По 45 дена интензивни преговори по парламентарните избори, демохристијаните (ЦДУ/ЦСУ) и социјалдемократите (СПД), на поранешниот канцелар Олаф Шолц, конечно постигнаа договор за формирање влада во Германија.

Во среда во 15 часот, раководствата на двете партии ќе и се обратат на јавноста и ќе го презентираат коалицискиот договор, пренесуваат германските медиуми. Како што веќе протекоа информации, е договорена и поделбата на клучните министерства.

Според пишувањата на германскиот весник Билд, СПД ќе управува со Министерството за финансии, Министерството за одбрана и Министерството за правда, додека демохристијаните ќе ги преземат Министерството за внатрешни работи и Министерството за надворешни работи.

Претходните денови главна тема на коалициските разговори беа прашањата поврзани со мигрантската политика, даноците и пензиите, кои предизвикаа најголеми несогласувања меѓу двете страни.

Во текот на преговорите, дел од членството на ЦДУ го предупредуваше партискиот лидер Фридрих Мерц да не прави преголеми отстапки кон СПД, стравувајќи дека тоа може да го наруши правецот што партијата го најави во предизборната кампања – промена на политичкиот курс.

На изборите одржани на 23 февруари, ЦДУ освои 28,5% од гласовите, со што стана најсилната политичка партија, но немаше доволно за самостојно мнозинство, поради што беше приморана да бара коалициски партнер.

Анкета: АфД најпопуларна партија во Германија

Првпат според анкетите десничарската Алтернатива за Германија (АфД) е најпопуларна партија во земјата. Шест месеци по предвремените парламентарни избори во Германија, АфД, според резултатите од анкетата на Ипсос има поддршка од 25 отсто, додека во февруари освои 20,8 проценти од гласовите.

ЦДУ/ЦСУ, која на изборите на 23 февруари освои 28,5 отсто од гласовите, според анкетата има поддршка од 24 проценти.

Социјалдемократската партија на Германија (СПД) и Партијата на зелените бележат намалена поддршка во освоените гласови на изборите, додека партијата Левица го подобри својот резултат од 8,8 на 11 отсто.

The post ГЕРМАНИЈА КОНЕЧНО ДОБИ ВЛАДА Падна договор меѓу ЦДУ и СПД еве кој ги доби најмоќните министерства appeared first on plusinfo.mk.

Германската Социјалдемократска партија (СПД) денеска соопшти дека се согласила да започне коалициски преговори со конзервативците на Фридрих Мерц од Христијанско-демократската унија и Христијанско-социјалната унија (ЦДУ/ЦСУ), но нагласи дека нејзината поддршка не треба да се зема здраво за готово.

Претставниците на СПД се состанаа за да го изберат новиот лидер на парламентарната група на партијата, Ларс Клингбејл, кој го замени сѐ уште актуелниот канцелар, Олаф Шолц, откако социјалдемократите во неделата го претрпеа најтешкиот изборен пораз од Втората светска војна.

Прелиминарните пресметки покажуваат дека централно-левичарската СПД е најверојатниот соработник со конзервативците на Мерц за формирање на ново владејачко мнозинство во Берлин, но тоа се уште не е сосема сигурно со оглед на нападите меѓу двете партии за време на изборната кампања.

Клингбејл рече дека СПД сака брзи преговори и договор за разговори на теми кои се движат од безбедност до работни места и одбрана, но нагласи дека успехот на преговорите во моментов зависи од Мерц.

СПД го изрази својот бес поради плановите на Мерц да ги зголеми трошоците за одбрана преку посебен фонд, откако тој го одложи процесот на донесување на оваа одлука додека беше во опозиција. Социјалдемократите ги обвинуваат и конзервативците дека водат јавни преговори за чувствителни теми.

Во исто време, претставници на германската влада ќе имаат средби со шефови на странски држави и високи претставници, но изборниот победник Фридрих Мерц нема да учествува на средбите, соопшти денеска неговиот портпарол. Тој додаде дека владата во заминување, сепак, ќе информира и ќе се консултира со веројатното ново политичко раководство на Германија до официјалното предавање на власта.

The post НАСЛЕДНИКОТ НА ШОЛЦ ЌЕ СЕДНЕ НА МАСА СО МЕРЦ Германските социјалдемократи се согласија да преговараат со ЦДУ за место во владата appeared first on plusinfo.mk.

Премиерот Христијан Мицкоски упати честитка за победата на ЦДУ на парламентарните избори во Германија.

– Честитки за значајната победа на ЦДУ на изборите. Овој успех е потврда за довербата што германските граѓани ја имаат во лидерството и во принципите на кои се темели ЦДУ – стабилност, развој и посветеност на вредностите на европската христијанска демократија. Заедно да соработуваме за доброто и просперитетот на нашите граѓани. Европа бара промени“, наведува Мицкоски во честитката објавена на неговиoт Фејсбук профил.

Според резултатите од вчерашните избори во Германија, конзервативниот блок ЦДУ/ЦСУ предводен од Фридрих Мерц освои 29% од гласовите, пред екстремно-десничарската Алтернатива за Германија (АфД), која е на второ место, со околу 20% доверба. Социјалдемократите (СПД) на канцеларот Олаф Шолц се трети со 16%, а потоа Зелените со 13,5% од гласовите.

Во Бундестагот влегуваат уште и Зелените и Левица, додека Слободната демократска партија (ФДП) и Партијата Разум и правда (БСВ) на Сара Вагенкнет се под изборниот праг.

Одѕивот на изборите е рекорден 84 отсто.

The post МИЦКОСКИ Ѝ ЈА ЧЕСТИТА ПОБЕДАТА НА ЦДУ ВО ГЕРМАНИЈА Најави соработка за доброто и просперитетот на граѓаните на двете земји appeared first on plusinfo.mk.

Проекциите покажуваат дека лидерот на ЦДУ, Фридрих Мерц, би можел да стане нов канцелар на Германија, доколку конечните резултати се совпаѓаат со сегашните анкети, кои би го означиле враќањето на конзервативците на власт по осумгодишното владеење на социјалдемократите.

Според излезните анкети, АфД освои 19,5 отсто од гласовите, што претставува најдобар резултат за екстремно десничарската партија во Германија од крајот на Втората светска војна. Овој резултат, доколку биде потврден, би значел дека АфД речиси ја удвоила поддршката во споредба со изборите во 2021 година.

Во исто време, германската левичарска партија „Die Linke“ забележува неочекуван пораст на поддршката, делумно поврзан со страсниот говор на нејзиниот лидер против фашизмот кон крајот на изборната кампања. Според анкетите, „Die Linke“ би можел да го надмине прагот од 5 отсто и да обезбеди влез во парламентот, иако се чека потврда на овие резултати, пренесува „CNN“.

Иако ова се сè уште само излезни анкети, тие укажуваат на значителен политички пресврт во Германија, а вниманието на јавноста сега е насочено кон конечните резултати и можните коалициски преговори кои ќе го одредат составот на новата влада.

Излезноста на парламентарните избори во Германија, одржани денеска, достигна 83 отсто, што претставува највисок одѕив од обединувањето на земјата во 1990 година, објави јавниот радиодифузер ЗДФ.

За споредба, на претходните национални избори во 2021 година, излезноста изнесуваше 76,4 проценти.

The post ЦДУ ВОДИ НА ИЗБОРИТЕ ВО ГЕРМАНИЈА, РАДИКАЛИТЕ ВТОРИ Излезните анкети покажуваат дека Мерц би можел да биде новиот канцелар appeared first on plusinfo.mk.

АфД, која е класифицирана како десничарска екстремистчка партија во неколку држави од домашните разузнавачки агенции, е речиси изедначена со социјалдемократите (СПД) на канцеларот Олаф Шолц во државата која е појас на урбани и рурални заедници што го опкружуваат главниот град Берлин.

Конечните анкети покажаа дека АфД има многу мало водство од 28% поддржаност, при што СПД значително го намали јазот во последните денови од кампањата за да достигне 27%. Конзервативната ЦДУ има 14%, а новата левичарска конзервативна Алијанса на Сахра Вагенкнехт (БСВ) има 13% поддржаност, пишува британски Гардијан.

Зелените и про-бизнис ФДП, помали партнери во сè пораспарчената тринасочна коалиција на Шолц, ќе се борат да ги освојат тие 5% потребни за влез во државниот парламент, како и левичарската Ди линке (Die Linke), според анкетите.

Околу 2,1 милион луѓе, вклучително и 100.000 гласачи, кои гласаат првпат, се регистрирани за гласање, откако старосната граница за гласање е намалена на 16 години.

Гласачкото ливче се смета за референдум за федералната влада, чиј рејтинг на популарност е на рекордно ниско ниво, и за предвесник на исходот од федералните избори следната есен.

СПД владееше во државата од обединувањето пред 34 години и беше партија на сите тројца лидери кои владееја во тоа време.

Дитмар Вајдке од СПД, кој го водеше Бранденбург 14 години, вети дека ќе поднесе оставка доколку АфД ја победи неговата партија, а според некои толкувања, станува збор за коцкање со високи влогови врз основа на неговата популарност како „татко на државата“. АфД исто така повика Шолц да поднесе оставка.

• ГОРЧЛИВИ СЕ РЕЗУЛТАТИТЕ ОД ИЗБОРИТЕ Шолц повика да се формираат покраински влади без АфД

Во понижувачки гест кон лидерот на Германија, Вајдке не само што ја критикуваше федералната влада во својата кампања, туку и целосно го исклучи Шолц од неа. На најнепопуларниот канцелар досега му беше забрането да се појавува на митинзите на СПД во државата, иако тој и неговата сопруга Брита Ернст живеат во нејзиниот главен град, Потсдам.

Иако станува збор за една од најмалите германски покраини по население, гласањето се смета за значајно за целата земја, а резултатите со неизвесност се чекаат низ целиот континент.

На 1 септември, АфД стана најсилната партија на државните избори за првпат во источната покраина Тирингија каде што обезбеди околу 33% од гласовите. Во соседна Саксонија, таа се најде на второто место, со околу 30%, тесно поразена од владејачката централно-десничарска Христијанско-демократска унија (ЦДУ).

Кампањата се фокусираше на прашањата за имиграцијата, енергетската транзиција, стравувањата од економска рецесија и на германската поддршка за Украина, а сите тие прашања  се важни во поранешната источна Германија, водена од комунизмот, при што АфД се покажа како особено вешта во способноста да се прилагоди на грижите на гласачите.

Дури и ако победи АфД, тешко дека ќе може да владее со државата, бидејќи ќе ѝ недостига мнозинство. Останатите партии поставија таканаречен „заштитен ѕид“ и одбија да работат со Алатернатива за Германија.

Партијата на Вагенкнехт, 9-месечна отцепена група од екстремно левичарската Ди линке, веројатно ќе биде моќен актер во постизборниот период. Критичарите велат дека заштитниот ѕид сè потешко ќе се одржува доколку АфД продолжи да има добри резултати на изборите.

• КОЈА Е САХРА ВАГЕНКНЕХТ, ЛЕВИЧАРКАТА ШТО ЌЕ ЈА „КАНИБАЛИЗИРА“ ГЕРМАНСКАТА ЛЕВИЦА? Таа е против НАТО и ја поддржува Русија

На национално ниво, сите 3 партии во коалицијата на Шолц заедно имаат помалку гласови од опозициската ЦДУ на Фридрих Мерц кој овој месец беше формално назначен за кандидат за канцелар на партијата на сојузните избори во септември 2025 година.

The post „ЗАШТИТНИОТ ЅИД“ НА ГЕРМАНСКИТЕ ПАРТИИ ПОЧНА ДА СЕ РОНИ Дали АфД има шанси на изборите во Бранденбург? appeared first on plusinfo.mk.

Министерството не даде дополнителни информации за обемот или природата на нападот, што во моментов го истражува германската безбедносна служба – Канцеларијата за заштита на Уставот.

– Меѓутоа, природата на нападот укажува на многу професионален актер – рече портпаролот на МВР, пренесува германската агенција.

Според извори блиски до германската Влада, инцидентот што се случува на една недела пред изборите за Европскиот парламент, е сфатен многу сериозно.

Министерката за внатрешни работи, Ненси Фезер, наводно била во контакт со лидерот на партијата ЦДУ Фридрих Мерц.

ЦДУ, партијата на поранешната канцеларка Ангела Меркел, соопшти дека тесно соработува со германските безбедносни власти и други надворешни експерти.

– Сојузната канцеларија за заштита на Уставот денеска треба да издаде предупредување до сите партии во германскиот Парламент. Нашите безбедносни власти ги засилија сите заштитни мерки против дигитални и хибридни закани и обезбедуваат информации за опасностите. Уште еднаш гледаме колку е тоа неопходно, особено пред изборите – изјави портпаролот на Министерството за внатрешни работи.

Минатата година и германската владејачка Социјалдемократска партија (СПД) беше жртва на кибер напад, кога ѝ беа хакирани адресите на е-поштата. Владата тогаш за хакирањето ја обвини руската воена разузнавачка единица (ГРУ) и повика висок руски дипломат во Министерството за надворешни работи во Берлин.

The post ГОЛЕМ ХАКЕРСКИ НАПАД ВРЗ ГЕРМАНСКАТА ПАРТИЈА ЦДУ Стафен е мошне сериозно во пресрет на европските избори appeared first on plusinfo.mk.

Според првите прогнози врз основа на преброените гласови, ЦДУ освоила 35 отсто, што е подобрување за два процентни поени во однос на последните избори во 2017 година.

Со 27,5 отсто СПД освои 3,7 процентни поени помалку од последните покраински избори, а со тоа и најслаб резултат во историјата на оваа сојузна покраина во која социјалдемократите се на власт со децении.

Трета е Партијата на зелените, која постигна најдобар резултат во оваа сојузна покраина со 18,4 отсто.

Изборите во најнаселената и економски најсилната сојузна држава поради нивната важност се нарекуваат и „мали сојузни избори“, а најважни избори се годинава во Германија.

Иако гласачите се водат од локалните прашања на покраинските избори, лошиот резултат на СПД во Северна Рајна-Вестфалија се смета за предупредувачки сигнал за социјалдемократскиот канцелар Олаф Шолц.

Како што пренесуваат агенциите, неговата популарност опадна во последните недели поради незадоволството на многу гласачи од неговите постапки во врска со војната во Украина.

Аналитичарите велат дека СПД избрала погрешна стратегија поврзувајќи го Шолц со изборите во Северна Рајна-Вестфалија.

The post ЦДУ ПОБЕДИ ВО СЕВЕРНА РАЈНА-ВЕСТФАЛИЈА Историски лош резултат за социјалдемократите appeared first on plusinfo.mk.

– Длабоко сум импресиониран од овој резултат – изјави Мерц.

Како што јави Дојче Веле, на дигиталниот сојузен конгрес на Христијанско демократската унија, согласно на очекувањата, 66-годишниот Фридрих Мерц со огромно мнозинство беше избран за нов партиски шеф. Претходно, пред Божик, тој на референдумот на кој за нов партиски лидер гласаа 380.000 партиски членови, ги остави зад себе конкурентите за лидерското место – Норберт Ретген и Хелге Браун. Така, Мерц е веќе трет шеф на ЦДУ по повлекувањето на тогашната канцеларка Ангела Меркел од оваа функција во декември 2018 година.

– Знам какви задачи ме очекуваат како десетти претседател на оваа партија, од 1948 година досега, пред нив имам голема почит – изјави Мерц пред партискиот конгрес.

Кога во 2018 година првпат „атакуваше“ на функцијата, Унијата ја предводеше владината коалиција, а канцеларот беше од ЦДУ. Сега им остануваат опозициските клупи во Бундестагот, веднаш до деснопопулистичката АфД.

Мерц најави дека „секако ќе ја застапува партијата во целиот нејзин спектар и ќе ги третира темите кои партијата ги смета за важни“, надевајќи се дека ќе му успее „да ги интегрира во раководството сите други, што ќе даде слика на една целина“, каде место ќе најдат сите различни политички идеи, мислења и струења во партијата.

Според Дојче Веле, Мерц сега ја добива моќта која одамна ја посакуваше. Економскиот правник, роден во 1955 година, потекнува од рурална област во покраината Северна Рајна Вестфалија. Со својата сопруга, шефица на еден суд, во брак е од 1981 година, имаат три возрасни деца.

Мерц првпат влезе во Бундестагот како пратеник на ЦДУ во 1994 година. Уште тогаш тој и Ангела Меркел припаѓаа на различни партиски табори на ЦДУ.

The post ПАРТИЈАТА НА МЕРКЕЛ ДОБИ НОВ ЛИДЕР Фридрих Мерц важеше за најголем внатрепартиски критичар на екс-канцеларката appeared first on plusinfo.mk.

Самата предизборна политичка битка доби одредени неочекувано жестоки моменти кои може да бидат пресудни. Последниот во низа наликува на вистинска предизборна „бомба“ за кандидатот на социјалдемократите (СПД) за канцелар, Олаф Шолц, откако вчера се обзнани истрагата на кое е мета неговото Министерство за финансии, обвинето дека не пренело клучни информации за сомнителни милионски трансакции во Африка. Во суштина, за пералница на пари која токму посебната единица за борба против перење пари – Financial Intelligence Unit, која работи под Министерството за финансии, требало да ја спречи или за неа да сигнализира, а тоа не го направила.

Фрустрацијата на Меркел

Вториот изненадувачки, или барем неочекуван момент, беше кога за време на веројатно последниот говор во улога на канцеларка во Бундестагот, Ангела Меркел застана зад кандидатот на партиите на Унијата (ЦДУ/ЦСУ), Армин Лашет и предупреди од евентуална коалиција на СПД, Зелените и Левица. Меркел ветуваше дека ќе остане понастрана од борбата за нејзин наследник, па ваквиот „испад“, каде употреби средства и зборови надвор од нејзиниот вообичаен помирувачки стил, ѝ даваат по малку тажен крај на нејзината инаку брилијантна кариера и мандат исполнет со повеќе успеси отколку разочарувања. Меркел ја истури својата фрустрација и спадна на ниво да предупредува од комунистичка опасност во Германија доколку Унијата (ЦДУ/ЦСУ) не победи на изборите.

Очигледниот мотив за оваа нервоза и очајничкиот обид да се спаси што може, најверојатно се новите анкети, каде поддршката за конзервативниот блок на канцеларката Ангела Меркел падна на историски најниски 19% и нејзиниот шпиценкандидат Армин Лашет делува потопен како кога се смееше за време на посетата на поплавените места во јули. Во меѓувреме, социјалдемократите го зголемија водството и сега уживаат поддршка од околу 25% од испитаниците. Зелените се на трето место со 17%, а следуваат либералите со 13% и деснорадикалната АфД со 11 проценти доверба.

Овие бројки говорат дека секакво предвидување околу идната германска влада е исклучително тешко. Податоците и понатаму се многу флуидни и можните коалиции стануваат сѐ побројни. Можни се оние со три партии: Унија-СПД-Зелени, СПД-Зелени-Либерали, Унија-Зелени-Либерали, СПД-Зелени-Левица, како и оние со само две партии, односно Унија-СПД и помалку веројатно Унија-Зелени.

Подемот на Шолц

Убедливо најинтересниот фактор во последните неколку недели е подемот на Олаф Шолц и социјалдемократрите. Една од најшироко распространетите тези во германската политика е дека главната причина за кризата на социјалдемократите во последните 15 години се должи на нивното постојано расположение да бидат дел од големата коалиција со Унијата на Ангела Меркел. Од 2005 година до денес социјалдемократите владеат со Германија како помал партнер на Унијата, со исклучок на периодот 2009-2013-та. Заедно со двата мандата на Герхард Шредер, СПД суштински владее од 1998 година и, покрај неизбежните грешки, сепак има огромен придонес за модернизацијата на Германија и за фактот дека денес е една од економски најсилните земји на светот и лидер во Европа.

Во 16-те години владеење на Меркел, раководството на СПД секогаш делувало како да се срами од својот суштински придонес во владата. Тоа веројатно произлегува од нивното убедување и страв дека уредувањето и начинот на функционирање на модерна Германија суштински се коси со традиционалните вредности на германската социјалдемократија. Од тие причини, низ годините постојано страдаше нивното единство и лидершип, партијата беше константно поделена на струи и фракции, некои повеќе левичарски, некои модерни и либерални, во бескрајна борба помеѓу разно-разните лидери. На тој начин социјалдемократите се оддалечија и од објективните заслуги кои ги имаа во власта и сите успеси секогаш ѝ беа припишувани на Меркел, чиј лидершип тоа и го заслужуваше, но кој не беше единствената причина за германските успеси. Така, СПД, која преку 15 години не била опозиција, никогаш не се претставуваше како дел од власта, иако очигледно била. Оттука, можеме да кажеме дека низ годините социјалдемократите ја изгубија својата политичка мисија и порака.

„Црвен бран“

Таквата состојба конечно е напуштена со мудриот избор на умерениот Шолц, кој иако долго време беше потценет, сепак од позицијата на министер за финансии, вице-Меркел и кандидат за канцелар, успеа да изгради јасен политички профил базиран на компетентност, сериозност и доверба, и на тој начин да ја обедини и сопствената партија. На овие избори социјалдемократите, за првпат по 15 години, делуваат како да не се срамат од својот кандидат. Напротив, компактни се и сите го поддржуваат Шолц. Всушност, единствената кампања на СПД за овие избори е Шолц и ништо друго освен лицето на Шолц. Ќе видиме дали најавениот скандал ќе ја расклати довербата во неговиот лик, но успехот да им се надомести преку 10% рејтинг на демохристијаните и да се стане фаворит, не може да биде производ на среќа или обична случајност. Настрана грешките на ривалите, СПД направи паметно што избра кандидат уште пред една година, па оттука Шолц е далеку попопуларен од сите останати кандидати за канцелар. И во овие малку преостанати денови до изборите многу работи можат да се сменат, но едно е сигурно: социјалдемократите конечно излегоа од својот комплекс на инфериорност.

„Црвениот бран“, како што го нарекуваат подемот на Шолц и СПД, покрај тоа што забрзано ја освојува Германија, успеа да се пробие дури и на Истокот, во поранешна ГДР. Региони кои уште од времето на Кол беа лојални ја Унијата, или пак во последно време се определија за Зелените, сега преминуваат кон социјалдемократите. Дури и деснорадикалната АфД почнува да тоне на Истокот како последица на подемот на СПД. Останува да видиме дали новопронајдениот карактер и мисија на германската социјалдемократија ќе успее да го пополни вакуумот по децениското владеење на Меркел. Тоа што е сигурно е дека Германија нема да доживее големи потреси и промени која и да биде идната влада. Потресот е резервиран само за изборите.

The post Социјалдемократите ја освојуваат Германија?! appeared first on plusinfo.mk.

-Германија во следниот период го напушта снабдувањето со атомска енергија и енергијата добиена од јаглен и затоа за перидиот на транзиција и треба гасот, што го нема – изјави денеска Лашет, пренесоа британските медиуми.

Новиот шеф на ЦДУ смета дека случајот Навални не треба да биде поврзан со приватниот економски проект „Северен тек 2“ и предупреди на штетноста на „симболичката политика“.

– Мислам дека тоа е дно на политичката култура кога место трезвена дискусија за некој проблем тие се обидуваат да наметнат клишеа, рече Лашет.

Тој ги отфрли критиките дека е симпатизер на Русија и истакна дека го критикувал и дополнително го критикува апсењето на Навални, како и војната во Украина.

Лашет потсети дека Русија и претходно Советскиот сојуз веќе 50 години извезуваат гас во Германија и притоа одговори и на критиките на Вашингтон за „Северен тек 2“ изјавувајќи дека САД, исто така, купуваат нафта од Русија и „другите земји кои не спаѓаат во светлите примери кога станува збор до слободите и правата на човекот”.

The post Лашет: Не смееме да се откажуваме од „Северен тек 2“ заради Навални appeared first on plusinfo.mk.