Најмалку 293 цивили загинале, а 1.990 се повредени во Украина во јуни, што е најголем број на месечно ниво од април 2022 година, соопшти денеска Мисијата на Обединети нации за набљудување на човековите права во Украина.

Со тоа број на жртви во јуни е за десет проценти поголем од претходниот месец, кога се регистрирани 282 смртни случаи и 1.794 повредени, но е зголемен за 37 отсто во споредба со јуни 2025 година (249 смртни случаи и 1.416 повредени).

Во првите шест месеци од 2026 година, ОН регистрираше 1.396 загинати цивили и 7.978 повреди, што претставува зголемување од 37 проценти во споредба со истиот период во 2025 година и зголемување од 114 отсто во споредба со првата половина од 2024 година.

Голем број цивилни жртви регистрирани во јуни се случиле во области контролирани од украинската влада. Регионите Запорожје (23 загинати, 229 повредени), Херсон (18 загинати, 236 повредени), Дњепропетровск (25 загинати, 77 повредени) и градот Киев (11 загинати, 112 повредени) претрпеа најголеми загуби.

ОН, исто така, забележува дека руските сили продолжиле со нападите врз украинската енергетска инфраструктура.

Исто така, се известува за значително зголемување на нападите од страна на украинските сили врз објектите за производство, дистрибуција и пренос на електрична енергија во окупираниот Крим, при што најмалку дванаесет од нив предизвикале итни или планирани прекини на електричната енергија.

The post ВО ЈУНИ ЗАГИНАЛЕ 293 УКРАИНСКИ ЦИВИЛИ Најголем месечен црн биланс од почетокот на војната appeared first on plusinfo.mk.

Претседателството за управување со катастрофи и вонредни состојби (АФАД) соопшти дека земјотресите, со центар во областите Пазарџик и Елбистан во провинцијата Кахраманмарас, биле проследени со 7.184 последователни потреси.

Земјотресите со јачина од 7,7 и 7,6 степени по Рихтер погодија 10 други провинции – Адана, Адијаман, Дијарбакир, Хатај, Газиантеп, Малатија, Килис, Османије, Елазиг и Шанлиурфа.

Повеќе од 13 милиони луѓе се загрозени од разорните земјотреси.

Неколку земји во регионот, вклучувајќи ги Сирија и Либан, исто така ги почувствуваа силните потреси што ја погодија Турција за помалку од 10 часа.

Екипите поставија вкупно 301.289 шатори и 6.375 контејнери кои беа испратени од министерствата и надлежните институции, како и од други земји и меѓународни организации, во зоната на земјотресот, се додава.

Во моментов на терен работат вкупно 14.740 припадници на локален и на меѓународен персонал за пребарување и спасување, истакна АФАД.

Четири мобилни центри за социјални услуги беа доделени за напорите за психолошка поддршка при катастрофи во Кахраманмараш, Хатај, Османије и Малатија. Психосоцијална поддршка добиле вкупно 698.244 лица, од кои 497.093 во зоната на земјотресот и 201.151 надвор од зоната на земјотресот.

The post ЦРНИОТ БИЛАНС И НАТАМУ РАСТЕ Само во Турција 42.310 загинати во земјотресите appeared first on plusinfo.mk.

Според прелиминарните податоци, земјотресот бил со јачина од 6,5 степени според Рихтеровата скала, соопшти Европско-медитеранскиот сеизмолошки центар. Потоа следеа уште два земјотреси со јачина од 5,8 степени, а потоа уште два земјотреси со јачина од 5,2 степени.

Покрај во Турција, повредени има и во Сирија. Групата за цивилна одбрана „Бели шлемови“ соопшти дека повеќе од 100 луѓе се повредени во делот на Сирија, како и дека се уриваат згради и владее голема паника.

По разорните земјотреси што ги погодија Турција и Сирија на 6 февруари, турските власти регистрираа повеќе од 6.000 афтершокови, но денешните земјотреси се почувствувале многу посилно од претходните.

Денешните земјотресисе почувствувале и во Либан и Палестина, како и во турски покраини оддалечени 200 километри од епицентарот.

The post НОВ ЦРН БИЛАНС ВО ТУРЦИЈА Најмалку тројца мртви, 213 повредени во последните земјотреси appeared first on plusinfo.mk.

Бројот на жртвите постојано расте, бидејќи илјадници луѓе се затрупани под урнатините на зградите. Светската здравствена организација соопшти дека очекува конечната бројка на жртвите да биде значително поголема.

Спасувачките операции продолжија во ноќта. Температурите во некои области паднаа под нулата во текот на ноќта. Вчера паѓаше дожд, откако викендов земјата ја зафати снежно невреме.

Десетици илјади луѓе кои останаа без покрив над главата во Турција и во Сирија се соочија со студена ноќ. Во турскиот град Газиантеп, на околу 33 километри од епицентарот, луѓето се засолнија во трговски центри, на стадиони и во социјални центри. Џамиите во регионот беа отворени за да се обезбеди засолниште за унесреќените.

Во Сирија има речиси 1.300 загинати, соопштија и спасувачките екипи. Во провинциите Алепо, Латакија, Хама и Тартус загинале 656 лица, а 1.419 се повредени. Овие податоци не се конечни, соопшти сириското министерство за здравство

Во Турција се избројани 2.316 загинати и 13.293 повредени лица. Бројот на уништените објекти е 6.217.

Според турските власти, после првиот потрес во регионот се регистрирани 147 последователни потреси, од кои десетина со магнитуди меѓу 6 и 7 степени. Сеизмолозите велат дека смирувањето на почвата ќе трае можеби и повеќе од еден месец, а може да се очекуваат и посилни афтершокови.

Првиот удар со магнитуда 7,8 е регистриран во 4,17 часот по локално време (2,17 по македонско), во округот Пазарчик, во југоисточната покраина Кахраманмараш, околу 60 километри воздушна линија од сириската граница. Следеа десетици послаби потреси, а во 13,24 по локално односно 11,24 часот по македонско време, се случи уште еден многу силен потрес со магнитуда 7,4, повторно на југоистокот на Турција, 4 километри југоисточно од градот Екинозу.

Од потресот силни оштетувања и бројни жртви има и во соседните сириски провинции Алепо, Латакија, Хама и Тартус.

Ова е втор најголем земјотрес во Турција од 1999 година, кога земјотрес со слична јачина го уништи пренаселениот источен регион на Мраморното Море во близина на Истанбул, при што загинаа над 17.000 жители.

ЗГРАДИ СЕ УРИВАА КАКО КУЛИ ОД КАРТИ ПРЕД КАМЕРИТЕ НА ТЕЛЕВИЗИСКИТЕ ЕКИПИ Страшни снимки од Туркије! (ВИДЕО)

The post ПРВА СТУДЕНА, ТЕШКА И ЗЛОКОБНА НОЌ ПОСЛЕ КАТАСТРОФАЛНИОТ ЗЕМЈОТРЕС Избројани повеќе од 3.600 загинати, а црната бројка уште ќе расте appeared first on plusinfo.mk.

Регистрирани се 449 нови лабораториски позитивни случаи на SARS CoV-2, со што вкупната бројка на дијагностицирани лица со ковид-19 изнесува 211.831.

Од Министерството за здравство информираат дека од денеска како оздравени се водат 317 пациенти, а пријавени се 12 починати лица. Четири починати лица од Скопје (69г, 76г, 81г и 89г), Прилеп – 2 (65г и 82г), и по едно починато лице од Тетово (74г), Битола (72г), Охрид (33г), Виница (66г), и Демир Хисар (81г). Од пријавените сите лица се починати во болнички услови. Во однос на 33 годишното починато лице од Охрид, надлежните тврдат дека било со дијагноза дијабет тип 2, и истото не земало соодветна терапија. Примено е во болница во тешка состојба.

Денеска се направени се 3.859 тестирања.

The post ВО ОХРИД ПОЧИНА 33-ГОДИШНО ЛИЦЕ Пријавени се 449 новозаболени во последните 24 часа appeared first on plusinfo.mk.