Kралот Чарлс уште во 2019 година, бил предупреден дека името на британското кралско семејство се „злоупотребува“ поради деловните врски на поранешниот принц Ендру Маунтбатен-Виндзор, открива „Дејли меил“.

Во е-мејл, информаторот го информирал судот дека поранешниот принц Ендру имал тајни финансиски врски со контроверзниот милионерски финансиер Дејвид Роуланд, за кој се вели дека ги злоупотребил своите врски со кралското семејство.

Извештаите добиени од овој весник, исто така, укажуваат дека поранешниот принц Ендру, му дозволил на Роуланд виртуелно да учествува во неговите службени должности.

Овој пакет е-пораки дополнително го вовлекува кралот Чарлс во кризата предизвикана од врските на Ендру со Џефри Епстин, како и обвинувањата дека тој му доставувал потенцијално доверливи и чувствителни документи на осудениот педофил.

Ендру еднаш му рекол на Епстин дека Роуланд е неговиот „сигурен човек за финансии“. Банкарот и неговиот син Џонатан Роуланд го придружуваа Ендру на патувањата што ги правеше како владин трговски претставник помеѓу 2001 и 2011 година, вклучувајќи посети на Кина и поранешни советски држави.

Со години, Ендру го информираше Роуланд за деловните можности што произлегуваат од неговата службена работа. Роуланд еднаш ѝ даде на поранешната сопруга на Ендру, Сара Фергусон, 40.000 фунти за да ѝ помогне да ги отплати долговите, а во 2017 година му отплати и заем од 1,5 милиони фунти на Ендру.

Во август 2019 година, информатор, кој имал детално познавање на односите на Ендру со Роуланд, му испратил е-пошта на тогашниот принц од Велс, Чарлс, преку кралските адвокати Farrer & Co, предупредувајќи го за „злоупотребата на кралското семејство од страна на Дејвид Роуланд“.

„Дејствијата на Неговото Кралско Височество, војводата од Јорк Ендру, сугерираат дека тој го смета својот однос со Дејвид Роуланд за поважен од односот со сопственото семејство“, наведува тој во пораката.

Потоа, дојавувачот испратил втора е-пошта до самиот Роуланд, со копија до Клајв Алдертон, личен секретар на Чарлс, и Марк Бриџис, адвокат на покојната кралица Елизабета во Farrer & Co.

Доставените докази недвосмислено потврдуваат дека поранешниот принц злоупотребил името на кралското семејство.

Понатаму се тврди дека Роуланд „му платил на војводата од Јорк за да обезбеди банкарска лиценца во Луксембург“ за неговата приватна банка Banq Haviland, а е-поштата наводно ги содржела и деталите за банкарската сметка на Ендру.

Е-поштата е дел од серија нови откритија за деловните активности на Ендру, вклучувајќи:

Ендру му кажал на Џонатан Роуланд дека имал „многу поддржувачки разговор“ со тогашниот премиер Дејвид Камерон и лидерот на лабуристите Ед Милибанд, наводно на свадбата на принцот Вилијам во април 2011 година, во време кога веќе се поставуваа прашања за неговата улога како трговски претставник по објавувањето на фотографијата на која ја држи 17-годишната Вирџинија Џуфре

Ендру тајно користел официјална трговска мисија за да помогне во посредувањето за мултимилионски нафтен договор за Кина за неговите деловни соработници, надевајќи се дека ќе „заработи многу пари“ со Епштајн
Британскиот амбасадор ја предупреди владата пред повеќе од 20 години дека однесувањето на Ендру ѝ штети на земјата и на кралското семејство

Ендру го поканил Џонатан Роуланд на состанок во Бакингемската палата, на кој присуствувал и британскиот амбасадор во Црна Гора, бидејќи тоа би помогнало во унапредувањето на деловните амбиции на семејството Роуланд
Пратениците вчера ја повикаа полицијата да ги истражи доказите добиени од „Дејли меил“, а поранешниот принц Ендру цврсто негираше какво било кривично дело.

Бакингемската палата соопшти дека, поради тековната полициска истрага, не можат да коментираат за е-поштата на дојавувачот, но дека секој релевантен материјал треба да се проследи до надлежните органи.

The post ШТО ЗНАЕЛ КРАЛОТ ЧАРЛС ЗА ТАЈНИТЕ ФИНАНСИСКИ ВРСКИ НА НЕГОВИОТ ПОМАЛ БРАТ? Пораки од бележникот на Епстин откриваат детали appeared first on plusinfo.mk.

На секоја фотографија од неа, некаде во позадина стои истиот човек. И кога се Хари и децата покрај неа, и кога е сама. Неговото име е Маркус Андерсон, а јавноста одамна го нарекува „вториот сопруг“ на војвотката од Сасекс.

Меган и Маркус се неразделни повеќе од една деценија. Без оглед дали оди на Модната недела во Париз, на семеен одмор во Дизниленд или на снимање на својата кулинарска емисија, покрај неа секогаш е токму тој.

Меѓутоа, Андерсон не е случаен придружник. Тој е директор за глобално членство во ексклузивниот клуб Soho House – местото каде што се запознале многу познати личности, а, според кралската експертка Кејти Никол, таму започнала и љубовната приказна меѓу Меган и принцот Хари.

– Принцот Хари го замолил Маркус да го запознае со Меган, не за состанок, туку да создаде природен момент на среќавање – изјавила Никол во документарец за кралската двојка.

Пријателство од Торонто до Виндзор

Меган и Маркус се запознале во Торонто, каде што таа ја снимала серијата Suits, а тој работел во канадската канцеларија на Soho House. Од тогаш останале блиски пријатели.

Тој бил присутен на нејзината свадба во 2018 година и бил меѓу ретките поканети на забавата пред раѓањето на нејзиното прво дете, на која вообичаено присуствуваат само жени.

Во својот поранешен блог The Tig, Меган го опиша Маркус како „љубезен, поддржувачки и бескрајно забавен пријател“.

 

View this post on Instagram

 

A post shared by Meghan Sussex Brasil | Fansite (@meghansbrasil)

Дел од семејството, недостапен за јавноста

Иако често патува со војвотката и нејзиното семејство, Маркус не сака јавнo да се експонира.

– Не му е удобно да биде во центарот на вниманието. Тоа, едноставно не е негов стил – изјавил нивен заеднички познаник.

Сепак, неговата постојана присутност покрај Меган и денес предизвикува љубопитност и шпекулации во британските и американските медиуми.

Но за Меган, Маркус останува нејзината најсигурна поддршка и човекот кој бил таму и пред Хари, и за време на бурниот живот во кралското семејство, и денес, кога таа гради свој независен пат.

The post СЕНКА ПОКРАЈ ВОЈВОТКАТА ОД САСЕКС Мистериозниот Маркус го нарекуваат нејзин втор сопруг appeared first on plusinfo.mk.

Американскиот претседател Доналд Трамп, наводно, денеска ѝ упатил комплимент на британската принцеза Кејт за време на кралскиот пречек во замокот Виндзор, велејќи ѝ дека е „толку убава“.

По пристигнувањето во замокот, Трамп најпрво се ракувал со принцот Вилијам и му рекол: „Здраво, пријателе, како си?“, а потоа се ракувал и со принцезата Кејт, на која ѝ упатил комплимент: „Толку си убава“, пренесува Индепендент.

Двете двојки потоа прошетале една покрај друга – Вилијам и Трамп разговарале во средината на групата, додека американскиот претседател ја држел својата сопруга Меланија за рака.

Потоа им се придружиле на кралот Чарлс III, кој исто така се ракувал со Трамп, а разговорот меѓу двајцата продолжил и за време на обиколката на почесната гарда.

Претседателот на САД беше пречекан со почесна гарда, по што тој и британскиот крал ги поздравија војниците, а потоа беа интонирани химните на САД и Велика Британија.

Двајцата лидери заедно со сопругите влегоа во златна кочија која ги однесе во замокот, каде што за гостите беше приреден свечен ручек.

Ова е прва официјална посета на Трамп на Велика Британија во неговиот втор мандат.

Тој пристигна во Лондон во вторникот навечер и изјави дека му е мило што повторно е во Британија, која ја нарече „многу посебно место“, додавајќи дека кралот Чарлс му е долгогодишен пријател кого многу го почитува, и дека поканата да дојде во Виндзор е „исклучително голема чест“.

За време на посетата на Трамп, пред замокот Виндзор се собраа анти-Трамп и про-палестински демонстранти, од кои некои носеа капи на Дејви Крокет и дуваа во мали труби.

The post КЕЈТ МИДЛТОН ГО „МАЃЕПСАЛА“ ТРАМП УШТЕ НА ПРВАТА СРЕДБА Еве каков комплимент ѝ доделил американскиот претседател appeared first on plusinfo.mk.

Почесна гарда го дочека Доналд Трамп пред портите на замокот Виндзор, најголемата таква гарда некогаш распоредена за една државна посета, јави Би-Би-Си повикувајќи се на кралскиот коментатор Алистер Брус.

– Сакаат да видат дали можат малку да го доусовршат нашиот нов трговски договор и јас сакам да им помогнам во тоа – изјави Доналд Трамп, притоа потенцирајќи дека главната цел на патувањето е да го види својот пријател Чарлс.

Американскиот претседател Доналд Трамп и неговата сопруга Меланија слетаа во Обединетото Кралство и беа пречекани од принцот Вилијам и војвотката Кејт, по што следеше свечена церемонија со кралот Чарлс III и кралицата Камила во Виндзор. Делегациите беа придружени од процесија со коњски кочии, додека одекнуваа химните на двете држави.

President Trump joins King Charles III in a horse-drawn carriage as he begins his historic U.K. state visit with an arrival ceremony at Windsor Castle.

Read more: https://t.co/ej5KriNEIo pic.twitter.com/b2Wor01Lbe

— ABC News (@ABC) September 17, 2025

На пат кон замокот, Трамп се возеше во  кочија со кралот. Првата дама на САД Меланија Трамп се возеше во друга кочија заедно со кралицата Камила. Во трета кочија беа принцот Вилијам и принцезата Кејт.

На бината пред замокот, Трамп салутираше додека почесната гарда маршираше пред него, придружен од кралскиот пар.

President Trump inspects the Guard of Honor with King Charles III during an arrival ceremony at Windsor Castle on his historic U.K. state visit.

Read more: https://t.co/vizY7FBF71 pic.twitter.com/4GND2DAESu

— ABC News (@ABC) September 17, 2025

Иако најголем дел од посетата има церемонијален карактер, вклучувајќи банкeт со британската елита и прошетки низ Виндзор, предвидени се и разговори со премиерот Кир Стармер. Официјален Лондон порача дека клучните теми ќе бидат обврските кон НАТО и поддршката за Украина.

• ТРАМП И СТАРМЕР СКЛУЧИЛЕ ПАКТ ЗА ВЕШТАЧКА ИНТЕЛИГЕНЦИЈА Во сенка на помпезниот пречек се крчка скап договор

По средбата со кралот Чарлс, Трамп треба да отпатува во Чекерс, викенд-резиденцијата на британскиот премиер, по што се очекува да се врати во САД.

Кралот, според европски дипломатски извори, е запознаен со преговорите меѓу Русија и Украина и во неформални околности сака да го охрабри Трамп да го засили притисокот врз Владимир Путин за „мирот да не се одложува“. Иако протоколарно оддалечен од политиката, британскиот монарх се користи како мека сила во надворешната политика – кога облогот е голем.

Покрај дипломатската агенда, посебен фокус овојпат е ставен на економската соработка. Објавен е договор вреден 42 милијарди долари (31 милијарда фунти), во кој најголем инвеститор ќе биде Microsoft со 22 милијарди фунти насочени кон вештачка интелигенција, квантноро компјутерство и нуклеарна енергија.

„Ова ќе создаде работни места за високо квалификувани луѓе и ќе донесе повеќе пари во џебовите на граѓаните“, соопшти кабинетот на Стармер.

И покрај ентузијазмот, Британија не доби отстапки за царините на челикот, кои остануваат 25%, иако многу други земји плаќаат дури 50%.

Покрај официјалните свечености, посетата не мина без протестен белег. Активисти проектираа огромна заедничка фотографија на Трамп и осрамотениот милијардер Џефри Епстајн на ѕидот од замокот. Епстајн, кој организирал педофилски мрежи, бил поврзан и со принцот Ендру, кој по скандалот остана без кралски титули.

The post 📽️ ТРАМП ВО КОЧИЈА СО ЧАРЛС, ГИ ПРЕЧЕКА НАЈГОЛЕМАТА ГАРДА ДОСЕГА? Сакаат да им помогнам со трговијата, изјави шефот на САД appeared first on plusinfo.mk.

Голема соработка во вештачката интелигенција и во врвна технологија се крие во сенката на посетата на американскиот претседател на Велика Британија, пишува Ројтерс, информирајќи дека двете земји потпишале технолошки пакт вреден 42 милијарди долари, најамбициозниот ваков договор досега.

Новопотпишаниот „Tech Prosperity Pact“ предвидува тесна соработка во развој на вештачка интелигенција, квантни компјутери и цивилна нуклеарна енергија.

Моделите на АИ за здравството се посебен дел од договорот: планирано е да се развиваат и применуваат такви модели за медицински дијагнози и третмани.

Американските технолошки гиганти веќе ја ставаат Велика Британија на мапата. „Мајкрософт“ ќе инвестира 22 милијарди фунти во инфраструктура и суперкомпјутери, додека „Нвидиа“ планира да распореди 120.000 графички процесори ширум земјата.

Британскиот премиер Кир Стармер го оцени технолошкиот пакт како договор што „има потенцијал да ја обликува иднината на милиони луѓе од двете страни на Атлантикот и да донесе раст и безбедност“, наведува Ројтерс.

Тој додаде дека договорот ќе го поддржи економскиот раст и ќе ја позиционира Велика Британија како глобален технолошки лидер.

Повеќе од половина од договорените инвестиции, 31 милијарда фунти, доаѓаат од САД. Дел од тие средства ќе бидат за развој на модели за медицинска дијагностика и персонализирани третмани, нов предизвик во здравствената АИ-револуција.

Истовремено, договорот е јасен сигнал до Брисел. Додека Европската Унија се обидува да ја ограничи АИ со строги регулативи, Велика Британија оди по пофлексибилен пат, надевајќи се дека пазарната отвореност ќе привлече уште повеќе инвестиции.

Посетата на Доналд Трамп во Лондон доаѓа во момент на вжештени геополитички тензии и клучни одлуки за иднината на западната безбедносна архитектура. Додека американскиот претседател ја нагласува економската соработка преку новиот технолошки пакт, темите што го очекуваат зад затворени врати се драстично посериозни и поврзани со војната во Украина и односите со Москва.

Иако Tрамп важи за претпазлив критичар на „прекумерната вмешаност“ на САД во странски конфликти, неодамна најави потенцијален пакет строги економски мерки против Москва, но само доколку добие поддршка од европските сојузници.

„Фајненшл Тајмс“ коментираше дека Велика Британија се надева дека „помпезноста и церемониите“ поврзани со државната посета на Доналд Трамп ќе го одвлечат вниманието од „тешките прашања“ што се повлекуваат зад политиката на премиерот Кир Стармер и неговата влада.

Ројтерс ја опишува посетата како „втора државна посета без преседан“, ретка чест да претседател на САД добие таква пригода двапати.

The post ТРАМП И СТАРМЕР СКЛУЧИЛЕ ПАКТ ЗА ВЕШТАЧКА ИНТЕЛИГЕНЦИЈА Во сенка на помпезниот пречек се крчка скап договор appeared first on plusinfo.mk.

Британскиот крал Чарлс Трети е познат по своите необични навики, па така, на пример, кога ги посетува пријателите за викенд, тој носи „речиси половина од својот мебел“ со себе… Кралот, исто така, носи своја органска храна.

Писателот Том Бауер, во својата книга „Бунтовнички крал: Создавањето на еден монарх“ („Rebel King: The Making of a Monarch“), говори за необичните навики на Чарлс…

„Ден претходно (пред гостинската посета), кралот испраќа камион полн мебел, за да се замени совршено поставениот мебел во гостинските соби. Камионот ја содржел целата спална соба на Чарлс и Камила, вклучувајќи ортопедски кревет, неговата постелнина, мало радио, тоалетната школка на Чарлс, ролни тоалетна хартија „Клинекс премиум комфорт“, виски „Лапројг“ (Laphroaig) и вода во шише“, пишува Бауер.

За себе, Чарлс вели дека повремено јаде храна од растително потекло, за да го намали влијанието врз животната средина.

– Со години избегнував месо и риба два дена во неделата и млечни производи еден ден – рече кралот во една прилика.

Натаму, кралот Чарлс никогаш не јаде какви било варени јајца, туку мора да бидат совршени… Тој инсистира да му се сварат шест јајца, за барем две од нив да бидат совршено сварени по негов вкус. Така, кралската кујна (според неофицијални наводи), користи околу 42 јајца неделно само за да свари совршени јајца за кралот.

Кралската биографка Тина Браун, пак, од друга страна, во својата книга „Записи од палатата“ (Palace papers), наведува дека Чарлс често носел готов мартини на вечера.

„За разлика од кралицата, која јадела она што ѝ е послужено, принцот однапред ги одредувал своите преференции во менито и понекогаш пристигнувал со офицер кој носел готов мартини, однапред подготвен за батлерот да му го налее во чашата“, пишува таа.

Во написот се вели и дека „тој (кралот) не ручал со години, но на инсистирање на кралицата Камила и неговите лекари, вовел оброк од половина авокадо за пладне“.

The post КРАЛОТ ЧАРЛС ЈАДЕ ПО 6 ЈАЈЦА, ТОЈ Е БУНТОВНИК ВО ИСХРАНАТА Неговите чудни навики се опишани во биографија appeared first on plusinfo.mk.

Раката за помирување што ја подаде војводата од Сасекс наишла на студен одговор од неговиот брат, принцот Вилијам, кој ја одбил поканата тие да се сретнат во Велика Британија „без двоумење“, јави Њујорк пост

Сепак, септември би можел да донесе тивка пресвртница за семејните односи во британската кралска фамилија.

Војводата од Сасекс, 40-годишниот принц Хари, планира да отпатува во Велика Британија на почетокот на септември поради традиционалните награди WellChild, а во Лондон се очекува да се сретне и со неговиот татко, кралот Чарлс(76).

– За првпат по долго време, постои вистинско чувство дека помирувањето е можно – истакна извор за медиумот, нагласувајќи дека постои „решеност од двете страни да се случи тоа“.

Според истиот извор, линиите на комуникација меѓу тимот на принцот Хари и Палатата се повторно отворени, а надежите се насочени кон лична средба помеѓу татко и син за време на посетата.

Сепак, принцот Вилијам, братот на Хари и наследникот на тронот, ја одбил поканата за разговор, одлука што го отежнува целосното семејно приближување.

– Никој не тврди дека семејните проблеми се решени, но ова е почеток на врската меѓу Чарлс и Хари – додал истиот упатен извор.

Средбата е најавена како „едноставен разговор лице в лице“, а не формална средба, со акцент на „приватност и достоинство“. Наводно, ваквиот пристап бил избран за да се избегне медиумска експлозивност.

Во јули, комуникацискиот тим на Хари бил виден на таен состанок со секретарот за комуникации на кралот, што дополнително ги поттикнало шпекулациите за планирано примирје.

Хари ќе патува сам. Неговата сопруга Меган Маркл, која не стапнала во Обединетото Кралство од септември 2022 година, ќе остане во Монтесито, Калифорнија, со нивните деца, 6-годишниот Арчи и 4-годишната Лилибет.

Кралот Чарлс, кој се лекува од рак, наводно е длабоко погоден поради недостатокот на блискост со внуците.

Последен пат ги видел во јуни 2022 година, за време на одбележувањето на 70-годишнината од владеењето на покојната кралица Елизабета Втора.

The post ХАРИ ЌЕ ГО ПОСЕТИ ЧАРЛС, НО ДОБИЛ СТУДЕН ОДГОВОР ОД ВИЛИЈАМ Одлуката на војводата ја загрижи британската јавност appeared first on plusinfo.mk.

Принцот Хари за Би-Би-Си изјави дека одлуката на британскиот суд во врска со неговото обезбедување го уништила, но дека уште повеќе го погодиле луѓето кои ја донеле.

Одлуката на судот на Хари во иднина да не му биде автоматски доделено обезбедување кога ќе престојува во Велика Британија значи дека засега, тој нема услови да го донесе семејство назад во својата татковина.

– Се чувствувам уништен, не толку од губитокот, туку од луѓето кои ја донесоа одлуката. Дали e овa нивна победа? – прашал Хари.

Судската пресуда, според него, била донесена под влијание на Кралското семејство. Таа одлука, како што рече, не влијаела само врз него.

– Тоа не влијаеше само на мене, туку и на мојата жена, а сега и на моите деца.

Правилата за неговата безбедност биле променети уште во 2020 година, кога се повлече од кралските должности и се преселил во САД. Сакал тие правила да се преиспитаат, но судот го одбил.

– Сите знаеја дека нè ставаат во ризик во 2020 година и се надеваа дека мислата за тој ризик ќе нè натера да се вратиме. Но, кога сфаќаш дека тоа не функционира, не сакаш ли да нè чуваш (мене, Меган и децата) безбедни? Без разлика дали си влада, Кралско семејство, дали си ми татко, семејство, без разлика на сите наши разлики, не сакаш ли да се осигураш за нашата безбедност?

Принцот признал и дека не е во контакт со неговиот татко, кралот Чарлс Трети. Вели дека кралот не сакал да разговара со него поради безбедносното прашање.

– Не сакам веќе да се борам. Не знам уште колку време има мојот татко. Никогаш не барав од него да интервенира – го замолив да се тргне од патот и да ги остави експертите да си ја завршат работата. Во овој момент не можам да замислам да ги донесам сопругата и децата во Велика Британија.

Хари додал и дека нема да покрене нова тужба.

– Пресудата од петокот покажа дека нема начин да се победи преку судовите. Сакав некој тоа да ми го кажеше порано. Го сакам мојот дом. Секогаш сум го сакал, без разлика што некои луѓе во таа земјa направиле oд тој дом… и мислам дека е навистина трагично што нема да можам да им ја покажам татковината на моите деца.

The post ПРИНЦОТ ХАРИ СКРШЕН ПО ОДЛУКАТА НА СУДОТ Сака помирување со семејството, но не му е безбедно да се врати appeared first on plusinfo.mk.

Принцот Хари денеска изгуби правен спор против промените во полициската заштита што ги донесе британската влада откако одлучи да се повлече од кралските должности со својата сопруга Меган, која е Американка.

Хари, помладиот син на кралот Чарлс, се обиде да ја поништи одлуката на Министерството за внатрешни работи кое во февруари 2020 година одлучи дека нема автоматски да добива лично полициско обезбедување додека е во Британија.

Минатата година судот во Лондон пресуди дека одлуката е законска, како и тројца судии на Апелациониот суд кои рекоа дека, иако Хари разбирливо се чувствувал оштетен, одлуката не претставува правна грешка.

Хари (40) живее во Калифорнија со Меган и нивните две деца.

Неговите адвокати рекоа дека неодамна Ал Каеда му се заканувала со убиство и оти тој и Меган биле вмешани во опасна автомобилска потера со папараци во Њујорк во 2023 година

The post НЕМА ОБЕЗБЕДУВАЊЕ ЗА ХАРИ, НЕМА НИ КРАЛСКИ ДОЛЖНОСТИ Принцот го загуби спорот со британските власти appeared first on plusinfo.mk.

Италијанската премиерка Џорџа Мелони му подари на британскиот крал Чарлс Трети персонализирана тегла Нутела со неговото име испечатено во златни букви, пренесува италијанската агенција АНСА.

Чарлс го доби светски познатиот намаз од лешник за време за време на посетата на Италија. Тегла Нутела со персонализирана етикета ѝ била дадена и на  кралицата Камила.

„Корисен подарок за уживање на софа во дождливи денови“, напиша Мелони во пораката што ги придружувала подароците.

За време на тридневната посета на Италија, британскиот крал и кралица се сретнаа со италијанскиот претседател Серџо Матарела, премиерката Мелони, папата Франциско, а Чарлс одржа говор пред италијанскиот парламент.

Тие го посетија и гробот на Данте во Равена, каде што престојуваа по повод 80-годишнината од ослободувањето на тој дел на Италија.

За време на нивната посета на Италија, Чарлс и Камила ја прославија и 20-годишнината од бракот.

The post „КОРИСЕН ПОДАРОК ЗА УЖИВАЊЕ НА СОФА ВО ДОЖДЛИВ ДЕН“ Уникатен подарок на Џорџа Мелони за Чарлс Трети appeared first on plusinfo.mk.