На денешната седница на Извршниот одбор на СДСМ, на предлог на претседателот д-р Венко Филипче, заменик претседателката, потпретседателите, генералниот секретар, организациските секретари, како и сите членови на Извршниот одбор поднесоа оставки, објави партијата.

„Оставките се поднесени до Централниот одбор на партијата и до претседателот Филипче, кој го води процесот на внатрешни реформи во СДСМ.

Со овој одговорен и морален чекор раководството на СДСМ отвори простор за ново поглавје.

Следува период на кадровско освежување и зајакнување, вклучување и на нови лица, организациска поставеност, внатрешна мобилизација, за нова сила и нова енергија на СДСМ.

На една од наредните седници на Централниот одбор, претседателот Филипче ќе предложи избор за членови за органите на партијата, а за функциите ќе се бираат најкомпетентни личности“ – се вели во соопштението на партијата.

Претходно, во настап на ТВ Телма претседателот на партијата објави дека има намера да предложи распуштање на Извршниот одбор на партијата.

ФИЛИПЧЕ БАРА РАСПУШТАЊЕ НА ЦЕЛИОТ ИЗВРШЕН ОДБОР НА СДСМ Таму го гледа изворот на проблемите во партијата

The post УШТЕ ФИЛИПЧЕ ЗБОРОТ НЕ ДОРЕЧЕ… Сите членови на ИО на СДСМ си дадоа оставки appeared first on plusinfo.mk.

Членовите на Социјалдемократскиот сојуз на Македонија во недела, на 6 април, на внатрепартиски избори ќе избираат претседател. Оваа одлука е донесена синоќа на седница на Центалниот одбор на СДСМ.

Како што претходно утврди Централната изборна комисија на партијата, единствен кандидат за претседател на СДСМ е актуелниот лидер, Венко Филипче.

Изборите за претседател беа закажани за 16 март, но партијата ги одложи откако ноќта на 16 март се случи кафастрофалниот пожар во дискотеката „Пулс“ во Кочани во кој загинаа 59 лица, а околу 200 се повредени.

При закажувањето на изборите на 16 март партијата најави дека тие ќе се спроведат во општинските организации на СДСМ на 78 избирачки места, кои ќе бидат отворени од 08 до 20 часот. Регистрирани се 22.717 членови, кои имаат право да гласаат.

Филипче беше избран за претседател на СДСМ на вонредни внатрепартиски избори на крајот на јуни минатата година, откако неговиот претходник  Димитар Ковачевски поднесе оставка по лошиот партиски резултат на парламентарните и на претседателските избори.

The post СДСМ НА 6 АПРИЛ ЌЕ ИЗБИРА ПРЕТСЕДАТЕЛ НА ПАРТИЈАТА Актуелниот Венко Филипче е единствениот кандидат appeared first on plusinfo.mk.

Поранешната министерка за животна средина Каја Шукова, професорката од Правниот факултет во Скопје Ана Чупеска, Менде Илиевски, член на Советот на општина Битола, и Кристина Костова, член во Централниот одбор во СДСМ, ќе бидат идни потпретседатели на СДСМ.

За генерален секретар е избран Александар Димитријевиќ кој доаѓа од општинската организација на СДСМ во Гази Баба. За организациони секретари се избрани Љупчо Фармаковски од СДСМ Центар и Мартин Костовски, пратеник во Собранието.

СДСМ вечерва ја одржа првата седница на новиот Централен одбор.

На Конгресот што се одржа викендов во Скопје за нова заменик претседателка на СДСМ е избрана Фани Каранфилова Пановска.

– Оваа енергија, оваа одлична атмосфера којашто ја имавме вечерва е само доказ дека консолидацијата не само што е започната, туку таа многу добро се одвива на сите нивоа во партијата. Вечерва избравме луѓе коишто имаат многу силен личен интегритет, многу знаење и искуство во своите области на делување претходно, коишто верувам дека со сета сила и знаење ќе се вложат во периодот којшто следи. Имаме веќе план за работа. Многу силна и многу интензивна работа почнува веќе утре. – изјави лидерот на СДСМ, Венко Филипче.

Филипче изјави дека е направен план за посета на сите општински организации и дека има насоки за промена во делувањето на партијата.

– Направен е план за посета на сите општински организации. Има насоки за промена во делувањето, комуникацијата со луѓето, начинот на коишто ќе допреме до членовите и симпатизерите, на оние коишто од некои причини не гласаа, се налутија, останаа дома, гласаа за друг политички субјект, веќе пристапуваат поради… и сме подготвени да ги слушнеме сите нивни предлози и во еден широк инклузивен процес да ги вклучиме сите наши членови и симпатизери во процесот на креирање на политики – потенцираше Филипче.

The post СДСМ ДОБИ ЧЕТВОРИЦА НОВИ ПОТПРЕТСЕДАТЕЛИ Шукова, Чупеска, Костова и Илиевски ќе му помагаат на Филипче appeared first on plusinfo.mk.

– Таа е човек со кој јас се познавам долго време, и знам дека ги носи во себе и цврсто верува во социјалдемократските вредности. Учествувала во работата на многу граѓански организации, најмногу во Фондацијата Отворено Општество и соработувала со други правни субјекти кои ги делат вредностите така како што се поставени во постулатите на нашата партија – изјави претседателот на СДСМ Венко Филипче.

На конгресот, на кој присуствуваа 536 од 626 нови делегати. Целата листа на избрани членови на Централниот одбор може да се види на следниот линк.

– Првиот состанок на новиот Централен одбор ќе се одржи во текот на оваа недела и тука ќе бидат избрани членовите на новиот Извршен одбор, потпретседателите и секретарите на партијата, со што во текот на оваа недела се заокружува целокупниот процес на поставување на новото партиско раководство – рече Филипче.

Без да соопшти детали кои се лицата што ќе бидат дел од партиското раководство, лидерот на СДСМ рече дека тоа ќе бидат млади, енергични лица кои досега не биле на ниту една висока партиска функција и дека тоа најверојатно ќе биде соопштено до крајот на неделата во четврток или во петок.

Запрашан зошто на конгресот не беше присутен Зоран Заев, поранешен лидер на партијата, рече дека тој не бил физички присутен тука.

Пред партиските делегати претседателот на партијата Венко Филипче истакна дека денешниот Конгрес е пресвртница во опозициското дејствување на СДСМ, нов почеток и борба и надеж дека партијата може да се врати таму каде и е местото, на победнички патеки.

Тој посочи дека во изминатите пет месеци се сретнал со многу луѓе, дека со многу критики се согласува и оти советите на сите добронамерни луѓе ќе бидат водилка за новото раководство, но дека никогаш нема да прифати и да подлегне на оние кои потајно сакаат СДСМ да не го биде, кои шират дефетизам и го парализираат опозициското делување.

– СДСМ нема да се откаже, тоа треба на сите да им биде јасно. Напротив, СДСМ ќе го биде и СДСМ ќе се врати посилен. Оваа партија не е ничија лична сопственост. Ниту на Бранко, ниту на Заев, ниту на Владо, Радмила, Димитар, а најмалку моја, рече Филипче додавајќи дека СДСМ не смее и нема никого да заборави. Ќе соработувам, рече тој, со сите за да се спротивставиме на лошите политики на власта. За СДСМ нема друга алтернатива – потенцира Филипче, освен да ги помине и овие опозициски премрежија, да се издигне и да се врати уште посилен.

The post СДСМ ИЗБРА НОВ ЦЕНТРАЛЕН ОДБОР Фани Каранфилова избрана за заменичка на Филипче appeared first on plusinfo.mk.

Седницата на Централниот одбор на СДСМ, одржана во вторникот вечерта, на која е одлучено да се одржи конгрес за избор на ново раководство и за нови политики и да се воведат функции двајца организациски секретари, била вистински фијаско за партискиот лидер Венко Филипче.

Веројатно разочарани од однесувањето на Филипче и од неговата променада во Дубаи, а и од многу други причини, голем број партиски кадри од т.н. прва постава на Централниот и на Извршниот одбор, како и од пратеничката група на СДСМ, едноставно, не дошле на седницата на Бихаќка, на која е донесена одлука за свикување партиски конгрес.

Седницата се одржала на работ на кворум, а отсуствувале поранешниот лидер Димитар Ковачевски, генералниот секретар Миле Зечевиќ, секретарот за меѓународна соработка Бојан Маричиќ, досегашните потпретседатели Стефан Богоев и Бисера Костадиновска Стојчевска, пратеничката Славјанка Петровска, Андреј Петров, Петре Шилегов и неколку членови на Извршниот одбор, повеќе пратеници…

Од фотографиите објавени од седницата токму на страницата на СДСМ, може да се забележи дека на работната маса лидерот го придружува еден член на стручните служни на Бихаќка и Јон Фрчковски, во непознато својство.

Бесен од оваа срамна слика, Оливер Спасовски дискутирал остро и неговиот говор бил доживеан како жестока критика на раководството на партијата на чело со Филипче, кој од Бихаќка направил не втора или трета партиска лига, туку потсојуз.

Не поминал ни предлогот за статутарна промена со која би се укинало местото заменик претседател. Некои членови на Централниот одбор ја нападнале оваа идеја како отстапка од политиките за родова еднаквост. Досегашната заменичка Сања Лукаревска резигнирано рекла дека слободно можат да го укинат тоа местро, бидејќи таа и досега не се чувствувала како партиски функционер. На ова се надоврзал партискиот потпретседател Фатмир Битиќи, кој рекол дека ако сакаат можат да ги укинат и потпретседателските места во партијата, бидејќи и тие ништо не значат.

Во ваква туробна атмосфера, Филипче останал само на идејата да се воведат двајца организациски секретари, за кои уште сега се знае дека се „избрани“ и дека се негови блиски луѓе.

Ниту од партиското соопштение, а ниту од нашите извори од СДСМ, не може да се дознае што станува со мандатот на Филипче кој завршува во март 2025 година и со изборот на старо-нов или нов партиски лидер.

Еден помалку познат член на Централниот одбор од Куманово го изнел предлогот за кој вчера, во вторникот, пишуваше Плусинфо – да нема нови избори за претседател, туку на Филипче да му се продолжи мандатот.

СТАСАА ДИРЕКТИВИТЕ ОД ДУБАИ Ќе ги потврди ли Централниот одбор на СДСМ плановите Венко Филипче да биде октроиран во лидер со фул мандат?

Но, Кумановецот предложил мандатот да не му се продолжува четири години, туку само до локалните озбори. Добрите познавачи вака модифицираниот предлог го разбираат како трик, бидејќи е јасно дека СДСМ ќе биде далеку од победа на локалните избори. Во таков случај, Филипче автоматски ќе го понесе товарот на одговорноста за поразот, бидејќи мандатот ионака ќе му заврши тогаш.

Како и да е, иако се остварија предвидувањата дека членовите на раководните тела на СДСМ нема јавно да им се спротивстават на Венко Филипче и на неговиот политички ментор Зоран Заев, вторничката седница на Централниот одбор покажа дека Филипче ги контролира само маргиналците во раководните тела на СДСМ, а повеќето партиски кадри од досегашното раководство тивко го бојкотираат.

Резултатот на ова е срамна слика за состојбите во СДСМ, за која директно и отворено проговорил само Оливер Спасовски. Пред некој ден јавно се огласи и Петре Шилегов. Кој е следниот?

The post ФИЈАСКО НА ФИЛИПЧЕ НА СЕДНИЦАТА НА ЦЕНТРАЛНИОТ ОДБОР НА СДСМ Не му дојдоа Миле, Таче, Маричиќ, Богац, Шилегов, Бисера, Славјанка… а Оливер Спасовски го направил партал! appeared first on plusinfo.mk.

Централниот одбор на СДСМ вечерва (вторник, 5 ноември), за помалку од час и половина пред објавувањето на овој напис, ќе одржи седница, на која се очекува да бидат донесени важни одлуки, кои можат директно да влијаат и врз иднината на водечките луѓе во партијата, но и врз начинот на кој таа ќе учествува на претстојните локални избори.

Партиска „омерта“

По објавувањето на видео-снимката на која се гледаат актуелниот претседател на СДСМ Венко Филипче и поранешниот лидер Зоран Заев на гранде журката на познатиот пејач Харис Џиновиќ во Дубаи, во кругови на опозициската партија владее застрашувачки молк.

ВЕНКО ФИЛИПЧЕ И ЗОРАН ЗАЕВ НА ГРАНДЕ ЖУРКА НА ХАРИС ЏИНОВИЌ ВО ДУБАИ?! Дали СДСМ ќе се раководи од Бихаќка или од престолнината на луксузот?

Иако во претходните денови поранешни врвни кадри на СДСМ се огласија со коментари за незавидната состојба во партијата, по одлуката на Филипче неговата средба со Заев во Дубаи да се прогласи за „приватна“ и да не се коментира јавно, се чини дека истите луѓе кои креваа врева ја прифатиле партиската „омерта“.

Сепак, на вечерашната седница на Централниот одбор ќе се расправа, меѓу другото, за важни статутарни прашања, при што, во најмала рака, ќе се насетат директивите со кои претседателот Венко Филипче се вратил од Дубаи, од средбата со својот политички ментор Зоран Заев.

Што вели „задграничниот комитет“ од Дубаи?

Добро упатен партиски извор за Плусинфо брифира дека и од официјалните најави за она за што ќе се расправа на вечерашната седница, може лесно да се заклучи дека главната директива од „задграничниот комитет“ на СДСМ во Дубаи е по секоја цена сегашниот лидер Венко Филипче да ги задржи своите позиции, а со тоа Заев да го задржи своето пресудно влијание во партијата.
– Се предлагаат статутарни измени во таа насока. Така, на пример, се предлага да се укине функцијата заменик претседател на партијата. Не се предлагаат никакви промени во начинот на избор на раководствата на општинските организации, а се ветуваше дека тоа ќе се прави на непосредни партиски избори. Нема ништо од тоа ветување, шефовите на општинските организации, кои се клучни за локалните избори, ќе бидат именувани како и до сега, со доминантно влијание на претседателот – вели нашиот извор од СДСМ.

Филипче и Заев – јарани до краја…

Но, тоа не е најважната директива од Дубаи. Кон крајот на ноември треба да се одржи Конгрес на СДСМ за избор на делегати за наредните четири години. Во март 2025 година, мандатот на Венко Филипче истекува, па треба да се одржи нов изборен конгрес. Бидејќи Филипче не е сигурен дека ќе победи на конгресот во март, директивата од Дубаи е тој мартовски конгрес да се „прескокне“, а на Филипче едноставно сега да му се продолжи мандатот и да му се овозможи во наредните четири години да владее со СДСМ.

Доколку се официјализира овој предлог, тој ќе се брани со потребата да се сочува „единството во партијата“ и да запре нејзиниот натамошен пад во пресрет на локалните избори. Во партијата се проценувало дека таа сега „тежи“ околу 110.000 гласови, но трендот е натамошен загрижувачки пад на рејтингот. Тоа практично е најава за уште еден катастрофален изборен пораз на СДСМ.

Ковачевски ќе се трка за Карпош?!

Прашањето е дали во Централниот одбор на СДСМ и во потесното раководство на партијата има сили спремни да се спротивстават на овој тренд и да побараат радикален дисконтинуитет на партијата со луѓето и со практиките кои ја доведоа на ова дереџе. Нашиот извор категорично тврди дека таква спремност не постои и прогнозира дека тоа ќе се види и на вечерашната седница на Централниот одбор.

– Нема сериозни луѓе кои би сакале да им се спротивстават на Филипче и на Заев. Дел од некогаш врвните партиски кадри се во целосна апатија. Тие ги слушаат најавите дека Филипче и Заев би можеле да поддржат и независни кандидати за градоначалници во многу општини, за така да го ублажат очекуваниот пораз на локалните избори. Гледаат кој е избран за претседател на Градската организација на СДСМ Скопје и јасно им е дека трендот на дезелитизирање на партијата не само што ќе продолжи, туку ќе се засили.

Доскорешниот лидер Димитар Ковачевски има амбиции да се натпреварува во трката за градоначалник на скопската општина Карпош. Оливер Спасовски можеби ќе се бори за Куманово. За Центар амбиции пројавиле дури шест кандидати. Накусо, сите оние кои не се целосно разочарани или маргинализирани, си имаат свои приватни планови за локалните избори и веројатно во име на тие свои амбиции молчат – вели нашиот извор.

СДСМ е киднапирана партија

Но, сите тие очигледно не знаат дека двоецот Заев – Филипче најголем дел од нив ќе ги „превесла“, пред Заев да го пушти низ вода и самиот Филипче, кога ќе дојде време за тоа. Едноставно, ниту во потесното раководаство ниту во Централниот одбор нема луѓе кои можат да поведат иницијатива за сериозна реформа на Бихаќка.
– Треба да се соочиме со фактот дека СДСМ е успешно киднапирана партија. Ако тоа не е јасно после оние сцени што ги видовме во Дубаи, не знам што треба да биде јасно. Патем речено, не е исклучено компромитирачката снимка, на која главен лик сепак е Венко Филипче, да потекнува токму од луѓе блиски до Заев. Тоа се игри карактеристични за партија која се води на клановски начин – вели нашиот извор од СДСМ.

The post СТАСАА ДИРЕКТИВИТЕ ОД ДУБАИ Ќе ги потврди ли Централниот одбор на СДСМ плановите Венко Филипче да биде октроиран во лидер со фул мандат? appeared first on plusinfo.mk.

„Извршниот одбор на СДСМ ја разгледа информација за спроведената постапка за можни кандидати за Претседател на државата за претседателските избори 2024 година.

По сите анализи, разговори и спроведени истражувања на јавното мислење, Извршниот одбор во проширен состав го поддржа Стево Пендаровски за кандидат за претседател на државата и го предложи на Централниот одбор на партијата.

Пендаровски е победнички кандидат, близок со народот, ги споделува прогресивните вредности, со јасна визија за европска иднина на државата.

Во досегашниот мандат Пендаровски го врати угледот, интегритетот и кредибилитетот на институцијата претседател на државата и покажа што значи да се биде вистински претседател за сите граѓани“ – се вели во соопштението на СДСМ.

The post ИЗВРШНИОТ ОДБОР НА СДСМ ЈА ПОДДРЖА КАНДИДАТУРАТА НА ПЕНДАРОВСКИ Останува да ја прифати уште Централниот одбор appeared first on plusinfo.mk.

– На тоа Собрание се фалсификувани потписи на дел од членовите на Собранието-советниците и исто така и изменети со имиња на други членови кои воопшто не се советници. На Конгресот на 27.03.2022 и на одржаните собранија на 17.09.2022 и 21.1.2023 избрани се советници со вкупен број 137. Од тие јас имам изјави од 70 советници кои не присуствувале на Собранието и коишто дале изјави на нотар дека не биле на тоа Собрание на 10 февруари. Затоа тој собир го нема потребното мнозинство да се одржи, затоа што не биле присутни ни половина од легитимни советници и не може да се свика Конгрес зошто нема двотретинско мнозинство – истакна Абидин Абдули.

Членот на партијата и поранешен министер, Азиу Алиу образложи како се направени повеќето прекршувања на статутот. Според него, записникот и списокот на присутните членови на т.н. седница на Собранието не се доставени во архивата партијата во седиштето во Тетово.

– Од изјавите дадени во јавноста и други проверки констатираме низа статутарни прекршоци и тоа повреда во свикување на собранието каде е повреден член 71. ц, прекршен член е 49, иницијатива за разрешување на претседател треба да се базира на принципи од член 50 од статутот на нашата партија, но е прекршен од страна на претседател на Собранието, без да се констатира причина, иницијатива за прекин на мандат на претседателот не е донесена со двотретинско гласање од состав на партиско собрание и друго – образложи Алиу.

Според Азир Алиу, печатите на партијата се кај претседателот Арбен Таравари.

– Ако имате претседател со мнозинство членови не треба да се дискутира кое собрание е легитимно. Не е свикано Собранието од Таравари и не е свикано од 2/3 од составот на партиското Собрание. Не гласале 2/3 од легитимните членови на партиско Собрание и ова е тешка статутарна повреда и кривично дело бидејќи се манипулира со списокот на членови на собранието. Ако е битно, печатите се кај претседателот Таравари. Но нашата поврзаност, комуникација со народот и бројот на присутни на страна на претседателот ние е многу побитно од печатите – изјави Азир Алиу.

На вонреден конгрес денеска, петок, 16 февруари 2024 година, претседателот на партијата Арбен Таравари повикал врз основа на член 31, точка 1 од Статутот.

The post ПЕЧАТИТЕ НА АЛИЈАНСА ЗА АЛБАНЦИТЕ ГИ ИМА ПРЕТСЕДАТЕЛОТ НА ПАРТИЈАТА Крилото на Села фалсификувало потписи и менувало членови на Собранието, тврдат приврзаниците на Таравари appeared first on plusinfo.mk.

Со оваа одлука, Централниот одбор на СДСМ го поддржува процесот за отпочнување на преговорите за полноправно членство во ЕУ согласно Предлог – преговарачката рамка за пристапни преговори со Унијата од последниот европски предлог од 30 јуни 2022 година, предложен од претседателството на Франција.

„СДСМ како државотворна партија останува цврсто кон определбата за безусловно почитување на јазичните, идентитетските, историските и културните особености на Македонскиот народ, како елементи за кои не се преговара со ЕУ во ниту едни околности. Овие определби и принципи СДСМ очекува да бидат поддржани од сите политички субјекти во Собранието преку носење натамошни заклучоци за европскиот предлог, согласно собраниските процедури. Во преговарачкиот процес, Владата, заедно со сите институции, и понатаму треба доследно да се придржува до Резолуцијата за македонските црвени линии усвоена од македонското Собрание.

Нашата земја е пред многу важна одлука за нејзината иднина и остварување на уште една стратешка цел, отворање на преговорите со Европската унија со зачуван и обезбеден македонски јазик во ЕУ. Toa значи конечно затворање на сите идентитетски прашања. Имаме предлог кој гарантира чист македонски јазик во ЕУ, историски и билатерални прашања надвор од преговарачката рамка“, с енаведува во соопштението на СДСМ.

Оттаму порачуваат дека сите политички партии треба да пристапат одговорно, државнички и рационално и заедно да се донесе „долгоочекуваната државна одлука за продолжување на евроинтегративниот пат на земјата“.

The post ЦЕНТРАЛНИОТ ОДБОР НА СДСМ ГО ПОДДРЖА ФРАНЦУСКИОТ ПРЕДЛОГ Одлуката за прифаќање на предлогот е едногласна appeared first on plusinfo.mk.

– На овој состанок јас ќе доставам листа на предлози, а кои лица ќе бидат избрани на раководните позиции во партијата, ќе зависи од членовите на Централниот одбор – вели Ковачевски за Сител.

И од партијата потврдуваат дека по овој состанок, шефот на државата Пендаровски ќе добие известување и за името на мандатарот и потврда за мнозинството во Собранието.

The post КОВАЧЕВСКИ ЗА ВО ПОНЕДЕЛНИК ГО СВИКАЛ ЦО НА СДСМ Тогаш ќе се одлучува за промените во раководството на партијата appeared first on plusinfo.mk.