Пејачот Мирко Перковиќ-Поки, кој е популарен меѓу хрватските иселеници, починал во Цирих по настапот на 15-тата Ливањска ноќ одржана во саботата, на 29 ноември, објавува Fenix-magazine.

Точните околности на смртта сѐ уште не се познати, а неговите пријатели рекле дека бил пронајден во хотелска соба во недела околу 11 часот наутро.

Велат дека Перковиќ се чувствувал лошо во текот на целата вечер, поради што морале порано да го прекинат настапот на Ливањската ноќ. Пријателите сакале да го однесат во болница, но тој одбил, убедувајќи ги дека му е потребен само одмор бидејќи бил дехидриран.

За жал, отишол во хотелската соба каде подоцна бил пронајден мртов.

Мирко Перковиќ Поки беше пејач и музичар од Ливно кој живеел и работел помеѓу Берлин и Минхен многу години. Тој се занимава со музика уште од основно училиште, свирејќи хармоника и клавијатури, и има повеќе од две децении музичко искуство зад себе.
Во текот на својата кариера, издал неколку албуми во соработка со регионални продуценти. Настапувал низ Европа и Канада и бил познат по својот широк репертоар кој вклучувал далматински песни, поп, рок и фолк музика.

Ќе биде запаметен како едноставен, или како што сакал да се нарекува себеси, „народен“ човек и музичар, посветен на квалитетен и автентичен музички израз, пишува Fenix-magazin.

The post ХРВАТСКИ ПЕЈАЧ НАЈДЕН МРТОВ ВО ХОТЕЛСКА СОБА ВО ЦИРИХ Мирко Перковиќ-Поки имал настап вечерта пред да почине appeared first on plusinfo.mk.

Во Цирих веќе не мора да се пробивате низ хаотични улици ако сте со велосипед – доволно е да се спуштите под земја. На 22 мај, градот официјално го пушти во употреба првиот тунел посветен исклучиво на велосипедисти и корисници на лесни електрични возила. Со должина од 440 метри и ширина од 6 метри, Stadttunnel е доволно простран за да овозможи брзо, удобно и безбедно минување под самата главна железничка станица.

Местото кое некогаш било резервирано за автомобили и камиони, сега е реплицирано како визија за иднината. Наместо гужва и издувни гасови – тишина, уредено осветлување и патека што изгледа како да сте во футуристички филм.

Поврзување што носи смисла

Тунелот ги спојува улиците Kasernenstrasse и Sihlquai – две точки кои порано беа делени од масивната железничка станица. Сега, наместо обиколки и лавиринти, велосипедистите заштедуваат до 15 минути сообраќаен хаос. И сето тоа без да се симнат од седло.

Во внатрешноста, освен широката патека, има и безбедносни камери, информативни табли, како и уредно обележани ленти. Не се заборавени ни оние со поголеми „коwи под педалата“: дозволено е користење и на електрични велосипеди и мопеди, но со ограничување на брзината до 20 километри на час.

Од визија до реалност

Целата инвестиција чинеше 38,6 милиони швајцарски франци – не е мала работа, но во Цирих велат дека секој франк е оправдан. Проектот се реализираше со поддршка на здружението Pro Velo Zürich, а граѓаните масовно го поддржаа уште во 2021 година, кога дури 74% гласаа „за“ на референдумот.

Идејата започна како реакција на нереализирана автомобилска магистрала, која со години го заробуваше просторот под градот. Но, наместо асфалт за мотори – добивме асфалт за педали. И тоа е повеќе од добар договор.

А замислете како е во Берген…

Цирих не е првиот што смислил вакво нешто, но дефинитивно е првиот што го направил вака елегантно. Во Берген, Норвешка, постои сличен тунел долг цели 3 километри, адаптиран за велосипеди и пешаци. Отворен е во септември 2023 година.

Возењето велосипед во најдолгиот велосипедски тунел во светот, од кој е подолго само неговото норвешко име (Fyllingsdalstunnelen), е посебно доживување. Патеката што ја красат уметнички дела и шарено осветлување, ја пробива планината Левстакен. Двете страни на обезбедуваат врски до заштитени велосипедски ленти, лесна железница, станбени и до трговски области. Овој тунел поврзува две населби (Филингсдален и Миндемирен) и го прави возењето велосипед и пешачењето побезбедно, побрзо (пократко и порамно) и заштитено од временските услови. Тунелот е отворен секој ден од 5:30 до 23:30 часот.

Тунелот во Цирих – златен стандард на урбаната мобилност

Но, швајцарскиот пример, со својата интеграција, осветлување, дизајн и непосредна практичност, се смета за нов златен стандард во урбаната мобилност. Тој има и паркинг – точно 1.240 места за велосипеди, бесплатно, со полначи за електрични модели и места за товарни велосипеди. И сѐ тоа уредено, осветлено, и – да, навистина – чисто како лабораторија.

Со овој потег, Цирих испраќа порака: времето на градови што мислат само на автомобили е поминато. Stadttunnel е симбол на нова мобилност, каде што граѓанинот, велосипедот и градот живеат во хармонија. Тоа не е само инфраструктура – тоа е манифест за тоа како сакаме да се движиме низ светот што доаѓа.

The post 🎥 ВЕЛОСИПЕДИСТИТЕ ВО ЦИРИХ СИ ИМААТ СВОЈ ТУНЕЛ И ПРЕСРЕЌНИ СЕ Светски шампиони, сепак, се Норвежаните во градот Берген appeared first on plusinfo.mk.

Истражување за цените на намирниците во европските градови покажа дека Женева и Цирих се убедливо најскапи, додека на спротивниот крај од листата се наоѓа Букурешт. Податоците откриваат големи разлики и меѓу самите метрополи – Париз е скапа престолнина, Лондон нешто поевтин, додека Берлин и Рим нудат многу попристапни кошнички.

И табелата што ја објавуваме најдолу на овој текст, покажува дека Женева и Цирих и годинава се најскапите европски градови за купување основни прехранбени производи. Во овие швајцарски метрополи, цената на стандардна потрошувачка кошница е значително над европскиот просек, што ги става жителите и туристите пред сериозен финансиски предизвик.

Париз е најскапата престолнина во ЕУ

Париз, пак, се издвојува како најскапа престолнина во ЕУ. Таму, според истражувањето, просечната кошница чини над 100 евра. Лондон е нешто поповолен со околу 15% пониски цени, додека Берлин и Рим се значително поевтини – во просек од 20% до 30% во однос на француската престолнина.

Најпријатно изненадување за потрошувачите е Мадрид, кој меѓу големите западноевропски градови се покажа како најевтин за купување во супермаркетите.

Најпристапни цени во Будимпешта и во Варшава

Најпристапните кошнички се во Будимпешта и Варшава, со индекс од 37. Ова значи дека истата кошничка што во Њујорк чини чини 100 евра, Во Будимпешта и во Варшава би чинела само 37 евра, или 63% поевтино.

Голем број европски градови имаат индекси помеѓу 58 и 63, што ги сместува во средниот ценовен опсег. Тука спаѓаат Хелсинки (63), Виена (63), Копенхаген (63), Милано (62), Лондон (62), Брисел (61), Единбург (61), Франкфурт (58), Даблин (58), Амстердам (58), Минхен (58) и Стокхолм (58).

Најевтина светска метропола е Каиро

Други градови со многу ниски индекси се Истанбул (39), Прага (42), Лисабон (44), Атина (46), Мадрид (46), Барселона (49), Рим (51), Бирмингем (51) и Берлин (55). Во рамките на поединечните земји, разликите се големи: Лондон има индекс од 62, додека Бирмингем има 51.

Глобално, најевтиниот град е Каиро со индекс од 20, пет пати поевтина отколку во Њујорк.

Храна по пристапни цени и во Романија

Од друга страна, на источниот дел од континентот сликата е сосема поинаква. Букурешт е меѓу градовите каде цената на кошницата е најниска во Европа. Податоците на Евростат дополнително го потврдуваат ова: во Романија храната е за околу една четвртина поевтина од европскиот просек.

Во Хрватска оган скапо

И во рамките на самата ЕУ има големи разлики. Луксембург и Данска се меѓу земјите каде храната е најскапа, додека Словачка е наспроти нив – таму намирниците се дури 17 проценти поевтини од европскиот просек.

Хрватска, пак, се наоѓа во групата со поскапи пазари. Според анализите, храната таму е за 22 отсто поскапа од просекот на ЕУ. Особено скапи се млечните производи и житарките, додека овошјето, зеленчукот и месото се нешто поблиску до европскиот просек.

Што велат експертите

Експертите објаснуваат дека причините за овие разлики се повеќеслојни. Најпрво, влијае пазарната структура – во земјите со помала конкуренција, цените полесно растат. Тука се и високите оперативни трошоци, како рентата и енергијата, кои во западните градови дополнително ги поскапуваат намирниците. Конечно, и инфлацијата остава силен белег, иако таа варира од земја до земја.

За потрошувачите, овие податоци се уште една потврда дека животниот стандард и цените во Европа се далеку од изедначени. Додека едни плаќаат над 100 евра за полна кошница во супермаркет, други истиот тој шопинг го добиваат за половина пари.

The post НАЈСКАПИ И НАЈЕВТИНИ ГРАДОВИ ЗА ХРАНА ВО ЕВРОПА Во Женева и во Цирих цените дивеат, но каде е најевтино? appeared first on plusinfo.mk.

Патниците на летот LX1413 од Белград до Цирих биле преплашени кога пилотот им се обратил и им рекол дека во авионот е детектиран чад. Летот бил пренасочен кон Фридрихсхафен по итен повик, пишува порталот Bluewin.ch.

Еден од патниците дал изјава за српскиот медиум Мондо:

Welcome to Friedrichshafen! pic.twitter.com/b3e6M9SLLh

— Dušan Tončić (@dbtoncic) July 7, 2025

– Во еден момент, единствената порака што се појави беше дека се случува декомпресија и дека сите треба да ставиме маски за кислород. После тоа, пилотот ни се обрати и ни рече дека има технички проблеми бидејќи некаде во авионот е детектиран чад. Беше драматично, бидејќи бевме информирани дека авионот мора да изврши итно слетување за неколку минути, па брзо бевме на пистата во Фридрихсхафен. Надлежните служби пристигнаа наскоро, сите беа проверени и сите беа добро, само во шок. После тоа, бевме информирани дека одиме во Цирих со автобус – рекол патникот.

Сè уште не е познато што точно се случило, бидејќи по инспекцијата било утврдено дека авионот е во добра состојба.

Швајцарската канцеларија за медиуми моментално го разјаснува случајот.

The post 📷 ДРАМА НА ЛЕТОТ ОД БЕЛГРАД ДО ЦИРИХ Патниците морале да ги стават маските, авионот принудно слетал appeared first on plusinfo.mk.

Непријавените демонстрации во Цирих, по повод Меѓународниот ден на жената, се претворија во насилни судири меѓу демонстрантите и полицијата.

За време на протестот, полицијата употребила солзавец и палки за да ја растера толпата, додека некои од учесниците морале да добијат лекарска помош поради повредите со кои се здобиле за време на судирите.

Zürich: Nicht bewilligte #Demonstration zum #Weltfrauentag. Die Polizei setzt Reizgas und Schlagstöcke ein. Zur #Demo gegen «Vereinzelung, Krieg und Patriarchat» aufgerufen haben linksradikale Gruppierungen. #Frauentag #InternationalWomensDay #IWD2025 #WomansDay #WorldWomensDay pic.twitter.com/PBtVf5HDKR

— LIVE1 (@LIVE1TV) March 8, 2025

Полицијата беше вооружена со штитови и пушки и најави дека ова е неовластена демонстрација која ќе ја толерира се додека е мирна.

Снимките што се појавија на социјалните мрежи покажуваат како полицајци интервенираат против демонстрантите, користејќи гумени куршуми, палки и бибер спреј.

#Einsiedeln SZ: Bewilligte #Demo «gegen rechts» am Schweizer Wohnsitz von #AfD-Chefin #AliceWeidel einen Tag vor der #Bundestagswahl. Die «Bewegung für Freiheit» @mass_voll rief zur unerlaubten Gegendemonstration auf. Ein Polizei-Grossaufgebot hält die beiden Lager auseinander. pic.twitter.com/lY50WoxVeX

— LIVE1 (@LIVE1TV) February 22, 2025

The post 📽️ ХАОС НА НЕПРИЈАВЕН ПРОТЕСТ ВО ЦИРИХ Полицијата употреби солзавец, гумени куршуми и палки да ја разбие толпата appeared first on plusinfo.mk.

Индексот на среќни градови ги анализира сите тие фактори за да го процени квалитетот на животот на жителите во еден град.

Во едно истражување се вели дека животот и чувството на среќа кај луѓето може да се групираат во пет категории: граѓани, управување, животна средина, економија и движење.

Градовите во Европа целосно доминираат меѓу првите 20 оваа година. Вкупно 19 од првите 20 градови, кои се на топ-листата за најсреќни градови во светот, се европски, но градот Архус – вториот по големина во Данска, осамна на врвот.

Можеби не е толку познат како Копенхаген (којшто се најде на место бр. 8), но веќе е познат како „Градот на насмевките“, главно благодарение на радоста што луѓето ја чувствуваат – меѓу другото и поради неговата единствена местоположба – на врвот на еден рид.

Освен двата дански града, на списокот за топ 20 најсреќни градови се наоѓаат и:

• Цирих, Швајцарија;
• Берлин, Германија;
• Готенбург, Шведска;
• Амстердам, Холандија;
• Хелсинки, Финска;
• Бристол, Велика Британија;
• Женева, Швајцарија;
• Минхен, Германија;
• Стокхолм, Шведска;
• Ротердам, Холандија;
• Оулу, Финска;
• Виена, Австрија;
• Единбург, Велика Британија;
• Рејкјавик, Исланд;
• Алборг, Данска;
• Минеаполис, САД;
• Базел, Швајцарија
• Алесунд, Норвешка.

The post НА ЕДЕН РИД ВО ДАНСКА СЕ НАОЃА „МЕСТОТО НА НАСМЕВКИТЕ“ Кои се најсреќните 20 градови во светот? appeared first on plusinfo.mk.

Топ-листата беше објавена во понеделникот, па кинескиот град, како и во 2022 и 2023 година, и овојпат го зазеде местото број 1, додека, пак, Сингапур е на второто место.

Најголем дел од првите 10 најскапи градови за живеење се во Швајцарија – Цирих, Женева, Базел и Берн, кои се наоѓаат на третото, четвртото, петтото и шестото место.

Извештајот испита 226 градови врз основа на компаративните трошоци за над 200 предмети на секое место, земајќи ги предвид цените за превоз, храна, облека, предмети за домаќинството и забава.

Така, Њујорк е најскапиот град во САД, и го зазеде местото бр. 7 на листата.

Главниот град на Велика Британија, Лондон, беше рангиран на 17-то место лани, а сега е на бр. 8. Насау, на Бахамите, е на 9-то место, а Лос Анџелес ги заокружува првите 10 градови.

Според наводите, високите цени за станови и зголемените трошоци за превоз, стоки и услуги се меѓу причините поради кои трошоците за живот во овие градови се особено високи.

The post КОЈ Е НАЈСКАПИОТ ГРАД ЗА ЖИВЕЕЊЕ? Топ-листа со 10 најлуксузни места во светот appeared first on plusinfo.mk.

Швајцарските градови Цирих и Винтертур воведуваат минимална плата која ќе изнесува 4.000 швајцарски франци месечно или околу 4.075 евра Веста звучи речиси како познатите стихови што ги отпеа Дино Мерлин, но не се сите задоволни со оваа одлука.

Минималната плата што ја воведуваат Цирих и Винтертур е за 2,7 пати поголема од минималната плата во Германија. Впрочем, минимална плата во овие два града во Швајцарија е повисока и од просечната плата во Германија, која изнесува 3.810 евра.

Околу 70 отсто од граѓаните во Цирих ја поддржаа одлуката за зголемување на минималната плата, додека во Винтертур таа поддршка е нешто помала – 65,6 отсто.

Иницијативата за покачување на минималната плата ја водеа левичарските партии со тезата дека „оној што многу работи мора пристојно да заработува“.

– Градскиот совет на Винтертур првично поддржа поумерена иницијатива за минимална плата. Кога тоа не успеа во парламентот, владата се изјасни за иницијативата „Плата за живот“ – изјави градскиот советник Николас Галаде.

Колку и да звучи неверојатно, сепак во Швајцарија има политички партии кои не беа задоволни од исходот и од ставовите на граѓаните.

– Во Цирих СВП, ФДП, ГЛП и центарот се бореа против воведувањето на минималната плата – вели Перпарим Авдили, претседател на ФДП на градот Цирих, кој е разочаран од резултатот.

Тој е убеден дека со сиромаштијата не може да се борат на овој начин. Наместо тоа, изградена е бирократија, објаснува тој и додава дека таквата одлука секако не придонесува Цирих да стане поатрактивен како деловна дестинација.

Според Авдили, се уште има многу неодговорени прашања кога е во прашање имплементацијата. На пример, како треба да се контролира минималната плата.

Со него се согласува Дезире Шјес, претседателка на Здружението на мали и средни претпријатија Винтертур, Дезире Шис.

– Овде има уште многу да се разговара. Ја прифаќаме оваа демократска одлука, но размислуваме и дали сакаме да поведеме правна постапка против неа. Само во Цирих околу 17.000 луѓе заработуваат помалку од 4.000 франци месечно. Ова главно ги погодува вработените во секторите како малопродажба, чистење или гастрономија – заклучува Шис.

The post „МОЈОТ ЖИВОТ Е ШВАЈЦАРИЈА…“ Два швајцарски града воведуваат минимална плата од 4.075 евра appeared first on plusinfo.mk.

Претходните рекорди за ракопис на Ајнштајн беа 2,4 милиони евра, исплатени по наддавањето во 2018 година за еден напис за Бог и – 1,39 милиони евра во 2017., во Ерусалим, за писанието за тајната на среќата.

Штотуку продадениот документ се проценуваше на два – три милиони евра. За разлика од двата претходни рекордни ракописи, овој запис е научно дело.

Станува збор за ракопис на 54 страници напишан во периодот од 1913 и 1914 година во Цирих, Швајцарија, од Ајнштајн и неговиот соработник Микеле Бесо.

Аукциската куќа „Кристи“, каде што се одржа лицитацијата, пред продажбата соопшти дека ваквите документи се многу ретки за тој период и воопшто за периодот пред 1919 година.

The post БЕСЦЕНЕТАТА ТЕОРИЈА НА РЕЛАТИВНОСТА 11 милиони евра за ракописот на Ајнштајн appeared first on plusinfo.mk.

Копилотот на „ербас А320“ му се пожалил на својот колега дека се чувствува лошо на половина пат од тричасовниот лет за Атина.

Целиот инцидент се случил над Загреб, а капетанот одлучил да се врати во Лондон.

Меѓутоа, откако неговиот колега одеднаш се онесвестил, тој бил принуден итно да слета во Цирих.

По шестчасовно чекање во Цирих, авионот пристигнал во Атина девет часа по полетувањето од Хитроу во Лондон.

– Безбедноста на нашите патници и екипаж е врвен приоритет. За тоа време се грижевме за патниците. Првиот офицер едноставно се чувствуваше лошо – вели портпаролот на авиокомпанијата, кој истакна дека инцидентот не е поврзан со испарувањата во пилотската кабина, што порано се поврзуваше со здравствената состојба на пилотот.

The post На пилотот му се слошило над Загреб, авионот принудно слетал во Цирих appeared first on plusinfo.mk.