Најновите практики во циркуларната економија и напредните системи за управување со отпад беа во фокусот на посетата на  амбасадорот на Швајцарија во земјава, Кристоф Зомер. ТИТАН Усје е еден од пионерите во земјава во примена на принципите на циркуларната економија и континуирано инвестира во нејзино унапредување. Амбасадорот Зомер имаше прилика да се информира и за процесите за декарбонизација, како и за активностите што компанијата ги реализира во насока на зелена и одржлива транзиција на индустријата.

Главниот извршен директор Константинос Николау ги презентираше искуствата на компанијата и напредните технологии во користењето на алтернативни горива од фракции од отпад и иновациите што се дел од секојдневните операции на ТИТАН Усје.

– Како членка на меѓународната групација ТИТАН, одржливоста во компанијата се негува како суштински дел од нашиот идентитет и корпоративна култура. Наш приоритет е имплементирање на најдобрите практики и иновативни решенија во областа на декарбонизацијата и управувањето со отпадот. ТИТАН Усје е една од првите компании во земјата која ги примени принципите на циркуларната економија, а истовремено постојано работиме на нивно унапредување. Оваа посета е можност за зајакнување на партнерствата, но и за поголема соработка и размена на искуства кои придонесуваат кон подобра животна средина и одржлива иднина. Ние сме подготвени да ги споделиме нашите искуства и да помогнеме што повеќе ентитети да започнат со примена на овие принципи, бидејќи така општеството ќе има поголеми придобивки – потенцира Николау.

Во рамките на посетата беше презентирана и постројката за алтернативни горива, една од првите од овој вид во земјата. Употребата на алтернативните горива во голема мерка придонесува за поголема декарбонизација во земјата.

Користењето на отпад и преработки од отпад како алтернативно гориво во цементната индустрија е светски потврдена праска коjа се применува повеќе од 50 години во ЕУ и во САД. Во моментов над 40% од енергенсите што се користат во цементната индустрија во Европската Унија и во другите земји доаѓаат од алтернативни горива кои потекнуваат од отпад. При посетата, амбасадорот Зомер ги истакна искуствата од оваа област во Швајцарија и истакна:

– Примената на нови технологии базирани на принципот на одржливост мора да биде приоритет. Токму циркуларната економија и практиките кои се применуваат во рамките на овој концепт се одлична основа за суштинска промена во начинот на водење на бизнисите и во начинот на живот. Во мојата земја овие практики имаат широка примена и навистина ми е драго што гледам дека постојат и тука иницијативи, што упатува на можност за соработка за поголем напредок.

Компанијата ги презентираше инвестициите направени во модернизација, дигитализација и иновативни процеси, кои овозможуваат зголемена енергетска ефикасност, намалена потрошувачка на ресурси, како и значително редуцирање на емисиите на CO₂. Амбасадорот Зомер ја поздрави посветеноста на компанијата на принципите на одржливост и нејзината улога во промовирањето на еколошки одговорни индустриски стандарди во земјата.

ТИТАН УСЈЕ, која годинава одбележува 70 години постоење, континуирано инвестира во напредни технологии и системи за оптимизација. Годинава компанијата ја доби и највисоката меѓународна потврда за управување со отпад – Zero Waste to Landfill Platinum Certificate.

The post ПОЗИТИВНИ ИСКУСТВА НА УСЈЕ СО ЦИРКУЛАРНАТА ЕКОНОМИЈА Амбасадорот на Швајцарија се увери дека има иднина во управувањето со отпадот appeared first on plusinfo.mk.

Цементната индустрија во Европа нуди решение врз основа на принципот „од отпад до енергија“ благодарение на согорувањето. Согорувањето претставува процес во којшто отпадот се употребува како енергенс или суровина. Употребата на отпадот како гориво преку согорување ги заменува фосилните горива како што се јаглен, нафта и гас, додека пак отпадот како суровина може да се употреби како замена за природните минерални ресурси при некои технолошки процеси.

Во 2018-та година, 52% од потребната енергија во цементната индустрија во Европа биле добиени преку согорување на конвенционални фосилни горива а останатите 48% биле добиени со помош на алтернативни горива добиени од отпад. Врз основа на студијата наречена „Статус и перспектива на согорување на отпад во фабриките за цемент во ЕУ“ пресметано е дека во овој сектор, горивата добиени со преработка на отпад, на среден рок може да задоволат до 60% од вкупните потреби за енергија. Во иднина, постои потенцијал нивниот удел да израсне и до 95%.

Максималното искористување на сегашните капацитети за енергија од отпад значително би помогнало во намалување на потребата од дополнителни инвестиции во нови постројки од ваков тип. Имено, само во рамките на ЕУ, земјите членки би можеле да заштедат вкупно 12,2 милијарди евра преку користење на постоечките капацитети во цементната индустрија. Оваа сума приближно соодветствува со потребната за изградба на нови инсенератори за отпад.

Европската комисија има испратено комуникација до Европскиот парламент (The role of waste-to-energy in the circular economy) кој подобро ја претставува можноста за добивање енергија од отпад што не може да се реупотреби или рециклира. Овој документ објаснува дека согорувањето во цементната индустрија соодветствува на принципот „енергија од отпад“. Дополнително, на земјите членки на ЕУ коишто немаат соодветни капацитети за безбедно согорување на отпад и имаат висок процент на негово депонирање, им се препорачува максимално искористување на капацитетите на цементните фабрики за оваа намена.

Моментално најголема пречка за зголемување на употребата на алтернативните горива добиени од отпад во цементната индустрија, не претставуваат техничките или економските фактори, туку нивната популарност во јавноста.

(Извор: https://cembureau.eu/policy-focus/environment/waste-to-energy/)

The post ЕНЕРГИЈА ОД ОТПАД Како најдобро да се искористи? appeared first on plusinfo.mk.