Демонстрантите во Прага ја поминаа ноќта пред парламентот протестирајќи против владиниот план на премиерот Андреј Бабиш да ги откаже претплатите на Чешката телевизија и Чешкото радио и да ги префрли во државниот буџет.

Предлог-законот го усвои првото читање утрово, по жестока дебата во текот на ноќта и покрај опозицијата и демонстрантите.

Околу 500 луѓе вчера се собраа пред парламентот, а околу 200 од нив останаа да преноќат. Во еден момент, дел од демонстрантите се обидоа да влезат во зградата, поради што полицијата интервенираше, но никој не беше уапсен.

Опозицијата го обвини владејачкото мнозинство за ограничување на дебатата и забрзување на гласањето, најавувајќи жалба до Уставниот суд.

Demonstrators storm parliament in the Czech Republic

In Prague, several hundred activists gathered in Malostranské Square, in front of the lower house of parliament. The protest was sparked by a draft law that would shift the funding of Czech Television and Czech Radio from citizen-paid fees to the state budget—a move protesters argue would strip these media outlets of their independence.

Dozens of people attempted to force their way into the building. No arrests were made, and the situation was brought under control. Prime Minister Andrej Babiš urged the opposition to stop escalating tensions.

— Global Brief (@globalbrief_now) October 24, 2026

Бабиш тврди дека откажувањето на претплатата е дел од предизборните ветувања на неговата партија и дека целта е да се олеснат трошоците за граѓаните. Критичарите, сепак, предупредуваат дека финансирањето од буџетот ќе им овозможи на властите да влијаат врз средствата наменети за јавните медиуми.

Загриженост изразија Европската федерација на новинари, Европската радиодифузна унија, Репортери без граници и други новинарски организации и јавни служби во Европа. Тие предупредуваат дека финансирањето на јавните медиуми мора да биде стабилно, доволно и заштитено од политичко влијание, во согласност со Европскиот закон за слобода на медиумите.

Европската радиодифузна унија процени дека промената би можела да ги направи јавните услуги зависни од парите што ги издвојуваат политичарите секоја година, додека Европската федерација на новинари ги повика чешките власти да обезбедат законски гаранции за нивната независност.

To je naprosto famózní, jak se během pár hodin spontánně zaplnilo Malostranské náměstí.
Jste úplně skvělí!
Morava děkuje Pražanům! https://t.co/MqFKNn3rwD

— Barbora Mercury (@MercuryBarbora) October 23, 2026

Владата тврди дека нема намера да ги контролира јавните медиуми, а Бабиш ги отфрли обвинувањата на опозицијата како лажни. Предлог-законот сега мора да го разгледа надлежниот комитет, по што ќе се врати во парламентот на гласање. Исто така, треба да биде потврден од Сенатот и потпишан од претседателот Петр Павел.

Чешката телевизија и чешкото радио најавија еднодневен штрајк за 3 ноември, додека граѓанската иницијатива „Милион моменти за демократија“ и други организации ги повикаа граѓаните на нови протести.

The post 🎥 ДЕМОНСТРАНТИ СЕ ОБИДУВААТ ДА ВЛЕЗАТ ВО ЧЕШКИОТ ПАРЛАМЕНТ Не дозволуваат да се укинат претплатите за државната телевизија и за државното радио appeared first on plusinfo.mk.

Чешкиот хоризонт и светската радиоинженерска историја засекогаш го променија својот изглед. Вчера, со контролирана серија експлозии, беа урнати култните кули близначки на радиопредавателот „Либлице Б“ во Централна Бохемија. Со својата импозантна висина од 355 метри, овие челични решеткасти џинови речиси половина век гордо ја носеа титулата за највисока градба во Чешка и највисок активен предавателен систем за средни бранови во целиот свет.

Изградени во периодот меѓу 1975 и 1976 година за време на поранешна Чехословачка, кулите биле пуштени во официјална употреба на 28 декември 1976 година. Проектот за металната конструкција е изработен од Hutní projekt Praha. Главниот инженер бил Јан Штјовичек, додека Милан Хаушка помогнал во развојот на специфичниот принцип на конструкцијата. Системот бил поставен на две кули оддалечени 120 метри една од друга, опремени со напредни внатрешни лифтови на компанијата Alimak, со кои на техничарите им беа потребни околу 45 минути за да се искачат до самиот врв.

Czechia demolishes two of the country’s tallest radio towers

Authorities carried out a controlled demolition of two 355-meter radio masts in Liblice, near the town of Český Brod.

— NEXTA (@nexta_tv) October 15, 2026

Примарната функција на овој мега-комплекс со максимална јачина на предавателите од дури 1,5 мегавати била емитување на радиопрограма на средни бранови (AM). Со децении, моќниот сигнал од Либлице на фреквенција од 639 килохерци покривал огромен дел од Централна Европа, а програмата на Чешкото радио редовно и кристално јасно се слушала длабоко во териториите на соседните држави, вклучувајќи ја и Германија. Меѓутоа, со дигитализацијата и модернизацијата на медиумите, ерата на аналогните средни бранови почна да згаснува.

Проштален сигнал

Крајот на активната комерцијална улога на предавателот започна во декември 2021 година, кога јавниот радиодифузер Чешко радио ги исклучи своите среднобранови предаватели заради заштеда на трошоци. Објектот продолжил да работи со значително намалена моќност за потребите на приватната станица Country Radio сѐ до март 2025 година, по што кулите целосно замолкнаа. За последен пат, група радиоаматери симболично го оживеаја предавателот за проштален сигнал само неколку дена пред рушењето.

Сопственикот на комплексот, компанијата České Radiokomunikace (CRA), се нашол пред сериозен финансиски и безбедносен предизвик. Неопходното одржување и целосната реконструкција на гигантските кули, вклучувајќи ја замената на 30-те масивни челични кабли за закотвување и модернизацијата на лифтовите, биле проценети на минимум 170 милиони чешки круни (речиси 7 милиони евра). Иако објектот бил понуден на продажба во јули со надеж дека некој ентузијаст или институција ќе го спаси за туризам или за итни кризни служби, преговорите со потенцијалните купувачи пропаднале бидејќи никој немал доволно средства за сигурно управување.

Самото уривање е ремек дело

Самиот процес на уривање бил техничко ремек-дело координирано од експертот Петр Микула. Подготовките траеле со денови, а клучен чекор било претходното исклучување и демонтирање на сигналните светла за да се спречи распрскување на стаклени парчиња во околината при падот. Двете кули морале да бидат урнати истовремено точно во 11:15 часот, бидејќи нивните помошни носечки челични сајли се вкрстувале под специфичен агол. Поради тоа, тие биле дизајнирани да се склопат контролирано навнатре кон нивната сопствена основа, слично како преклопен метар, заземајќи минимален простор на околните ниви.

Специјалните единици употребиле само 4,5 килограми од експлозивот „Семтекс“ за да ги пресечат главните челични јажиња, по што колосите ја изгубиле рамнотежата и во рок од само десет секунди исчезнале од линијата на хоризонтот.

Иако точниот час на експлозијата се чувал во тајност од безбедносни причини за да не се привлекува преголема толпа, стотици граѓани сепак се собрале надвор од безбедносната зона со двогледи во рацете за да се збогуваат со, како што самите велат, „симболот на нивниот дом“. Полицијата за кратко го запрела сообраќајот на главниот автопат меѓу Прага и Колин.

Веднаш по падот, работата ја презела специјализираната фирма за рециклирање Kovo-Central, која има рок од 20 дена да го исече паднатиот челик и целосно да го транспортира од нивите.

По уривањето на Либлице Б, официјално највисоката градба во Чешка сега е телевизискиот и радиопредавател Крашов во регионот Плзењ, кој достигнува висина од 347,5 метри.

The post 🎥 ЗА 10 СЕКУНДИ УРНАТИ НАЈВИСОКИТЕ РАДИОКУЛИ ВО СВЕТОТ Чешка се збогува со предавателите кои пренесуваа вести низ Централна Европа appeared first on plusinfo.mk.

Чешкиот премиер Андреј Бабиш предупреди дека светот сега оди директно кон трета светска војна и Европа и САД мора итно да ги принудат рускиот претседател Владимир Путин и украискиот претседател Володомир Зеленски да седнат на преговарачка маса.

– Руската војна во Украина досега трае 1.666 дена, односно 99 дена подолго од Првата светска војна. Не се плашам да го кажам тоа гласно. Патот по кој светот оди денеска не води кон безбедност. Тој води директно до портите на пеколот. Тој нè води кон Третата светска војна – рече Бабиш на Самитот за одбрана во Прага.

Чешкиот премиер ја осуди Русија за нејзината агресија врз Украина и го критикуваше Западот и неговите лидери дека се концентрираат само на военото решение на конфликтот.

– Ако се фокусираме само на воено решение, мислам дека тоа не е идеално – рече Бабиш.

Тој предупреди дека американскиот претседател Доналд Трамп сè повеќе јасно става до знаење дека војната е првенствено проблем за Европа, а не за САД, и затоа, според чешкиот премиер, Европа мора повеќе да се занимава со дипломатско решение.

– Штом некој во Европа ќе споменеше дека би сакал да го реши тоа преку дипломатија, веднаш го критикуваа – рече Бабиш.

Чешкиот премиер, исто така, изјави дека Европа мора да извлече поуки од војната во Украина и да најде решенија во случај на напад, првенствено, одбрана од балистички ракети.

– Можеби сум наивен, но сакам да ги убедам нашите партнери да се фокусираат на таков проект – рече Бабиш.

Андреј Бабиш го спомена примерот со Ербас, со кој европските земји покажаа за што се способни кога ќе ги обединат своите капацитети и напори и посочи дека на сличен начин би можеле да создадат антиракетен штит како што направи Израел.

Бабиш го нарече заедничкиот европски противракетен систем Еуро-Патриот, а според негово верување, тоа би бил значаен придонес на европските земји во НАТО, не како паралелен систем ниту заобиколување на САД, туку систем вклучен во европското крило на Алијансата, кое со договор презема зголемена одговорност за одбраната на Европа.

Меѓународната безбедносна конференција „Прашки самит за одбрана“ се одржува од 16 до 18 септември во чешката престолнина, а оваа година е посветена на зајакнувањето на одбранбените капацитети на европските земји, решенијата за ефикасна поддршка на Украина и за новите технологии во армијата.

The post СВЕТОТ ОДИ КОН ТРЕТА СВЕТСКА ВОЈНА Бабиш алармира Европа и САД итно да ги доведат Зеленски и Путин на преговарачка маса appeared first on plusinfo.mk.

Чешкиот премиер Андреј Бабиш остро ги критикуваше домашните разузнавачки служби, оценувајќи дека Службата за надворешно разузнавање (УЗСИ) „потфрлила“ бидејќи доцнела со информирањето за организирана дезинформациска кампања чија цел била да создаде раздор меѓу Чешка и Полска преку лажни вести за наводни полски претензии за анексија на чешка територија.

– Требаше да ги имам овие информации многу порано – изјави Бабиш по седницата на владата, упатувајќи директни критики до разузнавачите.

Инцидентот го предизвика интернет-кампања дизајнирана да создаде впечаток дека Полска сака да анектира дел од чешката територија. Во рамките на операцијата биле креирани лажни верзии од веб-страниците на чешкиот јавен радиодифузен сервис, како и лажен профил на социјалните мрежи кој наводно му припаѓал на чешкиот амбасадор во Варшава.

Безбедносните експерти се сомневаат дека станува збор за професионално организирана операција. Сè уште не е потврдено дали зад неа стои Русија, но се напоменува дека и Чешка и Полска се членки на НАТО и важат за силни поддржувачи на Украина.

Бабиш реагираше на дезинформациите со споделување на порака од полскиот премиер Доналд Туск на мрежата „Икс“, во која јасно се истакнува дека двете земји се цврсти сојузници.

Според последниот попис од 2021 година, околу 38.000 лица во Чешка се изјасниле како припадници на полското малцинство, додека во Полска истата година 7.800 лица изјавиле дека се дел од чешкото малцинство. Чешкото малцинство е и официјално признаено со полскиот Устав.

Од потпишувањето на договорот за границата меѓу Полска и тогашна Чехословачка во 1958 година, спорот околу територијалните претензии главно се смета за затворен. Со тој договор границата беше утврдена по текот на реката Олза, притока на Одра, која претходно беше извор на остри спорови. Сепак, националистичките политичари и натаму повремено повикуваат на промени на граничната линија.

The post НЕКОЈ СЕ ОБИДЕ ДА ГИ СКАРА ЧЕШКА И ПОЛСКА СО ЛАЖНИ ВЕСТИ Професионална кампања наметнува впечаток дека Полска сака да анектира чешка територија? appeared first on plusinfo.mk.

Енергетиката, инвестициите и примената на современи технологии беа во фокусот на средбата на министерката за енергетика, рударство и минерални суровини, Сања Божиновска, со заменик-премиерот и министер за надворешни работи на Чешката Република, Петр Мацинка, кој престојува во официјална посета на Македонија.

На средбата беше потврдена одличната и континуирана соработка меѓу Македонија и Чешката Република, со заедничка оценка дека постои значителен простор за нејзино натамошно продлабочување, особено во енергетскиот сектор, соопшти Министерството за енергетика.

Во разговорот посебно внимание беше посветено на можностите за чешки инвестиции и поголемо присуство на чешки компании во Македонија, како и на размената на експертиза и технологии во области од стратешко значење – енергетска инфраструктура, обновливи извори на енергија, енергетска ефикасност и модернизација на енергетските системи.

– Чешка е наш докажан и значаен партнер. Имаме одлична соработка и воспоставени канали на комуникација, а сега целта е да направиме уште еден чекор напред – од размена на искуства кон конкретни проекти, инвестиции и технолошки партнерства. Македонија има голем потенцијал, а чешкото знаење и искуство можат да бидат значаен придонес во нашата енергетска трансформација – истакна министерката Божиновска.

Божиновска го потенцираше и значењето на директното институционално поврзување и економската дипломатија за отворање нови можности за македонските компании и привлекување инвеститори од Чешка.

Соработката меѓу двете земји во економијата и енергетиката веќе има конкретна основа. Во март 2025 година, министерката Божиновска беше копретседавач на Третиот состанок на Мешовитиот комитет за билатерална економска соработка меѓу Македонија и Чешката Република, каде што беа разгледани можностите за унапредување на економската соработка, трговската размена и реализација на проекти од заемен интерес.
Во рамки на оваа соработка, македонската страна во изминатиот период оствари и директни контакти со релевантни чешки енергетски институции и компании, со цел размена на искуства и создавање услови за конкретни партнерства.

На средбата беше заклучено дека енергетската транзиција, сигурноста на снабдувањето и модернизацијата на инфраструктурата се области во кои двете земји имаат заеднички интерес, а постои потенцијал за продлабочување на соработката преку конкретни проекти и вклучување на бизнис-заедниците.

„Средбата Божиновска – Мацинка е потврда дека традиционално добрите политички односи меѓу Македонија и Чешка се претвораат во сè посилна економска и енергетска соработка, со фокус на инвестиции, технологии и конкретни резултати“, соопшти Министерството за енергетика.

The post ЧЕШКОТО ИСКУСТВО ЌЕ ПОМОГНЕ ВО ЕНЕРГЕТСКАТА ТРАНСФОРМАЦИЈА НА МАКЕДОНИЈА Средба на министерката Божиновска со чешкиот вицепремиер Мацинка appeared first on plusinfo.mk.

Претседателката Гордана Сиљановска-Давкова денеска во вилата „Билјана“ во Охрид го прими заменик-претседателот на Владата и министер за надворешни работи на Чешката Република, Петр Мацинка, којшто престојува во официјална посета на Македонија.

Како што соопшти претседателскиот Кабинет, на средбата констатирале дека македонско-чешките односи се одликуваат со традиционално пријателство, засновано врз меѓусебна почит и разбирање. Во делото на просветителите „Св. Кирил и Методиј“ препознаваат вредно заедничко наследство со огромна обединувачка моќ.

Главна тема на разговорот бил долгиот пат на Македонија како и на Западниот Балкан кон Брисел. Сиљановска-Давкова притоа укажала дека дводеценискиот кандидатски статус за членство во ЕУ не произлегува од неусогласеноста со европското право и пракса, туку од блокадите на некои соседи од ирационален идентитетски карактер.

Таа предупредила дека европската интеграција на Западниот Балкан е не само политичко и техничко, туку и европско безбедносно прашање.

Министерот Мацинка оценил дека местото на земјата е во Европската Унија. Според него, на Чешката Република и се потребни сојузници со слично минато, менталитет и култура.

Претседателката се заблагодарила за чешката принципиелна и континуирана поддршка изразена преку иницијативата „Пријатели на проширувањето“, како и преку ангажманот на Чешката Република во рамките на Вишеградската група и форматот Славков, се додава во соопштението.

Двајцата соговорници изразиле уверување дека плодната соработка во економијата, туризмот, науката и образованието ќе продолжи, ќе се прошири и ќе зајакне.

The post НА ЧЕШКА Ѝ СЕ ПОТРЕБНИ СОЈУЗНИЦИ КАКО МАКЕДОНИЈА Средба на Сиљановска Давкова со чешкиот вицепремиер Мацинка appeared first on plusinfo.mk.

Чешкиот премиер Андреј Бабиш денеска во Белград ја повтори поддршката за членството на Србија во Европската Унија, но и за нејзино приклучување кон Шенген-зоната, оценувајќи дека Србија и другите земји кои не се дел од Шенген, според него, поефикасно ја штитат надворешната граница на Унијата од илегалната миграција отколку некои земји членки.

Бабиш, кој ја предводи чешката државна делегација во дводневна посета на Белград, на заедничката прес-конференција со српскиот претседател Александар Вучиќ истакна дека Европската Унија треба да вложи напори Србија и останатите земји од Западен Балкан да станат дел од „европското семејство“, бидејќи процесот на проширување трае со децении.

– За жал, на ниво на Европската Унија не сме во состојба да кажеме зошто не ги сакаме овие земји. Србија ја има нашата поддршка, а тоа е особено важно за Европа, особено во време кога наместо за мир постојано се зборува за војна – изјави Бабиш.

Српскиот претседател Александар Вучиќ му се заблагодари на Бабиш за поддршката од Чешка за европскиот пат на Србија, нагласувајќи ја важноста од приклучувањето кон единствениот европски пазар, како и од отворените граници во регионот и кон земјите членки на Унијата.

Бабиш потсети дека Србија за време на пандемијата со Ковид-19 на Чешка ѝ донирала 100.000 вакцини, во период кога неговата земја, како што рече, „се борела за вакцини во рамките на ЕУ“.

„Таквите гестови не се забораваат“, порача чешкиот премиер.

Тој изјави дека е „воодушевен“ од работењето на чешките компании во Србија и од трговската размена меѓу двете земји, која достигнала 2,4 милијарди евра.

Во текот на денот Србија и Чешка ќе одржат и бизнис-форум на кој ќе учествуваат околу сто компании.

Вучиќ најави дека стопанствениците ќе ги претстават можностите за понатамошна соработка меѓу Србија и Чешка и се заблагодари за одлуката на чешката Влада да учествува на специјализираната изложба „ЕКСПО 2027“.

The post БАБИШ СО СИЛНА ПОДДРШКА ЗА СРБИЈА Чешкиот премиер бара Белград да влезе во ЕУ и Шенген appeared first on plusinfo.mk.

Првиот офицер на патничкиот катамаран „Крило Еклипс“, кој учествуваше во трагичната несреќа во Сплитскиот Проток, е уапсен и се наоѓа под истрага.

Според хрватските медиуми, 33-годишникот е осомничен за тешко кривично дело против безбедноста на сообраќајот. Доколку биде прогласен за виновен, му се заканува затворска казна од три до 15 години.

Во судирот меѓу катамаранот и едрилица загинаа четири лица. Едрилицата беше пронајдена потоната на повеќе од 50 метри под површината.

Чешките медиуми во меѓувреме ги објавија идентитетите на две од жртвите. Станува збор за сопружниците Јирина и Петр од градот Болатице. Зад нив останале две ќерки и внуци. Според порталот Blesk.cz, веста предизвикала шок во нивната локална заедница.

Петр бил познат како страствен љубител на танцот и учествувал во бројни локални претстави. Негови пријатели потсетуваат и дека пред десет години успеал да ја добие битката со ракот.

Истрагата за причините за несреќата продолжува.

Трагедијата се случи во понеделникот вечерта во Сплитскиот Проток. И катамаранот и едрилиците се движеле во иста насока, кон островот Хвар.

Трагедијата доби дополнителна тежина по тврдењата дека во моментот на судирот со едрилицата управувал еден од патниците, наместо професионален капетан.

НАМЕСТО КАПЕТАН, ПАТНИК БИЛ НА КОРМИЛОТО Поморската трагедија кај Брач добива расплет

The post НА ЕДЕН ОД ОФИЦЕРИТЕ НА КАТАМАРАНОТ МУ СЕ ЗАКАНУВА ЗАТВОР Објавени имињата на жртвите од несреќата кај Брач appeared first on plusinfo.mk.

Илузија е дека Русија ќе се откаже од хибридните напади врз европските земји, рече претседателот на Чешка, Петр Павел, пред кадетите од Средното воздухопловно училиште во Куновице.

– Русија нас, како држави и членка на НАТО, нè означува како непријател и би било наивно да се преправаме дека тоа не е случај. Русија е земја, која, за жал, се однесува како империја и се обидува да владее и да ги контролира земјите околу неа – истакна Павел.

Тој предупреди дека е голема илузија дека во Европа ќе завладее мир откако ќе заврши војната во Украина и дека Русија ќе се однесува како пријателска држава.

– Не велам дека Русија, откако ја заврши војната во Украина веднаш ќе почне војна со НАТО, но може да продолжи со хибридна војна, а тоа и ќе го прави – посочи Павел.

The post НЕМА ДА ЗАВЛАДЕЕ МИР ВО ЕВРОПА КОГА ЌЕ ЗАВРШИ ВОЈНАТА ВО УКРАИНА Русија се однесува како империја, предупредува чешкиот претседател appeared first on plusinfo.mk.

Украина мора да ги исполни сите услови за членство, како што се бара од земјите од Западен Балкан, рече премиерот на Чешка, Андреј Бабиш, на денешниот неформален Самит на Европска Унија, што се одржува на Кипар.

– Треба да се има исти аршин за сите. Ако земјите од Западен Балкан мораат да ги исполнат поединечните услови за влез, тогаш мора да ги исполни и Украина. Тоа е став на поголемиот број лидери, бараме исти услови за сите нови земји членки – истакна Бабиш.

Тој наведе дека очекува тешки преговори за идниот буџет на ЕУ за периодот 2028-2035 година.

– Европската комисија номинално предлага приближно 20 проценти помалку пари за нас. Наводно, затоа што Чешка станува побогата. Не знам како заклучиле дека сме станале толку богати. Тие сакаат да ни земат околу 9 милијарди евра. Тоа е неприфатливо – наведе Бабиш.

Тој додаде дека главната задача на неговата влада е да ги задржи барем истите средства за Чешка во следниот седумгодишен буџет на ЕУ.

The post АКО МОРА ЗАПАДЕН БАЛКАН, И УКРАИНА МОРА ДА ГИ ИСПОЛНИ УСЛОВИТЕ ЗА ЕУ Бабиш бара ист аршин за сите земји appeared first on plusinfo.mk.