Во емотивен миг на актуелната скијачка сезона, 26-годишниот Домен Превц ја испиша најновата страница на словенечката спортска бајка, освојувајќи го престижниот „Златен орел“ на турнејата „Четири скокалници“.

Во големото финале во Бишофсхофен, Австрија, Превц ја потврди својата доминација иако дневната победа му припадна на домашниот херој Даниел Чофениг, кој со скок од 140,5 метри ги воодушеви навивачите и освои 303,9 поени. Словенецот заврши втор со 299,8, што беше доволно за вкупна победа на турнејата со 1.195,6 поени – убедливо пред Јан Херл и Стефан Ембахер.

– Пред десет години гледав како брат ми го крева трофејот. Сега тој е во мои раце. Ова е исполнување на детскиот сон – рече видливо возбудениот Домен.

Оваа победа го прави Превц третиот Словенец што го освоил „Златниот орел“, по легендарниот Примож Петерка (1997) и неговиот брат Петер Превц (2016). Со тоа, династијата Превц уште еднаш покажа дека словенечките скокови не се само спорт, туку традиција, гордост и семејна приказна што трае три децении.

The post 📽️ СЛОВЕНЕЧКАТА „ДИНАСТИЈА“ ПРЕВЦ ПОВТОРНО ГО КРЕНА ЗЛАТНИОТ ОРЕЛ „Четири скокалници“ му припаднаа на помалиот брат appeared first on plusinfo.mk.

По триумфот во Оберстфорд остварен пред три дена, Кобајаши денеска победи и во Гармиш-Партенкирхен на вториот натпревар од турнејата.

До победата, јапонскиот натпреварувач стигна со скокови од 143 метри во првата и 135,5 метри во втората серија, односно 291,2 освоени бода.

Второто место му припадна на Германецот Маркус Ајзенбихлер со 141 и 143,5 метри или 291 бод.
Трет беше Ловро Кос од Словенија со прескокнати 135,5 метри и 138 метри, 286 бодови.

Следен натпревар за најдобрите ски-скокачи во светот е на 4 јануари во австриски Инсбрук.

The post ТРИУМФ НА КОБАЈАШИ ВО ГАРМИШ-ПАРТЕНКИРХЕН „Четири скокалници“ продолжува во Инсбрук appeared first on plusinfo.mk.

Кубацки, кој е победник на ланската турнеја „четири скокалници“, денеска скокна рекордни 144 метри и со 281,1 бод победи пред Норвежанецот Халвод Гранеруд, кој со скоковите од 137 и 126 метри освои за 7,2 бода помалку од Кубацки и заврши второпласиран.

Трет денеска беше Пјотр Жила со 260,4 бода, а Камил Стох стогна на 260 за четврто место и со тоа ја потврди доминацијата на полските скокачи во гармиш.

Во генералниот пласман на половина од новогодишната турнеја Гранеруд води со 55 бода, пред Гајгер со 551, откако денеска победникот од Оберздорф потфрли, додека Стох е трет со 547,3 бода.

The post Кубацки триумфираше на втората од четири „новогодишни“ скокалници appeared first on plusinfo.mk.