Генералниот секретар на Обединетите нации, Антонио Гутереш, остро ги осуди масовните израелски воздушни напади врз Либан, во кои, според него, се убиени и ранети стотици цивили, меѓу нив и деца, а значително е оштетена и цивилната инфраструктура, објави новинската агенција ДПА.

– Гутереш недвосмислено ги осудува масовните напади. Генералниот секретар остро ја осудува загубата на цивилни животи и е длабоко загрижен поради растечкиот број жртви – изјави неговиот портпарол Стефан Дужарик.

И покрај прекинот на огнот во конфликтот со Иран, Израел започна интензивни напади врз цели во Либан, вклучително и главниот град Бејрут. Либанското Министерство за здравство соопшти дека се убиени најмалку 254 лица, а 837 се повредени.

Израелската војска тврди дека целела команданти на Хезболах и нивна воена инфраструктура, но либанските власти наведуваат дека меѓу жртвите има голем број цивили. Во нападите се уништени и бројни станбени објекти.

Високиот комесар на ОН за човекови права, Фолкер Турк, го оцени обемот на нападите од средата како „ужасен“.

– Таков масакр, само неколку часа по договорот за прекин на огнот со Иран, е целосно несфатлив. Тоа врши огромен притисок врз кревкиот мир што им е очајно потребен на цивилите – рече Турк.

Црвен крст соопшти дека е „згрозен од катастрофалните човечки загуби и уништувањето“ во густо населените делови на Либан, додавајќи дека земјата повторно тоне во „паника и хаос“.

Сцени на уништување и ужас во Бејрут

Воени авиони срамнија со земја повеќе згради во центарот на Бејрут, кревајќи густ чад над градот, во, како што го нарече израелскиот министер за одбрана, „ненадеен удар“ врз Хезболах, објави Гардијан.

Главниот град беше преполн со уништени автомобили и запалени остатоци од објекти што службите за итна помош тешко ги гаснеа, додека Израел бомбардираше повеќе од 100 цели поврзани со Хезболах низ земјата.

Болниците упатија итни апели за дарување крв, а Министерството за здравство ги повика граѓаните да ги расчистат улиците за да им се овозможи непречен пристап на амбулантните возила. Граѓаните во паника брзаа да ги проверат своите семејства.

Еден маж бил снимен како трча кон оштетена зграда во населбата Чија, извикувајќи: „Има луѓе внатре!“ На социјалните мрежи се споделуваа снимки од деца покриени со прашина од урнатините, додека семејствата очајно ги бараа своите блиски.

Израел не го признава примирјето

Портпарол на израелската армија на арапски јазик најави дека нападите ќе се прошират подлабоко во Бејрут, откако претходно беа концентрирани во јужните предградија, каде што поддршката за Хезболах е силна. Тој посочи дека групата „се препозиционира“ во мешаните делови на градот и најави дека израелските сили ќе ги таргетираат нејзините борци без оглед на локацијата.

Набргу потоа беше срушена уште една зграда во населбата Талет ал-Кајет во западен Бејрут, која досега не беше погодена во конфликтот. Најавата дека нападите може да зафатат кој било дел од градот предизвика страв кај жителите.

– Каде да одам? Цел Либан е засегнат. Израел заврши со Иран и сега се свртува против нас – изјави жител кој побара анонимност.

Либан е „одделен конфликт“

Кабинетот на израелскиот премиер Бенџамин Нетанјаху соопшти дека двонеделното примирје на Блискиот Исток не се однесува на Либан, што е спротивно на тврдењата на пакистанските посредници.

По почетното молчење, и претседателот на САД, Доналд Трамп, изјави дека Либан претставува „одделен конфликт“ и не е дел од договорот. Израелскиот министер за одбрана Израел Кац посочи дека двете боишта – Иран и Либан – се одвоени и дека целта е „да се промени реалноста во Либан и да се отстранат заканите за населението на север“.

Иран размислува за повлекување од примирјето

За разлика од САД и Израел, Иран смета дека Либан е опфатен со договореното двонеделно примирје и, според новинската агенција Фарс, размислува за повлекување од договорот.

Ирански извори за агенцијата Тасним изјавиле дека земјата е подготвена да се повлече од прекинот на огнот доколку Израел „продолжи да го крши примирјето во Либан“. Кризата, како што се наведува, била тема и на разговорите меѓу иранскиот министер за надворешни работи и неговиот пакистански колега.

The post ИЗРАЕЛ ГИ МАСАКРИРА БЕЈРУТ И НАДЕЖИТЕ ЗА МИРОВЕН ДОГОВОР Во страотните напади 254 мртви, главно цивили appeared first on plusinfo.mk.

Најмалку три лица загинаа, а 14 се повредени во текот на ноќта во руски напади врз два региона во Украина, соопштија украинските власти.

Во Полтава, во централниот дел на земјата, шефот на регионалната администрација Виталиј Дјакивнич објави на Телеграм дека во првиот напад загинале две лица, а 11 се повредени. Нападот предизвикал пожари и оштетувања на станбени згради и хотели.

Another night of Russian terror against Ukraine.

A massive combined missile and drone attack targeted cities across the country. In the Poltava region and Zaporizhzhia, at least three people have been already confirmed killed, with over ten injured. Civilians are being… pic.twitter.com/v6yUmbS7E2

— Andrii Sybiha (@andrii_sybiha) March 24, 2026

Во Запорожје, шефот на регионалната администрација Иван Федоров соопшти дека бил извршен „масовен комбиниран напад“ со ракети и беспилотни летала.

– За жал, едно лице загина, а тројца се повредени – напиша Федоров.

Massive attack on Ukraine last nighg. Russia launched cruise missiles, ballistic missiles, drones. Explosions were heard in the cities of Poltava and Zaporizhzhia just before 3 a.m. local time, monitoring channels reported. pic.twitter.com/KAf3dRSz04

— Geo News (@GeoTienou) March 24, 2026

Во меѓувреме, на Кримски Полуостров, кој е анектиран од Русија, гувернерот на Севастопол изјави дека две лица загинале, а осум се повредени во експлозија што предизвикала пожар во станбена зграда.

The post 📷 📽️ ДРАМА ВО ПОЛТАВА И ЗАПОРОЖЈЕ Нов бран напади во Украина, има загинати и повредени appeared first on plusinfo.mk.

Едно лице загина, а две се повредени во текот на ноќта во напад на руски беспилотен леталo врз Одеса, соопшти шефот на регионалната администрација, Олег Кипер.

Тој преку Телеграм информираше дека во рамки на масовните руски напади врз регионот на Одеса се оштетени повеќе станбени згради. Во една од нив, како и на неколку автомобили паркирани во близина, избувнал пожар, кој, како што наведува Кипер, бил брзо локализиран и изгаснат.

Во одделен напад, жена и дете загинаа во текот на ноќта во Харковската област, во североисточниот дел на Украина, соопшти украинската Државна служба за вонредни ситуации.

Според објавата на Фејсбук, мета на нападот била населбата Богодухов, каде што руски дрон погодил станбена зграда која е целосно уништена. По ударот избувнал пожар, кој подоцна бил изгаснат од противпожарните екипи.

The post РУСКИ ДРОНОВИ УДРИЈА ВО СТАНБЕНИ ЗГРАДИ Жртви во Одеса и во Харков, меѓу нив и дете appeared first on plusinfo.mk.

Очевидци и снимки на социјалните мрежи тврдат дека руска противвоздушна ракета погодила станбена зграда во Ростов на Дон. Инцидентот се случил за време на украински напад со беспилотни летала, а властите издале повеќекратни предупредувања за ракети во регионот, јавува „Киев Индепендент“.

Жителите пријавиле силни експлозии во текот на ноќта, а видеа објавени на руски Телеграм-канали прикажуваат како воздушната одбрана реагира над градот. На едно од нив, според описите, се гледа моментот кога проектил се спушта кон станбен блок.

Russian air defense missile hits residential buildings in Russia’s Krasnodar region – aftermath footage. https://t.co/Yeq3rrjdkG pic.twitter.com/rLQ8tjR1xU

— Special Kherson Cat (@bayraktar_1love) January 20, 2026

Гувернерот на Ростовската област, Јуриј Сљусар, изјавил дека едно лице загинало, а четири се повредени – меѓу нив и четиригодишно дете. Повредените биле пренесени во болница, додека локалните власти работеле на санација на оштетените згради.

Руското Министерство за одбрана соопштило дека соборило 48 украински дронови во текот на ноќта, но не го навело точниот број на лансирани летала.

Според градоначалникот на Ростов на Дон, пак, Александар Скрјабин, пожарот во зградата бил предизвикан од остатоци од украински дрон.

The post 📽️ РУСИТЕ ПОГОДИЈА СОПСТВЕНА ЗГРАДА СО РАКЕТА Градоначалникот на Ростов на Дон вели дека се работи за украински дрон appeared first on plusinfo.mk.

Во текот на ноќта, руските сили извршија низа напади врз украинска територија, при што беа оштетени повеќе од десетина цивилни објекти, а илјадници жители останаа без електрична енергија во седум региони, соопшти украинскиот претседател Володимир Зеленски.

– Важно е сите сега да видат што прави Русија, бидејќи е јасно дека таа не е насочена кон завршување на војната – вели Зеленски, додавајќи дека Русите сè уште имаат за цел да ја уништат Украина и да предизвикаат најголемо страдање на украинскиот народ.

Today, the Russian army carried out a missile strike on our Odesa region, and last night there was also a Russian attack on Odesa’s energy infrastructure. At one point we talked about the situation in this city and the people of Odesa with President Trump.

Today’s Russian… pic.twitter.com/gIgXUlc4AJ

— Volodymyr Zelenskyy / Володимир Зеленський (@ZelenskyyUa) December 12, 2025

Русија потврди дека нападнала украински цели користејќи хиперсонични ракети, но засега не даде детали за евентуални цивилни жртви. Овие напади се дел од продолжената офанзива што ја водат руските сили, која предизвикува растечка загриженост за безбедноста на цивилното население и инфраструктурата.

Odesa and the region without electricity, — local 3MI

They also report that communication and the internet have been disrupted. 10 substations were out of order overnight in the Odesa region. pic.twitter.com/tCuCr80eZt

— Iris Schneider (@IrisEllen0355) December 13, 2025

Украинските власти работат на проценка на штетата и обезбедување на електрична енергија за погодените области, додека Зеленски повика на зголемена меѓународна поддршка за одбрана и хуманитарна помош.

This night and morning, Russians carried out one of the biggest attacks on the Odesa region, targeting energy infrastructure. Most Odesa residents currently have no energy, heat, or water supply. pic.twitter.com/QKkieQ7TI5

— redhead ophelia (@redhead_ophelia) December 13, 2025

The post 📽️ 📷 РУСКИ ХИПЕРСОНИЧНИ РАКЕТИ ОСТАВИЈА ИЛЈАДНИЦИ УКРАИНЦИ БЕЗ СТРУЈА Целта е уништување на Украина и страдање на народот, обвини Зеленски appeared first on plusinfo.mk.

Повеќе од 200.000 Палестинци се убиени или ранети во конфликтот во Појасот Газа, што претставува околу 10 отсто од населението, изјави поранешниот началник на Генералштабот на израелската армија, Херци Халеви, пренесува „Гардијан“.

Халеви, кој ја водеше израелската армија во првите 17 месеци од војната што трае речиси две години, излезе со проценка која е блиска до податоците на Министерството за здравство во Газа.

Според официјалните податоци, во Газа се убиени 64.718 лица, а 163.859 се повредени. Се стравува дека бројот на жртвите е уште поголем, бидејќи многу тела и натаму се под урнатините.

Министерството за здравство во Газа не прави разлика меѓу цивили и борци, но документи од израелската разузнавачка служба што протекоа во јавноста во мај укажуваат дека повеќе од 80 проценти од жртвите се цивили.

Иако израелските власти ги отфрлаат овие бројки како „пропаганда“, меѓународни хуманитарни организации сметаат дека тие се точни.

Халеви нагласи дека во текот на неговото раководење на армијата им било наредено да постапуваат во согласност со меѓународното хуманитарно право.

– Правните советници имаа задача да ја убедат меѓународната јавност во легалноста на воените операции – изјави тој.

The post ВО ГАЗА ИМА НАД 200.000 УБИЕНИ И РАНЕТИ Поранешен израелски генерал шокираше со изјавата appeared first on plusinfo.mk.

Најмалку 34 лица го загубија животот во денешните израелски напади врз Појасот Газа, соопштија палестински медицински извори.

Според нив, најтрагичниот инцидент се случил во северниот дел на енклавата, каде 17 луѓе загинале додека чекале да добијат хуманитарна помош.

Медицинските екипи изјавија дека дел од жртвите биле убиени во моментот кога очекувале помош од „Хуманитарната фондација во Газа“. Сепак, организацијата остро демантираше дека испратила хуманитарна пратка во тој регион.

Израелската армија информираше дека ќе спроведе истрага за настанот и околностите под кои дошло до смртта на цивилите.

The post ДЕСЕТИЦИ УБИЕНИ ДОДЕКА ЧЕКАЛЕ ХРАНА ВО ГАЗА Израелски напади однесоа животи на луѓе додека примале помош appeared first on plusinfo.mk.

Претседателот на САД, Доналд Трамп, изјави дека војната на Израел во Газа треба да заврши во следните неколку недели, објави Ал Џазира.

Во меѓувреме, меѓународниот револт расте поради ужасните злосторства: секојдневните масакри врз цивили, убиствата на новинари и на медицинари, како и гладот, предизвикан од Израел во опколената и бомбардирана палестинска енклава.

– Мислам дека во наредните 2-3 недели ќе има доста добар, конечен крај – им рече Трамп на новинарите во понеделникот.

Американскиот претседател претходно ветуваше крај на војната со својот препознатлив бомбастичен стил, но неговите изјави не се реализираа во прекин на огнот или барем во слободен проток на хуманитарна помош за палестинското население кое страда под суровата израелска блокада.

Администрацијата на Трамп му обезбеди на Израел милијарди долари во оружје и ги одби меѓународните напори за признавање на палестинска држава.

– Мора да заврши зашто помеѓу гладот и сите други проблеми – полошо од глад, смрт, од чиста смрт е тоа што луѓето се убиваат – рече Трамп.

Во февруари, Трамп предложи отстранување на сите Палестинци од Газа – план што би значел етничко чистење, злосторство против човештвото.

Порано во понеделникот, американскиот претседател изгледаше како да не е запознаен со израелскиот напад во кој беа убиени 21 Палестинец, меѓу кои и 5 новинари, во болницата „Насер“ во Газа.

Притиснат за коментар за овој инцидент, тој изјави:

– Па, не сум среќен за тоа. Не сакам да го видам тоа. Во исто време, мора да заврши целиот тој кошмар.

Потоа Трамп премина да зборува за неговите напори за ослободување на преостанатите израелски заробеници во Газа.

The post ТРАМП НАЈАВИ КРАЈ НА ВОЈНАТА ВО ГАЗА ЗА 2–3 НЕДЕЛИ Рече дека воопшто не е среќен за смртта на новинарите appeared first on plusinfo.mk.

Непрекинатото израелско бомбардирање врз опколениот Појас Газа продолжува и денеска, при што од зори загинале најмалку 27 Палестинци, вклучувајќи и неколку лица што чекале хуманитарна помош, објави Ал Џазира.

Во еден од најтешките инциденти, израелските сили отвориле оган врз толпа цивили кои се приближувале до преминот Зиким, каде што пристигнувале камиони со хуманитарна помош за северна Газа. Притоа биле убиени најмалку 51 лице, а повредени 648 луѓе.

Болниците во Газа денеска регистрираа уште 7 нови смртни случаи, предизвикани од глад и од неухранетост, со што вкупниот број на жртви поврзани со гладот од октомври 2023 година достигна 154 – од кои 89 се деца.

Во меѓувреме, канадскиот премиер Марк Карни најави дека Канада ќе ја признае палестинската држава на претстојното Генерално собрание на Обединетите нации во септември. Како причина ја наведе итната потреба од решение со 2 држави за израелско-палестинскиот конфликт.

Според последните податоци, од почетокот на израелската воена офанзива врз Газа загинале најмалку 60.138 лица, а ранети се 146.269. Во нападот, предводен од Хамас на 7 октомври, 2023 година во Израел беа убиени 1.139 луѓе, а повеќе од 200 се земени како заложници.

The post ИЗРАЕЛСКАТА ВОЈСКА ОТВОРИЛА ОГАН ВРЗ ЦИВИЛИ ШТО ЧЕКАЛЕ ПОМОШ Загинале над 50 Палестинци, повредени биле 648 луѓе appeared first on plusinfo.mk.

Русија ја нападна украинската престолнина со бесна ракетна и дронска офанзива пред зори во четвртокот, при што загинаа најмалку 6 цивили, во напад што следеше откако претседателот Трамп ја предупреди Москва дека ќе воведе нови санкции доколку ваквото насилство продолжи, објави Њујорк тајмс.

Спасувачките екипи се тркаа до повеќе од дваесетина локации низ главниот град, Киев, за да ги изгаснат пожарите и да бараат преживеани под урнатините на уништените станбени згради.

Повредени се 52 луѓе, меѓу нив и 9 деца

„Имаме 52 повредени, од кои речиси 30 се хоспитализирани. Меѓу нив, повредени се и 9 деца“, изјави шефот на градската воена администрација, Тимур Ткаченко, во соопштение дадено во 7 часот наутро по локално време.

More from Kyiv.

I’m speechless. All I can do is sit here and wait for the firefighters to search the rubble, hoping there won’t be many… I just don’t understand why this is allowed to happen again and again. pic.twitter.com/HYjvGRskmm

— Kate from Kharkiv (@BohuslavskaKate) July 31, 2025

Едно дете е меѓу загинатите. Бројот на загинати и повредени најверојатно ќе расте, предупреди Ткаченко.

Нападот се случи веднаш откако претседателот Трамп го предупреди Путин дека ќе воведе нови санкции ако тој не стави крај на крвопролевањето во рок од 10 дена. Руските власти го отфрлија предупредувањето, а многумина во Киев го сфатија бомбардирањето како начин на Путин да им се потсмева на САД.

Роеви дронови влегле во Киев

Офанзивата започнала околу полноќ, кога роеви дронови, натоварени со експлозиви, навлегле во градот од повеќе правци.

Трасери од тешки митралези го осветлувале небото додека противвоздушната одбрана се борела да одговори на нападот. Дронови експлодирале над градските улици додека жителите трчале да најдат засолниште каде што ќе стигнат.

Nine kids are among the 52 victims in Russia’s bombing of Kyiv last night.

Russians will pay for all it, for generations. pic.twitter.com/8J5KqCZ9MR

— Jay in Kyiv (@JayinKyiv) July 31, 2025

Во 3:20 часот наутро, Воздухопловните сили прогласиле прекин на опасноста, но заканата се вратила околу 4:30 часот.

Вториот бран напади бил со балистички ракети

Овој пат заканата доаѓала од балистички ракети. Небото се осветлило кога тие погодиле во центарот на градот, при што една удрила во деветкатна станбена зграда.

Според властите, најмалку 27 локации во Киев биле погодени – или со директен удар, или со паднато шрапнелско остатоци, главно во Солоњанскиот реон.

Претседателот Володимир Зеленски сподели видео на една станбена зграда претворена во урнатини. Тој напиша:

„Луѓе се под рушевините. Сите служби се на терен. Руските терористи“.

Русите тврдат го зазеле Часов Јар – Украинците велат дека тоа е лага

Руските трупи ја презеле контролата врз градот Часов Јар во регионот Донецк, објави руското Министерство за одбрана.

„Како резултат на офанзивните операции во правец Краматорск-Дружковка, градот Часов Јар од Донецката Народна Република е ослободен“, се наведува во официјалното соопштение на Министерството.

Според руската страна, Часов Јар има значајно оперативно и стратешко значење, бидејќи отвора пат кон Славјанск и Краматорск, како и кон Константиновка – градови кои сè уште се под контрола на украинските сили.

Украинската војска, пак, ги нарече „целосна лага“ руските тврдења дека московските сили го зазеле Часов Јар.

– Секако, тоа не е вистина. Ова е целосна лага – рече портпаролот на стратешката група „Хортица“ одговорна за областа, Виктор Трегубов.

Since the night hours, our rescuers, firefighters, medics, and all the necessary emergency services have been working at the sites of Russian missile and drone strikes. The Dnipro, Poltava, Sumy, Mykolaiv, and Kyiv regions have been affected. The capital was the primary target of… pic.twitter.com/Cn8VMXoijE

— Volodymyr Zelenskyy / Володимир Зеленський (@ZelenskyyUa) July 31, 2025

The post 📽📷 КИЕВ ПОД МАСОВЕН УДАР Дронови експлодирале на улици, жителите бегале по засолништа, следеле балистички ракети appeared first on plusinfo.mk.