Иницијативата за набавка на централа која од дизел ќе произведува електрична енергија е да се зголеми домашното производство на струја, изјави денеска советникот за енергетика во Владата, Виктор Андонов.

Владиниот советник за енергетика рече дека во изминатиот период до владата пристигаат најразлични понуди за зголемување на производството на електрична енергија.

– Имајќи предвид дека сме силно зависни од увоз на електрична енергија и токму оваа иницијатива е во насока да се зголеми домашното производство преку инсталирање на такви постројки, кои можат да се инсталираат многу брзо и да го зголемат домашното производство – рече Андонов.

Тој информира дека владата ја задолжила ЕСМ да направи анализи и да подготви извештај со сите технички и финансиски детали за Владата, а за одлуката потоа ќе биде информирана и јавноста.

The post СТРУЈА ОД ЦЕНТРАЛА НА ДИЗЕЛ КАКО ОПЦИЈА Владата ја задолжи ЕСМ да подготви извештај за трошоците и можностите appeared first on plusinfo.mk.