Обилните врнежи предизвикаа излевање на Кочанска Река која ги поплави селата Чешиново, Облешево и Чифлик. Најпогодено е селото Облешево каде што се поплавени куќи, ниви и магацини со ориз.

Општината Чешиново Облешево формираше кризен штаб.

Градоначалникот Јорданчо Костадинов вели дека се работи на санирање на состојбата, но потребна е дополнителна механизација за помош.

Директорот на Центарот за управување со кризи, Мухамед Али информирапе дека утрово се поплавени простории и дворови на различни локации во Чешиново-Облешево.

– Локалната самоуправа е активно ангажирана на терен со сите расположливи ресурси. Во интервенциите учествуваат и ТППЕ Кочани, Водостопанство „Брегалница“ и РЦУК Кочани. Побарана е и дополнителна материјално-техничка поддршка, особено за испумпување вода од поплавените објекти – вели директорот на ЦУК.

Али додава дека реките Брегалница и Кочанска Река имаат значително зголемен водостој. Излевање е забележано и на територијата на општината Штип.

– Како последица на врнежите, утрово се појавија свлечишта на експресниот пат Радовиш-Штип и на патниот правец Злетово-брана Кнежево. За настанит веднаш беше информирано ЈП Македонија пат, чии екипи излегоа на терен и интервенираа соодветно – вели Али.

Тој додава дека е забележано лизгање на земјиште во село Липково, кај место викано Кисела Вода. За овој случај Општина Липково веќе информирала дека располага со ограничени ресурси за интервенции од ваков тип, поради што побарала да се вклучат државните институции во санирање на свлечиштето.

The post ПОПЛАВЕНИ КУЌИ, НИВИ И МАГАЦИНИ СО ОРИЗ ВО ЧЕШИНОВО ОБЛЕШЕВО Се излеа Кочанска Река, висок водостој на Брегалница appeared first on plusinfo.mk.

The post ФИЛИПЧЕ ИЗЛАЖА И СИ ДОДАДЕ НА КОНТОТО УШТЕ 4 ОПШТИНИ Во Валандово, Чешиново – Облешево, Конче и Пробиштип сепак водат кандидатите на ВМРО-ДПМНЕ appeared first on plusinfo.mk.

Додека работел на градилиште кај локалните селски гробишта, 37-годишен маж починал од струен удар во Соколарци, општина Чешиново‑Облешево.

Несреќата се случила во вторникот наутро, околу 8 часот, за време на изведување градежни активности.

Според информациите од полицијата, станува збор за жител на селото со иницијали С.М.

Лекарска екипа од Итната медицинска помош излегла на терен, но само можела да ја констатира смртта.

The post 37-ГОДИШЕН РАБОТНИК ЗАГИНА ОД СТРУЕН УДАР Работел на градилиште кај селските гробишта во Соколарци appeared first on plusinfo.mk.

Тој е четврт случај годинава и случајот во ИЈЗ е пријавен на 12 септември.

„Првичните симптоми кај пациентот започнале на 09.09.2024 со намален апетит, малаксаност и покачена температура до 39°C. Поради појава на вознемиреност, агресивност, афазија и губиток на свест, пациентот на 10.09.2024 година со возило од ИМП Кочани бил пратен во КБ Штип каде биле спроведени дијагностички невролошки процедури. Поради тешката состојба на пациентот и дијагностициран енцефалитис, во текот на истиот ден е упатен за УК за инфективни болести и фебрилни состојби Скопје (КИБФС). Земени се примероци за микробиолошки анализи на повеќе причинители. Со серолошко испитување е добиен податок за присуство на антитела кон причинителот – WNV од вирусолошката лабораторија при ИЈЗ во серум и ликвор, односно потврдено е заболувањето Западно-нилска треска. Поради влошената состојба на пациентот и покрај поставување на кислородна маска и дадена терапија за стабилизирање на состојбата, пациентот егзитирал на 16.09.2024 за време на хоспитализација при КИБФС“, пишува во извештајот на ИЈЗ.

The post ЗАПАДНО-НИЛСКАТА ТРЕСКА ЗЕДЕ НОВА ЖРТВА Почина пензионер од Чешиново-Облешево appeared first on plusinfo.mk.

– Добро е да се биде членка на ЕУ, кога си земја членка на ЕУ, добиваш огромни средства од европските фондови прво за земјоделство, а потоа и за инфраструктура. ЕУ дава сериозни пари за да се обезбеди рамномерен регионален развој за да не биде некој регион многу богат, а некој многу сиромашен и поради тоа важно ни е да станеме земја-членка на ЕУ – порача Пендаровски.

Но, додаде тој, опозицијата го блокира патот кон ЕУ, се противи на договорите, со изговор дека ќе направи нови договори, кои наводно ќе биле подобри.

– Тие велат, ова не чини, тоа не чини, ние ќе направиме нови договори. Додека тие ги направат тие договори, под претпоставка дека ќе бидат подобри, што нема да биде случај и оние малку млади што се во државата ќе се иселат од тука – истакна Пендаровски.

Пендаровски порача дека работите ќе се сменат на подобро само ако сите се посветат на она што е важно за граѓаните и државата и од присутните побара поддршка на изборите на 24 април.

The post „ДУРИ ДА НАПРАВАТ НОВИ ДОГОВОРИ ЌЕ СЕ ИСЕЛАТ МЛАДИТЕ“ Пендаровски порача дека Македонија нема уште 20 години за чекање appeared first on plusinfo.mk.

– Особено се делуваше во крак од пожарот кој се наближуваше кон село Врбица и пожарот на тој потег е ставен под контрола – велат од МВР.

Исто така, додаваат оттаму, со хеликоптерот Ми-171 се извлечени 5 пожарникари од ТППЕ Кочани кои беа обиколени од оган и чад од сите страни и се оставени на сигурно, а со истиот хеликоптер беа транспортирани и 11 пожарникари на највисоката точка на пожарот за негово пресекување.

The post (ВИДЕО) ИЗВЛЕЧЕНИ СЕ ПОЖАРНИКАРИ ОПКОЛЕНИ ОД ОГАН И ЧАД Хеликоптер на МВР истури 60 тони вода на огнот во Чешиново-Облешево appeared first on plusinfo.mk.

На тој начин искажаа незадоволство зашто и покрај нивните реагирања и упатени писмени барања до надлежните државни институции, не добиле, како што рекоа, одговор како ќе им се реши пристапот до нивите кои остануваат отсечени со комплетирањето на новата сообраќајна врска.

– Се работи за над две илјади хектари оризови површини до кои ние воопшто не можеме да дојдеме ни пеш, а уште помалку со земјоделската механизација. За два месеца ќе почне жетвата на оризот, ама не знаеме ниту од каде ќе влезат комбајните, ниту од каде ќе го изнесеме ожнеаното од нивите. Со изведбата на експресниот пат не е обезбедено никакво поврзување со постојните полски патишта што земјоделците ги користат со децении – истакна Јоце Митров, земјоделец од Спанчево.

Земјоделците од трите села реагирале уште минатата година и оствариле средба со претставници на изведувачот и на надзорот на градежните работи, но не се постигнало заедничко решение.

– Во март годинава поднесовме и писмено барање до Јавното претпријатие за државни патишта и до Општина Чешиново-Облешево, но од никаде не добивме никаков одговор. Експресниот пат наскоро ќе биде готов, а решение за пристапот до нивите немаме. Тоа значи дека ќе бидеме принудени да ја сечеме заштитната ограда и да го исполниме со земја одводниот канал околу патот, за да можеме да преминуваме преку него. Околу 700 семејства во трите села својата егзистенција ја обезбедуваат од оризот и земјоделското произвдство, а без пристап до нивите сме осудени на пропаст – истакна Јорданчо Лефков, земјoделец од Спанчево.

Градоначалникот на Чешиново-Облешево, Горанчо Крстов, им даде поддршка на барањата на своите сожители, при што истакна дека може да се најде решение на проблемот.

– Општината немa никаква надлежност околу експресниoт пат затоа што не учествува во инвестицијата, иако земјодолците реагираа и кај нас. Тие се во право дека немаат никаков пристап до површините, а ние исто така барањата ги препративме до јавното претпријатие за државни патишта. Најдоброто решение е да се изгради земјен земјоделски пат, паралелен со експресниот, со што ќе се обезбеди поврзување со старите полски патишта – истакна Крстов.

Земјоделците од трите села нагласија дека нема да се откажат од своите барања и дека ќе продолжат со блокирање на градежните работи, сѐ додека не добијат одговор од надлежните како и кога ќе им се обезбеди соодветен пристап до нивите.

The post Експресниот пат ги отсече од нивите, се заканија дека ќе му ја исечат оградата appeared first on plusinfo.mk.

Крстев информираше дека се чувствува добро, но и дека има дезинформации низ општината за кои тој реагира и пријавил во полиција.

Градоначалникот рече дека слушнал дезинформации оти за него се зборува дека починал и дека сè уште полицијата нема преземено никакви активности против лицето, иако, како што рече, има закон за ширење лажни информации

Општината, рече Крстев во јавувањето во емисијата „Топ тема“ на телевизија Телма, функционира и редовно се извршуваат сите активности. Тој информираше дека редовно се собира сметот од страна на Јавното комунално претпријатие дека се издадени потврди за маркети кои треба да доставуваат храна за време на полициски час, а се прскаат и улиците со средства за дезинфекција.

The post Градоначалникот Крстев: Се шират дезинформации дека сум починал, поднесов пријава до МВР appeared first on plusinfo.mk.

Испитувањата Крстев ги направил откако кон крајот на март бил кај фризерот од Кочани кој во понеделникот почина на Клиниката за инфективни болести како последица од вирусот.

– По информациите дека фризерот е заболен, на своја иницијатива направивме две тестирања со сопругата, при што првиот тест беше негативен, а вториот позитивен. Од 1 април сум во самоизолација, а ги известив и вработените во Општината да ја применат истата мерка. Во моментот немам никакви симптоми за нарушена здравствена состојба, но ќе видиме како ќе биде во наредните денови – вели Крстев.

Во меѓувреме матичната лекарка на градоначалниот Крстев, Јасминка Ајтовска ги повика сите жители на општината да се јават кај своите матични лекари.

– Секој кој во последните 10 дена бил во контакт со градоначалникот или со некој од вработените во Општината..да се јави кај својот матичен лекар за понатамошни инструкции и лична заштита. Да не се создава паника.заболени од коронавирусот нема, но има позитивни од општинската зграда, кои се без симптоми – истакна Ајтовска.

Градоначалникот Крстев порача дека не треба да се создаваат паника и негативни ставови во јавноста за него и членовите на неговото семејство, ниту пак за кој било друг граѓанин кој е позитивен на коронавирусот.

The post Градоначалникот на Чешиново-Облешево позитивен на коронавирус appeared first on plusinfo.mk.