Метеоролозите најавуваат промена на времето под влијание на циклонска активност, која ќе донесе врнежи од дожд, а на повисоките места и снег.

Според прогнозата на Управата за хидрометеоролошки работи, под влијание на циклонска активност ќе има врнежи кои наместа ќе бидат пообилни, над 20 литри на квадратен метар. Поради продор на ладна воздушна маса, на планините и на некои повисоки места дождот ќе преминува во снег. Ќе дува засилен, повремено силен ветер кој на одделни места ќе достигнува и над 70 километри на час.

Минималните утрински температури ќе се движат од -2 степени во Маврово до 6 степени во Гевгелија, додека максималните дневни ќе бидат од 4 степени во Маврово до 12 степени во Гевгелија.

Во Скопје ќе биде претежно облачно со врнежи од дожд. Ќе дува засилен до силен ветер од северен правец, а температурата ќе се движи од 4 до 10 степени.

Во четврток се очекува облачно време со повремени локални врнежи од дожд, а на планините од снег. Ќе дува умерен, повремено засилен ветер од северозападен правец, поизразен долж Повардарието. Минималните температури ќе бидат од 0 до 7 степени, а максималните од 6 до 12 степени.

Во петок времето ќе биде променливо облачно со повремени слаби врнежи од дожд, на планините од снег. Ќе дува умерен ветер, а долж Повардарието повремено засилен северозападен ветер. Утринските температури ќе се движат од -1 до 6 степени, а дневните од 8 до 13 степени.

The post ДОЖД ВО НИЗИНИТЕ, СНЕГ НА ПЛАНИНИТЕ Времето се влошува, ќе има пад на температурите appeared first on plusinfo.mk.

Времето утре ќе биде променливо облачно со сончеви периоди, најави Управата за хидрометеоролошки работи.

Ќе дува слаб до умерен ветер претежно од северен правец.

Најстудено ќе биде во Берово, каде утринската температура ќе се спушти до минус 3 степени, а најтопло во Скопје и во Гевгелија, со температура до 19 степени Целзиусови.

Во Скопје утре времето ќе променливо облачно. Ќе дува слаб до умерен ветер од северен правец. Температурата ќе се движи од 3 степени наутро, до 19 степени преку денот.

Во четврток преку денот времето ќе биде стабилно, суво и потопло. Ќе дува умерен до засилен, а наместа повремено силен ветер од јужен правец.

Од вечерните часови Македонија ќе потпадне под влијание на циклонска активност која ќе услови период на нестабилно и постудено време со локални врнежи од дожд.

Пообилни врнежи ќе има во петок, кога ќе има и услови за појава на ретки грмежи.

Поради продор на постудена воздушна маса, на планините и некои од повисоките места врнежите од дожд ќе преминуваат во врнежи од снег.

The post ПРОЛЕТТА ЌЕ ПАУЗИРА, ЦИКЛОН ЌЕ ДОНЕСЕ ОБИЛЕН ДОЖД И СНЕГ ПРЕД ВИКЕНДОТ Ќе дува северец, па силен јужен ветер appeared first on plusinfo.mk.

По пролетните сончеви и топли денови веќе од вторник 17 март до петок претпладне 20 март територијата на Македонија ќе биде под влијание на зимски циклонски систем со центар над Јонско Море, односно ладен циклон кој ќе услови да имаме повеќе облачност и повремени локални врнежи од дожд кои повремено ќе бидат пообилни и проследени со повремено засилен ветер од југоисточен, а во западните предели од североисточен правец.

Поради заладувањето на планините и на скијачките центри ќе има врнежи од снег и ќе се формира снежна покривка, а повремено снежната граница ќе се спушти и под 1.000 метри надморска височина, тоа значи дека повремени врнежи од снег ќе има и во повисоките населени места па и во дел од градовите особено во западните и во северните предели од Македонија.

Во Скопје и околината во погоре споменатиот период ќе имаме повеќе облачност и повремени врнежи од дожд, а на околните планини врнежите ќе бидат од снег. Повремено ќе дува засилен ветер од југоисточен правец. Температурите позначително ќе се намалат.

The post ОД ВТОРНИК ЗИМАТА СЕ ВРАЌА ВО МАКЕДОНИЈА Се очекуваат дождови, пониски температури и снег на планините appeared first on plusinfo.mk.

Под влијание на серија влажни воздушни бранови од запад кои ќе бидат поврзани со длабоката циклонска активност со центар над Џеновскиот залив до крајот на седмицава во Македонија ќе имаме многу променливо време со чести повремени врнежи од дожд кои повремено ќе бидат обилни, а за време на викендот ќе бидат проследени и со локална појава на грмежи. Повремено ќе дува засилен,  а за време на викендот и силен ветер од јужен и од југоисточен правец.

Температурите во следните денови повторно ќе бидат во пораст особено за време на викендот и тоа поради краткотрајното јужно воздушно струење.

Повеќе за метеопрогнозата на Славчо Попоски на следниот ЛИНК.

The post ЦИКЛОН И ЈУЖНО СТРУЕЊЕ НОСАТ ДОЖД И ТОПЛО ВРЕМЕ На крајот на неделата ќе има и појава на грмежи appeared first on plusinfo.mk.

Под влијание на циклонска активност, неделава пред нас ќе имаме многу променливо време со чести локални врнежи од дожд кои повремено ќе бидат пообилни. На планините над 1200/1300 метри надморска височина ќе има врнежи од снег, а кон крајот на седмицава врнежи од дожд и од снег ќе има и во дел од градовите особено во западните и во северните предели од Македонија, пишува метеопрогнозерот Славчо Попоски на својот портал Метеоаларм.

Наутро температурите ќе се спуштаат во интервалот од -1 до 7 степени, а преку денот тие ќе се искачуваат во интервалот од 3 до 10 степени, меѓутоа за време на викендот температурите ќе опаѓаат и тоа поради продор на поладен воздух од север.

Целата прогноза на Попоски може да ја прочитате на следниот ЛИНК.

The post НЀ ОЧЕКУВА ДОЖДЛИВА НЕДЕЛА СО ПРОМЕНЛИВИ ТЕМПЕРАТУРИ Поладно за време на викендот appeared first on plusinfo.mk.

Под влијание на циклонска активност во текот на ноќта и утре ќе има врнежи од дожд, што наместа ќе бидат пообилни – над 30 литри на квадратен метар, проследени со ретки грмежи. На планините, врнежите ќе бидат од снег, информираа денеска од Управата за хидрометеоролошки работи.

Минималните утрински температури ќе се движат од 3 во Маврово до 9 во Гевгелија, а максималните дневни од 5 во Маврово и 11 Целзиусови степени во Гевгелија.

За во Скопје, најавено е утре, почнувајќи од утринските часови, да има повремени врнежи од дожд, што попладне и во текот на ноќта ќе бидат пообилни. Се очекува слаб до умерен ветер од југоисточен правец. Температурата ќе се движи од 6 до 10 степени.

– Во вторник претпладне сè уште во источните делови ќе има слаби врнежи од дожд во пониските и дожд и снег на повисоките места и на планините. Попладне времето ќе се стабилизира, а во среда кон крајот на денот и во четврток, повторно ќе има локални врнежи од дожд, а на планините од снег – соопштија од УХМР.

Минималните утрински температури во вторник ќе се движат од 2 степени до 7 степени, а максималните дневни ќе бидат во интервалот од 5 степени до 12 степени.

The post ПОДГОТВЕТЕ СЕ ЗА ДОЖД И СНЕГ Циклон носи обилни врнежи, локално над 30 литри appeared first on plusinfo.mk.

Силниот циклон што ја погоди Грција со поплави и жртви продолжува да се движи кон Егејските острови. Метеоролозите предупредиле на ветрови со јачина до 10 степени според Бофоровата скала и бранови опасни за пловидба.

Во источен Пелопонез, 53-годишен припадник на крајбрежната стража загинал при спасувачка операција. Во атинското предградие Глифада, поројните води однеле жена која потоа се удавила.

Поплави, уривања и ветрови предизвикале хаос, затворени улици, прекината електрична енергија, евакуации на домови и суспендирани траектни линии.

Училиштата во повеќе региони во Грција не работат, а службите останале во состојба на готовност. На копното се очекува постепено стабилизирање, но на планините снегот продолжува да паѓа.

Powerfull surges due to Storm Harry in Cirò Marina, Calabria, Italy

And
Massive flooding due to extreme rainfall in Glyfada, South Athens, Greece (21.01.2026)
disasternews pic.twitter.com/s0KvzxTEUs

— Alma Gentil (@Chinoy200096633) January 21, 2026

pic.twitter.com/EB56hd1RwS

— Reuters (@Reuters) January 22, 2026

The post 📽️ ЗАГИНАТИ ВО ПОПЛАВИТЕ ВО ГРЦИЈА Водата однесе жена во Глифада, чувар загина при спасување appeared first on plusinfo.mk.

Метеопрогнозерот Славчо Попоски предупредува дека вечерва и особено од вторник Македонија ќе биде под влијание на циклон од Џенова кој ќе условува многу обилни врнежи во текот на целата недела. Тој вели дека постои опасност од подигање на нивото на реките и на езерата, бидејчи за некои места тој најавува неверојатни 400 литри дожд на квадратен метар.

– Сфатете го ова сериозно, бидејќи се работи за екстремно големо количество на воден талог – вели Попоски.

Во објава на Инстаграм Попоски исто така најавува дека можни се снежни наноси во пониските места уште од 22 ноември.

 

View this post on Instagram

 

A post shared by Славчо Попоски (@slavchopoposki)

The post МЕТЕОРОЛОЗИТЕ НАЈАВУВААТ ОБИЛНИ ВРНЕЖИ Метеопрогнозерот Славчо Попоски предупредува на опасност од поплави appeared first on plusinfo.mk.

Времето денеска ќе биде сончево со мала до умерена облачност, особено изутрина по одделни котлини ќе има услови за појава на магла. Подоцна во текот на денот ќе дува слаб, а во западните делови умерен ветер од југозападен правец. Минималната температура ќе биде во интервал од -3 до 5, а максималната ќе достигне од 16 до 20 степени.

Во Скопје, наутро во делови од котлината ќе има услови за појава на слаба магла. Во текот на денот времето ќе биде сончево и претежно тивко со мала до умерена облачност. Минималната температура ќе се спушти до 1, а максималната ќе достигне до 16 степени.

Од утре облачноста ќе се зголеми, а од вторник ќе преовладува променливо облачно време со локални врнежи од дожд, наместа пообилни. Ќе дува умерен до засилен ветер од јужен правец (над 60 km/h). Дневните температури ќе бидат без значителни промени.

Според Метоаларм, до крајот на неделава Македонија, а и поширокиот балкански регион, ќе бидат под влијание на низок воздушен притисок односно циклонски систем со центар над Џенова. Локално врнежите ќе бидат проследени и со појава на грмежи, а овие процеси би можеле локално да прераснат во невреме, со поголем ризик од поплави. Ова особено се однесува на западните делови од Балканот, соседна Албанија, Косово, Црна Гора, јужна и југозападна Босна како и во делови од Словенија и Хрватска, каде се очекува да наврне поголемо количество на дожд (над 200/300 литри дожд на метар квадратен).

Повеќе за метеопрогнозата на Славчо Поповски на следниот ЛИНК.

The post ДЕНЕСКА СОНЧЕВО И ТОПЛО, ОД ВТОРНИК ПОЧНУВААТ ВРНЕЖИ На западниот дел од Балканот се очекуваат поплави appeared first on plusinfo.mk.

Ќе бидеме под влијание на нов циклон со центар над Џенова и истиот ќе условува следната седмица да имаме чести и обилни врнежи од дожд проследени со повремено силен јужен ветер.

Повеќе за метеопрогнозата на Славчо Попоски на следниот ЛИНК.

The post ЦИКЛОН ОД ЏЕНОВА, СЛЕДНАТА СЕДМИЦА ЌЕ ИСТУРИ Температурите ќе бидат натпросечни за ноември appeared first on plusinfo.mk.