И покрај воената тајновитост за сопствените загуби и на украинска и на руска страна и тешкотиите во броењето на цивилните жртви, особено во окупираните области, напорите надвор од теренот и вкрстувањето на јавните податоци овозможуваат процена на колосалниот обем на човечки жртви во текот на овие четири години војна, објави денеска парискиот весник „Ле Монд“ на својата веб-страница.

Помеѓу 500.000 и 600.000 мртви војници и цивили заедно – тоа е приближна бројка на жртви четири години по одлуката на рускиот претседател Владимир Путин да ја почне инвазијата врз Украина на 24 февруари 2022 година.

„Ова е најлошото крвопролевање на европскиот континент од Втората светска војна, далеку надминувајќи ги југословенските војни. Ако ги вклучиме и воените ветерани инвалиди, вкупниот број се приближува до два милиона лица, покажуваат пресметките на Центарот за стратешки и меѓународни студии, тинк-тенк од Вашингтон специјализиран за безбедносни прашања“, наведе „Монд“.

Меѓутоа, ова е само процена бидејќи и Украина и Русија не ги пријавиле своите воени загуби.

На цивилниот фронт извештајот на Обединетите нации од средината на февруари го става бројот на докажани и идентификувани украински цивилни жртви на 53.006 од 24 февруари 2022 година вклучувајќи 15.954 смртни случаи.

На тоа мора да се додадат десетиците илјади цивилни жртви на 20 % од украинската територија окупирана од руската армија вклучувајќи 22.000 убиени, според Киев, за време на тримесечната руска опсада на Мариупољ во пролетта 2022 година.

The post ВОЈНАТА ВО УКРАИНА ОДНЕСЕ НАЈМАЛКУ 500.000 ЖРТВИ ДОСЕГА Најкрвав конфликт по Втората светска војна appeared first on plusinfo.mk.

Најмалку четири лица, меѓу кои едно дете, загинаа, а 13 други, вклучувајќи уште едно дете, се повредени во текот на ноќта за време на голем руски напад врз Украина, соопштија украинските власти. Нападот беше насочен кон главниот град Киев и предизвика значителна материјална штета.

Според Тимур Ткаченко, началник на Воената администрација на Киев, повеќе станбени и нестанбени објекти биле погодени во областите Дарницки, Свјатошински, Соломијански, Холосиевски и Днепровски, вклучувајќи го и кардиолошкиот институт.

– Според ажурираните податоци, досега 13 лица се повредени, вклучувајќи едно дете, и четворица починаа, меѓу кои исто така едно дете, како резултат на нападот врз Киев – изјави Ткаченко на Телеграм.

Гувернерот на регионот Киев, Микола Калашник, потврди дека најмалку 28 лица, меѓу кои три деца, се повредени во регионот околу главниот град.

– Четири лица се хоспитализирани во регионалните болници, тројца возрасни и едно дете – додаде Калашник.

Украинските воздухопловни сили соопштија дека нивната воздушна одбрана соборила 568 од 595 дронови, како и 43 од 48 различни видови ракети лансирани од Русија, при што главна цел бил Киев.

Овој напад е најнов во серијата воздушни напади врз Украина, при што цивилите се најранливи и продолжуваат да трпат последици од конфликтот.

КИЕВ ВО ПЛАМЕН, РАЗУРНАТИ ДОМОВИ И УЧИЛИШТА Масовен руски напад, се бројат повредените

The post ЧЕТИРИ ЛИЦА ЗАГИНАА ВО КИЕВ, МЕЃУ НИВ И ЕДНО ДЕТЕ Украинските власти ги соопштија деталите од повредените и загинатите appeared first on plusinfo.mk.

Најмалку 41 Палестинец е убиен, а 184 ранети во израелските напади во Појасот Газа во текот на изминатите 24 часа, објавија палестинските медиуми, повикувајќи се на локални медицински лица.

Бројот на убиени Палестинци од почетокот на војната во Газа во октомври 2023 година достигна 64.656, а 163.503 се ранети. Повеќето од жртвите се жени и деца.

Израел соопшти дека планира да ја преземе контролата врз градот Газа, најголемиот на опустошената палестинска територија. Се проценува дека градот е дом на околу еден милион луѓе, или речиси половина од населението на Појасот Газа.

Израелскиот премиер Бенјамин Нетанјаху во неделата изјави дека околу 100.000 Палестинци досега избегале од градот Газа. Хуманитарните групи предупредија дека офанзивата ќе ја влоши веќе тешката ситуација за палестинските цивили.

Израелските одбранбени сили (ИДФ) во неделата за прв пат ги повикаа сите жители на градот Газа да се евакуираат. Војниците испраќаа гласовни и текстуални пораки и дистрибуираа летоци со кои ги повикуваа луѓето да го напуштат градот.

„Многу е опасно да се остане во областа“, предупреди ИДФ.

Израел, кој води војна против Хамас речиси две години, вели дека има за цел да ги елиминира милитантите што се кријат во градот.

The post МАСАКР ВО ГАЗА, 41 УБИЕН И 184 РАНЕТИ Израел продолжува со жестоки напади appeared first on plusinfo.mk.

Најмалку 26 Палестинци се убиени, а десетици други ранети во нови израелски напади низ воената Газа од раните часови на вторникот, објави Анадолија.

Во Хан Јунис, двајца Палестинци, меѓу кои и мало девојче, беа убиени кога израелските сили нападнале шатор во кој биле сместени раселени семејства во близина на Универзитетскиот колеџ.

Уште 4 Палестинци биле убиени, а неколкумина ранети по израелско бомбардирање на шатор за раселени лица во Ал-Маваси, западно од Хан Јунис.

Во централна Газа, во Деир ал-Балах, болницата „Ал-Акса Шахиди“ примила 5 тела и повеќе ранети лица по напад врз шатор за раселени во областа Ал-Баса.

Уште петмина биле убиени кога израелските сили ги нападнале цивилите во близина на местото Кисуфим, југоисточно од Деир ал-Балах, соопшти подоцна болницата.

Во градот Газа, 2 тела и 53 ранети лица беа донесени во Медицинскиот комплекс „Шифа“ откако израелско гранатирање погоди толпа што чекала помош во областа Зиким, северозападно од Беит Лахија, во северниот дел на енклавата.

Во близина на т.н. оска Нетзарим, еден Палестинец бил убиен, а други биле ранети кога израелските сили отвориле оган врз толпа што чекала хуманитарна помош во близина на американско-израелскиот центар за дистрибуција на помош.

Двајца Палестинци биле убиени и други ранети во Рафах, едниот во израелски напад врз шатор за раселени лица спроти џамијата Муавија во областа Ал-Маваси, а другиот од израелска стрелба во близина на центар за дистрибуција на храна на северозапад од градот.

Ноќта, израелската армија изведе ограничен упад во населбата Ал-Сабра во јужниот дел на градот Газа, проследен со силно артилериско гранатирање во кое загинаа 5 лица.

Ќе се согласи ли Израел на прекин на огнот?

Шпекулациите во Израел се големи дека враќањето на заробениците од Газа и прекин на огнот, дури и привремен, може да бидат неизбежни, анализира Ал Џазира.

Израел доживеа некои од најголемите антивоени протести досега, како и национален штрајк, со стотици илјади кои бараат од премиерот Бенјамин Нетанјаху да постигне договор што би ги вратил заробениците дома и би ја завршил скапоцената војна.

Сепак, останува нејасно дали Нетанјаху ќе се согласи на условите. Израелскиот Кнесет моментално е на пауза, што значи дека премиерот не мора да се грижи за обезбедување парламентарно мнозинство за какво било дејство што би го презел. Ниту, пак, засега мора да се грижи за закани од уривање на неговата коалициска влада од страна на партнери од крајната десница. Практично, тој е послободен од кога било да го „зафати“ расположението на јавноста и да постигне договор.

Една од опциите што му стојат на располагање на Нетанјаху може да биде првин да се согласи на прекин на огнот и да ја припише заслугата за враќањето на заробениците, а потоа да ја продолжи војната кога ќе почувствува дека јавниот притисок за нејзино запирање стивнал.

Сепак, ниедна од личните закани со кои се соочува Нетанјаху, за кои многумина се сомневаат дека го натерале да ја продолжи војната, не исчезнала. Неговото судење за корупција и потенцијалната истрага за неговите пропусти пред нападот на 7 октомври сè уште стојат.

Исто така, сè уште не постои ни почеток на „план за денот потоа“ за Газа или за нејзиното со војна опустошено население.

Убиени над 62.000 Палестинци од октомври 2023 година

Израел има убиено повеќе од 62.000 Палестинци во Газа од октомври 2023 година. Воената кампања ја опустоши енклавата, која се соочува со глад.

Минатиот ноември, Меѓународниот кривичен суд издаде налози за апсење на Нетанјаху и поранешниот министер за одбрана Јоав Галант за воени злосторства и злосторства против човештвото во Газа.

Израел, исто така, се соочува со случај за геноцид пред Меѓународниот суд на правдата за својата војна во енклавата.

The post ИЗРАЕЛ КРВОЛОЧНО УБИВА ЦИВИЛИ ОТКАКО ХАМАС СЕ СОГЛАСИ НА УСЛОВИТЕ ЗА ПРИМИРЈЕ Нетанјаху користи една предност што му дава разни опции appeared first on plusinfo.mk.

Израел нема намера да ги повреди жителите на Техеран, изјави денеска израелскиот министер за одбрана, Израел Кац.

„Би сакал да го разјаснам тоа што би требало да биде очигледно: не постои намера физички да се повредат жителите на Техеран, за разлика од тоа што диктаторот (Иран) им го прави на граѓаните на Израел“, напиша Кац на платформата Икс, пренесува Cи-Ен-Ен.

Порано денеска, откако во иранските напади врз Израел загинаа најмалку 8 цивили, Кац рече дека жителите на Техеран „ќе ја платат цената и тоа наскоро“ за иранските напади врз Израел.

ИРАН ГО РАКЕТИРАШЕ ИЗРАЕЛ, ПРОЕКТИЛ ПАДНА БЛИЗУ АМБАСАДА „Народот на Техеран ќе ја плати цената“

The post „ИЗРАЕЛ НЕ САКА ФИЗИЧКИ ДА ГИ ПОВРЕДИ ЖИТЕЛИТЕ НА ИРАН“ Кац го обвини Техеран дека намерно напаѓа цивили appeared first on plusinfo.mk.

Руското Министерство за одбрана соопшти во петокот рано наутро дека соборило повеќе од 100 украински дронови во трета последователна ноќ на воздушни напади низ целата земја и врз анектираниот Крим, додека регионалните власти известиле за неколкумина повредени во нападите, објави Москов тајмс.

Според војската, најголем број дронови – дваесетина – биле уништени над московскиот регион. Крим, кој Русија го анектираше од Украина во 2014 година, бил втор на листата со 22 соборени дронови.

Министерството наведе дека дронови биле пресретнати и над регионите Курск, Орјол, Тула, Брјанск, Рјазан, Белгород, Иваново, Владимир, Вороњеж и Липецк.

Во регионот Липецк, јужно од Москва, 8 лица биле повредени од остатоци по соборувањето на дронови над индустриска зона, соопшти регионалниот гувернер Игор Артамонов. Тој ги повика жителите да останат во своите домови и да се држат подалеку од прозорците.

Непотврдени извештаи од Телеграм канали наведуваат дека цел на нападот била фабрика за производство на батерии во Липецк. Наводно, таа фабрика произведува батерии за руската војска, вклучително и за дронови.

The post УКРАИНА ИЗВРШИ МАСОВЕН НАПАД ВРЗ РУСИЈА Соборени се 100 дронови над 12 региони во Русија, Крим меѓу најпогодените appeared first on plusinfo.mk.

Додека израелската армија (ИДФ) го напаѓа јужниот дел на Газа, Израел на север издаде наредби за една од најмасовните евакуации на цивили, јави Би-Би-Си.

Големи делови од градот Газа, област веќе делумно уништена од бомбардирање, се прогласени за небезбедни, а жителите кои се засолнуваат таму се повикани да заминат поради сопствена безбедност пред „интензивните напади“ на Израелските одбранбени сили (ИДФ).

Меѓу зградите; што ги истакна Израел; се Исламскиот универзитет, болницата Ал-Шифа и три поранешни училишта. Додека Израел тврди дека Хамас ги користи зградите како „командни и контролни центри“, локалните власти и хуманитарните агенции велат дека таму се засолнуваат илјадници цивили.

За евакуација на овие области ќе треба време, велат тие, и може да има огромен број жртви.

Во меѓувреме, во текот на минатата ноќ најмалку 26 Палестинци биле убиени во 9 израелски воздушни напади, опишани како најинтензивни откако борбите продолжија пред 70 дена.

Бил нападнат Кан Јунис, најголемиот град во јужниот дел на Газа.

Медицински извор од болницата Насер во Кан Јунис рече дека меѓу жртвите имало и деца, а најмладото било бебе. Во нападите биле погодени домови и шатори каде што се засолнувале раселени семејства во и околу градот.

The post ИЗРАЕЛ НАРЕДИ МАСОВНА ЕВАКУАЦИЈА ВО ГАЗА Кан Јунис е под оган, бомбардирани се шатори со деца appeared first on plusinfo.mk.

Повеќе од 90 луѓе во Газа беа убиени во израелските напади во текот на изминатите 48 часа, соопшти денеска Министерството за здравство на Газа.

Меѓу загинатите има најмалку 15 жртви во текот на претходната ноќ, меѓу кои и жени и деца, од кои некои се засолниле во зоната прогласена за хуманитарна, соопшти локалната болница.

Израел ги засилува нападите низ Газа додека се обидува да изврши притисок врз Хамас да ги ослободи заложниците и да се разоружа.

Израел најави дека планира да заземе големи „безбедносни зони“ во Газа.

The post НАД 90 ЛИЦА СЕ УБИЕНИ ВО ГАЗА, ВКЛУЧИТЕЛНО И ЛУЃЕ ШТО СЕ ЗАСОЛНИЛЕ ВО ХУМАНИТАРНАТА ЗОНА Израел ја засилува воената агресија appeared first on plusinfo.mk.

Два руски проектили го погодија во неделата центарот на украинскиот град Суми, при што загинаа 34 лица, а беа повредени 117. Ова е најсмртоносниот руски напад оваа година.

По нападот, украинскиот претседател Володимир Зеленски побара строг меѓународен одговор против Москва.

Лидерите на Германија, Велика Британија и Италија го осудија нападот, а американскиот претседател Доналд Трамп рече дека нападот е страшен.

-Ми рекоа дека е грешка. Но, мислам дека тоа е страшна работа- откри тој.

Лицата кои загинаа биле во автомобили, јавен превоз и станбени згради во моментот на ударот, истакна украинскиот министер за внатрешни работи Ихор Клименко.

– Ова е намерно убиство на цивили на важен црковен ден – рече тој, потсетувајќи дека се празнуваше Цветници.

Русија негира дека целела цивили, но илјадници се убиени од почетокот на инвазијата во февруари 2022 година.

Марјана Безухла, украинска парламентарка позната по нејзините остри критики кон воените лидери, на апликацијата Телеграм објави дека нападот се случил поради протечените информации дека голем број украински војници ќе се соберат во областа Суми.

Безухла не даде никаков доказ за нејзиното тврдење, а жителот на Шуми Павриз Манхов рече дека не видел војници во областа.

-Живееме во центарот на градот. Таму нема воена база, нема војници – посочи тој.

Сепак, смртоносниот напад на Суми се случил во времето на доделувањето на наградите за украинските војници, објави Украинска правда, повикувајќи се на градоначалникот на Конотоп, Артем Семенихин и неколку други извори.

Церемонијата, наводно, ја организирал Володимир Арук, шеф на воената администрација на регионот Суми, со цел да им додели благодарници и медали на „херојските момчиња“ од 117-та бригада. Правда пишува дека војниците не се повредени бидејќи сите биле во засолништето во моментот на нападот.

The post ОТКРИЕНА ПРИЧИНАТА ЗА НАПАДОТ НА ГРАДОТ СУМИ? Трамп оцени дека нападот е „страшна работа“ appeared first on plusinfo.mk.

Десетици цивили загинаа или се повредени во руски балистички напад врз градот Суми, соопшти денеска украинскиот претседател Володимир Зеленски во објава на социјалните мрежи.

Нападот се случил на обична градска улица, каде што биле погодени станбени згради, образовни институции и возила. Според Зеленски, нападот се случил на Цветници, христијански празник, што го прави уште потежок за локалното население.

Прелиминарните информации укажуваат на десетици загинати и повредени цивили. Зеленски изрази сочувство до семејствата на жртвите и истакна дека е во тек спасувачка операција, со ангажирање на сите надлежни служби. Тој го осуди нападот, нарекувајќи ги сторителите „одвратни злосторници“ и повика на решителен меѓународен одговор.

 

View this post on Instagram

 

A post shared by Володимир Зеленський (@zelenskyy_official)

„Светот мора да реагира цврсто. САД, Европа, сите во светот што сакаат крај на оваа војна и овие убиства. Русија сака ваков терор и ја продолжува војната. Без притисок врз Русија, мирот е невозможен“, порача Зеленски.

Тој додаде дека преговорите не можат да ги запрат балистичките проектили и воздушните бомби, повикувајќи на построг однос кон Русија како кон терористичка држава. Зеленски им се заблагодари на сите што ја поддржуваат Украина во одбраната на животите на нејзините граѓани.

Украина соопшти дека Русија извршила повеќе напади врз градот Суми во североисточна Украина. Градоначалникот на градот изјави дека најмалку 20 луѓе се убиени.

Вработените во Итната помош кои пристигнаа на местото на првиот напад беа повредени во вториот напад.

The post (ВОЗНЕМИРУВАЧКО ВИДЕО) ЦИВИЛИ ЗАГИНАА ВО РУСКИ НАПАД ВРЗ СУМИ Зеленски побара светот да ја притисне Москва за мир appeared first on plusinfo.mk.