Кога патувате некаде на одмор или на деловно патување, едно од задолжителните прашања што го поставувате е – дали водата од чешмата е безбедна за пиење во таа земја и тој град.

Бидејќи е сезона на годишни летни одмори, ова прашање е исто така актуелно.

Според „ADAC“, ако случајно сте на одмор во Хрватска, пиењето вода од чешма е вообичаено и се смета за безбедно.

Сепак, важно е да бидете внимателни, предупредуваат од ова здружение, кога сте на одмор, дури и во европските земји.

Имено, водата од чешма во некои земји може да претставува ризик по здравјето. Овие предупредувања се засноваат на информации од американските центри за контрола и превенција на болести, пишува списанието Феникс.

Во соопштението на „ADAC“ се наведува каде на европска почва потрошувачката на вода од чешма може да биде опасна:

1. Албанија,

2. Босна и Херцеговина,

3. Бугарија,

4. Косово,

5. Литванија,

6. Латвија,

7. Молдавија,

8. Македонија,

9. Романија,

10. Србија,

11. Турција.

Во секој случај, важно е да ги проверите најновите извештаи од земјата во која патувате за да бидете сигурни дека пиете вода што е безбедна за вашето здравје.

The post НЕ ПИЈТЕ ВОДА ОД ЧЕШМА ВО МАКЕДОНИЈА! Важно предупредување за германските туристи, нашата земја се најде на неславната листа appeared first on plusinfo.mk.

Опозициската партија веќе неколку дена тврди дека градоначалникот на Град Скопје Петре Шилегов набавува урбана опрема по рекордно висока цена.

– Клупата во вредност од 500 евра е помало изненадување од јавната набавка на чешми за вода во вредност од 1.500 евра. Градоначалниците на Скопје на чело со Шилегов склучуваат договори за јавни набавки во кои цените на иста урбана опрема, со иста тендерска спецификација варираат од година во година – изјави портпаролката на партијата Марија Митева.

Според неа, податоците од електронскиот истем за јавни набавки покажуваат дека Градот плаќал високи цени за чешми и во изминатите неколку години.

– Шилегов во 2019-тата година извршил јавна набавка на чешми за вода чија единечна цена била 69.000 денари, додека во 2020-та и 2021 година чешмата веќе чини 89.000 денари. А, станува збор за идентична чешма, со исти карактеристики како онаа која пред две години била 20.000 денари поевтина – вели Митева.

ВМРО-ДПМНЕ смета дека  Шилегов нема долгорочна стратегијата за одржлив развој на градот.

– Бројките говорат дека Град Скопје има зголемување на долгот за осум пати повеќе од кога градоначалник е Шилегов. Капиталните инвестиции за Шилегов се мисловна именка, но затоа чешмите во вредност од 1.500 евра се она што го добиваат скопјани – вели Митева.

The post Митева: Шилегов троши без усул, сега купува и чешми по цена од 1.500 евра appeared first on plusinfo.mk.

– Златко Марин градоначалникот на Аеродром од СДСМ, е пример за тоа како се однесува СДСМ, Марин е пример за лукративноста на мафијата на власт во време кога веќе втора година е вонредна состојба! Златко Марин, според објавените документи, прави општински набавки на производи по десеткратно поголеми цени и тоа во малопродажба. Документите кои што излегуваат во јавноста за набавките и тендерите на Златко Марин ги минуваат сите граници на пристојност. На пример, Златко Марин плаќа една ЛЕД сијалица за улично осветлување – за 48.000 денари. Внимавајте, сијалица – 48.000 денари, една! Само со едно брзо пребарување на интернет, лед сијалици за улично осветлување со истите карактеристики за кои што Марин плаќа 48.000 денари може да се најдат за 2,3,4, па еве и 5.000 денари. Колку овие 48.000 денари за сијалица се неверојатни, колку овие 800 евра за сијалица се набилдани, покажува и споредбата дека бандерата, столбот од 4 метри, со сите карактеристики и потреби за на неа да се стави сијалицата од 800 евра – чини 15.000 помалку, односно 33.000 денари. Бандера, 33.000, сијалица 48.000 денари – рече Стоилковски.

Тој додава и дека Златко Марин набавува обрач за кош.

– Само обрач, без табла, без мрежа – обрач за кош, без сите оние други елементи за да можат да играат деца. И за него плаќа 15.000 денари, точно 14.900 денари! Златко Марин, професор по физичко, набавува обрач за кош за 15.000 општински денари. Во време на епидемија, луѓето кога се оставени без заштита, седат затворени во полициски час, а тој дава 250 евра за еден обрач, а во продавница обрачи за кош се продаваат за 4.000 денари. Значи не на тендер, туку во продавница, во малопродажба. Одиме понатаму, Златко Марин со пари од Општина Аеродром плаќа метална чешма за пиење вода за 65.000 денари! Над 1.000 евра за една чешма. Славина, вели замена на оштетена славина со таканаречена цуцла, со механизам за затворање односно „копче на притискање“ тоа чини 7.000 денари. Само за отворање на вентилите на чешми наплаќа 6.600 денари! Отворање на вентил 6.600 денари. 65.000 денари чешма, отворање вентил 6.600 денари, славина со копче 7.000 денари! И така натаму, и така натаму. Сешто може да се најде во набавките на Златко Марин со Буџетот на Општина Аеродром. Ова е срамно. СДСМ нема ден да не е некој нејзин функционер фатен во криминален скандал. Златко Марин само пред некој месец беше фатен како се обидува да поткупи медиуми и новинари под превезот на наградна игра, што беше осудено од јавноста и од новинарско медиумските организации. Ова е недозволиво, ова е нечовечки, Златко Марин на тендери да купува сијалица за 48.000 денари, 10 за 480.000 денари, додека граѓаните седат затворени во полициски час! Оттука, уште што треба да се случи за институциите да почнат да си ја работат работата? По смената на власта во Аеродром, сите овие набавки ќе одат на ревизија, одговорност ќе има – истакна Стоилковски.

The post Стоилковски: Златко Марин купил сијалица за 48.000 денари, чешма за 65.000 денари, обрач за кош за 15.000 денари appeared first on plusinfo.mk.