САД нема да дозволат Иран да развие нуклеарно оружје, повтори американскиот претседател Доналд Трамп.

– Тие немаат морнарица, немаат воздухопловни сили, немаат воздушна одбрана, немаат радар, немаат лидери. Всушност, и лидерите си заминаа, но не можеме да им дозволиме да имаат нуклеарно оружје – рече Трамп на собир на мали бизниси во Белата куќа.

Неговите изјави доаѓаат откако Централната команда на САД (CENTCOM) објави дека разорувачите со водени ракети на американската морнарица дејствуваат во Заливот, откако поминаа низ Ормускиот Теснец како дел од операцијата „Проект слобода“, чија цел е да обезбеди слободна пловидба на трговските бродови.

Трамп додаде дека очекува високите цени на горивата да се намалат „многу брзо“ по завршувањето на војната со Иран.

The post ИРАН ВЕЌЕ НЕМА НИ ЛИДЕРИ, А ЌЕ НЕМА НИ НУКЛЕАРНО ОРУЖЈЕ Трамп очекува пад на цената на нафтата appeared first on plusinfo.mk.

Цената на нафтата утрово падна под 100 долари за барел откако американскиот претседател Доналд Трамп изјави дека се согласил на двонеделно примирје со Иран, кое предвидува итно и безбедно повторно отворање на Ормускиот Теснец.

Фјучерсите на Брент паднаа за 14,51 долари, или 13,3%, на 94,76 долари за барел, додека WTI падна за 17,16 долари, или 15,2%, на 95,79 долари за барел.

Пресвртот на Трамп дојде кратко пред неговиот рок за Иран да го отвори Ормускиот Теснец, каде што транзитира 20% од светската нафта, или да се соочи со широки напади врз неговата цивилна инфраструктура.

„Ова ќе биде двостран прекин на оган!“, напиша тој на социјалните мрежи, откако претходно во вторникот објави дека „цела цивилизација ќе умре вечерва“ ако неговите барања не бидат исполнети.

Иран изјави дека ќе ги запре нападите ако престанат нападите против него и дека безбедниот транзит низ Ормускиот Теснец ќе биде можен две недели во координација со иранските вооружени сили, според изјавата на министерот за надворешни работи Абас Аракчи.

Сепак, повеќе земји од Персискиот Залив идентификуваа лансирања на ракети и напади со беспилотни летала или издадоа предупредувања до цивилите да се засолнат.

„Дури и со мировен договор, Иран може да се охрабри почесто да се заканува на Ормускиот Теснец во иднина, а пазарот ќе го процени зголемениот ризик за Ормускиот теснец во иднина“, рече аналитичарот на MST Marquee, Саул Кавоник.

Војната меѓу САД и Израел со Иран го забележа најстрмниот месечен пораст на цената на нафтата во историјата во март од повеќе од 50%.

– Примирјето е добар почеток и може да го отвори патот за потрајно повторно отворање на теснецот, но има уште многу „ако“ што треба да се решат – рече аналитичарот на IG, Тони Сикамор.

WTI ја задржа својата ценовна премија во однос на Брент, во пресврт на типичните ценовни шеми поради тоа што неговиот договор за испорака е за мај, додека Брент е за јуни, што одразува дека барелите со претходен датум на испорака имаат повисока цена.

The post ЦЕНАТА НА НАФТАТА ПАДНА ПОД 100 ДОЛАРИ ЗА БАРЕЛ Договорот за примирје веднаш се почувствува на берзите appeared first on plusinfo.mk.

Во вонредно телевизиско обраќање синоќа американскиот претседател Доналд Трамп изјави дека американската војска речиси ги остварила своите цели во Иран, но не понуди јасен рок за завршување на едномесечната војна и вети дека ќе ја бомбардира земјата и ќе ја врати во „камено доба“.

Трамп рече дека САД ги уништиле иранската морнарица и воздухопловство и сериозно ги ослабнале балистичката ракетна и нуклеарната програма на земјата. Но, тој одби да изложи конкретен план за намалување на интензитетот на војната, која сега е во петтата недела, освен што рече дека САД ќе ја завршат работата „многу брзо“.

– Ние ги имаме сите карти. Тие немаат ништо – рече Трамп од Белата куќа во своето прво обраќање во ударен вечерен термин откако САД и Израел ја започнаа војната на 28 февруари.

Трамп само кратко се осврна на некои од клучните нерешени прашања, меѓу кои и статусот на иранскиот збогатен ураниум и пристапот низ Ормутскиот Теснец, еден од најважните премини за глобалното снабдување со нафта, кој Иран практично го затвори. Според него, теснецот ќе се отвори „природно“ по завршувањето на војната.

Претседателот и неговите советници понудија менливи објаснувања и рокови за конфликтот, како и за тоа што ќе бараат од Иран за тој да заврши. Додека го прикажуваше Иран како воено онеспособен, Трамп изјави и дека САД ќе ја напаѓаат земјата силно уште две до три недели.

– Ако новите лидери на земјата не преговараат на задоволителен начин, САД ќе почнат да ги напаѓаат електроенергетските капацитети и нафтената инфраструктура на земјата. Ќе ги погодиме исклучително силно во следните две до три недели. Ќе ги вратиме во камено доба, таму каде што им е местото – рече Трамп.

Неговото деветнаесетминутно обраќање, сепак, не донесе многу нови информации, ниту пак понуди поголемо уверување за американската јавност и сојузниците на САД, кои сè повеќе ги чувствуваат последиците од растот на цените на горивата и пролонгирањето на конфликтот. Веднаш по говорот, акциите паднаа, доларот зајакна, а цената на нафтата порасна, што дополнително го засили впечатокот дека војната би можела да потрае уште некое време.

Иако претседателот накратко ги призна растечките грижи кај Американците дека војната го прави горивото недостапно, тој инсистираше дека цените наскоро ќе паднат и дека за поскапувањата главно е виновен Иран.

Тој додаде дека земјите кои најмногу зависат од снабдување со нафта од Заливот треба да ја преземат водечката улога во отворањето на теснецот. Велика Британија, Франција и други американски сојузници изјавија дека се подготвени да помогнат за теснецот да остане отворен, но дури откако ќе престанат непријателствата.

– Тие можат лесно да го направат тоа. Ние ќе помогнеме, но тие треба да ја преземат водечката улога во заштитата на нафтата од која толку очајно зависат – рече Трамп.

The post „ЌЕ ГО ВРАТИМЕ ИРАН ВО КАМЕНО ДОБА“ Трамп се закани со бомбардирање на иранските електрани appeared first on plusinfo.mk.

Еврото падна на европските пазари во понеделникот во однос на кошницата светски валути, продолжувајќи го падот втор ден по ред во однос на американскиот долар, бидејќи инвеститорите продолжуваат да го купуваат доларот како сигурно прибежиште поради ескалацијата на војната на Блискиот Исток.

Тензиите меѓу САД и Иран се интензивираа околу Ормускиот теснец, што во моментов ги турка нагоре глобалните цени на енергенсите, создавајќи криза што негативно влијае врз европската економија.

Еврото денеска ослабе за 0,35% во однос на доларот, на ниво од 1,1532 долари, во споредба со почетното ниво од 1,1570 долари. Во петокот, заедничката валута падна за 0,15%, повлекувајќи се од еднонеделниот максимум од 1,1616 долари. Сепак, на неделно ниво, еврото забележа раст од 1,35%, поттикнат од поостриот став на Европската централна банка.

Од друга страна, доларскиот индекс порасна за повеќе од 0,2%, бележејќи втор последователен ден на добивки, што ја одразува силата на американската валута.

Растот на доларот доаѓа во услови кога инвеститорите се насочуваат кон него како безбедно засолниште, особено по заканите од американскиот претседател Доналд Трамп за напад врз електричната мрежа на Иран доколку Техеран не го отвори повторно Ормускиот теснец. Иранската револуционерна гарда возврати дека ќе одговори со напади врз инфраструктурата во земјите од Заливот.

Во меѓувреме, Израел соопшти дека започнал масовни напади врз Иран, додека Саудиска Арабија информираше дека иранската војска испалила две балистички ракети кон Ријад.

Цените на нафтата и гасот пораснаа на почетокот на неделата, продолжувајќи го растот од крајот на минатата недела, поради ескалацијата на конфликтот околу Ормускиот теснец и нарушувањата во снабдувањето од регионот на Персискиот Залив.

Извршниот директор на Меѓународната агенција за енергија, Фатих Бирол, предупреди дека актуелната криза претставува сериозна закана за глобалната економија и е полоша од енергетската криза во Блискиот Исток во 1970-тите години.

Стратегот за валути во Националната банка на Австралија, Родриго Катриљ, оцени дека пазарот има тенденција да фаворизира економии со вишок енергенси, што значи дека валути како еврото и јенот се под притисок. Доколку конфликтот потрае, притисокот врз овие валути дополнително ќе се зголеми.

Европската централна банка минатата недела ги задржа каматните стапки непроменети шести пат по ред. Според извори на Ројтерс, банката би можела веќе следниот месец да започне разговори за нивно зголемување.

По состанокот, финансиските пазари ги зголемија очекувањата за зголемување на каматните стапки за 25 базични поени на состанокот во април, од 1% на 25%. Инвеститорите сега внимателно ги следат новите економски податоци од еврозоната, особено за инфлацијата, невработеноста и растот на платите.

The post ЕВРОТО ПАЃА ПОД ПРИТИСОК НА ВОЈНАТА НА БЛИСКИОТ ИСТОК Можно е зголемување на каматните стапки appeared first on plusinfo.mk.

Секој совесен и одговорен возач, покрај грижата за сопствената безбедност, безбедноста на своите сопатници и другите учесници во сообраќајот, се труди при возењето да ја зголеми и ефикасноста во потрошувачката на гориво.

Така, знаеме дека возењето со помала брзина, оптимален број на вртежи на моторот, избегнување нагло сопирање и стартирање на автомобилот, негово редовно сервисорање, оптимален притисок на пневматиците, дури и во зависност од надворешната температура и сл., ни заштедува гориво.

Очекувам деновиве некој надлежен орган, вклучително и здруженијата на возачи, да нè потсетат на можностите за штедење гориво при управувањето со возилата, во услови на високите и растечки цени на горивата.

Подолго време размислував јавно да споделам една хипотеза (претпоставка која треба дополнително да се истражи и да се докаже), дека системот „Безбеден град“ (Safe city), покрај зголемената безбедност на улиците и патиштата (и, нека ми простат некои, финансиска корист за државниот буџет од наплатените санкции за прекршоци во сообраќајот), во вистинско време, токму пред налетот на нафтениот шок, сосема неочекувано, можеби ни носи заштеди од намалената потрошувачка на гориво, како за семејните буџети, така и за трговското салдо на земјата.

Велам можеби затоа што системот „Безбеден град“, функционира само еден цел месец, февруари, но веројатно позитивни ефекти во заштеди на гориво, иако во помал обем, можеби се остварени и во претходните два “подготвителни” месеци, декември во минатата и јануари во оваа година.

Серијата податоци за вкупна потрошувачка на нафтени деривати во замјава во тековниов месец (март) ќе претрпи влијание од значително зголемените малопродажни цени на горивата заради растот на цените на нафтата на светските берзи со почетокот на војната меѓу САД/Израел и Иран, со последици и врз другите земји од Заливот.

За очекување е дека високите цени барем донекаде ќе влијаат да се намали потрошувачката на нафтени деривати.

Првичен поглед на податоците за увоз на нафтени деривати во првите два месеци од годинава не нуди можност за сигурен заклучок дека се остварени заштеди како резултат на повнимателното управување со возилата по воведување на системот „Безбеден град“.

Но, од она што го слушам од луѓето околу мене, сепак се чувствува ефектот од смалена потрошувачка на гориво како резултат на поревносното почитување на сообраќајните прописи.

Ќе се обидеме со користење на филтри во статистичката анализа да ја тестираме мојата препоставка за дополнителната, непредвидена и правовремена корист со заштеда на гориво од системот „Безбеден град“.

Но, до тогаш ќе бидам благодарен на секој што ќе го прочита овој текст и доколу во коментарите го сподели сопственото искуство.

The post Ни заштедува ли гориво системот „Безбеден град“ – во вистинско време? appeared first on plusinfo.mk.

Цената на суровата нафта Брент вечерва се искачи на повеќе од 110 долари за барел, покажуваат податоците од светските берзи.

Од вечерва цената се зголеми за 7,74 проценти, односно, изнесува 111,13 долари за барел.

Поскапувањето е последица на геополитичките тензии и војната на Блискиот Исток.

The post ЦЕНАТА НА НАФТАТА НАДМИНА 110 ДОЛАРИ ЗА БАРЕЛ Војната на Блискиот Исток го зема данокот appeared first on plusinfo.mk.

Претседателот на САД, Доналд Трамп, се огласи на социјалната мрежа Truth Social откако светските цени на нафтата се искачија на повеќе од 100 долари за барел, како резултат на војната што САД и Израел ја водат против Иран од минатата недела.

Како и секогаш, Трамп ги минимизираше негативните ефекти од војната, велејќи дека дури и со зголемувањето на цената, „вредело“.

„Краткорочните цени, кои масовно ќе паднат кога ќе биде уништена нуклеарната програма на Иран, се мала цена што треба да се плати за САД и светот за да постигнат мир и безбедност“, рече Трамп.

Тој додаде дека „само будалите би размислувале поинаку“.

Огромниот скок на цените на нафтата почна да се гледа низ целиот свет, каде што цените на горивата растат.

Во делови од САД, цената на горивото се искачи над четири долари за галон (1,06 долари за литар), што може да биде огромен проблем за Републиканската партија и Трамп на ноемвриските избори оваа година.

Иако Вашингтон очекуваше војната да заврши релативно брзо, особено по атентатот врз ајатолахот Али Хамнеи, конфликтот не е завршен, а Иран дури најавува дека ќе ги засили нападите во следните неколку дена, откако синоќа го објави името на новиот лидер, Моџтаба Хамнеи.

The post „ТОА Е МАЛА ЦЕНА ШТО ТРЕБА ДА СЕ ПЛАТИ ЗА СВЕТСКИОТ МИР“ Трамп за поскапувањето на нафтата appeared first on plusinfo.mk.