Спортистите кои ќе бидат одликувани со медали на Зимските Олимписки игри (ЗОИ) 2026 во Милано–Кортина ќе добијат најскапи олимписки медали во историјата, што се должи на континуираниот раст на цените на скапоцените метали на светскиот пазар.

Од последните Олимписки игри, што Париз ги организираше во јули 2024 година, цените на златото и среброто пораснале за 107 проценти (злато), односно 200 проценти (сребро).

Како резултат на тоа, металната вредност на златниот медал сега изнесува околу 2.300 американски долари, што е повеќе од двојно во споредба со вредноста на медалот за време на Летните олимписки игри во Париз. За споредба, вредноста на сребрениот медал достигнува речиси 1.400 долари, приближно три пати повеќе отколку пред две години.

Иако металната вредност пораснала значително, тоа не значи дека медалите се изработени целосно од скапи метали – традицијата, воведена уште на Олимписките игри во Стокхолм 1912, останува иста: златните медали не содржат чисто злато.

Според достапните спецификации, златниот медал содржи околу шест грама чисто злато во вкупна тежина од 506 грама, додека остатокот е составен од сребро. За разлика од нив, сребрените медали се изработени од сребро со соодветна чистота.

На ЗОИ 2026 Милано–Кортина, кои вечерва свечено ќе бидат отворени, се очекува да бидат поделени повеќе од 700 медали меѓу најдобрите светски зимски спортисти.

The post 📽️ НАЈСКАПИТЕ ОЛИМПИСКИ МЕДАЛИ ДОСЕГА Зголемените цени на металите ја подигнаа вредноста на одличјата на ЗОИ 2026 appeared first on plusinfo.mk.

Цената на златото денеска за прв пат надмина 4.410 долари за унца, односно 155 долари за грам или 133 евра (една унца = 28,349 грамови), поттикната од растечките очекувања за понатамошно намалување на каматните стапки во САД и силната побарувачка за благородниот метал.

Од почетокот на годината златото порасна за околу 67%, надминувајќи неколку рекорди и за прв пат пробивајќи ги границите од 3.000 и 4.000 долари за унца. Со најновата цена на пат е да го постигне својот најголем годишен раст од 1979 година.

Ваквиот раст на цената на златото, кое традиционално се смета за инвестиција во безбедни засолништа, беше поддржан од зголемените геополитички и трговски тензии, континуираното купување од страна на централните банки и очекувањата за пониски каматни стапки следната година.

Слабеењето на американскиот долар дополнително ги зголеми цените бидејќи златото станува поевтино за странските купувачи.

И вториот благороден метал среброто забележа раст на цената. Тоа денеска се продаваше по историски максимална цена од 69,4 долари за унца. Среброто забележа раст од дури 138% од почетокот на годината.

На пазарите на други благородни метали, платината се искачи на 2.058 долари, што е највисоко ниво за повеќе од 17 години, додека паладиумот се искачи на 1.784 долари за унца, што е близу до највисокото ниво за три години.

The post ГРАМ ЗЛАТО ДОСТИГНА ЦЕНА ОД 155 ДОЛАРИ Геополитичките тензии ја зголемуваат побарувачката на овој благороден метал appeared first on plusinfo.mk.

Цената на златото би можела да порасне до 10.000 долари за унца, бидејќи ја враќа популарноста како безбедно засолниште во услови на инфлација и глобални тензии, изјави извршниот директор на JPMorgan Џејми Дајмон.

Благородниот метал, кој долго време се сметаше за заштита од инфлација и пад на валутата благодарение на неговата независност од владите и централните банки, ја проби историската граница на цена  од 4.000 долари овој месец и продолжува да расте.

– Јас не сум купувач на злато – поседувањето чини 4%. Но, лесно би можело да достигне (цена од) 5.000 или дури 10.000 долари во оваа средина – рече Дајмон на конференцијата „Најмоќни жени“ на Fortune во Вашингтон.

Тој истакна дека глобалната економија се соочува со повеќекратни пречки, вклучувајќи ги американските царини, растечките дефицити, инфлацијата, преминот кон вештачка интелигенција и геополитичките тензии како што е ремилитаризацијата, што ги поттикнува инвеститорите да се свртат кон златото за да ги намалат ризиците.

Дајмон избегна да коментира дали златото е преценето, но рече дека ова е „еден од ретките моменти во мојот живот кога е полурационално да го имате во вашето портфолио“.

Други пазарни експерти изразија слични мислења.

Анкета на Банката на Америка во октомври покажа дека 43% од менаџерите на фондови го сметаат на обложувањето на растечките цени на златото како најпопуларна трговија во светот, пред инвестирањето во американските технолошки гиганти „величествените седум“ (Alphabet, Amazon, Apple, Meta, Microsoft, Nvidia и Tesla).

Основачот на хеџ фондот Citadel, Кен Грифин, неодамна забележа дека инвеститорите сè повеќе го сметаат златото за побезбедно од американскиот долар, кој долго време се сметаше за глобален резервен имот.

The post ЗЛАТОТО МОЖЕ ДА ДОСТИГНЕ ЦЕНА ОД 10.000 ДОЛАРИ ЗА УНЦА Сегашната состојба води кон оваа бројка, вели извршниот директор на ЏП Морган appeared first on plusinfo.mk.

Цената на златото постигна нов нов рекорд. Неговата вредност на њујоршката берза Comex денеска го надмина рекордот од 4.000 долари за унца и се продаваче за 4.1во еден момент надмина 4.179 долари за унца.

Според податоците од берзата, сега цената  изнесува 4.112,7 долари за унца.

Според аналитичарите  порастот на цената на златото делумно беше поткрепен од зголемените инвестиции во фондови за тргување со злато (ETF). Само во септември, глобалните инвеститори инвестираа 15,5 милијарди долари во овие фондови, што е втора најголема месечна инвестиција во историјата.

Побарувачката за безбедни инвестиции како што е златото е сè уште висока поради глобалната економска неизвесност и инфлаторните притисоци.

Цените на златото се зголемиле за повеќе од 50% од почетокот на годината.

The post ЦЕНАТА НА ЗЛАТОТО НАДМИНА 4.100 ДОЛАРИ ЗА УНЦА Трговците ги зголемија инвестициите во фондовите за злато appeared first on plusinfo.mk.

Цената на златото на спот пазарот за прв пат го надмина нивото од 4.000 долари за унца, поттикнато од загриженоста на инвеститорите поради влошувањето на фискалната состојба во САД и привременото затворање на американската влада.

Златото денеска достигна 4.029,14 долари за унца, што е зголемување од 1,1%, а се тргуваше по  4.031,21 долари.

Цената на златото од почетокот на годината се зголеми за повеќе од 50%.

Експертите велат дека неизвесноста во глобалната трговија, загриженоста за независноста на Федералните резерви, слабоста во фискалната политика на САД и зголемените геополитички тензии се клучни фактори зад растот.

– Ова прекршување на нивото од 4.000 долари не е само резултат на страв, туку и на прераспределба на капиталот. Во време кога економските податоци покажуваат стагнација, а Федералните резерви сигнализираат намалување на каматните стапки, реалните приноси паѓаат, додека берзите, особено во секторот за вештачка интелигенција, се чини дека се пренадуени – изајви Чару Чанана, стратег во Saxo Capital Markets.

The post ПОЧНА ЛИ ПРЕРАСПРЕДЕЛБАТА НА КАПИТАЛОТ? Цената на златото надмина 4.000 долари за унца appeared first on plusinfo.mk.

Рекордното ниво на цената на златото денеска го привлече вниманието на пазарите ширум светот. Во европската трговија, центата на златото нарасна на 3.943,01 долари за унца, а фјучерсите во САД стигнаа до 3.966,37 долари. Повод за ова драстично зголемување е засилената побарувачка поради политичката и економската неизвесност во САД, како и очекувањата дека Федералните резерви (ФЕД) наскоро ќе ги намали каматните стапки.

Златото како засолниште во време на криза

Пазарите реагираат бурно на продолжениот застој на работатa на американската федерална влада, што го зајакна сомневањето дека економијата на САД ќе се соочи со сериозни шокови. Политичката блокада веќе влегува во својата втора недела, Демократите не сакаат да попуштат за намалувањето на здравствените бенефиции, а претседателот Доналд Трамп најавува нови отпуштања на државни службеници. Токму оваа неизвесност ги тера инвеститорите да се ориентираат кон златото, традиционално средство за зачувување вредност во кризни времиња.

Економските показатели, од друга страна, веќе даваат сигнали за слабеење: очекувањата се дека ФЕД ќе пристапи кон нови намалувања на каматите, за „да стимулира“ раст. Тоа ги наведува инвеститорите исто така да се ориентираат кон златото, иако тоа не дава камата и се смета за „неплодна“ имовина, но далеку посигурна.

Како ФЕД влијае на движењето на златото

Инвеститорите внимателно ја следат активноста на ФЕД, од кои зависат пазарите. Со зголемениот ризик за американскиот долар поради владиниот застој и можноста за нарушување на фискалната политика, очекувањата за намалување на каматите се веќе високи. Шансите Федералните резерви да ги намалат каматни стапки во октомври се проценуваат на близу 97 проценти, а веројатноста за уште едно намалување во декември изнесува околу 84,9 проценти. Притоа, некои аналитичари сметаат дека може да се надминат дури и овие проекции.

Кога Централната банка ја намалува клучната стапка, тоа ги намалува трошоците за вложување и облигации, правејќи го златото поатрактивно – особено ако каматите на обврзници станат „непривлечни“. Ова создава поголема побарувачка за злато, што се поткрепува и со порастот на купувањето од страна на странски централни банки и институционални инвеститори.

Стратешко префрлање на капитал и ефект врз доларот

Освен политичките и монетарните движења, критичен фактор за поскапување на златото е слабеењето на доларот во меѓународен контекст. Како што американската валута губи на сила, златото станува поевтино и поблиско за инвеститорите надвор од САД. Понатаму, поради најавите за можно мешање на администрацијата во независноста на ФЕД, расте сомнежот за стабилноста на доларот како глобален резервен инструмент. Некои големи финансиски институции веќе предвидуваат дека златото би можело да ја надмине границата од 4.000 долари за унца, пред сè доколку политичката тензија продолжи или се зголеми.

Што може да донесе следната недела?

Постојат сценарија што можат да ја променат моменталната динамика на цената на златото. Доколку американската влада наскоро се консолидира и се ублажи политичката блокада, дел од притисокот кон златото ќе ослабне. Исто така, неколку изјави на високи политичари или претставници на ФЕД може да внесат промена во пазарите — ако укажат на забавување на курсот на намалување на каматите, цената на златото може да добие надолен тренд.

Оваа недела ќе биде критична: објавувањето на прелиминарните податоци за потрошувачката, записниците од последниот состанок на централната банка на САД (ФЕД), како и изјавите на претседателот Џером Пауел и други претставници на централната банка, се очекуваат да внесат јасни сигнали во која насока ќе се движи цената на златото.

The post ШТО ЈА ТУРКА ЦЕНАТА НА ЗЛАТОТО НАГОРЕ И ДО КОГА ТОА МОЖЕ ДА ТРАЕ? Една унца се продава за рекордни 3.943 долари appeared first on plusinfo.mk.

Цената на златото продолжува да руши рекорди. Денеска за една унца од жолтиот благороден метал треба да се издвојат околу 3.800 евра, што е зголемување од околу 100% во однос на пред 5 години кога една унца чинеше околу 1.600 евра.

Таквото зголемување донесе и продолжува да носи значителен профит за многу инвеститори во златни прачки и златни монети. Просечниот годишен раст на цената на златото во евра во последните 20 години беше повеќе од 10%, што е значително повисоко од просечната стапка на инфлација во истиот период, но и повеќе од многу други форми на инвестиции како што се недвижности, државни записи или национални обврзници.

Високата инфлација, геополитичките тензии и падот на американскиот долар се фактори што ги туркаат инвеститорите кон златото, што влијае на растот на неговата цена. Експертите  предвидуваат дека и во следниот период ќе расте цената на овој метал.

Аналитичарите од Голдман Сакс неодамна презентираа анализа во која предвидуваат пораст на цената на унца злато на 5.000 долари, ако довербата во американската централна банка и доларот се намали.

Друга анализа направена од експерти од LBMA, водечкото професионално здружение на пазарот на злато, предвидува цена од 7.000 долари за унца до 2030 година.

Освен високиот раст на цената, инвестициското злато во физичка форма на златни прачки и златни монети е една од ретките форми на инвестирање што е целосно ослободена од сите даноци и давачки – сите инвестициски заработки остануваат кај инвеститорот, без никакви обврски кон државата.

Златните монети и прачките претставуваат реални средства што можат да се држат во рака и не зависат од државата, банките или финансискиот пазар. Тие се лесно преносливи и екстремно ликвидни бидејќи можат многу брзо да се заменат за готовина насекаде во светот.

The post ЦЕНАТА НА ЗЛАТОТО НА НОВ РЕКОРД Се очекува во следниот период унцата да чини и 5.000 долари appeared first on plusinfo.mk.

Аналитичарите очекуваат до крајот на 2024 година, цените би можеле да се искачат на ниво над 2.200 долари за унца поради високиот интерес на централните банки за купување на овој метал.

Според неодамнешното истражување на Светскиот совет за злато, 24% од сите централни банки имаат намера да ги зголемат своите златни резерви во следните 12 месеци бидејќи имаат помала доверба во американскиот долар како резервно средство.

The post ЦЕНАТА НА ЗЛАТОТО НА ИСТОРИСКИ МАКСИМУМ Цената на берзите се искачи на 2.110 долари за унца appeared first on plusinfo.mk.