Никола Јокиќ ужива да биде на теренот и да игра со своите ривали. Во победата на Денвер над Филаделфија (114:109), српскиот репрезентативец за три четвртини забележа уште еден трипл-дабл (27, 13 поени, 10 асистенции). По тој меч тој беше импресиониран од Шекил О’Нил.

Еден од најдобрите центри во историјата му приреди големо изненадување на Србинот. По интервјуто му кажал дека има посебен подарок за него.

– Како претседател на Здружението на центри, ти го подготвив овој појас. Ќе ти го испратам. Бејби, ова е за тебе, ти си шампион, ти си најдобар центар во НБА. Те сакам , те ценам, кажи им на твоите браќа дека ќе го испратам – рече Шек.

Додека тој зборуваше за што се работи, Никола погледна надолу кон екранот за да види за што се работи, а потоа почна да се смее кога го виде појасот.

– Ти благодарам Шек, ти благодарам. Многу ми се допаѓа. Го ценам ова, благодарам – додаде Никола.

“As the President of the Big Man Alliance, I made this belt for you”

Shaq & Jokić share a moment on the Postgame Show pic.twitter.com/UcPSwRxzyT

— NBA on TNT (@NBAonTNT) January 22, 2025

„Јокиќ е најдобар на светот“

Ова не е првпат Шек јавно да го пофали Јокиќ. Тоа го направи пред неколку дена кога Никола одигра добар меч против Далас и забележа трипл-дабл за 28 минути (10 поени, 14 скока, 10 асистенции). Потоа јавно и пред камерите им кажа на сите кој според него е најдобар на планетата.

– Јокиќ е најдобриот висок играч! – изјави Шекил О’Нил и секунда подоцна се извини и се поправи за грешката што ја направи: „Лажам, најдобриот играч на светот. Се извинувам“, изјави О’Нил.

Тој верува дека Нагетс можат да освојат прстен.

– Ова е тим за титула. Кога Мареј ќе дојде во свој, тие ќе бидат многу добри. Јокиќ со мене ја има титулата најдобар висок играч на годината. Исто така, ми се допаѓа што собра сè од старото и новото училиште. Има способност да шутира тројки, Но кога може – игра во рекет. Ми се допаѓа како игра, немам ништо лошо да кажам за него – изјави Шек.

The post 📽️ ШЕК ГО ИЗНЕНАДИ ЈОКИЌ Никола не можеше да поверува што му подготвил appeared first on plusinfo.mk.

Од друга страна, италијанските активисти за човекови права центрите ги нарекоа „италијански Гвантанамо“.

Ова е првпат земја која не е во ЕУ да прифаќа мигранти од ЕУ.

Петнаесет други земји од ЕУ побараа од Европската комисија да ги разгледа можните модели за слични шеми.

Questa è l’opera.
La firma è del governo italiano.
Centro di trattenimento per migranti.
Gjadër, Albania. pic.twitter.com/EcLw5rcTt0

— Niccolò Zancan (@NiccoloZancan) October 12, 2024

Dentro i nuovi centri #migranti in #Albania, consegnati dopo il collaudo. Saranno operativi dalla prossima settimana pic.twitter.com/KX3C2NRQex

— askanews (@askanews_ita) October 12, 2024

The post 📽️ ВАКА ИЗГЛЕДААТ ПРИФАТНИТЕ ЦЕНТРИ ЗА МИГРАНТИ ВО АЛБАНИЈА За активистите ова е италијански Гвантанамо appeared first on plusinfo.mk.

– Има и такви кои седејќи дома пркосат на политичарите велејќи дека сите политичари се исти, дека се ќе биде како порано и наоѓаат некакво образложение зошто останале дома за изборите. Во суштина не разбираат дека и во тој случај гласаат, но гласаат за лошите политичари, за они кои ја ограбија, понижија и засрамија Македонија. Гласаат за Али Ахмети да продолжи да живее како блискоисточен шеик во својата хациенда во Зајас направена од ваши пари, да продолжат голобради момчиња да купуваат трговски центри во центарот на Скопје со вредност од неколку десетици милиони евра само затоа што се дел од семејството на Али Ахмети. Да продолжат луѓето кои што се дел од семејството на првенците на ДУИ преку своите фирми да имаат бизниси од неколку десетици милиони евра на грбот на граѓаните. Да продолжат Артан, Бујар, Крешник и останатите да ве понижуваат, да продолжат лагите, да продолжи раскошот во кои уживаат функицонерите на ДУИ, за нив гласаат. Тие кои останаа дома, гласаа за нив – рече Мицкоски и порача:

„Затоа од овде од Чешиново-Облешево ги молат сите кои на 8 мај ќе бидат тука рано наутро да гласаат.Јас би сакал да гласат за ВМРО-ДПМНЕ и коалицијата „Твоја Македонија“ и за кандидатот професорката Гордана Силајновска Давкова“.

Мицкоски во текот на своето обраќање се осврна и на програмата „Платформа 1198“ каде наброја дел од проектите со кои ќе се овозможи трансформација на Македонија.

– Трансформацијата содржана во нашата Платформа 1198 вклучуваме до 800 милиони евра за земјоделците, реконструкција и ревитализација на сите водоснабдителни системи за земјоделците, потоа имаме 5000 денари линеарно за сите пензионери во првата година и уште многу други ветувања. Затоа е многу важно да се избере оваа наша програма за да можеме да ја трансформираме оваа наша Македонија – рече Мицкоски.

На крај претседателот Мицксоки се заблагодари пред граѓаните за големиот резултат постигнат на 24 Април за ВМРО-ДПМНЕ и за професорката Гордана Силјановска Давкова.

– Од Чешиново-Облешево и вие кои сте овде направивте исклучително голем резултат, благодарение на вас Македонија денес се чувствува повторно горда, а јас сум посебно горд што сум дел од овој процес. Посебно сум горд денеска од устата на 500 нови припадници на министертвото за внатрешни работи слушнавме една прекрасна песна „Бисер Балкански“ која за нас има едно посебно значање како народ, како држава – додаде Мицкоски.

The post 📽️ НЕ ДОЗВОЛУВАЈТЕ АХМЕТИ ДА ЖИВЕЕ КАКО ШЕИК ВО ХАЦИЕНДА Поддршка за ДУИ е ако не гласате, порача Мицкоски appeared first on plusinfo.mk.

– Денеска (09.12.2022) околу 09.30 часот во СВР Скопје било пријавено дека на електронска адреса на седум средни училишта во Скопје е упатена закана за поставена експлозивна нaправа. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за расчистување на случаите – велат до МВР за Плусинфо.

Оттаму додаваат дека исто така, пријавено е дека на електронска адреса била упатена закана за поставена експлозивна направа и во ТЦ Ист Гејт, ТЦ Бисер, Транспортен центар, Флатрон и ПС Центар.

– Веднаш се преземени неопходните мерки за безбедно евакуирање на објектите и во тек се антитерористички проверки и се преземаат мерки за расчистување на случајот – нѐ информираа од МВР.

БОМБАШИТЕ ВЧЕРА ПРАЗНУВАА Евакуација на неколку средни училишта во Скопје по дојава за бомби

ВРИЕ ОД ПОЛИЦИЈА НА ЖЕЛЕЗНИЧКА Дојава за бомба ги испразни двете станици и локалните дуќанчиња, сообраќајот е блокиран

ПОЛА СКОПЈЕ СЕ ЕВАКУИРА По Железничка и неколку школи, дојава за бомба и во Ист Гејт Мол

The post ПОЛИЦИЈАТА РАШТРКАНА НИЗ СКОПЈЕ Од МВР ги потврдија дојавите за бомби, се празнат и ТЦ Бисер, Флатрон и ПС Центар appeared first on plusinfo.mk.

Како што соопшти Јавното обвинителство, на барање на Истражен судија од Основниот суд на Бамберг, за потребите на предмет оформен во Бамберг – Германија, преку македонскиот јавен обвинител за врски во ЕВРОПРАВДА, јавен обвинител од Основното јавно обвинителство за гонење на организиран криминал и корупција и обвинители од обвинителство Бамберг – Германија реализираа заеднички активности.

Според наводите во доставеното барање, како што е наведено во соопштението, тамошниот суд донел одлука за спроведување на истражна постапка против македонски државјани за кои постои основано сомнение дека сториле кривично дело – Измама.

– Имено, во 2016 година, со цел да извршува заеднички континуирани кривични дела на измама во форма на т.н. сајбертрејдинг, била создадена организирана криминална група на која припадници станале многу лица од голем број европски земји, меѓу кои и осомничените. Групата инсталирала голема мрежа на лажни фирми и управувала со бројни трејдинг платформи. Воедно, со цел да ги извршува делата отворила повикувачки центри, организирани во т.н. дескови според мајчиниот јазик на клиентите – информираат од Обвинителството.

Оттаму посочуваат дека, членовите на групата во улога на агенти, на различни домени се обраќале на заинтересирани лица и создавале привид дека тргуваат со различни финансиски инструменти, особено со бинарни опции, ЦФД-а, Форекс и криптовалути. Користејќи т.н. афилијативен маркетинг и манипулативни реклами групата врбувала бројни клиенти да пополнат контактен формулар во кој ги оставале нивните лични податоци. „Агентите” потоа преку повикувачките центри телефонски стапувале во контакт со интересентите и им ветувале високи добивки за првична уплата од 250 евра. Овие центри функционирале во две одделенија – одделение со конверзиони агенти чија задача била да го убедат клиентот да изврши прва уплата и одделение со ретенциони агенти кои понатаму се грижеле за клиентите, односно на жртвите лажно им ја прикажувале нивната уплата и можностите што им се нудат преку различни финансиски продукти. Најголем број на вакви центри се отворени во Албанија, Грузија, Северна Македонија и Украина.

Откако средствата биле уплаќани, „агентите” симулирале наводна трговија со финансиски инструменти која никогаш не се случувала. Уплатените пари, членовите на групата ги присвојувале за себе и според пресметките на ЕВРОПРАВДА причинетата штета се проценува на 50 милиони евра годишно.

Во Скопје од 2019 година групата инсталирала два повикувачки центри што работеле на истиот начин, а каде осомничените се јавуваат како сопственик и управители на повикувачките центри. При извршените претреси се одземени уреди за електронска комуникација, а јавните обвинители ги сослушаа осомничените лица.

Во рамките на целата акција се претресени 15 повикувачки центри (шест во Албанија, пет во Грузија, три во Украина и еден во Северна Македонија), како и 27 други локации, а пет осомничени од кои четири во Албанија и едно во Грузија се уапсени. При претресите одземени се околу 500 електронски уреди, 344.101 евро во готовина, мобилни телефони, банкарски сметки, паричници за криптовалути, имот, лични документи и банкарски картички, како и стотици други документи. Во акцијата освен надлежните органи на државите каде што беа спроведени активностите, учествуваа и Финска, Германија, Латвија, Шведска и Шпанија.

Бројот на жртвите на оваа голема онлајн измама се проценува на стотици илјади, што укажува на потребата потенцијалните инвеститори да бидат дополнително внимателни при онлајн инвестирање и да проверуваат дали веб-страниците припаѓаат на правните лица што легитимно работат, се наведува во соопштението од Јавното обвинителство.​

The post НАВЛЕКУВАЛЕ ЛУЃЕ ДА ВЛОЖАТ 250 ЕВРА Македонци вмешани во голема крипто-измама вредна 50 милиони евра годишно appeared first on plusinfo.mk.

Здравствениот систем во Србија е под голем притисок во петтиот бран на коронавирусот со повеќе од 6.700 пациенти во ковид-центрите, а понеделникот го одбележа веста дека четири деца се на респиратор, додека лекарите предупредуваат дека меѓу пациентите доминираат невакцинираните.

Седумгодишно девојче, заразено со коронавирус, било поврзано на респиратор во Институтот за мајка и дете „Др. Вукан Чупиќ“, а таа е четвртото дете кое боледува од ковид-19 на интензивна нега во таа установа. Минатата недела од оваа установа информираа дека имаат три деца кои се поврзани на респиратор, а едното дете има 17 години, другото 15 години, а најмладиот е петмесечно бебе.

Според денешниот епидемиолошки пресек, како последица на инфекцијата починале уште 62 пациенти, од 19.718 тестирани примероци, 5.908 биле позитивни, а 6.721 пациент се лекувани на одделенијата за ковид во болниците низ Србија, од кои 274 биле на респиратор.

Лекарите укажуваат на зголемениот товар на здравствениот систем и статистиката која покажува дека околу 90 отсто од пациентите кои не се вакцинирани доаѓаат во болница, додека повеќе од 80 отсто од нив мора да бидат приклучени на респиратори.

Експерти: Не може да се очекува значаен ефект од ковид сертификатите

Примената на ковид пропусниците, која започна во саботата во 22 часот, влегува во трет ден со бројни критики од експерти дека не може да се очекува значаен ефект од оваа мерка. Комуналната полиција и инспекција најавуваат дека од понеделник вечер ќе почнат да ги казнуваат прекршителите.

Невакцинираните гости во угостителските објекти мора да покажат негативен PCR или антигенски тест (BAT), извршен во една од овластените државни лаборатории.

Најавените казни се движат од околу 40 евра за гостите, околу 250 евра за „ковид редарите“, доколку влезат невакцинирани, околу 1.300 евра за претприемачите, до околу 2.500 евра за правни лица чии инспектори и комунална полиција ќе пронајдат прекршители.

Државниот секретар во Министерството за здравство Мирсад Ѓерлек за РТС изјави дека ќе чека „една недела до 10 дена“, а доколку нема ефект од ковид пропусниците, од Кризниот штаб ќе се побараат „поригорозни и многу поефикасни мерки“.

Од почетокот на епидемијата, Србија има регистрирано 1.104.117 случаи на заразата, а официјално се пријавени 9.571 смртни случаи, со стапка на смртност од 0,87 проценти.

The post ЧЕТИРИ ДЕЦА НА РЕСПИРАТОР ВО СРБИЈА Здравството пред колапс, 90 проценти од заболените во болница се невакцинирани appeared first on plusinfo.mk.

По состанокот ова го најави премиерката Ана Брнабиќ, по лошата епидемиолошка состојба кај нашиот северен сосед.

– За сертификатите да бидат согласно Уставот и човековите права, ќе бидат воведени во простории каде што не е неопходно да се престојува, а степенот на заразување е висок. Тоа се барови, ноќни клубови, ресторани, кафулиња на затворено – рече Брнабиќ.

Според извор од Кризниот штаб сертификатите нема да важат за малопродажните објекти и трговските центри. Со текот на времето, списокот на места каде што ќе бидат задолжителни може да се прошири, па ќе се види дали ќе бидат потребни за натпревари и концерти.

Од Кризниот штаб велат дека сертификатите за местата каде што ќе бидат задолжителни најверојатно ќе треба да ги имаат лицата кои се опфатени со вакцинацијата против вирусот во Србија.

– Во Србија се вакцинираат и деца од 12 -годишна возраст, така што не е исклучено и тие да треба да ги имаат, но тоа е ставка за која допрва ќе се зборува. Во основа, сите оние кои се вклучени во вакцинацијата, планот е дека треба да ги имаат – вели извор од Кризниот штаб.

The post СРБИЈА ВОВЕДУВА КОВИД СЕРТИФИКАТИ Со нив ќе може да се влегува во кафулиња, ресторани и ноќни клубови appeared first on plusinfo.mk.

ЦДЦ и Министерството за здравство на државата Тексас сооштија дека кај американски државјанин, кој допатувал од Нигерија во Тексас, се потврдени мајмунски сипаници.

Патникот имал два лета во САД до крајната дестинација, Далас – прво летал од Нигерија до Атланта, а потоа од Атланта до Далас, јави весникот „Хил“.

Лицето било хоспитализирано во Далас, а официјалните лица се обидуваат да стигнат до луѓето кои биле во контакт со заразеното лице за време на летовите.

– Мајмунската сипаница е ретка, но потенцијално многу опасна вирусна болест која вообичаено почнува со симптоми на грип. Лимфните јазли отекуваат, а потоа се појавува исфрланост што се шири по лицето и телото – соопшти ЦДЦ.

Сојот на мајмунска сипаница кај лицето од Далас веќе е забележан во Нигерија и Западна Африка.

Инфекцијата може да трае од две до четири недели, а болеста има стапка на смртност од околу еден процент.

The post Нова вирусна инфекција им се заканува на САД, откриен патник со мајмунска сипаница appeared first on plusinfo.mk.

– Нашата проценка со резерва е дека следниот период од два летни месеца кои што се пред нас ќе биде мирна епидемиолошката ситуација. Сепак, граѓаните треба да знаат дека мерките се дадени за да се почитуваат, маската секогаш е тука, иако не е задолжително да се носи надвор. Но кога има групирање, не е лошо на граѓаните да им е при рака и да ја стават. Сепак, тоа е заштита за нивното здравје – рече министерот Филипче.

Тој уште еднаш потенцира дека на сила остануваат да важат мерките кои досега беа донесени, односно ќе можат да работат само надворешните делови на угостителските објекти.

The post Филипче: Очекуваме мирно лето, но држете ги маските при рака! appeared first on plusinfo.mk.

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и во болниците низ земјава е 379 и има околу 614 празни болнички кревети во ковид центрите.

– Во изминатите 24 часа во ковид центрите во болниците низ земјава е пријавено дека се лекуваат вкупно 237 пациенти позитивни и суспектни на корона вирусот. По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 26 пациенти, позитивни и суспектни на ковид-19. Во болницата во Штип се хоспитализирани 28 пациенти. На инфективното одделение во Тетово има 4 пациенти, во Велес се лекуваат 24 болен, а во Куманово 43 пациент позитивeн и суспектни на ковид-19. Во ковид центарот во Охрид има хоспитализирано 29 пациенти, во Прилеп 16, во ковид центарот во Гостивар 7, а во Струга 20 болни. Во болницата во Струмица хоспитализирани се 14 пациент, во Кочани 7 во Кичево 9, Кавадарци 7, а во Гевгелија 3 лица позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти – информираат од МЗ.

Во изминатите 24 часа во ковид центрите во Скопје се хоспитализирани 8 нови пациенти поради компликации од корона вирусот. Вкупно 142 лица сомнителни и потврдени за ковид-19 се лекуваат на инфективните одделенија во главниот град. ни и сомнителни за Ковид 19 се лекуваат на инфективните одделенија во болниците во главниот град. Голем дел од пациентите се на кислородна поддршка.

Во последното деноноќие, на Интерните клиники имало 2 приеми. Во ковид центарот во ГОБ 8 Септември имало 2 примени пациенти и 4 биле примени на Клиниката за инфективни болести и фебрилни состојби во текот на вчерашниот ден – се вели во извештајот.

Во изминатите 24 часа дома се пуштени 22 оздравени пациенти.

Во ковид центрите на Интерните клиники се лекуваат 25 пациенти. Во ГОБ 8 Септември има вкупно 49 болни, а на Клиниката за инфективни болести и фебрилни состојби лежат 67 пациенти.

Бројот на приеми во изминативе денови се намалува и утрово до 8 часот имало 150 слободни места, а се очекува во тек на денот по направените исписи на оздравените пациенти да се ослободат и дополнителни места.

Поради намалениот број на пациенти, од денес се затваат сите ковид центри на Интерните клиники и во Комплексот Мајка Тереза ковид позитивни пациенти ќе примаат само Институтот за ТБЦ и Клиниката за Инфективни болести.

Сите инфективни одделенија имаат довод на кислород и можат да згрижат пациенти кои имат потреба од кислородна поддршка.

The post Се намалува притисокот врз ковид центрите, 379 лица се на болничко лекување appeared first on plusinfo.mk.