Цената на бакарот продолжува да расте, а се предвидува дека побарувачката на овој метал ќе порасне за 50% до 2040 година, поради растот во секторите за вештачка интелигенција (ВИ) и одбрана.

Тригодишните фјучерси на бакарот на Лондонската берза за метали денеска пораснаа за 3,1% на рекордни 13.387 долари.

Растот на цената е поттикнат од очекувањата дека администрацијата на САД ќе воведе царини на рафинираниот бакар, што доведува до масовно пренасочување на залихите во САД. Поради тоа понудата на бакар во остатокот на светот е ограничена, а секторот не успева да го следи тоа со зголемено производство.

Индехсот на Лондонската берза кои ги следи цените на 6 клучни метали, скокна на највисоко ниво од март 2022 година додека бакарот лани во ноември забележа раст од 20%. Залихите на бакар во складиштата на берзата се преполовени во однос на претходната година, а пазарниот индикатор укажува на краткорочен притисок.

Растот во секторите за вештачка интелигенција (ВИ) и одбрана ќе ја зголеми глобалната побарувачка за бакар за 50% до 2040 година, но без дополнително рециклирање и отворање нови рудници, се очекува понудата да заостанува во однос на побарувачката за повеќе од 10 милиони метрички тони годишно, предвидува консултантската компанија S&P Global.

Според извештајот, глобалната побарувачка ќе достигне 42 милиони метрички тони годишно до 2040 година, во споредба со 28 милиони метрички тони во 2025 година. Без нови извори на снабдување, речиси една четвртина од таа побарувачка веројатно нема да биде задоволена.

– Главниот фактор за раст на побарувачката е електрификацијата на светот, а бакарот е металот на електрификацијата – изјави Ден Јергин, потпретседател на S&P Global и еден од авторите на извештајот.

Вештачката интелигенција претставува значајна област на раст за побарувачката на бакар, со повеќе од 100 нови проекти за центри за податоци минатата година во вкупен износ од нешто помалку од 61 милијарда долари.

Во извештајот, исто така, се наведува дека војната во Украина, како и одлуките на Јапонија, Германија и други земји за зголемување на трошоците за одбрана, дополнително ќе ја зголемат побарувачката за бакар.

Чиле и Перу се најголемите производители на бакар, додека Кина е најголемиот преработувач.

Соединетите Американски Држави, кои воведоа царини за некои видови бакар, увезуваат околу половина од своите потреби секоја година.

The post ПОТРЕБНИ СЕ НОВИ РУДНИЦИ НА БАКАР Побарувачката на металот расте, а цената урива рекорди appeared first on plusinfo.mk.

Jапонскиот гигант „Сантори Глобал Спиритс“ објави дека го запира производството во главната фабриката за виски бурбон „Џим Бим“ во американскиот град Кентаки во текот на целата следна година.

Компанијата соопшти дека периодот ќе „го искористи да инвестира во подобрувања на фабриката“ во услови на голема неизвесност  поради намалената продажба во Канада и  неизвесноста поради трговските политики на американскиот претседател Доналд Трамп.

Другите објекти на „Џим Бим“ низ САД вклучувајќи ги посебната дестилерија и објекти за флаширање и складирање, ќе продолжат да работат следната година. Центарот за посетители во Кентаки, исто така, останува отворен.

Од „Џим Бим“ каде работат 1.000 луѓе изјавија дека работниците ќе бидат на одмор додека е запрено производството.

Здружението на дестилерии од Кентаки (KDA), трговско тело, соопшти дека количината на бурбон во магацините низ целата држава достигна рекордно високо ниво од повеќе од 16 милиони барели.

Американските дестилерии се соочија со одмазднички увозни даноци на нивната стока откако Трамп воведе царини за повеќето земји низ светот во април.

Трговските тензии меѓу САД и Канада, исто така, влијаеја на продажбата на алкохол, при што повеќето канадски провинции ги бојкотираат американските жестоки пијалоци претходно оваа година.

The post „ЏИМ БИМ“ ЈА ЗАТВОРА ГЛАВНАТА ФАБРИКА ЗА ВИСКИ ВО САД Одмаздничките царини на Канада ги преполнија магацините appeared first on plusinfo.mk.

Потрошувачките цени на кафето во Бразил беа пониски во јули за 1,01 % во споредба со претходниот месец, што е прв пад за година и пол, објави денес Бразилскиот институт за географија и статистика (IBGE).

Се проценува дека овој пад на малопродажните цени на кафето  во најголемата земја во Јужна Америка екако резултат на пониските цени што им се исплаќаат на земјоделците по бербата на овогодинешната реколта, која е при крај.

Во текот на изминатите 18 месеци, кафето беше еден од главните двигатели на инфлацијата во Бразил, вториот најголем пазар за кафе во светот, забележа IBGE.

Пријавениот пад на потрошувачките цени на кафето во Бразил за јули следеше по влијанието на флуктуирачките меѓународни пазари, првенствено поради одлуката на американскиот претседател Доналд Трамп да воведе царина од 50% на бразилските стоки.

Минатата недела, фјучерсите за кафе во Њујорк пораснаа за 8 %, бидејќи инвеститорите се загрижени дека царините би можеле да ја попречат трговијата меѓу најголемиот потрошувач на кафе во светот, САД, и најголемиот производител и извозник во светот, Бразил.

The post ПРВ ПАД НА ЦЕНАТА НА КАФЕТО ВО БРАЗИЛ ПО 18 МЕСЕЦИ На берзите цената му скокна за 8% поради царините на Трамп appeared first on plusinfo.mk.

Цената на декемвриските фјучерси за злато на берзата Comex, која е дел од Њујоршката стоковна берза, денеска, по објавата на царината на САД за прачки од 1 килотрам, ја надмина границата од 3.500 долари за унца за прв пат од 22 април.

Според податоците за тргување, цената на благородниот метал достигна рекордно високо ниво од 3.534,10 долари, подоцна корегирана на 3.492,10 долари за унца, што претставува зголемување од 1,4% во однос на почетната цена на денот.

Според анализата на Светскиот совет за злато (WGC), цената на овој благороден метал во втората половина на 2025 година би можела да се зголеми за околу 5%.

Експертите, меѓутоа, предупредуваат дека во случај на сериозно влошување на глобалната економска и финансиска состојба, побарувачката за „безбедни засолништа“ може нагло да се зголеми, што би можело да ја зголеми цената на златото за дури 10 до 15%.

The post ЦЕНАТА НА ЗЛАТОТО ЈА НАДМИНА ГРАНИЦАТА ОД 3.500 ДОЛАРИ ЗА УНЦА До крајот на годината може да порасне и за 20% appeared first on plusinfo.mk.