Вршителот на должноста директор на американската Национална разузнавачка служба, Бил Пулти, планира да укине стотици работни места во оваа агенција, објави Си-Ен-Ен (CNN), повикувајќи се на информации од два извора запознаени со ситуацијата. Според нивните тврдења, Пулти пристигнал рано во својата нова канцеларија уште во четвртокот и веднаш побарал список со сите вработени за да процени кои позиции треба да бидат укинати.

Американскиот претседател Доналд Трамп го именуваше Пулти за привремен директор во текот на оваа недела, поставувајќи политички лојален кадар без претходно искуство во секторот за национална безбедност на чело на обемната разузнавачка заедница, и тоа во време на активни војни и глобални тензии. Од оваа позиција, тој ќе ги надгледува клучните разузнавачки тела во земјата, вклучувајќи ги ЦИА и Националната безбедносна агенција (НСА).

Си-Ен-Ен наведува дека Пулти веднаш по пристигнувањето одржал средби со правните тимови и со вработените.

Пулти доаѓа на местото на Тулси Габард, која поднесе оставка минатиот месец, а чиј последен работен ден на функцијата е токму денеска, 19 јуни 2026 година.

Вработените во службата веќе биле предупредени да очекуваат значителни кратења во претстојните месеци, откако Трамп јасно изрази желба привремениот директор радикално да го намали бројот на кадрите во разузнавачкиот сектор.

The post ТРАМП СПРЕМА ЧИСТКА ВО АМЕРИКАНСКОТО РАЗУЗНАВАЊЕ Стотици работни места ќе бидат укинати appeared first on plusinfo.mk.

Американскиот претседател Доналд Трамп изрази сомнежи во случувањата во Јужна Кореја само неколку часа пред планираната средба во Белата куќа со новоизбраниот претседател на земјата Ли Џае Мјунг.

„Што се случува во Јужна Кореја? Изгледа како чистка или револуција. Не можеме да го дозволиме тоа и да водиме бизнис таму. Денеска ќе се сретнам со новиот претседател во Белата куќа. Ви благодарам за вниманието кон овој прашање!!!“ напиша Трамп на својата мрежа „Truth Social.

Трамп не прецизираше што точно предизвикало такви критики кон својот јужнокорејски колега.

Пред неговата посета на Вашингтон, Ли отпатува во Токио на својата прва билатерална посета како претседател, во исклучително симболично патување за двете нации кои имаат долготрајни историски рани.

Самитот со јапонскиот премиер Шигеру Ишиба беше протолкуван од аналитичарите како начин да се покаже единство и потенцијална предност, додека Јапонија и Јужна Кореја се соочуваат со нови предизвици од администрацијата на Трамп. Ли е првиот јужнокорејски претседател што ја избра Јапонија за прва билатерална посета откако двете земји ги нормализираа односите во 1965 година.

The post ВО ЈУЖНА КОРЕЈА ИМА ИЛИ ЧИСТКА ИЛИ РЕВОЛУЦИЈА Трамп изненади со објава пред да се сретне со колегата претседател appeared first on plusinfo.mk.

Пет играчи на Манчестер Јунајтед добија информација од клубот да не доаѓаат на почетокот на подготовките во понеделник. На листата се наоѓаат: Алехандро Гарначо, Маркус Рашфорд, Антони, Џејдон Санчо и Тајрел Маласиа. Тие нема да бидат дел од тимот, но неколку дена подоцна можат да дојдат и да се подготвуваат за стартот на сезоната.

Во клубот сметаат дека најдобро е за играчите да најдат нова средина, сепак ќе можат да ги користат тренинг центарот, како и медицински и рехабилтациски услуги додека тренираат.

Дел од играчите изминатава сезона беа позајмени. Маркус Рашфорд во Астон Вила, а за него има интерес од Барселона и Баерн. Каде ќе замине не се знае, но сигурно е дека ќе ја загуби „10“ во Манчестер Јунајтед не зависно дали ќе остане. Новото засилување на клубот Матеус Куња ќе игра со тој број.

За Гарначо можно е заминување во Наполи, неизвесна е ситуацијата со Санчо и Маласиа, додека Бетис го посакува Антони каде имаше успешна сезона.

The post ЧИСТКА ВО МАНЧЕСТЕР ЈУНАЈТЕД На 5 играчи им било речено да не доаѓаат на подготовки в понеделник appeared first on plusinfo.mk.

Бомбардирањата стивнаа по 12-дневниот конфликт меѓу Иран и Израел, а истрошената теократија на Иран и 86-годишниот врховен лидер, ајатолахот Али Хамнеи, сега мора да се прегрупираат и да изградат нова стратегија во променетиот пејзаж, анализира Асошиејтед прес.

Израелските воздушни напади ги уништија горните ешалони на моќната Револуционерна гарда и го намалија нејзиниот арсенал балистички ракети. Израелските ракети и американските бомби за бетонски засолништа оштетија делови од иранската нуклеарна програма, иако степенот на оштетување сè уште се дискутира.

Хамнеи замина во длабока изолација на непозната локација и се појави само двапати во видеа, додека израелската авијација држеше контрола над иранското небо.

Самоопишаната иранска „Оска на отпорот“ – мрежа на сојузнички држави и милиции на Блискиот Исток – претрпе сериозни удари од Израел по нападот на Хамас на 7 октомври 2023 година. Поддршката од странство, која Иран можеби ја очекувал од Кина и од Русија, не се оствари. Внатрешно, старите проблеми остануваат, особено економијата која е уништена од санкции, корупција и од лошо управување.

„Иранското раководство претрпе сериозен удар и сега ќе биде фокусирано на зачувување на примирјето, кое му дава простор за внатрешна стабилизација и реконструкција“, објави Евроазиска група во анализа во средата.

Хамнеи ќе мора да направи чистка?

Израелската кампања покажа колку длабоко израелската разузнавачка служба е инфилтрирана во Иран – особено во способноста за брзо лоцирање воени команданти, како и врвни нуклеарни научници.

Примарната задача за Хамнеи сега можеби ќе биде чистка од нелојални поединци во редовите.

– Мора да има некаква прочистителна акција. Но, прашањето е: кој ќе ја спроведе? Овој степен на недоверба, што очигледно постои сега, ќе го парализира секое ефикасно планирање или безбедносна реформа – вели гостинот истражувач на Германскиот институт за меѓународни и безбедносни прашања, Хамидреза Азизи.

Во таква атмосфера, обновата на војската, особено на Револуционерната гарда, ќе биде предизвик. Но, гардата има голем базен на офицери. Еден од врвните преживеани од војната, генерал Есмаил Каани, командант на елитната Кудс единица, беше снимен на провладина демонстрација во Техеран во вторникот.

На цивилната сцена, министерот за надворешни работи Абас Арагчи беше овластен речиси на ниво на де факто премиер, објавувајќи соопштенија дури и за примирјето, додека други институции молчеа.

Хамнеи, исто така, мора да ја преиспита безбедносната политика што ја градеше две децении. Алијансите во „Оската на отпорот“ му овозможуваа на Иран да проектира моќ низ Блискиот Исток, но истовремено беа замислени како одбранбен штит – да ја држат војната далеку од иранските граници. Тие сега се покажаа како неуспешни.

Трка за атомска бомба?

По кампањата на Израел што ги разоткри слабостите на Иран, Хамнеи може да заклучи дека единствениот начин за заштита е конверзија на нуклеарната програма во вистинска бомба – како што направи Северна Кореја.

Иран отсекогаш тврдел дека неговата нуклеарна програма е мирољубива. Но, тој е единствената земја без нуклеарно оружје што го има збогатено ураниумот до 60%, што е само еден чекор до оружје.

Многумина веруваат дека Хамнеи досега се спротивставувал на создавање бомба за да избегне војна, вели Азизи. Но сега, според него, во рамките на системот веројатно растат гласовите што бараат оружје.

– Можно е веќе да ја поминавме таа психолошка граница кај Хамнеи – вели тој.

Сепак, секој потег за создавање бомба би бил огромен ризик. Степенот на штета од американските и од израелските напади сè уште не е јасен, но Иран сигурно треба повторно да ги изгради нуклеарните објекти и инфраструктурата за центрифуги, што може да трае со месеци или со години.

А сето тоа треба да се направи во крајна тајност, далеку од очите на израелското и на американското разузнавање. Ако Израел дознае, може повторно да нападне.

Хамнеи може и да тргне по спротивен пат – враќање на разговорите со САД во надеж за олеснување на санкциите.

Американскиот пратеник за Блискиот Исток, Стив Виткоф, изјави во вторник навечер на Фокс њуз дека „постои надеж за идни преговори“.

– Веќе разговараме. Се надеваме на долгорочен мировен договор кој ќе му даде шанса на Иран да се прероди – рече тој.

Иранската економија еродира со текот на времето

Многумина стравуваат дека иранската власт ќе започне нова жестока пресметка со внатрешната опозиција, додека се обидува да се стабилизира. Иранската економија е разурната од санкции, корупција и од хронично лошо управување.

Мрежата за електрична енергија веќе со месеци е нестабилна, со долготрајни и чести прекини. Привременото бегство на дел од жителите на Техеран ја намали потрошувачката, но нивното враќање најавува уште полоши рестрикции во летните месеци – со последици за сè, од пекари до фабрики.

Во текот на војната беше затворена и берзата, како и менувачниците, со што привремено беше запрен падот на ријалот.

Во 2015 година, кога беше постигнат нуклеарниот договор со светските сили, ријалот се менуваше по курс од 32.000 за еден долар. Денес тој се движи околу 1 милион ријали за долар. Со повторно отворање на економските објекти, веројатен е нов пад.

Економските проблеми веќе предизвикале бранови протести. Во 2019 година, по зголемувањето на цените на горивата, протести избија во околу 100 градови и села, при што беа запалени бензински пумпи и банки. Во следната репресија, беа убиени најмалку 321 лице, а илјадници беа уапсени, според Амнести Интернешнал.

Во 2022 година, масовни протести избувнаа поради смртта на Махса Амини, млада жена уапсена наводно поради неносење хиџаб. Режимот одговори со брутална репресија – над 500 убиени и повеќе од 22.000 приведени.

И покрај тоа, многу жени во Техеран сè уште одбиваат да носат хиџаб. Активистите се плашат дека војната ќе биде изговор за нови репресии.

Во отворено писмо минатиот викенд, добитничката на Нобелова награда за мир, Нергес Мохамади, напиша: „Исламската Република е верски, авторитарен и мизогин режим, неспособен за реформи, и систематски ги крши основните права на иранскиот народ.“

Но, таа повика на прекин на огнот во војната.

„Зашто цврсто верувам дека демократија и мир не се раѓаат од мрачните и ужасни коридори на војната и на насилството“.

Прашања за наследникот на Хамнеи

И покрај израелските најави за негова елиминација, Хамнеи ја преживеа конфронтацијата. Но, што следува – останува неизвесно.

Војната може да иницира промена во структурата на Исламската Република, која може да се движи повеќе кон спектарот на милитаризирана власт.

Во моменталниот систем, врвни шиитски свештеници се на врвот на хиерархијата, а цивилната власт, војската и разузнавачките служби им се потчинети. Хамнеи ја симболизира таа духовна власт.

Панел од шиитски свештеници е надлежен за избор на негов наследник. Неколку имиња се споменуваат – вклучувајќи го неговиот син и внукот на ајатолахот Хомеини. Некои кандидати се тврдокорни, други, пак, се сметаат за поумерени.

Но кој и да биде избран, војската и Гардата најверојатно ќе бидат вистинската моќ зад завесата.

– Се зборува за транзиција од духовно-доминантна Исламска Република кон воено-доминантна. Оваа војна го направи тоа сценарио поверојатно. Следната власт ќе биде уште повеќе милитаристичко-безбедносна – вели Азизи.

The post ПСИХОЛОШКАТА ГРАНИЦА НА ХАМНЕИ МОЖЕБИ Е ПРЕМИНАТА Каква е иднината на Иран по конфликтот со Израел и дали ќе гради атомска бомба? appeared first on plusinfo.mk.

Вицешампионот на Англија, Арсенал, објави список од 20 играчи со кои се разделува.

Меѓу играчите се оние од првиот сениорски машки тим, но и играчи од академијата на тимот, како и играчи од женскиот сениорски тим.

Меѓу попознатите имиња со кои „топџиите“ ги прекинуваат своите врски се напаѓачот Рахим Стерлинг, играчот од средниот ред Жоржињо, дефанзивецот Киран Тиерни и голманите Нето и Брајан Оконкво. Некои од нив беа во клубот на позајмица, додека договорите на другите истекуваат и нема да бидат обновени.

Арсенал објави дека договорот на играчот од средниот ред од Гана, Томас Партеи, исто така истекува на крајот од овој месец и се водат преговори за негово продолжување. Сепак, во моментов нема финализиран договор.

The post ГОЛЕМА ЧИСТКА ВО АРСЕНАЛ Објавен список од 20 играчи кои ги напуштаат „топџиите“ appeared first on plusinfo.mk.

Министерството за правда побара од Врховниот суд да ја блокира наредбата од 13 март на американскиот окружен судија во Сан Франциско, Вилијам Алсоп, со која на шест федерални агенции им наредува да вратат илјадници работници на пробна работа, кои биле скоро вработени, а сега отпуштени како дел од кампањата на Трамп за намалување и реструктуирање на владата.

The post ТРАМП НЕ СЕ ОТКАЖУВА ОД OТПУШТАЊЕ СЛУЖБЕНИЦИ Судот нареди да бидат вратени, американската влада поднесе нов предлог appeared first on plusinfo.mk.

Четири млади софтверски инженери му помагаат на милијардерот Илон Маск во најавената чистка на службеници кариеристи во американската администрација за кои се одлеваат пари за плати од буџетот. Сите од инженерите имаат меѓу 19 и 24 години и работат на целта на Белата куќа од ослободување од 5% до 10% од административците.

Одделот за владина ефикасност кој го води Маск беше наречен исто како неговата криптовалута ДОГЕ. Маск тврди дека членовите на федералната бирократија натрупале богатство на сметка на даночните обврзници.

Чистката беше предизборно ветување на американскиот претседател Трамп. Во најновите изјави Трамп сугерираше дека Маск ќе открие милионски проневери на пари во Пентагон.

Додека се чини дека чистката успева и ги дава првите резултати со илјадници суспендирани службеници во државната агенција УСАИД која треба да биде припоена кон Стејт Департментот и најмалку 40.000 службеници на ЦИА кои самите се понудија да заминат со обезбедена плата до септември, во американската јавност се појавија имињата на четворицата „генијалци“ кои ја презедоа контролата врз критините компјутерски системи на американската влада.

Младите мажи, меѓу кои некои уште се студенти, заедно со Маск одлучуваат за илјадници федерални службеници. Нивните имиња се Акаш Боба, Едвард Користин, Лук Фаритор, Готје Кол Килијан, Гевин Клигер и Итан Шаотран. Тие беа именувани да работат во Одделот со извршната одредба потпишана од Трамп на денот на инаугурацијата, пишува магазинот Вајрд.

Два дена подоцна, магазинот објави дека Марко Елез (25), поранешен вработен во SpaceX, има администраторски пристап до ИТ-системите кои управуваат со даночните плаќања за американското Министерство за финансии.

One of the kids at @DOGE working on our government – based pic.twitter.com/XJ1WZdvpk7

— Peter Yang (@petergyang) February 4, 2025

Сепак, прецизната структура на ДОГЕ, предводена од Маск од Вашингтон, останува неверојатно таинствена. Одделот нема официјална веб-страница надвор од сметката на Икс, а до неодамнешните откритија во печатот, идентитетот на неговите вработени беше целосно непознат.

По објавувањето на нивните идентитети од страна на магазинот, неколку од поединците ги избришаа нивните дигитални отпечатоци и ги заклучија своите сметки на социјалните мрежи. Сепак, се чини дека многу од вработените во министерството имаат позадина во ИТ, се млади инженери или претприемачи, основачи на стартапи.

Не е постојано јасно каков е статусот на вработување на персоналот поврзан со DOGE. Маск, Краузе и Елез беа именувани во „специјални владини службеници“, рекоа федералните власти. Тоа е привремена улога што ги ограничува да работат не повеќе од 130 дена во годината.

Говорејќи во петокот во Белата куќа, Трамп рече дека не е загрижен за безбедноста на личните информации и другите податоци до кои пристапува ДОГЕ, додавајќи дека е „многу горд на работата што ја работи оваа група млади луѓе“.

Трамп најави дека наскоро ќе се сврти кон Министерството за образование и Пентагон, каде што тој сугерираше дека без докази може да има „трилиони“ долари залудно трошење во рамките на 6,75 трилиони долари што федералната влада ги потроши во фискалната 2024 година.

Во меѓувреме администрацијата на Трамп побара од ФБИ список на пробни вработени и индивидуални објаснувања за задржување на секој што бил во бирото помалку од две години, пишува Ен-Би-Си Њуз, додавајќи дека тоа предизвикало стравувања во бирото поради можни нови отпуштања.

The post ЧЕТИРИ ГОЛОБРАДИ ПРОГРАМЕРИ МУ ПОМАГААТ НА МАСК ВО ЧИСТКАТА Младите умови решаваат за судбината на илјадници административци appeared first on plusinfo.mk.

Новоизбраниот американски претседател Доналд Трамп е подготвен да преземе поголема контрола над федералната влада од кој било модерен претседател пред него, кога ќе ја преземе функцијата во понеделник, пренесува Ројтерс.

Тимот на Трамп веќе бара оставки од тројца високи американски дипломати кои вршат надзор врз Стејт Департментот. Според информации од Тимот за надзор на транзицијата на Стејт департментот, тоа се: Дерек Хоган, Марсија Берникат и Ален Теплиц.

Трамп, кој ќе биде инаугуриран на 20 јануари во понеделник уште во предизборието на претседателската кампања вети дека ќе ја „исчисти длабоката држава“.

Напорите би можеле да започнат уште на првиот ден на Трамп како претседател, според еден од изворите, со извршна наредба чија цел е да се одземе заштитата на работните места на околу 50.000 федерални службеници кариеристи и со дозвола нивното место да го заземат избрани лојалисти на новиот претседател.

Чистката, според анализата на Ројтерс, ќе ја водат десетина од главните назначени лица на Трамп за неговиот втор мандат кои „добиле мандат експлицитно за да ја размрдаат администрацијата“.

Во анализата се спомнува Расел Воут, номиниран од Трамп да се врати за директор на Канцеларијата за менаџмент и буџет, одигра централна улога во изработката на претходна верзија на наредбата за прекласификација, позната како Распоред Ф, додека Трамп ја напушташе функцијата во 2020 година.

Други задолжени за искоренување на „длабоката држава“ ги вклучуваат кандидатот за државен обвинител Пем Бонди, можниот следен директор на ФБИ, Каш Пател, кандидатот за државен секретар Марко Рубио, советник за национална безбедност, Мајк Волц, кандидатот за образование Линда Мекмахон и Илон Маск и Вивек Рамасвами кои ќе ги предводат напорите на Трамп за ефикасност на владата.

The post ТРАМП ЌЕ СМЕНИ 50.000 СЛУЖБЕНИЦИ СО ЛОЈАЛИСТИ? Планирана е и „чистка“во Стејт департментот appeared first on plusinfo.mk.

Камишин, кој беше министер за стратешка индустрија, поднесе оставка минатата недела како дел од реконструкцијата на украинската влада во критичен момент на војната со Русија.

Оваа промена доаѓа во период на критична реконструкција и реорганизација на владиниот состав, со цел зајакнување на стратегиските капацитети во контекст на војната со соседната држава.

ШТО СЕ КРИЕ ЗАД ЧИСТКАТА НА ЗЕЛЕНСКИ? Кулеба поднесе оставка, „есента ќе биде многу важна“

The post УКРАИНСКИОТ МИНИСТЕР ЗА ОРУЖЈЕ ЌЕ ГО СОВЕТУВА ЗЕЛЕНСКИ Уште една измена во украинската влада appeared first on plusinfo.mk.

–  И нашите државни институции треба да бидат конфигурирани така што Украина ќе ги постигне сите резултати што ни се потребни – за сите нас – изјави Зеленски во видеообраќањето.

Денеска украинскиот министер за надворешни работи Дмитро Кулеба поднесе оставка, откако претходно оставки поднесоа високи функционери. Кулеба напишал писмо уште на 4 септември со молба пратениците да ја прифатат оставката, пишува „Вашингтон пост“.

Додека Зеленски „се коцка“ во Курск, во силни ракетирања во градот Лавов на западот на Украина имаше најмалку седум жртви. Во двоен балистики ракетен напад во градот Полтава врз воен образовен институт и билиска болница загинаа повеќе од 50 луѓе. Русите напредуваат и во селата околу Харков, вториот најголем украински град кој исто така беше ракетиран.

Ненадејната офанзива во Курск и украинските напади во Белгород не го колебаат рускиот лидер Владимир Путин кој на средба со ученици пред неколку дена рече дека рускиот напредок во источна Украина сега е уште поголем и дека ќе дојде време кога Украина ќе седне на преговарачкото столче.

„Се чини дека овој потег има за цел да ги пренасочи трупите и да изврши притисок врз рускиот претседател Владимир Путин, потенцијално во територијална размена. Но, Путин остана фокусиран на борбата на истокот на Украина, иако Киев сега контролира околу 500 квадратни милји руска територија и држи стотици нови руски воени заробеници“, пишува „Вашингтон пост“.

The post ШТО СЕ КРИЕ ЗАД ЧИСТКАТА НА ЗЕЛЕНСКИ? Кулеба поднесе оставка, „есента ќе биде многу важна“ appeared first on plusinfo.mk.