Вчерашниот дожд и ветер во Кумановско оштетија неколку бандери, предизвикаа искрење на жици, соопштија денеска од Регионалниот центар за управување со кризи Куманово.

Граѓаните, како што информираат од РЦУК Куманово, пријавиле дека во Горно Којнаре се спуштила бандера врз стрниште, во селата Доброшане, Режановце, Умин Дол имало силни искри и пукање на жици од бандера. Граѓаните забележале и пукање на жици на улиците Пионерска, Браќа Миладиновци, на улицата Никола Михајлов се запалил орман, на Доне Божинов паднала бандера. За сите оштетувања информирана била ЕВН.

Граѓани пријавија за паднато старо дрво во населбата Средорек, како и на регионалниот пат Куманово-Свети Николе кај селото Орашац, за што биле известени јавното претпријатие „Чистота и зеленило“ и „Македонија пат“.

The post ВЕТРОТ ПРЕДИЗВИКА СИЛНО ИСКРЕЊЕ ОД БАНДЕРИ ВО КУМАНОВСКО Пукале жици и паѓале дрвја и бандери appeared first on plusinfo.mk.

Соработката има цел да го поддржи ресоцијализацискиот процес на осудените лица, преку нивно активно вклучување во активности за чистење и одржување на јавните простори во општината.

– Очекуваме наскоро да бидат ангажирани осудените лица и да помогнат во одржувањето на хигиената на повеќе локации на подрачјето на општината. Претходните искуства покажуваат дека бенефитот е одличен и за самите осудени лица, им помага во нивниот процес на ресоцијализција, но и за претпријатието – изјави директорот на ЈП „Чистота и Зеленило“, Ненад Стојановски.

Соработката, нагласуваат од двете институции е во согласност со законските регулативи и се реализира за да се подобрат условите за живот на заедницата, како и да се поттикне одговорност и ангажираност кај осудените лица.

Претходно кумановскиот затвор потпиша меморандум за соработка и со Општата болница Куманово.

The post ЗАТВОРЕНИЦИТЕ ЌЕ ГО ЧИСТАТ КУМАНОВО Општокорисната работа помага во ресоцијализацијата на осудените лица appeared first on plusinfo.mk.