Познатиот американски рапер Чарлс Џонс, кој настапуваше под името Хулио Фулио е убиен во неделата рано наутро додека го прославувал својот 26-ти роденден во Тампа, пишува „ЈуЕс тудеј“.

Полицијата соопшти дека четири лица се погодени во пукањето од заседа на паркингот на хотелот рано наутро во неделата.

Полицијата додаде дека трите други лица кои биле застрелани, се во стабилна состојба.

Фулио го славел роденденот кога се случил инцидентот, рекол неговиот адвокат Луис Фуско.

Музичарот бил нападнат од заседа на паркингот на хотелот, се вели во изјавата на Фуско.

Во престрелката што се случила околу 4 часот и 40 минути биле погодени два автомобили, соопшти полицијата.

Инаку, во Фулио претходно било пукано три пати од 2020 година.

.

The post 📽 ПОЗНАТИОТ РАПЕР ФУЛИО УБИЕН НА НЕГОВИОТ РОДЕНДЕН Му поставиле заседа на паркингот на хотелот appeared first on plusinfo.mk.