„Титовите борци не се предаваат на фашистички гадови… Да живее слободна Македонија…. Да живеат славните партизански бригади!“ – ова биле последните претсмртни зборови на македонските народни херои Кире Гаврилоски-Јане и Круме Волнароски-Коља, кои загинале на денешен ден, на 9 мај 1944 година во судирот со полицијата на бугарскиот фашистички окупатор.

Можеа да останат живи, им нудеа слободен премин во Бугарија, награда од милион лева само да се предадат живи и да кажат сè што знаат за партизаните во Прилепско, но тие не прифатија.

Решија херојски да загинат и своите животи да ги положат на олтарот на слободата на македонскиот народ и неговата борба за за создавање сопствена држава.

Чествувањата по повод 80-годишнината од нивната јуначка смрт токму на денешниот ден на победата над фашизмот се пригода за уште потсетување на исклучителниот придонес, кој го дадоа македонскиот народ и Македонија во борбата против фашизмот на Хитлерова Германија и на Царборисова Бугарија, но и против нивните домашни албански соработници од Бали Комбетар.

Антифашистичка Македонија особено жестоко се судри со тогашна фашистичка Бугарија и во таа борба ја извојува својата слобода, во чии темели се наоѓаат младите сурово згаснати животи на Кире Гаврилоски-Јане и Круме Волнароски-Коља.

Највисок хероизам покажаа прилепските партизани Кире Гаврилоски-Јане и Круме Волнароски-Коља во последната година од Втората светска војна, кога веќе беше извесно дека фашистичките окупатори на Македонија ќе бидат поразени. Тие херојски загинуваат на денешен ден, 9 мај 1944 година откако биле предадени на бугарската окупаторска полиција. Таа ги опколила бргу и сакала да ги затвори и да ги мачи, со цел да ги откријат соборците. Со тоа завршил и нивниот револуционерен пат, но споменот на нив не згаснува.

Кирил Алексов Гаврилоски – Јане е роден во Прилеп на 22 февруари 1918 година. Како трговски помошник се вклучил во работничкото движење во Прилеп. Од своите трговски патувања во градот често носел брошури и книги со револуционерна содржина. По окупацијата на Македонија од страна на Бугарија Гаврилоски, како член на КПЈ, од таа година активно работел во подготовките на НОВ. На 13 јули 1941 година бил меѓу првите прилепчани, кои биле уапсени од страна на бугарската окупаторска полиција. Бил притворен две недели.

Кога на 11 октомври 1941 година започнало вооруженото востание против окупаторот, во Прилеп следниот ден имало апсења од страна на полицијата. Гаврилоски бил уапсен и бил брутално мачен. По пуштањето од затвор од Месниот комитет добил препорака да дејствува низ селата. Тогаш го добил прекарот Јане и дејствувал во Поречието. Одвреме навреме одел во Прилеп да реферира, да добива директиви и да испраќа извештаи.

Откако во поречките села била воспоставена добра организација, Гаврилоски бил испратен во селата југозападно од Прилеп, во пелагониските села до крушевско и битолско. Одржувал врски со одредот „Димитар Влахов“ и учествувал во борби околу селата Дреновци, Горно Село и Дабница. Од 16 септември 1942 година преминува комплетно во илегала и дејствува во партизанските одреди. Есента во 1943 година бил избран и како член на Вториот областен комитет на КПМ во Битола. За време на првото ослободување на Кичево, во септември 1943 година, станал секретар на Срескиот комитет во Кичево.

Круме Ицков-Волнароски, познат како Коле, или како Коља, е роден 1909 година во Прилеп. Почнал да работи како трговец и потоа се вклучува и во револуционерното движење. Поради своите активности во политиката и активизмот на здружената опозиција, тој во 1938 година бил прогласен за најактивен пропагандист на идејата. Тој бил и еден од потписниците Методија Андонов Ченто да биде на списокот на здружената опозиција. На професионален план, Круме имал одлична соработка со Ченто и тие ги здружиле трговиите. Ченто имал ан, а Круме бакалница. Тогашните локални власти се посомневале дека во анот и бакалницата се собираат антифашисти. По нападот на нацистичка Германија врз СССР Круме и Ченто пуштиле проглас на ПК на КПЈ за Македонија низ Прилеп. Тоа било проследено со апсење и тортура. Тие биле ослободени откако не признале ништо за нивниот политички активизам.

Круме Волнароски станал член на КПЈ во 1941 година и работел во Партиската техника на МК на КПЈ во Прилеп. Како илегалец во 1942 и 1943 година во прилепските села собирал народна помош и формирал воени комитети и НОО. Во 1943 година имал задача да оди по прилепските села и да формира народноослободителни одбори. Оваа задача ја завршил со особен голем успех за 3 месеци. Во тој период формирал мрежа на одбори во Коњаријата и Тополчанско. Се стекнал со големи симпатии меѓу луѓето. Поради овој успех, тој станал секретар на ОК на КПМ, во периодот на 1943/1944 година. Како негова помош му пристигнал Кире Гаврилоски со кого заедно и ќе загинат на 9 мај 1944 година.

Ноќта на 8 кон 9 мај 1944 година во Прилеп Кире Гаврилоски и Круме Волнароски оствариле средба со други делегати од иницијативниот одбор на АСНОМ, заради избор на претставници од Прилеп и околината за собранието. По вечерниот состанок утрото делегатите започнале да заминуваат кон своите дотогашни локации. Гаврилоски и Волнароски останале во куќата, каде што бил состанокот. Биле предадени од Вера Ѕвездова каде се наоѓаат

Околу 15 часот бугарската полиција го опколува маалото каде се наоѓа куќата, во која се криеле партизаните. Престрелката на почетокот била слаба со цел борците да бидат фатени живи од полицијата. Тие добиле и понуди дека ќе им бидр овозможен слободен премин во Бугарија и ќе им се даде награда од милион левови, ако се предадат и ако кажат се што знаат. Гаврилоски и Волнароски решиле да се борат до крај.

„Титовите борци не се предаваат на фашистички гадови… Да живее слободна Македонија…. Да живеат славните партизански бригади!“, извикуваа тие.

Куќата била запалена но борците продолжиле храбро да стрелаат од неа и покрај пламенот. Паралелно тие пееле и извикувале разни антифашистички пароли, во кои особено се истакнал Волнароски. Тој, откако сфатил дека во пожарот ќе се урне кровот, истрчал низ вратата, со намера да го пробие обрачот. Но бил покосен пред самиот праг на куќата. Гаврилоски најверојатно се самоубил пред да биде проголтан од огнените јазици во пламената куќа.

Последниот куршум го чувал за себе. И двајца по војната биле прогласени како народни херои.

The post „НЕ СЕ ПРЕДАВАМЕ НА ФАШИСТИЧКИТЕ ГАДОВИ“ Кире и Круме загинаа на олтарот за слободна Македонија appeared first on plusinfo.mk.

Неговиот адвокат Димитрија Цобоски пред судот претстави извештај од специјалист со вчерашен датум (11 јули), со дијагноза тромбофлебит, односно воспаление на вените, поради што на Спасески му е препишана 15-дневна терапија и домашно лекување.

Бранителот побара од судот на неговиот клиент да му биде укината забраната да ја напушта земјата за тој да може да се лекува во странство, но судијата го одби барањето.

Оштетениот Пендиков, кој во Охрид доаѓа вторпат откако се лекуваше во Софија и откако доби бугарски пасош, се појави на рочиштето.

Ова е второ рочиште по ред кое се одложува. На претходното, адвокатите на обвинетиот го напуштија судењето и немаше услови за негово одржување.

Охридското Обвинителството поднесе обвинителен предлог против едно од лицата за кои се смета дека го претепаа секретарот на бугарскиот културен клуб „Цар Борис“ во Охрид.

Обвинителството го товари Спасески за физички напад, мотивиран од нетпреливост на етничка основа.

„На 19 јануари во кафе-бар во Охрид обвинетиот најпрвин пристапил до масата на која седел оштетениот и му забележал затоа што се изјаснувал како Бугарин. Подоцна, кога оштетениот го напуштил објектот и се движел кон своето возило, обвинетиот и другото непознато лице почнале да го следат, го нападнале и го удирале со рацете и нозете по главата и телото нанесувајќи му тешки телесни повреди. Во текот на истражната постапка сега обвинетиот се бранеше со молчење, но сите околности беа проверени и потврдени со изјави на сведоци на настанот и со обезбедените снимки од видеонадзорот“, соопшти Обвинителството.

На претходната седница Обвинителството ги презентираше сите документи за лекувањето на Пендиков во Бугарија и за повредите што му биле нанесени. Одбраната на Спасески тогаш побара време да ги проучи документите за да може да се произнесе за случајот, но судот тоа не го прифати, по што адвокатите на Спасески демонстративно ја напуштија судницата и судијата мораше да го одложи предметот.

The post ДОБИЛ ВОСПАЛЕНИЕ НА ВЕНИТЕ Обвинетиот за тепањето на Пендиков не се појави на судење appeared first on plusinfo.mk.

Претседателот на заедницата, Пепо Леви даде изјава за ТВ Алфа каде вели дека целта „не е некој да оди во затвор 10 години, туку да престане омаловажувањето и дискриминацијата на Евреите преку величење на нацизмот и фашизмот“.

Леви смета дека не смее да се дозволи „будење на фашизмот преку промоција на колаборатори на Хитлер“ и да се потпалуваат масите во Македонија и во Бугарија со што „непотребно се шири омраза меѓу двата народи“.

The post ПРЕТСЕДАТЕЛОТ НА КЛУБОТ „ЦАР БОРИС ТРЕТИ“ ПОВИКАН НА РАСПИТ Еврејската заедница го обвини за ширење антисемитизам appeared first on plusinfo.mk.

На денешната седница Комисијата, како што информираат од Министерство за правда, даде негативно мислење за употреба на името Цар Борис III во називот на Здружението за афирмација на културните вредности на македонските бугари Цар Борис III Охрид.

„Заклучокот од седницата ќе се проследи до министерот за правда кој ќе треба да донесе решение по претходно добиеното негативно мислење од Комисијата“, се вели во соопштението.

Комисијата, се вели во соопштението, смета дека евентуалното именување на здружението со таков назив предизвикува тензии и нетолеранција во целото македонско општество.

„Се наведе дека тој е одговорен за злосторства извршени за време на бугарската окупација на Македонија во Втората светска војна, при што се ликвидирани стотици граѓани. Посебно беше потенцирано мислењето дека неговата соработка и сојузништво со Третиот рајх и нагласената антисемитска политика се најдиректно одговорни и за депортацијата и екстерминацијата на илјадници Евреи од Македонија во логорот на смртта Треблинка“, се вели во соопштението.

The post ВИНОВЕН ЗА ИЛЈАДНИЦИ ЕВРЕИ ИСПРАТЕНИ ВО ТРЕБЛИНКА Бугарското здружение не може да се вика „Цар Борис III“, одлучи Комисијата appeared first on plusinfo.mk.

Според новите одредби на овој Законот, ако сакаат да продолжат со работа, здруженијата мора да ги изменат имињата, затоа што како назив не смеат да користат имиња на луѓе кои по која било основа се поврзани со расна, верска, национална, етничка и друга нетрпеливост, нетолеранција, омраза, геноцид, ширење или поддршка на фашизам, нацизам, национал-социјализам или се поврзуваат со Третиот рајх.

Ако здруженијата кои имаат имиња што се косат со одредбите во законот не направат усогласување, односно преименување, министерот за правда треба да донесе одлука за неусогласеност во рок од четири месеци од денот на влегување на сила на законот (до 16 март), по претходно негативно мислење од Комисијата за употреба на имиња, и врз таа основа Централниот регистар треба ги избрише.

Од Централниот регистар велат дека охридското здружение „Цар Борис“ ќе го смени името и дека веќе ги поднело потребните документи за да се усогласи со измените на Законот за здруженија и фондации, а битолското здружение „Иван Михајлов“ досега не поднело никакво барање.

Првиот човек на клубот „Иван Михајлов“, Љупчо Ѓоргиевски за Дојче веле изјави дека нема намера да го менува името на клубот и ќе ги искористат сите правни алатки за да ги остварат нивните права, па ако треба ќе ја тужат и државата во Стразбур.

Клубот „Цар Борис III“ беше отворен лани во октомври, а за време на отварањето имаше протести на револтирани граѓани. Набрзо по отварањето клубот беше каменуван, па во него беше пукано, а сторителите на овие напади досега не се откриени.

Битолскиот клуб „Иван Михајлов“ беше отворен лани во април во присуство на целиот бугарски државен врв, на чело со тогашниот премиер Кирил Петков.

The post „ЦАР БОРИС“ ЌЕ СЕ ПРЕКРСТИ, „ИВАН МИХАЈЛОВ“ ЌЕ ТУЖИ На бугарските клубови им истекува рокот за мислење appeared first on plusinfo.mk.

Како што јави дописникот на МИА од Софија, според објавата на Министерството, бугарскиот генерален конзул во Битола Димитар Иванов бил во посета на Охрид и воспоставил контакт со членовите на здружението и надлежните институции во градот инволвирани во случајот.

Ова кривично дело е трет напад врз клубот Цар Борис III за помалку од два месеци. Претходниот напад беше извршен пред само два дена, за што Министерството за надворешни работи испрати вербална нота до амбасадата на Северна Македонија во Софија.

Бугарското Министерство за надворешни работи ја нотира реакцијата на Министерството за надворешни работи на Северна Македонија, но, се посочува, категорично не прифаќаме вакви тешки кривични дела да се дефинираат како вандалски чин.

Властите во Софија, како што пренесува дописникот на МИА, очекуваат надлежните органи во Република Северна Македонија во најкраток можен рок да преземат мерки за откривање и изведување пред лицето на правдата на сторителите на злосторството врз клубот Цар Борис Трети.

По тој повод, денеска во Министерството за надворешни работи на Бугарија, на средба ќе биде повикана амбасадорката на Северна Македонија, Агнеза Руси-Поповска, на која ќе и биде врачена протестна нота.

Македонското Министерство за надворешни работи синоќа го осуди оштетувањето на стаклото на бугарскиот клуб „Цар Борис Трети” во Охрид кое се случило вчера, оценувајќи го како вандалски чин.

– Ваквите настани се целосно неприфатливи, можат да загрозат човечки животи, и ги засилуваат ретроградните процеси кои се во спротивност со европските интеграции на земјава – се наведува во реакцијата за МНР.

The post СОФИЈА СО ОСТРА РЕАКЦИЈА КОН СКОПЈЕ Ова е кривично дело а не вандалски чин, сторителите најстрого да се санкционираат appeared first on plusinfo.mk.

Министерството за надворешни работи на Бугарија остро го осудува оштетувањето на културниот клуб „Цар Борис Трети” во Охрид извршено ноќта меѓу 20 и 21 ноември 2022 година. 

– Таквите постапки намерно ги попречуваат напорите за воспоставување пријателство, добрососедство и соработка како водечки принципи во односите меѓу Бугарија и Република Северна Македонија (РСМ)“, соопштија од МНР на Бугарија. 

Според нив, имињата на бугарските клубови не се причина за таа кампања и потенцираат дека „лидерот на најголемата опозициска партија во Скопје веќе отворено повикува на итно затворање на бугарските клубови само затоа што се бугарски, без разлика како се нарекуваат”.  

„Убедени сме дека Министерството за надворешни работи на Република Северна Македонија ќе има навремена и соодветна реакција на она што се случи“, се наведува во ставот. 

Реакцијата на властите на овој и на другите случаи на криминал од омраза ќе биде показател за сериозноста што Владата во Скопје ја придава на градењето добрососедски односи и на процесот на пристапување во ЕУ, соопштија од МНР на Бугарија. 

The post БУГАРСКОТО МНР ГО ОСУДУВА ДЕМОЛИРАЊЕТО НА КЛУБОТ „ЦАР БОРИС“ ВО ОХРИД „Таквите постапки го попречуваат пријателството“ appeared first on plusinfo.mk.

Мицкоски истакна дека ако власта не знае како да почне да го применува, еве тој ќе им помогне, додавајќи дека треба да почне со клубот во Охрид, кој носи име на докажан нацистички соработник, треба веднаш да го затвори и да ја укине неговата регистрација.

– Уште утре да го затворат клубот „Цар Борис” во Охрид и да се укине регистрацијата на тој клуб, бидејќи тој клуб, очигледно и јасно ни е на сите, носи име на фашистички соработник. Односно, на бидам попрецизен, нацистички соработник за време на Втората светска војна – рече Мицкоски.

Во однос на министерот за надворешни работи, вели дека тој е истиот оној Бујар Османи кој што последниот период, континуирано работи против интересите на македонскиот народ и кој дипломатијата ја сфаќа да се удоволат интересите на сите, а да се загрозат на Македонците.

– Тоа е истиот оној Бујар Османи кој што во изминатиот период континуирано работи спротивно на интересите на македонскиот народ и на државата и го заплетка процесот. Го заплетка процесот со своите егзибиции на меѓународна политика, затоа што тој дипломатијата ја сфаќа да се удоволуваат интересите на сите, а да се загрозуваат интересите на македонскиот народ. И тоа погрешно поимање на политиката, тоа е погрешно поимање на дипломатијата – истакна Мицкоски.

За време на својата посета на Софија министерот за надворешни работи Бујар Османи најави дека ќе покрене иницијатива македонската влада да го испрати на анализа во Венецијанската комисија Законот за здруженија на граѓани и фондации, како и законот з политички партии, кои неодамна претрпеа промени со консензус на сите партии во Собранието.

Министерот за правда Никола Тупанчески одговарајќи на новинарско прашње денеска рече дека испраќањето на Законот за здруженија и фондации на мислење на Венецијанската комисија е од превентивни причини, за да не дојде до несакани тужби пред Европскиот суд за човекови права. – Мислењето на Венецијанската комисија е добредојдено. Исходот не можеме да го прејудицираме. Можеби ќе оди во наш прилог. Факт е дека во иднина можеби добро оваа пракса да продолжи, но тоа да биде пред донесувањето на законите – изјави Тупанчески.

Премиерот Димитар Ковачевски денеска одбегна конкретен одговор на прашањето дали овие закони ќе бидат испратени на анализа во Венецијанската комисија или не.

– Измените на Законот за здруженија ги донесе Собранието со консензус, но без разлика дали одат на Венецијанска комисија или не, сите наши закони ќе бидат разгледани во текот на билатералниот скрининг што го имаме со ЕУ и потоа ќе претрпат усогласувања – рече премиерот Ковачевски.

The post УШТЕ УТРЕ ДА СЕ ЗАТВОРИ КЛУБОТ „ЦАР БОРИС ТРЕТИ“! Мицкоски категорично против испраќање на законот во Венециската комисија appeared first on plusinfo.mk.

Налепници во боите на бугарското знаме, а врз знамето: корона и вакцини. Врз короната залепена сликичка од Јосип Броз Тито, а врз вакцините сликичка од Цар Борис и од други познати ликови од бугарската историја.

Со ваков пропаганден материјал е преплавен паркот „Авионче“ во скопската населба Ново Лисиче, објави Експрес.

Како што наведува порталот, насекаде се излепени пропагандни флаери, а испоганети се и неколку бандери со зборови испишани на бугарски јазик.

The post ТИТО Е КОРОНАТА, ЦАР БОРИС Е ВАКЦИНАТА Евтина бугарска пропаганда во паркот „Авионче“ во скопски Аеродром (ФОТО) appeared first on plusinfo.mk.

За протестот против отворањето, Блажевски вели дека тоа е граѓанско право и дека не можат да запрат никој.

– Ние ниту сме помислиле да направиме некоја провокација, ниту ништо. Ние си живееме во Охрид, во Македонија. Не сме имале проблем со луѓето. Не сме провоцирале некој. Како што кажав, сѐ се исполитизира и тоа е – изјави Блажевски.

Блажевски нагласи дека од отворањето на здружението пред една година сѐ било нормално и никој не ги стопирал или забранил.

– Последнава, скоро една година почна да се политизира целата работа и се крена глас против нас. Ние се оградивме дека немаме никаква соработка или некои неонацистички или фашистички движења. Доколку имаме, нас нека нѐ судат. Меѓутоа, ние таква работа не сме направиле. Нашето е, како што кажав, само почитувачи и само го избравме ликот на цар Борис како еден бугарски цар и тоа беше сѐ – изјави Блажевски.

Според него, тие не направиле никаков прекршок и ги запазиле сите закони.

– Ние доколку нешто сме згрешиле, се извинуваме на целата јавност. Не направивме никаков прекршок, ги запазивме сите закони со целиот почит кон државата Република Македонија, кон Македонците. Немаме никаков проблем засега, меѓутоа како што кажав се исполитизира многу работата и се надеваме да си биде сѐ во ред – изјави Блажевски.

The post ИЗВИНЕТЕ АКО СМЕ ВИ ЗГРЕШИЛЕ Претседателот на „Цар Борис Трети“ го правда отворањето на бугарскиот клуб appeared first on plusinfo.mk.