Уште 8 лица, од кои тројца цариници, се осомничени за вршење кривични дела со употребувани возила и до Основно јавно обвинителство за гонење на организиран криминал и корупција веќе се поднесени кривичните пријави, рече директорот на Царинската управа, Бобан Николовски во емисијата „Дејли клик“ на ТВ 21.

Вкупно досега се опфатени 32 лица, од кои 11 се цариници, додаде тој, и тие се сомничат за царинска измама, прикривање стока од сторено кривично дело царинска измама, фалсификување и за злоупотреба на службена должност и овластување.

За 8 царински службеници веќе има решенија за отказ, рече Николовски.

– Не амнестираме никој, разгледуваме што се случувало, но одиме напред и спроведуваме реформи, со цел остварување подобри резултати. Буџетот беше празен и ние моравме да дадеме брзи резултати. Одиме добро и во континуитет остваруваме добри резултати – потенцира директорот.

Во јули е остварена историски највисока наплата на приходи во еден месец. Во втората половина од 2024 година се наплатени 65,2 милијарди денари или 4 милијарди денари повеќе во однос на истиот период во 2023 година.

– Како резултат на зајакнатите контроли, во втората половина од 2024 година бројот на откриени неправилности е зголемен за 87,3 проценти. Во 2024 година има 410 случаи на заплени, од кои 305 се во втората половина. Мобилните тимови на одделението за оперативни работи во 2021 година оствариле 52 заплени, во 2022 година 86, во 2023 година 110, а во 2024 година остварени се 193 заплени, што најмногу се должи на зајакнатите контроли во втората половина од годината – рече директорот Николовски.

The post ЗА 8 ЦАРИНИЦИ ОТКАЗ, ЗА 11 КРИВИЧНИ ПРИЈАВИ ЗА ИЗМАМА, ФАЛСИФИКАТ И ЗЛОУПОТРЕБА Царинската управа има зголемена наплата и повеќе заплени appeared first on plusinfo.mk.

Според обвинението, во периодот од март 2023 до октомври 2024 година, обвинетите, распоредени на царинските испостави Ново Село и Дојран, барале и примале парични средства од превозници на стока. Наместо да ги наплатат законските царински давачки, тие дозволувале увезената стока слободно да влезе во земјата.

Обвинителството утврди дека обвинетите земале поткуп во износи од 20 до 150 евра за секој поединечен случај

„Обвинетите свесно ги кршеле законите за да прибават лична корист, на штета на државниот буџет“, наведуваат од Јавното обвинителство.

Дополнително, едно лице се терети за нелегално поседување и трговија со оружје и експлозивни материјали, што било откриено при извршените претреси.

„При претресите, пронајдени се и одземени средства што обвинетите ги стекнале преку криминалните активности. Меѓу нив се: 51.885 евра, 663.210 денари, 4.860 швајцарски франци, 530 американски долари. Повеќе валути, меѓу кои британски фунти, украински гривни, бугарски лева и турски лири и 36 штеки цигари. Со овие активности е нанесена сериозна штета на државниот буџет преку ненаплата на царинските давачки“, истакнаа од обвинителството.

Обвинителството предложи на обвинетите да им се изрече казна со која ќе им биде забрането да вршат службени функции во државните органи. Воедно, предложено е продолжување на притворот за шест лица, со цел да се обезбеди непречено водење на судската постапка.

„Случајот ’Премин‘ е уште еден доказ дека институциите мора активно да се борат против корупцијата во своите редови“, соопштија од обвинителството.

Истражната постапка започна во октомври минатата година со полициска акција под истото кодно име, а целиот процес е насочен кон откривање и санкционирање на организираните криминални активности на царинските и полициските службеници.

The post ПАРИТЕ ГИ ДЕЛЕЛЕ, А ДРЖАВАТА ГУБЕЛА Цариници и полицаец обвинети за поткуп и милионска штета на буџетот appeared first on plusinfo.mk.

Според обвинителството, осомничените царински службеници во период од март 2023 година до октомври 2024 година систематски барале и примале парични поткупи од превозници за да не ја извршат својата работа и да не наплатат царински давачки. Проценето е дека со овие незаконски активности буџетот на државата е оштетен за значителни суми пари.

При претресите извршени на 26 локации, полицијата пронашла околу 50.000 евра во готовина, за кои се претпоставува дека се дел од примeните поткупи.

Осомничените се теретат за кривичните дела „Примање поткуп“ и „Злоупотреба на службена положба и овластување“.

„Осомничените во временскиот период започнувајќи од 21.03.2023 година, па сѐ до вчера – 15.10.2024 година, со умисла извршиле повеќе временски поврзани дејствија што претставуваат повеќекратно остварување на исто дело. Тие искористувајќи ист траен однос, исти прилики и слични околности, при вршење на царински прегледи на стоката што се увезувала во државата преку граничните премини, од превозниците на стоката директно барале и примале парични средства за себе во износи од по 20, 50, 70, 100 и 150 евра, за да не извршат службено дејствие што би морало да го извршат. Откако ќе го примеле поткупот, што потоа го делеле меѓу себе, осомничените не ја вршеле својата службена должност и не правеле пресметка и наплата на увозните давачки, согласно Законот за царинската управа, Уредбата за спроведување на царинскиот закон и Законот за царинската тарифа. Така, увезената стока ја пуштале во слободен промет, со намера за себе и превозниците да прибават имотна корист, а на штета на средствата на Буџетот на РСМ во висина од ненаплатените царински увозни давачки. Согласно КЗ за кривичното дело Примање поткуп запретената казна е од четири до десет години затвор, додека за кривичното дело Злоупотреба на службена положба и овластување е предвидена казна затвор од шест месеци до три години“, информираат од МВР.

• СЕ АПСАТ ПОЛИЦАЈЦИ И ЗАТВОРСКИ ЧУВАРИ Голема полициска акција во струмичко-гевгелискиот регион

Оваа акција е уште еден доказ за одлучноста на државните органи да се борат против корупцијата и да ги доведат пред лицето на правдата сите оние кои ја злоупотребуваат својата позиција за лична корист.

The post ПАДНА МРЕЖА НА КОРУМПИРАНИ ЦАРИНИЦИ Полицијата уапси 15 службеници во вчерашната голема акција appeared first on plusinfo.mk.

Божиновски го појасни функционирањето на полиграфот – систем со повеќе сензорни компоненти кој, меѓу другото, следи промени во дишењето, срцебиењето и психофизиолошка реакција кај испитаникот од одредени прашања (стимул) за одреден настан. Апелираше дека не треба да постои страв од тестирањето со детектор на лаги, кој е специфичен тактичко-методолошки процес, и дека тој ќе се применува по сите професионални и етички стандарди.

– Реакцијата е последица на автономниот нервен систем на секој човек што не можеме своеволно да го контролираме. Тој работи самостојно, без наша контрола, исто како што кога спиеме не го тераме нашето тело да дише, туку автономниот нервен систем му кажува да дише. Со помош на овој систем, сите што се искрени и работат согласно правилата на работење, не треба да стравуваат за своето работно место. Секој што е лојален кон институцијата во која работи, не треба да има сомнеж дека овој процес ќе му наштети. Затоа не гледам причина да не се прифати овој позитивен предлог кога сите сме свесни за штетноста од корупцијата – рече Божиновски.

Посочи дека во земјава има четворица лиценцирани испитувачи, од кои двајца се во приватен и двајца во јавен сектор, а нивната компанија „Полиграф центар“ е лиценцирана и за обука на идни полиграфисти доколку овој проект биде усвоен.

Денеска се одржа втората сесија од дебатата дали да се воведат полиграфи за службеници кои работат на високоризични работни места на граничната линија со цел се превенира можна корупција одржа денеска владиниот Национален координативен центар за гранично управување, а учествуваа претставници на невладин сектор, здруженија на автобуски и камионски превозници, стопански комори и полициски и царински синдикати.

Претставувајќи го проектот, националниот координатор за гранично управување, Владимир Пивоваров, укажа дека корупцијата е главен фактор за сивата економија која го спречува порастот на БДП и развојот на економијата, а подмитени службени лица на границите може да бидат и закана по безбедноста доколку пропуштаат дрога или оружје.

Нагласи дека полиграфот е тест за да се утврди чесност и интегритет и професионалците што ги имаат овие одлики не треба да стравуваат од овој начин на проверка, која е планирана да се применува пред стапување на должноста и потоа еднаш годишно. Посочи за пример земји во светот, како Турција и Сингапур, кои ги напреднале значајно своите економии и неколкукратно го зголемиле БДП-то откако ја решиле корупцијата.

– Почетокот на секоја сива економија почнува на граничната линија. Полиграфот е изнудено, крајно решение за распространетата корупција зашто моралната свест кај нас е нула па и падната под нула. Ако продолжиме вака, корупцијата сите ќе не уништи, ќе отидеме во клептократија и затоа таа мора да се реши. Ова е благородна идеја и не треба никој да се плаши ако е чесен – истакна Пивоваров и додаде дека врз борбата со корупцијата негативно влијаат и долгите и лошо водени истраги и судските постапки со изречени условни казни за корумпираните службеници.

Предлогот предвидува полиграфот да се спроведува еднаш годишно задолжително за секој кој работи на ризично работно место на граница. Тестот ќе го прават лиценцирани професионалци со најсовремени апарати за детектирање лаги и доколку службеникот падне на тестот, ќе биде отстранет од работното место.

За учесниците на дебата идејата е прифатлива, но сметаат дека треба да се разгледаат и други аспекти за корупцијата.

Ѓино Шкријељ од секторот шпедиција смета дека потребен е осврт и на причините за корупцијата и да се разгледа што го мотивира коруптивното однесување. Рече дека неа ја зголемуваат и санкциите односно високите казни за прекршоци кои доколку не би биле толку драстични, не би имало подмитување.

– Причини за коруптивност се санкции и нефункционирање на системот. Затоа што институциите се неефикасни и за некој документ транспортерот мора да чека долго, се бара чаре во врски, во пријатели, зашто му трпи работата. Треба да се интервенира во казните за прекршоци, да не бидат толку драстични. Ако се високи, ќе има и подмитување. Фокусот да биде и на причините за корупција паралелно со последиците – истакна Шкријељ.

Гоце Делчев од Независниот синдикат на полицијата рече дека силно ја поддржуваат идејата за овој проект со кој смета дека треба да бидат опфатени и повисоки структури, како началници, помошници директори, помошници министри…

– На овој начин, кога парите ќе останат во буџетот, ќе дојдеме и до поголеми приходи за полицијата. Тие ќе бидат позадоволни и општеството ќе ни биде на повисоко ниво – рече Делчев.

Катерина Малетиќ од транспортен сектор смета дека идејата за полиграф е одлична за искоренување на корупцијата, но проблемот, според неа, е и во неказнивоста дури и кога корупцијата е докажана.

– Сме имале случаи и кога граничар е снимен како зема мито. Дури и при цврсти докази, нема завршница и така сѐ паѓа во вода – рече Малетиќ, според која вината во корупцијата е поголема кај тој што го примил митото зашто е официјално лице.

Владата во февруари на седница донесе одлука да се организира јавна дебата во пет сесии за иницијативата да се воведе полиграфско тестирање. Планот е до средина на април тие да завршат и Националниот координативен центар за гранично управување да достави извештај до Владата. Доколку Владата го усвои, извештај ќе биде пратен во Собранието.

The post 97 ОД 100 ЦАРИНИЦИ ЌЕ УЛОВИМЕ АКО ЗЕМАЛЕ МИТО Полиграфистите гарантираат висок процент на точност appeared first on plusinfo.mk.

„Во понеделникот, на 7 август, на влез во државава, на граничниот премин со Грција во Битола, се пријави државјанка на Јужноафриканска Република со иницијали Ц.Л.Р. (57), како возач на изнајмениот автомобил. На прашање на царинскиот службеник дали има да пријави нешто за царинска контрола, лицето одговори нема ништо да пријави. Царинскиот службеник се посомнева во изјавата и реши да изврши физичка контрола на возилото, при што во багажниот простор на возилото пронајде непријавено лице. Со проверка на патната исправа се утврди дека се работи за државјанка на Јужноафриканска Република со иницијали Ц.Д.Ј. (23)“, се наведува во соопштението од Царината.

За случајот била известена полициската станица на ГП Меџитлија на која ѝ бил предаден за натамошно постапување.

The post 📷 МАЈКА СИ ЈА СПАКУВАЛА ЌЕРКА СИ ВО ГЕПЕК Цариниците на Меџитлија уловија „слеп патник“ appeared first on plusinfo.mk.

„Денеска беше спроведена акција на повеќе локации во Куманово и Скопје. Надлежен јавен обвинител донесе Наредба за спроведување истражна постапка против деветте лица од кои двајца полициски службеници и петмина царински службеници. Лицата се осомничени дека сториле кривично дело Криумчарење од член 278, а на тројца на товар им се става и кривичното дело Неовластено производство и пуштање во промет наркотични дроги, психотропни супстанции и прекурсори по чл.215 од Кривичниот законик. Во текот на месец ноември 2021 година четворица осомничени меѓу кои два полициски службеници, како повеќе лица земале учество во неовластено пренесување заради продажба на прекурсори кои во два наврати организирано требало да пренесат стока од царинската испостава Меѓународен Аеродром Скопје до зелениот појас во близина на државната граница со Косово“, соопшти Јавното обвинителство.

Осомничените царински службеници спротивно на нивните службени надлежности и покрај тоа што за пристигнатата стока модулот за управување со ризик при системот СОЦДАД определил црвен канал, што подразбира задолжителен детален преглед со кој ќе се спореди фактичката состојба со декларацијата, не постапиле и не извршиле соодветна контрола со која би ги утврдиле неправилностите, наведено е во соопштението.

„Со ваквото постапување како службени лица овозможиле преку царинска линија пренесување на стоки различни од декларираните. Осомничените ќе бидат изведени пред судија на претходна постапка при Основниот кривичен суд – Скопје во текот на денешниот ден. Надлежниот обвинител од Основното јавно обвинителство за гонење на организиран криминал и корупција ценејќи дека се исполнети условите, ќе му предложи на судот на сите осомничени да им биде изречена мерка притвор. Обвинителството, МВР и Царинската управа продолжуваат со интензивна работа во насока на расчистување на случајот“, соопшти ЈО.

Детали за акцијата пристигнаа и од Министерството за внатрешни работи (МВР), од каде што посочуваат дека приведени се 10 лица на возраст од 35 до 54 години.

„Денеска е спроведена голема акција со претреси на повеќе локации во Куманово и Скопје, при што се лишени од слобода десет лица, и тоа Б.А.(35), М.А.(40), И.А.(45), И.Ф.(47), А.А.(43), сите од Куманово, А.Ж.(53), Т.Т.(54), Д.К.Ш.(43), Џ.Ш.(36), од Скопје и Љ.Љ.(36) од Тетово, меѓу кои тројца полициски службеници и петмина царински службеници. Деветмината се сомничат дека извршиле кривично дело криумчарење од член 278, а тројца од нив дека сториле и кривично дело неовластено производство и пуштање во промет наркотични дроги, психотропни супстанции и прекурсори по чл.215 од Кривичниот законик, додека при претрес кај А.А. бил пронајден и одземен кокаин. Имено, во текот на месец ноември 2021 година четворица од нив, меѓу кои два полициски службеника, во два наврата учествувале во неовластено пренесување заради продажба на прекурсори, од царинската испостава на Меѓународен аеродром Скопје до зелениот појас во близина на државната граница помеѓу нашата држава и Косово. Притоа, осомничените царински службеници постапиле спротивно на нивните службени надлежности и не извршиле соодветна контрола на стоката согласно декларираната“, соопшти МВР.

The post ЗАПЛЕНЕТА Е ДРОГА, УАПСЕНИ СЕ ПОЛИЦАЈЦИ И ЦАРИНИЦИ Детали за денешната полициска акција во Скопје и во Куманово appeared first on plusinfo.mk.