Поранешниот министер за надворешни работи на Турција и шеф на турската делегација во Парламентарното собрание на НАТО, Мевлут Чавушоглу, порача дека Европската Унија треба да биде поотворена и поискрена кон земјите кандидати за членство, нагласувајќи дека процесот на проширување мора да се темели на исполнети услови, без дополнителни политички барања.

Тој ова го истакна на меѓународната конференција „Дијалог за единство и мир 2026“, што се одржува во Скопје, каде учествуваат поранешни шефови на држави, министри, дипломати, универзитетски професори, истражувачи, претставници на меѓународни организации, бизнис-лидери и млади од Европа и Азија.

– ЕУ треба да биде отворена и искрена со земјите кандидати и да ги отвори вратите ако ги исполниле сите услови – изјави Чавушоглу.

Во своето обраќање, тој се осврна и на процесот на евроинтеграции на Северна Македонија.

– Од Македонија се бараше да го промени знамето, името и сега се бара да прифатат дека не се Македонци. Тоа е нечуено и спротивно на основните вредности на ЕУ – порача Чавушоглу.

Тој оцени дека ваквите дополнителни условувања надвор од преговарачките поглавја се „нефер и сурови“ кон државата и граѓаните.

Чавушоглу истакна дека Турција е за соработка и против нови поделби на Балканот, како и дека останува поддржувач на регионалната стабилност.

– Турција е за соработка и против создавање нови поделби на Балканот. Турција е подготвена да ги поддржи сите напори за мир, безбедност и економска соработка во регионот – рече тој, додавајќи дека евроинтеграцијата на регионот во иднина ќе се забрза.

Тој зборуваше и за улогата на НАТО и потребата од поширока европска ангажираност.

– Присуството на НАТО ќе продолжи да биде клучно за мирот и стабилноста во регионот, но не треба сè да се очекува само од САД, туку и европските сојузници треба да бидат поактивни – нагласи Чавушоглу.

Во однос на економските перспективи, тој порача дека Балканот има голем неискористен потенцијал и може да игра значајна улога во глобалните трговски текови.

– Географски Балканот е мост меѓу Западот и Истокот и економскиот потенцијал е особено важен за развојот на поширока Европа – изјави тој, додавајќи дека коридорот „Појас и пат“ ќе станува сè поважен.

Чавушоглу се осврна и на проширувањето на ЕУ, истакнувајќи дека процесот мора да биде фер.

– Верувам дека Црна Гора ги исполнува сите услови и верувам дека ЕУ земјите треба да одговорат зошто тоа не е така – рече тој.

На крајот, Чавушоглу изрази надеж за европската иднина на регионот.

– Евроинтеграциите на Балканот се клучни и се надевам дека Македонија ќе биде полноправна членка на ЕУ во блиска иднина – изјави тој.

На Меѓународната конференција „Дијалог за единство и мир 2026“ што денеска и утре се одржува во Скопје, учествуваат поранеши шефови на држави, министри, дипломати, универзитетски професори, истражувачи, претставници на меѓународни организации, бизнис-лидери и млади од повеќе земји од Европа и Азија, е во организација на Кабинетот на поранешниот претседател на Република Македонија 2009–2019, д-р Ѓорге Иванов, Меѓународниот центар Алијанса на цивилизациите (ICAC) и Алумни асоцијацијата на Школата за млади лидери на претседателот Иванов (ISLAA).

The post „БАРАА МАКЕДОНИЈА ДА ГО СМЕНИ ИМЕТО И ЗНАМЕТО, А СЕГА И ИДЕНТИТЕТОТ“ Чавушоглу со остра критика до ЕУ appeared first on plusinfo.mk.

Турскиот министер за надворешни работи Мевлут Чавушоглу денеска изјави дека Анкара нема да дозволи Грција да ги прошири границите на нејзините територијални води во Егејското Море, коментирајќи ги неодамнешните извештаи во грчките медиуми за плановите на Атина да ја прошири границата на територијалните води кај островот Крит до 12 милји.

– Последниве денови, главно во грчките медиуми, имаше извештаи за планови на Атина да ги прошири територијалните води кај островот Крит на 12 милји. Нашиот став по ова прашање е многу јасен. Уште еднаш ја предупредуваме Грција: не барајте авантура, не стремете се кон лажно херојство, не изложувајте се на авантура, последиците можат да бидат многу штетни – изјави турскиот министер за надворешни работи.

– Нема да дозволиме територијалните води на Грција во Егејското Море да се прошират ниту за една милја, а камоли за 12 милји. Одлуката на нашиот парламент од 1995 година за ова прашање сè уште е на сила – рече Чавушоглу.

Во 1995 година, турскиот парламент усвои резолуција со која го оквалификуваше грчкото проширување на постојните граници во басенот на Егејското Море како casus belli (причина за војна). Министерот, исто така, потсети дека Турција трипати се обратила до ОН поради грчката повреда на статусот на островите во Егејското Море.

The post НЕ БАРАЈТЕ АВАНТУРА Турскиот министер ја предупреди Грција за плановите да ги прошири територијалните води appeared first on plusinfo.mk.

Чавушоглу на конференцијата со неговиот шведски колега Тобијас Билстром рече дека одлуката на шведскиот суд да не екстрадира човек кој Турција го бара за наводна поврзаност со неуспешниот пуч во 2016 година ја „труе” позитивната атмосфера во преговорите.

Шведска и Финска ја напуштија својата долгогодишна политика на воена неутралност оваа година и решија да аплицираат за влез во НАТО по руската инвазија на Украина.

За ова е потребно едногласно одобрување од 30 земји-членки, но Турција уште не дава зелено светло, а како услов ја постави екстрадицијата на членовите на групите кои Анкара ги смета за терористички.

Чавушоглу додаде дека турската Влада се уште чека „конкретен развој” кога станува збор за екстрадициите и замрзнувањето на имотот.

– Има документ, тој треба да се спроведе. Сè уште не сме ни на половина пат. Ние сме на почетокот – рече тој, мислејќи на меморандумот што Турција, Шведска и Финска го потпишаа во јуни.

The post НИ НА ПОЛОВИНА ПАТ НЕ СТЕ ДО НАТО Турција ја предупреди Шведска да го исполни ветеното appeared first on plusinfo.mk.

Барањата на Русија мора да бидат исполнети за житото да стигне до оние на кои им е потребно, изјави турскиот министер за надворешни работи Мевлут Чавушоглу.

Коментирајќи го продолжувањето на договорот за испорака на жито преку Црното Море, тој појасни дека барањата на Русија мора да бидат исполнети за да се обезбеди пристапот до храна на оние на кои им е потребна, јави агенцијата Анадолија.

– Турција не ја брани Русија, но, свесна е дека ова е договор во кој мора да се исполнат руските барања со цел житото да стигне до оние на кои им е потребно, појасни Чавушоглу на прес-конференција.

Тој изрази надеж дека ќе дојде до прекин на огнот и крај на војната во Украина, преку дипломатски преговори, со цел повеќе да нема потреба од продолжување на договорот за испорака на жито.

Договорот за црноморскиот житен коридор вчера беше продолжен за 120 дена.

The post ЧАВУШОГЛУ НЕГИРА ДЕКА ЈА БРАНАТ РУСИЈА Турскиот министер порача дека житото мора да биде испорачано appeared first on plusinfo.mk.

На средбата се разговараше за актуелната ситуација предизвикана од руската инвазија во Украина, безбедносниот аспект и последиците за европските земји, како и напорите што Северна Македонија и Турција ги преземаат со цел справување со кризата. Поздравен е ангажманот и посредството на Анкара и Обединетите Нации во постигнатиот договор со кој се овозможува извоз на украинското жито до светските пазари, блокирано од самиот почеток на руската агресија.

Посебен осврт беше направен за регионалната соработка и предизвици, како и евро-атлантската перспектива на земјите од регионот и во таа насока, за наредните ангажмани на Северна Македонија во процесот на пристапните преговори и скринингот, кој формално е веќе започнат.

Разменети беа мислења во врска за билатералните односи, политичкиот и економски дијалог, во светло на 30 годишнината од воспоставувањето на дипломатски односи.

Нашето претседавање со ОБСЕ 2023, исто така беше неизоставен дел од разговорите, при што МНР Чавушоглу беше запознаен со приоритетите како и за до сега преземените активности и подготовки кои ги реализиравме во својство на земја член на Тројката на ОБСЕ.

The post ОСМАНИ СЕ СРЕТНА СО ЧАВУШОГЛУ ВО ЊУЈОРК Зборувале за интеграциите на Македонија, за Украина и за претседавањето со ОБСЕ appeared first on plusinfo.mk.

Шефот на турската дипломатија Мевлут Чавушоглу денеска ја повика Ерменија да „престане да го провоцира“ Азербејџан.

„Ерменија треба да престане со своите провокации и да се фокусира на мировните преговори и соработката со Баку“, напиша Чавушоглу на Твитер.

Азербејџанските сили утрово извршија напад на пет до шест места. Премиерот на Ерменија, Никол Пашинјан изјави дека најмалку 49 ерменски војници загинаа во судирите на границата со Азербејџан.

The post ЕРМЕНИЈА ДА ПРЕСТАНЕ ДА ГО ПРОВОЦИРА АЗЕРБЕЈЏАН Првиот турски дипломат реагираше на конфликтот appeared first on plusinfo.mk.

Министерот за надворешни работи на Турција Мевлут Чавушоглу изјави дека меѓу земјите од Западот и НАТО има и такви кои не сакаат да заврши војната во Украина.

Тој не сакаше да прецизира за кои земји станува збор, но посочи дека „генералниот секретар на ОН добро го знае тоа“.

– Има држави на Западот кои сакаат војната да продолжи, вклучително и земји-членки на НАТО. Јас не мислам само на САД, мислам на земји-членки на НАТО – рече Чавушоглу, пренесува ТАСС.

Според шефот на турската дипломатија, имало земји кои сакале да го саботираат договорот за извоз на житарици од украинските пристаништа, но прецизираше дека не биле САД во прашање.

– САД придонесоа за склучување на договорот за житарици, вклучително и укинување на ограничувањата за извоз на руско ѓубриво, деблокирање на пристаништата и укинување на ограничувањата за банкарското работење – рече Чавушоглу.

Тој изјави дека имало и европски земји кои сакале да го саботираат договорот.

The post НЕКОИ ЗАПАДНИ ЗЕМЈИ НЕ САКААТ КРАЈ ВО УКРАИНА Шефот на турското МНР вели дека некој бил против договорот за жито appeared first on plusinfo.mk.

– Работиме на воспоставување стабилност, соработка и просперитет на Балканот, со кого имаме длабоки врски – посочи Ердоган.

Претходно, шефот на турската дипломатија Мевлут Чавушоглу најави дека Ердоган следниот месец ќе ги посети балканските држави.

– Посетата што турскиот претседател Реџеп Таип Ердоган ќе ја направи на балканските земји следниот месец ја потврдува нашата посветеност на мирот и стабилноста на регионот. Турција силно ги поддржува мирот и стабилноста на Балканот – посочи Чавушоглу.

Тој се осврна и на тоа дека Турција обезбедила спроведувањето на Договорот за извоз на жито од Украина, со што придонела за обезбедување на доволни количини храна за светот „кога кризата со храна е на врата“.

Ердоган, исто така, ги осуди нападите на Израел врз палестинските цивили и додаде дека Анкара го поддржува решението две држави за палестинско-израелскиот конфликт.

The post ЕРДОГАН СЛЕДНИОТ МЕСЕЦ ЌЕ ГИ ПОСЕТИ БАЛКАНСКИТЕ ДРЖАВИ Работиме на стабилност и на просперитет во регионот appeared first on plusinfo.mk.

Чавушоглу ѝ забележа на Линде што ја повикува Турција да ги повлече своите трупи од Сирија, и ја обвини Шведска дека ги поддржува курдските екстремисти и молчи поради наводното грчко малтретирање на мигранти, кое Атина го демантира.

– Сакам да ве прашам: со чиј авторитет ѝ кажувате на Турција да се повлече од Сирија или ја предупредувате Турција? – праша Чавушоглу.

Тој исто така додаде дека „ако сте толку чувствителни на човековите права, зошто тогаш еднаш не ја критикувате Грција?“.

– Јас сум ваша гостинка. Не би сакала тука да водам расправа. Само се надевам дека сите во Турција ќе имаат можност да ги изразат своите ставови искрено како и вие, министре – изјави Линде на прекорот на Чавушоглу.

The post Чавушоглу воопшто не беше нежен со колешката од Шведска (ВИДЕО) appeared first on plusinfo.mk.