Светскиот првак Аргентина вечерва ќе го продолжи походот кон одбрана на шампионската титула, но на патот до полуфиналето ќе има тежок противник. Во Канзас Сити од 3 часот по полноќ ќе се игра четвртфиналната пресметка меѓу „гаучосите“ и Швајцарија, репрезентација која по 72 години повторно стигна до оваа фаза од Светското првенство.

Аргентина во досегашниот тек од турнирот покажа зошто е еден од главните фаворити за трофејот. Светскиот шампион без поголеми проблеми ја мина групната фаза со победи над Алжир, Австрија и Јордан, а во нокаут-фазата двапати славеше со резултат 3:2.

Особено важна беше последната победа против Египет, каде Аргентинците покажаа шампионски карактер и ментална сила, откако успеаја да направат пресврт од 0:2 и да стигнат до триумф. Токму ваквите натпревари покажуваат дека актуелниот светски првак има квалитет и кога работите не одат според планот.

Од другата страна ќе биде Швајцарија – селекција која на овој Мундијал покажа дека знае да игра дисциплинирано, тактички зрело и на резултат. По ремито со Катар на стартот, Швајцарците ги совладаа БиХ и Канада во групната фаза, а потоа ги елиминираа Алжир и Колумбија, последната по пенали.

Селекторот на Аргентина, Лионел Скалони, предупреди дека неговата екипа нема да има лесна задача против Швајцарците.

– За мене, тие се многу добар тим. Нема лесни ривали, сите го знаеме тоа. Тие се натпреваруваат со најдобрите и секогаш имаат решение. Можеби ќе победат или ќе изгубат, но секогаш се натпреваруваат. Имаат традиција на Светското првенство, искусни играчи и се физички силни. Ќе биде тежок противник – изјави Скалони.

Тој се осврна и на формата и движењето на најголемата ѕвезда на Аргентина, Лионел Меси.

– Што се однесува до Меси, речиси секогаш трча повеќе или помалку исто на секој натпревар. Не е како да трча повеќе или помалку, туку приближно исто. Мислам дека тимот многу му помага – додаде селекторот.

Швајцарија во четвртфиналето влегува со голема самодоверба. Репрезентацијата го игра еден од најдобрите турнири во последните години, а капитенот Гранит Џака верува дека неговиот тим може да приреди изненадување против светскиот шампион.

– Не знам дали можеме да го запреме Меси во текот на 90 минути. Ќе биде тешко, но ќе дадеме сè од себе. Мора да бидеме многу паметни. Ќе треба да бидеме компактни, да ги намалиме празнините и да не му даваме премногу простор. Навистина треба да ги поместиме своите граници ако сакаме да ја победиме Аргентина. Убеден сум дека мојот тим е подготвен – порача Џака.

Капитенот на Швајцарија побара и голема поддршка од навивачите, порачајќи им да продолжат да сонуваат бидејќи соништата можат да станат реалност.

Селекторот Мурат Јакин, сепак, ќе има проблем бидејќи најдобриот швајцарски фудбалер на турнирот, Јохан Манзамби, нема да биде во комбинација поради повреда на коленото. Манзамби досега постигна три голови и запиша две асистенции.

Победникот од овој дуел ќе се пласира во второто полуфинале, кое ќе се игра на 15 јули во Атланта, каде ќе го очекува подобриот од пресметката меѓу Англија и Норвешкa.

The post ГАУЧОСИТЕ ПРОТИВ НЕПОКОРНИТЕ ШВАЈЦАРЦИ Швајцарија излегува против Меси и моќната Аргентина appeared first on plusinfo.mk.

На Светското првенство вечерва ќе биде позната и втората полуфинална двојка, откако ќе се одиграат вторите два четвртфинални натпревари. За место меѓу најдобрите четири селекции ќе се борат три европски репрезентации – Англија, Норвешка и Швајцарија, како и актуелниот светски првак Аргентина.

Најголемо внимание привлекува дуелот меѓу Англија и Норвешка, кој ќе се одигра во Мајами со почеток од 23 часот по македонско време. Ова е пресметка на две селекции кои досега покажаа атрактивен и ефикасен фудбал, а дополнителен магнет за фудбалските фанови е директниот дуел меѓу голгетерските ѕвезди – Хари Кејн и Ерлинг Халанд.

Двете репрезентации имаат по четири победи на Мундијалот. Англија одигра нерешено против Гана, додека Норвешка го претрпе единствениот пораз од Франција. Во досегашниот тек од турнирот, Норвешка постигна 12 голови, а Англија 11, што најавува уште една офанзивна фудбалска вечер.

Капитенот на Англија, Хари Кејн, кој е меѓу најдобрите стрелци на турнирот, смета дека ова Светско првенство е обележано со одличните настапи на напаѓачите.

– Мислам дека ова е неверојатно Светско првенство во однос на сите врвни напаѓачи и стрелци кои постигнуваат голови и беа клучни на натпреварите. Тоа не е секогаш случај на големите турнири. Навивачите уживаат во тоа. Од моја гледна точка, ова е одлично натпреварување и ме тера да бидам на моето најдобро ниво. Мојата главна цел е да го освојам Светското првенство со Англија, а не Златната копачка – изјави Кејн.

Во борбата за најдобар стрелец на шампионатот моментално водат Килијан Мбапе и Лионел Меси со по осум голови. Ерлинг Халанд има седум погодоци, додека Хари Кејн шест.

НОРВЕШКА НЕ СЕ ПЛАШИ ОД АНГЛИЈА: „Тие се фаворити, но не големи“

Селекторот на Норвешка, Стале Солбакен, признава дека Англија има големо име и квалитет, но смета дека неговата селекција има свои адути.

– Тие се фаворити, но не се големи фаворити. Сметам дека Англија е под поголем притисок од нас, но кога ќе започне натпреварот играчите не размислуваат на притисок. Бразил и Англија се можеби двете најголеми фудбалски нации со кои можеме да играме. Не е никаква тајна дека Кејн е нивниот најдобар играч, а Ерлинг кај нас ни носи победи, но не ги потценувајте и останатите наши фудбалери – порача Солбакен.

Норвешка на досегашните пет натпревари на турнирот покажа напаѓачка моќ, но и одредени слабости во одбраната. Во групната фаза ја совлада Ирак со 4:1 и Сенегал со 3:2, загуби од Франција со 1:4, а во елиминациската фаза ги совлада Брегот на Слоновата Коска со 2:1 и Бразил со 2:1.

Англија, пак, до четвртфиналето стигна со стабилни настапи и голема ефикасност, а дополнителен мотив е желбата конечно да стигне до трофејот на Светското првенство.

Победникот од дуелот Англија – Норвешка во полуфиналето ќе игра против подобриот од вториот четвртфинален натпревар меѓу Аргентина и Швајцарија, кој се игра во 3 часот по македонско време

ХАЛАНД ТРГНА ВО ОСВОЈУВАЊЕ НА АНГЛИЈА Интернетот „гори“ поради филмската најава за четвртфиналето

The post АНГЛИЈА И НОРВЕШКА ВО МЕГА ПРЕСМЕТКА ВО МАЈАМИ Халанд и Кејн во спектакуларен дуел за место меѓу најдобрите четири appeared first on plusinfo.mk.

Фудбалската еуфорија пред четвртфиналниот дуел на Светското првенство меѓу Англија и Норвешка достигнува врв, а социјалните мрежи ги преплави спектакуларно видео создадено со помош на вештачка интелигенција, во кое модерните Викинзи симболично го освојуваат Британскиот Остров.

Во видеото, норвешките фудбалски ѕвезди предводени од Ерлинг Халанд и Мартин Одегард се прикажани како викиншка војска која пристигнува на англиските брегови, додека Англија ја бранат Хари Кејн, Џордан Пикфорд, Џуд Белингем, легендарниот Дејвид Бекам, па дури и селекторот Томас Тухел, кој е претставен како крал.

Креативната најава за вечерашниот спектакл, кој започнува во 23 часот, за кратко време стана вистински хит на интернет. Видеото собра милионски прегледи, десетици илјади споделувања и бројни позитивни реакции од љубителите на фудбалот ширум светот.

 

View this post on Instagram

 

A post shared by SCENLYX (@scenlyx)

Причината за огромниот интерес е и одличната форма на Норвешка на шампионатот, особено настапите на Ерлинг Халанд, кој е меѓу најголемите фаворити за најдобар стрелец на турнирот.

Без разлика дали ќе триумфираат „трите лава“ или „викинзите“, едно е сигурно – навивачите веќе добија спектакуларна увертира за натпреварот што го чека целиот фудбалски свет.

Покрај ова видео на социјалните мрежи се појавија и други слични видеа, кои ќе ги споделиме со вас.

 

View this post on Instagram

 

A post shared by AGON HISTORY (@agonhistory)

 

View this post on Instagram

 

A post shared by God Ares A.I (@godaresai)

 

View this post on Instagram

 

A post shared by İsmail Seval (@yapayzekaserisi)

The post 📽️ ХАЛАНД ТРГНА ВО ОСВОЈУВАЊЕ НА АНГЛИЈА Интернетот „гори“ поради филмската најава за четвртфиналето appeared first on plusinfo.mk.

The post БЕЛГИЈА НАОЃА МАНИ ЧАСОВИ ПРЕД ДУЕЛОТ СО ШПАНИЈА Тренинг центарот не ги исполнувал стандардите?! appeared first on plusinfo.mk.

Вечерва ќе биде познат и последниот полуфиналист на Светското првенство во фудбал 2026. Во Лос Анџелес, со почеток од 21 часот, силите ќе ги одмерат европските репрезентации на Шпанија и Белгија во последното четвртфинале на турнирот.

Шпанија влегува како благ фаворит во пресметката, откако досега е единствената селекција на Мундијалот што не примила ниту еден гол. „Црвената фурија“ има четири победи и едно реми на петте натпревари, а во осминафиналето и четвртфиналето ги елиминира Австрија (3:0) и Португалија (1:0).

Селекторот Луис де ла Фуенте предупредува дека неговите избраници ги очекува најтешкиот предизвик досега.

– Белгија е исклучително квалитетен тим. Тоа се фудбалери кои се навикнати да победуваат. Нè очекува многу тежок и предизвикувачки натпревар – изјави Де ла Фуенте на прес-конференцијата.

Од друга страна, Белгија верува дека може да приреди изненадување и да го запре шпанскиот поход. Селекторот Руди Гарсија истакна дека неговиот тим нема намера однапред да се предаде.

– Свесни сме дека играме против еден од фаворитите за титулата. Шпанија има извонреден колектив и веројатно најдобар посед на топка во светот. Но, статистиката постои за да се урне. Имаме квалитет, постигнуваме многу голови и веруваме дека можеме да стигнеме до полуфиналето – порача Гарсија.

Белгијците во групната фаза ремизираа со Египет (1:1) и Иран (0:0), го совладаа Нов Зеланд со 5:1, а во нокаут-фазата беа подобри од Сенегал (3:2) и домаќинот САД (4:1).

Победникот од вечерашниот дуел ќе се сретне со Франција во полуфиналето на 14 јули, откако „триколорите“ вчера со 2:0 го елиминираа Мароко и обезбедија место меѓу четирите најдобри репрезентации на светот.

The post ШПАНИЈА ДОСЕГА НЕМА ПРИМЕНО ГОЛ Белгија сака да ја урне најсилната одбрана на Мундијалот appeared first on plusinfo.mk.

Франција пропушти идеална можност да поведе против Мароко во четвртфиналето на Светското првенство, откако Килијан Мбапе не успеа да реализира пенал во 28. минута.

Ѕвездата на Реал Мадрид самиот го изнуди најстрогиот удар по прекршокот на Нусаир Мазрауи, но кога дојде моментот да ја преземе одговорноста, упати слаб и недоволно прецизен удар.

Боно остана смирен

Мароканскиот голман Јасин Боно ја прочита намерата на Мбапе и без поголеми проблеми ја сочува својата мрежа.

Промашувањето веднаш стана една од главните теми на социјалните мрежи, а многумина оценија дека станува збор за еден од најслабите пенали што францускиот ас ги извел во дресот на репрезентацијата.

Mbappe has lost a penalty..! pic.twitter.com/VTAyTt3vtR

— Prime Sports Network (@PrimeSportNet) July 9, 2026

Франција доминираше, но не погоди

И покрај промашениот пенал, избраниците на Дидие Дешамп беа подобар противник во првото полувреме.

„Триколорите“ имаа поголем посед на топката, создадоа неколку опасни ситуации пред голот на Мароко, а во еден момент и гредата беше сојузник на африканската селекција.

Мароканците успешно го издржаа притисокот и на одмор заминаа со активен резултат и надеж дека можат да стигнат до нов мундијалски подвиг.

The post 📽️ БОНО ГО ПРОЧИТА, МБАПЕ ПРОМАШИ Французинот изведе еден од најлошите пенали во кариерата appeared first on plusinfo.mk.

До крајот на Светското првенство во фудбал остануваат уште осум натпревари, што значи дека Мундијалот влегува во својата завршна фаза. Денеска започнуваат четвртфиналните пресметки, а први на терен ќе излезат Франција и Мароко во натпреварот што ќе се игра во Бостон со почеток во 22 часот.

Светскиот шампион од 2018 година, Франција, важи за фаворит, но Мароко е репрезентацијата од која многумина очекуваат ново големо изненадување по одличните настапи на турнирот.

Победникот од оваа средба во полуфиналето ќе се сретне со подобриот од четвртфиналниот дуел меѓу Шпанија и Белгија, кој ќе се игра утре во Лос Анџелес.

Во вториот дел од ждрепката, Норвешка и Англија ќе се соочат во европско дерби во Мајами, а победникот ќе игра против подобриот од натпреварот меѓу Аргентина и Швајцарија.

Во четвртфиналето се пласираа шест европски репрезентации, актуелниот светски шампион Аргентина и Мароко како единствен африкански претставник меѓу најдобрите осум селекции.

Полуфиналните натпревари се закажани за 14 и 15 јули, мечот за третото место ќе се игра на 18 јули, а големото финале е на програмата на 19 јули на стадионот во Њу Џерси.

The post ПОЧНУВА БИТКАТА ЗА ПОЛУФИНАЛЕ Французите фаворити, Мароко подготвува ново изненадување appeared first on plusinfo.mk.

Репрезентацијата на Швајцарија е последната која обезбеди пласман во четвртфиналето на Мундијалот откако синоќа по изведување на пенали ја победи Колумбија со 4:3, а дуелот заврши без голови. Нивни противник ќе им биде светскиот првак Аргентина, која со 3:2 го победи Египет.

Во натпревар со многу тактизирање, двете репрезентации играа без премногу ризик и на крајот нерешениот резултат беше очекуван и пеналите го решија победникот.

При изведувањето на пеналите во втората серија Дависон Санчез кај Колумбија не погоди, односно ја погоди пречката. Во третата серија се врати неизвесноста откака за Швајцарија, Мануел Аканџи лошо го изведе пеналот. Но, Колумбија не поведе откако ударот на Кучо Хернандез, голманот на Швајцарија Грегор Кобел го одбрани. Предноста швајцарскиот тим ја зачува, а Рубен Варгас беше сигурен изведувач на последниот пенал за 4:3.

Натпреварот Аргентина – Швајцарија ќе се игра на 12. јули во Канзас Сити.

The post ШВАЈЦАРИЈА Е ПОСЛЕДНИОТ ЧЕТВРТФИНАЛИСТ Ја победи Колумбија на пенали appeared first on plusinfo.mk.

Репрезентацијата на Англија обезбеди пласман во четвртфиналето на Светското првенство, откако ноќеска во возбудлив натпревар го совлада еден од домаќините, Мексико, со 3:2.

Со оваа победа Англичаните си закажаа европска пресметка во четвртфиналето, каде ќе се соочат со Норвешка.

Англија ја презеде контролата во финишот на првото полувреме, кога Џуд Белингем со два брзи гола во 36 и 38 минута донесе водство од 2:0.

Сепак, Мексиканците успеаја да ја вратат неизвесноста уште пред паузата, откако Жулијан Кињонес во 42 минута намали на 2:1.

Проблемите за Англија се зголемија во 54 минута, кога Џарел Кванса доби директен црвен картон, оставајќи ја својата селекција со играч помалку.

И покрај тоа, капитенот Хари Кејн во 60 минута беше прецизен од белата точка и ја зголеми предноста на 3:1.

Мексико повторно се врати во игра девет минути подоцна, кога Раул Хименез исто така реализираше пенал за 3:2, но домаќините до крајот не успеаја да стигнат до израмнување.

Англија така обезбеди место меѓу осумте најдобри репрезентации на Мундијалот, а во четвртфиналето на 11 јули во Мајами ќе игра против Норвешка. Натпреварот ќе започне во 23 часот по македонско време.

The post 📽️ КЕЈН И БЕЛИНГЕМ ГО УРНАА МЕКСИКО Англија избори европско четвртфинале со Норвешка appeared first on plusinfo.mk.

Калин Ивановски го доби најтешкиот испит во Загреб. Македонскиот тенисер славеше над Павлос Циципас со 2-0 во сетови и обезбеди место меѓу најдобрите осум на ИТФ М25 турнирот.

Мечот траеше 2 часа и 13 минути. Првиот сет донесе вистинска тениска шаховска партија без ниту еден брејк. Одлуката падна во тај-брејкот, каде Ивановски покажа повеќе нерви и славеше со 10-8.

Во вториот сет двајцата тенисери повторно сигурно сервираа. Клучниот момент дојде во 11-тиот гем, кога Ивановски го направи единствениот брејк на натпреварот и потоа рутински ја завери победата со 7-5.

Македонски успех во Загреб донесе и Олег Приходко.

Првиот носител фуриозно го отвори мечот против Хлиб Секачов и првиот сет го доби со убедливи 6-0. Потоа следеше пад во играта, па противникот израмни на 1-1 во сетови.

Во решавачкиот дел Приходко повторно ја презеде контролата. Направи брејк за 4-3 и ја зачува предноста до крајот за победа од 2-1 и пласман во четвртфиналето.

Денот за македонското дуо не завршува тука. Ивановски и Приходко ќе настапат и во конкуренција на двојки, каде ќе се обидат да го продолжат победничкиот ритам во Загреб.

The post ИВАНОВСКИ ГО СРУШИ БРАТОТ НА ЦИЦИПАС ЗА ЧЕТВРТФИНАЛЕ Македонското дуо продолжува да гази во Загреб appeared first on plusinfo.mk.