Поранешниот директор на Зоолошката градина во Скопје и актуелен претседател на Градската организација на СДСМ, Ѓорги Галетановски, се огласи по неодамнешниот инцидент, благодарејќи им на пријателите и колегите за поддршката.

„За жал, некогаш треба да ни се деси лоша работа за да видиме кој е до нас. Фала ви другари за поддршката и за сите пораки и повици и извинете што стварно не беше можно на сите да вратам и кренам. Не ви го заборавам ова и на сите ви должам. Ме знаете добро, никогаш не се сменив и нема да се сменам. Помагав и ќе помагам на кој можам без да се фалам, така и ќе продолжам“, напиша Галетановски на својот профил.

Тој најави дека од денес ќе преземе активности за да помогне органите во спречување на криминални дејствија што, како што вели, го нарушуваат мирот на граѓаните.

„Од денес натаму ќе направам сè да дознаам и помогнам органите да спречат криминални дејствија да го зимаат мирот на граѓаните. А ќе се дознае тоа сум сигурен“, додаде Галетановски.

Притоа, тој повика сите граѓани кои имаат веродостојни информации за извршителот или нарачателот на случката да го контактираат, најавувајќи симболична награда од 2.000 до 3.000 евра.

ИЗГОРЕ АВТОМОБИЛОТ НА ЃОРГИ ГАЛЕТАНОВСКИ-ЧОМБЕ Го виделе подметнувачот како бега

The post ЧОМБЕ НУДИ 2-3 ИЛЈАДИ ЕВРА НАГРАДА ЗА ТОЈ ШТО ЌЕ МУ КАЖЕ КОЈ МУ ГО ЗАПАЛИЛ АВТОМОБИЛОТ Галетановски им се заблагодари на пријателите за поддршката appeared first on plusinfo.mk.

Денеска во СВР Скопје е пријавено дека на улицата Иван Козаров во Скопје опожарено било патничко возило „бмв“ со скопски регистарски ознаки сопственост на Ѓорѓи Галетановски од Скопје, а од пожарот биле зафатени уште две патнички возила „опел“ со скопски регистарски ознаки сопственост на Е.К.(30) од Скопје и „форд“ со скопски регистарски ознаки сопственост на А.М.(47) од Скопје.

Пожарот е изгаснат од Бригадата за противпожарна заштита. Повредени лица нема, информираше Министерството за внатрешни работи (МВР).

„Извршен е увид од увидна екипа од СВР Скопје и се преземаат мерки за расчистување на случајот“, се наведува во соопштението.

Галетановски во изјава за медиумите рече дека се сомнева оти пожарот е намерно предизвикан.

ИЗГОРЕ АВТОМОБИЛОТ НА ЃОРГИ ГАЛЕТАНОВСКИ-ЧОМБЕ Го виделе подметнувачот како бега

The post ПОКРАЈ ВОЗИЛОТО НА ЧОМБЕ ИЗГОРЕЛЕ УШТЕ ДВЕ ВОЗИЛА Полицијата со детали за пожарот во Кисела Вода appeared first on plusinfo.mk.

Ноќеска околу 3 часот по полноќ, запален и пеплосан бил автомобилот на Ѓорги Галетановски – Чомбе, претседател на скопската организација на СДСМ и поранешен директор на скопската Зоолошка градина.

Галетановски ја потврди информацијата и појасни дека возилото му било паркирано пред зградата во којашто живее во скопската населба Кисела Вода.

Противпожарна екипа интервенирала и го изгаснала пожарот.

– Некој намерно го запалил автомобилот, го виделе како бега. Бил слаб, висок, со дуксер. Аплерирам до МВР и до министерот за внатрешни работи што побрзо да го фатат сторителот – изјави Галетановски.

СДСМ го осудува криминалниот чин и палењето на возилото на претседателот на Градската организација, Ѓорѓи Галетановски.

„Со доаѓањето на ВМРO-ДПМНЕ на власт безбедноста на граѓаните е сериозно загрозена. МВР наместо да се занимава со тоа како лица блиски до ВМРО-ДПМНЕ да земат милионски тендери нека земе конечно нешто да работи. Бараме МВР и сите надлежни институции веднаш да постапат, целосно да го расчистат случајот и сторителите да одговараат“, соопшти СДСМ.

The post 📷 ИЗГОРЕ АВТОМОБИЛОТ НА ЃОРГИ ГАЛЕТАНОВСКИ-ЧОМБЕ Го виделе подметнувачот како бега appeared first on plusinfo.mk.

Нов претседател на Градската организација на СДСМ Скопје е Ѓорѓи Галетановски – Чомбе. Оваа информација ја сподели претседателот на СДСМ, Венко Филипче на Фејсбук страницата на партијата.

„Ѓорѓи е млад и амбициозен човек, со свежи идеи и желба за работа, со успешен професионален ангажман зад себе. Веруваме дека ќе донесе нова енергија во работата и функционирањето на Градската организација на СДСМ“, вели Филипче во објавата.

Галетановски на својот фејсбук-профил се заблагодари за поддршката и добиената доверба да раководи со Градската организација.

„Чест ми е што денес ја преземав функцијата претседател на градската организација на СДСМ. Му благодарам за довербата на претседателот Венко Филипче а на граѓаните на Скопје им ветувам дека ќе се заложам за брзо решавање на локалните проблеми на Скопјани. Воедно давам збор дека секогаш ќе бидам на браникот на младите и како што во минатото помагав на секој граѓанин без разлика на верска национална партиска припадност така и ќе продолжам. Мисија на мојот тим ќе биде чисто и подобро Скопје за сите“, напиша Галетановски.

Галетановски е поранешен директор на Зоолошката градина – Скопје и истовремено ја стекна својата голема популарност како еден од најдобрите раководители што некогаш ги имала ЗОО Скопје.

The post ЧОМБЕ НА ЧЕЛО НА СДСМ-СКОПЈЕ Ѓорѓи Галетановски ветува фокус на младите и чист град за сите appeared first on plusinfo.mk.

Срамната игра на македонските ракометари на терен во дуелот со Аргентина во 3. коло од групната фаза на СП 2023 во Краков, дополнето и со срамно однесување на дел од „Фалангата“.

На полувремето од натпреварот меѓу Македонија и Аргентина конфликт и меѓу дел од македонските навивачи на трибините.

На фотографиите кои ги објави порталот 24 Ракомет и видеото од Екипа, во гужвата каде се разменуваа тупаници од страна можеше да се забележи поранешниот директор на скопската Зоолошка градина поставен од Петре Шилегов, Ѓорѓе Галетановски- Чомбе, а на социјалните мрежи на заедничка слика со Галетановски можеше да се забележи и директорот на затворот Шутка Филип Андов, попознат како Сокол. Андонов е член на Централниот одбор на СДСМ во Кисела Вода.

Се делеа боксови, клоци, имаше боречки зафати…. СРАМОТА… фотографиите покажуваат за нецивилизираниот однос. Не е важно кој прв почнал…

The post „ФАЛАНГАТА“ СИ РАЗМЕНИ КЛОЦИ И БОКСОВИ Чомбе и Сокол беа дел од инцидентот во Краков (ФОТО-ВИДЕО) appeared first on plusinfo.mk.

Но, денес Чомбе не е било кој. Тој е човек од доверба на Петре Шилегов, негов „бодигард“ на социјалните мрежи, а и директор е на Зоолошката градина во Скопје. Значи, носител е на јавна функција, живее од народни пари.

Најмалку јавната функција е таа што и законски, но и според Кодексот на административни службеници, го обврзува на пристојно и достоинствено однесување насекаде и во секоја прилика, вклучително и на социјалните мрежи.

Нека е и Чомбе она што е, сепак не смее да му се дозволи ваков коментар за кандидатката за градоначалник Данела Арсовска:

За ваква објава на Фејсбук, според Законот и според Кодексот, следува сериозна казна.

Настрана фактот што со ваквите нервозни објави, Чомбе и Чомбевци му прават многу лоша услуга на кандидатот Шилегов – јавноста стекнува впечаток дека актуелниот градоначалник мора да се служи со најдолни методи за да ја победи жената што го предизвикува на локалните избори.

Со еден збор, сите овие груби фаули одат на контото на Шилегов. А посебно идиотските коментари Чомбеви…

The post Чомбе воли, Чомбе пати, Чомбе сепак мора да го скрати – јазикот! appeared first on plusinfo.mk.