕГАЗЕНИОТ ШАРПЛАНИНЕЦ ГО ЗАДАВИЛ МИЛЕНИКОТ И ГИ НАПАДНАЛ ДЕЦАТА НА ЖЕНАТА КОЈА ГО ПРЕГАЗИ Ќерката тврди дека мајка ѝ дејствувала во обид да ги заштити appeared first on plusinfo.mk.

Македонка е уапсена во Црна Гора откако било пријавено дека со автомобил прегазила куче во населба во Улцињ, а потоа се обидела да ја напушти земјата, пренесуваат црногорските медиуми.

Според неофицијални информации, жената по инцидентот се упатила кон граница, но полицијата успеала да ја спречи и да ја приведе.

Од Полициската управа на Црна Гора информирале дека околу 16 часот добиле пријава дека едно лице со возило прегазило куче кое било во сопственост на граѓанин.

Полициските службеници од Улцињ брзо го пронашле возилото и го идентификувале лицето кое управувало со него – државјанка на Македонија, која била спроведена во просториите на Одделението за безбедност во Улцињ.

Според полицијата, жената се обидела да ја напушти Црна Гора, но била спречена. За случајот е известено Основното државно обвинителство, кое треба да се произнесе за понатамошната постапка.

По инцидентот, на социјалните мрежи беше објавено видео на кое, според објавите, се гледа како автомобил прегазува шарпланинско куче, додека зад возилото се наоѓа уште едно мртво куче.

Според неофицијални информации, станува збор за куче на жената која е уапсена, кое претходно било нападнато и усмртено од шарпланинецот.

Невладината организација „Пријатели на животните“ побара итна реакција од надлежните институции и сторителот да биде гонет согласно Законот за благосостојба и заштита на животните.

„Без разлика дали сторителите на вакви и слични кривични дела против животните се државјани на Црна Гора или странски државјани, сите мора да сносат еднаква одговорност за стореното неправо“, порачаа од организацијата.

Оттаму додаваат дека очекуваат институциите професионално да ја завршат постапката и сторителот да ја добие соодветната казна.

Вознемирувачкото видео можете да го погледнете тука.

The post 📽️ (ВОЗНЕМИРУВАЧКО) МАКЕДОНКА ЅВЕРСКИ УСМРТИ КУЧЕ ВО УЛЦИЊ Полицијата ја приведе жената во обид да ја премине границата appeared first on plusinfo.mk.

Црна Гора важи за најнапредниот кандидат за членство во Европската Унија од Западен Балкан и Брисел ја гледа како најверојатен следен член на Унијата. Но, последната фаза од пристапниот процес може да се покаже и како најтешка. Хрватска јасно порача дека нема да дозволи во Европската Унија да се внесат нерешени билатерални спорови и очекува Подгорица да затвори неколку чувствителни прашања пред да го добие конечниот политички „амин”.

Првото барање се однесува на воените злосторства и логорот Морињ. Во текот на војната во 1991 и 1992 година, во поранешниот воен објект Морињ биле затворани и малтретирани хрватски заробеници. Хрватска бара да продолжи кривичното гонење на одговорните, да се зачува спомен-плочата поставена на местото на логорот и да се промени името на базенот во Котор, кој го носи името на Зоран Гопчевиќ, личност што Загреб ја поврзува со логорот.

Второто прашање се исчезнатите лица од Домовинската војна. Според хрватските власти, сè уште не е расветлена судбината на 14 хрватски државјани кои исчезнале за време на конфликтот. Загреб бара Подгорица да продолжи со отворање на архивите, истрагите и соработката со надлежните институции за конечно да се утврди нивната судбина.

Третото барање е обесштетување на поранешните затвореници од логорите. Хрватска очекува Црна Гора да донесе законско решение со кое поранешните затвореници ќе добијат финансиска и морална сатисфакција, слично на решенијата што веќе постојат во неколку држави од регионот. Ова прашање во последните месеци добива сè поголема политичка тежина во односите меѓу двете земји.

Еден од најпознатите билатерални спорови е судбината на школскиот брод „Јадран”. Бродот, изграден во 1933 година, пред распадот на Југославија бил стациониран во Сплит, а во 1991 година бил испратен на ремонт во Тиват, по што останал во Црна Гора. Загреб тврди дека станува збор за хрватски воен имот кој треба да биде вратен, додека Подгорица смета дека бродот законски ѝ припаѓа бидејќи се нашол на нејзина територија во моментот на државното осамостојување.

Петтото отворено прашање е морската граница кај полуостровот Превлака. Иако двете држави со години функционираат според привремен договор, конечната линија на разграничување никогаш не е утврдена. Загреб бара билатерално решение или договор за конечно затворање на спорот, бидејќи токму ова подрачје го контролира влезот во Бока Которска и има значење и за безбедноста и за морските права.

Хрватска инсистира и на подобра заштита на правата на хрватското малцинство во Црна Гора. Особено се потенцираат образованието на мајчин јазик, зачувувањето на културното наследство во Бока Которска, како и враќањето или обесштетувањето на имот што, според Загреб, им бил одземен на хрватски семејства и сè уште не е решен преку судските постапки.

Дополнителен товар во односите создаде и Резолуцијата за Јасеновац, која црногорскиот парламент ја усвои во 2024 година. Во Загреб тоа беше оценето како политички потег инспириран од Белград, поради што односите нагло се влошија. Иако ова не е формално дел од преговарачките поглавја, атмосферата што ја создаде резолуцијата дополнително ја намали довербата меѓу двете земји.

Хрватската влада нагласува дека не се работи за поставување нови услови, туку за примена на едно од основните начела на европското проширување – добрососедските односи. Загреб потсетува дека Европската Унија повеќепати истакнала дека не сака во своите редови да внесува нерешени билатерални спорови кои подоцна би можеле да ја блокираат работата на Унијата.

Од црногорска страна се повторува дека постои подготвеност за дијалог, но и дека дел од овие прашања не можат да се решат преку ноќ, бидејќи се поврзани со сложени историски, правни и имотно-правни процедури. Подгорица сепак останува уверена дека преговорите со Загреб ќе продолжат и дека компромис е можен.

Случајот меѓу Хрватска и Црна Гора внимателно се следи и во другите држави од Западен Балкан. За многумина тој претставува показател дека, покрај исполнувањето на европските реформи, секоја кандидатка ќе мора да ги затвори и чувствителните билатерални прашања со соседите пред да стане полноправна членка на Европската Унија.

The post ХРВАТСКА Ѝ СЕ ЗАКАНИ НА ЦРНА ГОРА СО ВЕТО Ова се шесте барања на Загреб што Подгорица мора да ги исполни пред да стане членка на ЕУ appeared first on plusinfo.mk.

Две државјанки на Македонија се уапсени во Црна Гора под сомнение дека украле четири златни ланчиња од златарница во Игало, соопшти црногорската полиција.

Според истрагата, двете жени на 15 јули, околу 13:30 часот, влегле во златарницата претставувајќи се како заинтересирани купувачки. Од вработената побарале да им покаже повеќе парчиња златен накит, а додека таа им ги презентирала производите, наводно го искористиле моментот на невнимание и незабележано зеле четири златни ланчиња од шанкот, кои ги сокриле во своите чанти.

„Службениците од Одделението за безбедност Херцег Нови ги лишија од слобода Ж.Ц.Т. (55) и А.Р. (33) од Скопје, државјанки на Македонија, поради сомнение дека го сториле кривичното дело кражба“, соопшти црногорската полиција.

Во полициската акција украдениот накит бил пронајден и вратен на сопственичката на златарницата.

Против двете осомничени ќе биде поведена кривична постапка согласно црногорското законодавство.

The post СЕ ПРЕТСТАВИЛЕ КАКО КУПУВАЧКИ, ПА УКРАЛЕ ЗЛАТЕН НАКИТ Две скопјанки приведени за кражба во Црна Гора appeared first on plusinfo.mk.

Српскиот претседател Александар Вучиќ смета дека Европската Унија треба да се откаже од сегашниот модел на проширување, според кој земјите кандидати напредуваат поединечно, и наместо тоа да го прими целиот Западен Балкан како единствена целина.

Во интервју за „Фајненшл тајмс“, Вучиќ оцени дека таквиот пристап би спречил создавање нови поделби во регионот.

„Што сакате да изградите? Посилни граници меѓу сите? Ако сите одиме заедно, нема да има граници меѓу Приштина, Белград и сите други. На регионот му е потребно заедничко членство“, рече Вучиќ.

Според него, заедничкиот прием во Европската Унија би придонел за поголема стабилност на Западен Балкан.

„Ни треба регионот да биде обединет. За да не стане нова зона на конфликт меѓу луѓето што влегуваат во ЕУ и другите што се далеку од неа“, истакна српскиот претседател.

Изјавите на Вучиќ дојдоа во пресрет на денешните состаноци во рамки на процесот на проширување на Европската Унија, на кои Украина и Молдавија треба да отворат нов кластер од преговорите, додека Црна Гора и Албанија продолжуваат со затворање на преговарачки поглавја во пристапниот процес.

The post ЗАПАДЕН БАЛКАН ДА ВЛЕЗЕ ВО ЕУ КАКО ЦЕЛИНА Вучиќ со смела идеја за проширувањето appeared first on plusinfo.mk.

Иницијативата „Отворен Балкан“ не била отфрлена поради нејзината содржина, туку поради луѓето кои ја поддржувале, смета албанскиот премиер Еди Рама.

Тој во интервју за „Еуроњуз Србија“ изјави дека главната причина за негативните реакции кон проектот било тоа што зад него стоеле тој и српскиот претседател Александар Вучиќ.

– Тоа беше ужасна идеја од единствена причина што Вучиќ и јас стоевме зад неа. Ако ги отстраниме нашите имиња и ги замениме со, да речеме, пет други, тоа ќе се сметаше за одлична идеја. Така функционира сè на Балканот – изјавил Рама, пренесе албанската државна агенција АТА.

Зборувајќи за односите со Вучиќ, Рама рекол дека српскиот претседател „секогаш е тежок партнер“.

Албанскиот премиер позитивно ја оцени трансформацијата на Црна Гора, но нагласи дека постигнатиот напредок сам по себе не е доволен.

– Црна Гора беше извонредна во начинот на кој се трансформираше, од брод поврзан со шверц до жолта подморница што сите ја сакаат. Им симнувам капа, го почитувам тоа. Тие постигнаа извонреден напредок, но само тоа не е доволно – рече Рама во интервјуто за „Еуроњуз Србија“, кое наскоро треба да биде целосно објавено.

Според него, односот меѓу Европската Унија и Западниот Балкан е меѓусебно зависен.

– На Европа денес ѝ е потребен Западен Балкан колку што на Западен Балкан ѝ е потребна Европа – вели Рама.

The post „УЖАСОТ“ НА „ОТВОРЕН БАЛКАН“ БЕШЕ ШТО ГО ПОДДРЖУВАВМЕ ЈАС И ВУЧИЌ Еди Рама објаснува зошто пропадна иницијативата за регионално поврзување appeared first on plusinfo.mk.

Заморот зад воланот, причина што сообраќајните експерти често ја нарекуваат „најтивкиот убиец“, најверојатно стои зад тешката несреќа што денеска се случи во црногорското село Липци. Една жена го загуби животот, а 16 патници се повредени откако минибус излетал од траекторијата и се превртел покрај патот меѓу Котор и Никшиќ.

Според првичните информации од црногорската полиција, постои сомнеж дека 68-годишниот возач бил уморен и поспан во моментот на несреќата.

Полицијата соопшти дека несреќата се случила околу 13:10 часот, кога минибусот што се движел од правец на Никшиќ удрил во камена падина покрај коловозот.

По ударот, возилото се превртело, а на местото веднаш биле испратени спасувачки и медицински екипи.

Патничка не ги преживеала повредите

Во несреќата загинала повозрасна жена, додека уште 16 патници биле повредени и пренесени во болницата „Васо Ќуковиќ“ во Рисан.

Засега нема официјални информации за тежината на нивните повреди.

Минибусот го управувал Љ.М. (68) од Котор, кој ќе биде сослушан во рамки на истрагата што треба да ги утврди сите околности под кои дошло до трагедијата.

Истрагата се фокусира на заморот на возачот

На местото на несреќата извршен е увид во присуство на надлежен обвинител од Основното државно обвинителство во Котор. Од полицијата соопштија дека се преземаат дополнителни мерки за целосно расчистување на случајот.

„Причината за сообраќајната несреќа се истражува, а прелиминарните податоци укажуваат дека возачот бил уморен и поспан“, соопштија надлежните.

The post ЗАДРЕМАЛ ЗАД ВОЛАНОТ, МИНИБУСОТ СЕ ПРЕВРТЕЛ КАЈ КОТОР Загинат и 16 повредени во трагедија во Црна Гора appeared first on plusinfo.mk.

На најновата листа на најмоќни пасоши во светот, според Henley Passport Index Q2, македонскиот пасош се најде на 41. место меѓу 199 земји опфатени во рангирањето.

Пасошот на Македонија е оценет врз основа на тоа што со него може без виза да се патува во 127 држави ширум светот. Индексот се базира на податоци од Меѓународната асоцијација за воздушен транспорт (IATA), а клучниот критериум е бројот на земји достапни без виза за граѓаните на една држава.

На врвот на листата и оваа година се наоѓа Сингапур, чии граѓани можат без виза да патуваат во 192 земји.

Второто место го делат Јапонија, Јужна Кореја и Обединетите Арапски Емирати, со пристап до 188 земји без виза. Шведска е на третото место со 187 земји.

Четвртата позиција ја делат Белгија, Данска, Финска, Франција, Германија, Ирска, Италија, Луксембург, Холандија, Норвешка и Шпанија, чии граѓани можат да патуваат во 186 земји без виза.

На петтото место се Австрија, Грција, Малта, Португалија и Швајцарија со пристап до 185 земји без виза.

Во регионот, Словенија е на седмото место со 183 земји, Хрватска е на осмото место со 182 земји, додека Црна Гора е на 41. место со пристап до 127 држави без виза. Босна и Херцеговина е исто така на 41. место, но со 122 безвизно достапни земји. Србија е на 34 место.

The post КОЛКУ Е МОЌЕН МАКЕДОНСКИОТ ПАСОШ? Без виза може да патуваме во 127 држави во светот appeared first on plusinfo.mk.

Во акција на црногорската полиција и американското Федерално истражно биро (ФБИ) вчера во Котор е уапсен припадник на Иранската револуционерна гарда Амир Барати, обвинет од САД за хакерски напади со кои е оштетена американската инфраструктура за 3,4 милијарди долари.

Приведениот 39-годишен Барати е државјанин на Турција и на Иран, против кого во Високиот суд во Њујорк се води кривичната постапка поради кибер и организиран криминал.

Во соопштението на црногорската полиција се наведува дека Барати е обвинет за заговор, компјутерска измама и хакирање и кражба на идентитети.

Барати од 2013 година, како соработник на правно лице од Иран, извршил масовни хакерски напади повеќе од 150 универзитети во САД, предизвикувајќи штета проценета на повеќе од 3,4 милијарди американски долари. Украдените податоци ги користела Иранската револуционерна гарда.

Тој вчера беше изведен пред истражниот судија на Вишиот суд во Подгорица и ќе биде екстрадиран во САД.

The post ХАКЕР ОД ИРАН УАПСЕН ВО ЦРНА ГОРА Ги оштетил САД за 3,4 милијарди долари appeared first on plusinfo.mk.

Во Црна Гора е поднесен предлог на измени на Законот за работни односи со кои секој месец ќе има еден продолжен викенд за работниците, пишува Vijesti.

Измените во собраниска процедура ги достави пратеничката група на Демократска Црна Гора, која вели дека има цел понатамошно подобрување на правата на вработените и подигнување на квалитетот на работниот живот во Црна Гора.

Пратеникот на демократите, Душко Стјеповиќ, соопшти дека со предлогот се предвидува вработените да имаат право на слободен петок пред последниот викенд од месецот, што заедно со тој викенд ќе значи и официјално продолжен викенд еднаш месечно.

-Во неделата што му претходи на последниот викенд во месецот, вработениот би имал право на слободен петок, односно на одмор од 24 часа кој се користи во петок, а кој се надоврзува на редовниот одмор од членот 76, со што се добива непрекинат одмор- објаснува пратеникот.

Според него, ова решение претставува современ и одговорен чекор напред во областа на работничките права, насочен кон зачувување на физичкото и менталното здравје на вработените, зајакнување на рамнотежата помеѓу работата и приватниот живот, како и создавање услови за поголема мотивација и продуктивност на работното место.

Пратеничката група на демократите нагласува дека предложената мерка може да има значајни социјални и економски придобивки преку зајакнување на семејните врски, поголемо учество на граѓаните во културни, спортски и социјални активности, како и дополнително стимулирање на домашниот туризам и локалната економија.

The post ЦРНОГОРЦИТЕ СЕКОЈ МЕСЕЦ ЌЕ ИМААТ ПРОДОЛЖЕН ВИКЕНД Еве како е тоа замислено appeared first on plusinfo.mk.