Војната во Иран го наруши глобалното снабдување со ф’стаци и ги крена цените на највисоко ниво во последните неколку години, додека во исто време силната побарувачка врши дополнителен притисок врз веќе ограничениот пазар.

Конфликтот го попречи извозот од Иран, еден од најголемите светски производители, поради прекини во транспортните и трговските патишта. Трговците предупредуваат на голема неизвесност.

Цените на ф’стаците достигнаа околу 4,57 долари за фунта, највисока цена од 2018 година, а побарувачката расте дополнително поради популарноста на производи како што е „Дубаи чоколадо“.

Аналитичарите предупредуваат дека војната само ги влошува постојните проблеми.

– Војната ги засили постојните ограничувања, а проблемите се натрупуваат еден врз друг – вели  Ник Мос од аналитичката куќа „Експана“.

Проблеми со снабдувањето постоеја уште пред конфликтот, бидејќи послабите култури во САД, Турција и Иран веќе ја намалија понудата, додека санкциите и внатрешните тешкотии го попречија извозот.

Војната дополнително ја наруши логистиката – транспортните правци се променети или откажани, трошоците се зголемуваат, а клучното извозно пристаниште Бандар Абас е делумно блокирано.

Во меѓувреме, иранскиот извоз се намали за околу 30% во последните два месеци. Иако борбите се запрени со прекин на огнот, блокадата на Ормускиот теснец продолжува да го ограничува сообраќајот и да создава дополнителен притисок врз пазарот.

Купувачите се свртуваат кон алтернативни добавувачи, главно кон САД, но таму нема доволно залихи.

Аналитичарите предупредуваат дека цените би можеле дополнително да се зголемат ако продолжат прекините.

The post ДУБАИ ЧОКОЛАДОТО МОЖЕ ДА ГО СНЕМА ОД ПАЗАРОТ Поради војната во Иран, има недостиг на ф’стаци, а цената вртоглаво расте appeared first on plusinfo.mk.