Борис познат и како Саксобурготски бил погребан во Рилскиот Манастир. На неговиот погреб присуствувале делегации од сите три земји на силите на оската: Германија, Италија и Јапонија.

Борис починал од инфаркт во Софија, кратко по средбата со Хитлер во Берлин. Според една контроверзна и непроверена приказна од дневникот на германски полковник од тоа време вели дека докторите кои го лечеле, Германците Сајиц и Ханс Епингер, биле убедени дека тој починал од истиот отров кој бил најден во телото на грчкиот диктатор Јоанис Метаксас две години претходно.

За отровот биле потребни неколку недели за да предизвика смрт.

The post 📸 ЦАР БОРИС БИЛ ИСПРАТЕН СО НАЦИСТИЧКИ ЗНАМИЊА На социјалните мрежи се појави фотографија appeared first on plusinfo.mk.

62-годишниот актер веќе неколку пати бил во Бугарија и ги договарал деталите околу снимањето на историскиот филм кој ќе почне да се снима наесен.

Бандерас веќе бил во Бугарија и ја разгледал изложбата на Пикасо во Национална галерија.

Продуцентот Ави Лернер кога го  прашал Бандерас – „Дали сакаш да го играш кралот?“

Тој веднаш одговорил: „Да”.

За потсетување, „Цар Борис Трети“ го носи името на затворениот бугарски клуб во Охрид.

Цар Борис Трети во бугарската историографија е познат како „Царот обединител“, во чие владение Бугарија се приклучува кон Тројниот пакт на нацистичка Германија.

Тој во април 1941 година дозволува германските сили од територијата на Бугарија да извршат агресија врз Кралството Југославија, по што за награда добива територии од распаднатата југословенска држава и Грција, вклучително и голем дел од денешна
Македонија.

Името цар Борис Трети е поврзано со прогонот и уништувањето на Евреите од окупираните територии од страна на фашистичка Бугарија за време на Втората светска војна.

Да потсетиме, цар Борис III и владата на Царска Бугарија се директни виновници за депортацијата на повеќе од 11.300 Евреи од окупираните територии во Македонија, Грција и Србија, од кои 7.144 се Евреи од Македонија, во центарот за убивање Треблика, во окупирана Полска.

Цар Борис III на 21 јануари 1941 година го потпишува антиеврејскиот Закон за заштита на нацијата, ја презема паролата на нацистичка Германија „Eден цар, еден народ, една држава“ и е докажан заговорник за спроведување на таканараченото „Конечно решение на еврејското прашање“.

Почина ненадејно на 28 август 1943 година, набрзо по неговата посетата на Адолф Хитлер во Берлин.

The post АНТОНИО БАНДЕРАС ВО УЛОГА НА ЦАР БОРИС ТРЕТИ Зоро ли е, Жоро ли е? appeared first on plusinfo.mk.

– Јасно ми е обвинението, но не се чувствувам за виновен, рече Спасески на второто рочиште од судскиот процес во Основниот суд во Охрид кој го води судијата Бојан Мартиноски.

Неговиот адвокат Димитрија Цобоски рече дека обвинетиот Илија Спасески бил мирно момче кое работи како професор во училиште и учествува во образовен процес и дека досега не е осудуван и против него не се води постапка.

Одбраната на Спасески се произнесе дека за нив не е неопходно присуство на Пендиков во Судот за да продолжи судската постапка.

Застапникот на обвинението рече дека оштетениот Христијан Пендиков не присуствува затоа што треба да се направат дополнителни испитувања, а обвинителство се надева дека наскоро тој ќе се појави.

Објаснувајќи го во детали инцидентот, јавниот обвинител рече дека ќе докаже дека охриѓанецот Пендиков бил претепан од обвинетиот Спасески и неговиот пријател поради тоа што се чувствувал Бугарин. Обвинетите се товарат дека го претепале секретарот на бугарскиот клуб „Цар Борис Трети“, Христијан Пендиков, вечерта на 19 јануари во центарот на Охрид на паркинг близу угостителски објект, на што му претходела вербална расправија.

Обвинетиот Спасески беше уапсен неколку дена по нападот врз Пендиков. На 22 февруари Спасески беше пуштен од притвор, а истиот ден беше приведен вториот напаѓач, битолчанецот Б.А. Судот привремено му го одзеде пасошот на Спасески за да не може да ја напушти државата.

The post СПАСЕСКИ НЕ СЕ ЧУВСТВУВА ВИНОВЕН Второ рочиште за претепувањето на Пендиков appeared first on plusinfo.mk.

Истата постапка по Законот за здруженија и фондации претходно беше спроведена и во однос на здружението „Иван Михајлов“ во Битола.

Ова е резултат на промената на Законот за здруженија и фондации, изгласана едногласно во Собранието, со која ретроактивно се забрани создавање на организации кои со своето име, програма, цели и активности поттикнуваат и повикуваат на агресија, поттикнување национална, расна, верска омраза или друга нетрпеливост, нетолеранција, геноцид, истребување, ширење и помагање, поттикнување и одобрување на фашизмот, нацизмот, националсоцијализмот и Третиот рајх врз граѓаните на земјава.

Здруженијата имаа три месеци да ги променат имињата, но не го сторија тоа. Бугарија најави дека поради бришењето на овие здруженија од Регистарот, што таа го толкува како нивна „забрана“, ќе се жали до органи и тела на Европската Унија.

The post „ЦАР БОРИС ТРЕТИ“ ИЗБРИШАН ОД ЦЕНТРАЛЕН РЕГИСТАР Клубот не го смени името appeared first on plusinfo.mk.

Пендиков беше претепан во Охрид на 19 јануари. Според обвинителството, делото е извршено од омраза. Вчера беше приведен вториот напаѓач на Пендиков, битолчанецот Б.А. Обвинителството во Охрид побара од судот привремено да му го одземе пасошот за да не може да ја напушти Северна Македонија.

Првиот напаѓач на Пендиков, Илија Спасески, од вчера повеќе не е во притвор. Судското рочиште за него е закажано за 28 февруари.

The post ОБВИНИТЕЛСТВОTO ПЛАНИРА РАСПИТ НА ПЕНДИКОВ Од Бугарија ќе биде побарана неговата моментална адреса appeared first on plusinfo.mk.

– Не може 30 години да живеете во една држава и никој ништо да не ви рекол и сега одеднаш да речете дека државата не ви ги почитува правата. Тоа не е реално, не е факт. Сепак, упатувам порака дека насилство не смее да има во никој случај за ниту една причина – изјави Спасовски за време на денешната посета на полицискиот центар „Ѓорче Петров“

Охриѓанецот тврдеше дека во Македонија било нормално да се пцујат и тепаат луѓе, а полицијата ја обвини дека не преземала мерки

– Во Македонија се почитуваат правата на секој еден граѓанин, на секој еден човек кој што се наоѓа на територијата на државата. Меѓународните институции ја оценија Македонија како една од најбезбедните држави во регионот, како земја која е на 36. место на глобалниот индекс за мир – рече Спасовски.

Министерот дополни дека за тоа кои биле причините за нападот над Пендиков одговор дава истрагата на Јавното обвинителство и случајот го оцени како расчистен.

The post ПЕНДИКОВ ЗБОРУВА ЧИСТИ ГЛУПОСТИ Министерот Спасовски за изјавите на охридскиот Бугарин appeared first on plusinfo.mk.

Охриѓанецот Христијан Пендиков ќе биде сместен во станови во Бугарија што ќе му ги обезбеди Министерството за внатрешни работи на Бугарија, пренесоа бугарските медиуми.

Пендиков вчера беше отпуштен од Воено-медицинската академија (ВМА), каде Бугарија го префрли на лекување, откако беше истепан во Охрид.

Министерот за внатрешни работи Иван Демерџиев изјавил дека на Пендиков ќе му обезбеди заштита од бугарската полиција.

– Доколку реши да остане со нас ќе му обезбедиме физичка заштита од службениците во МВР. Сè уште добива закани – рече Демерџиев.

Видно опоравен, Пендиков, кој е секретар на бугарскиот клуб „Цар Борис Трети“ во Охрид, вчера беше примен и во кабинетот на бугарскиот претседател Румен Радев, кој рекол дека Бугарија веќе нема да толерира насилство од Македонија.

– Виновниците мора да бидат откриени и ефективно казнети, а Бугарија ќе ги следи постапките на институциите во РСМ за да го гарантираат животот и здравјето на своите граѓани, кои и покрај систематската репресија продолжуваат да го бранат својот бугарски национален идентитет. Бугарија ќе ги користи сите национални и меѓународни инструменти за заштита на нивните права. Информирани се и меѓународните партнери за уште една антибугарска кампања во РСМ – се вели во соопштението на кабинетот на Радев.

The post БУГАРСКОТО МВР ЌЕ ГО КРИЕ ПЕНДИКОВ ПО СТАНОВИ!? Охриѓанецот уште добивал закани appeared first on plusinfo.mk.

Пакетите ги испраќа Фондација Бугарска меморија, а тие денеска пристигнале во просториите на бугарскиот културен центар „Цар Борис Трети“ во Охрид.

Кутиите, односно храната, е подарок од бугарскиот бизнисмен Милен Врабевски, кој е финансиер на бугарските клубови во Битола и во Охрид.

„Голема благодарност за докторот Милен Врабевски и Фондацијата Бугарска меморија, кои константно помагаат за вистината и за братскиот народ во Македонија. Бог да му дава здравје на Христијан Пендиков и побргу да оздрави“, порачаа од клубот во Охрид, и објавија фотографии од подароците кои Врабевски му ги испратил на Пендиков.

Од тоа што може да се види од објавените фотографии, Врабевски го почестил Христијан со млеко, леќа, портокали, зејтин, оцет, кафе, конзерва со сардини, шеќер, макарони…

The post БУГАРИТЕ НЕ ГО ОСТАВААТ ГЛАДЕН ОХРИЃАНЕЦОТ ПЕНДИКОВ Пристигнаа пакети со зејтин, млеко, макарони, леќа, оцет… (ФОТО) appeared first on plusinfo.mk.

Министерот за надворешни работи Бујар Османи денеска ќе оди во Софија за да го посети повредениот македонски државјанин, кој беше физички нападнат во четвртокот во Охрид, соопшти вчера МНР.

Посетата на Османи ќе биде искористена, како што велат од МНР, за министерот Османи да размени мислења со неговиот бугарски колега Николај Милков за инцидентот во Охрид, за зачестените провокации, како и за активностите на двете министерства за превенција и отпорност од слични провокации.

Христијан Пендиков, кој е секретар на бугарскиот клуб „Цар Борис Трети” во Охрид, бил претепан во четвртокот вечерта во Охрид и тој завчера со бугарскиот владин авион „Фалкон” беше пренесен на лекување во Воено – медицинската академија во Софија, каде в понеделник ќе биде опериран.

Засега нема официјален став и појаснување од МНР, ниту од Министерството за здравство, за процедурата по која македонскиот државјанин Пендиков ја напуштил државата. Од Обвинителството велат дека во однос на други постапки за наведеното лице, повеќе детали ќе изнесат в понеделник откако ќе биде направен увид во предметите што се споменуваат.

– Оштетениот до сега два пати даде свој исказ во постапката и е достапен на органите на прогонот. Освен тоа, тој има правен интерес да учествува во постапката. Јавното обвинителство нема ниту една законска основа да задржува оштетено лице – велат од Обвинителство за МИА.

Адвокатот и поранешен судија Владимир Туфегџиќ вчера за ТВ Телма рече дека е преседан начинот на којшто 22-годишиот Пендиков е изнесен од државата, а истрагата за кафеанската тепачка што прерасна во дипломатски скандал е целосно компромитирана со изјавите на политичарите. На тој начин се отежнува работата на јавниот обвинител, вели адвокатот Туфегчиќ.

Лицето е осомничено како сторител на кривично дело, но за таа постапка не е познато дали јавниот обвинител му изрекол мерка за обезбедување присуство. Извори од истрагата за МИА потврдија дека против Х.П. во текот на декември полицијата покренела кривична пријава под сомнеж за сторено кривично дело „неовластено производство и пуштање во промет наркотични дроги, психотропни супстанци и прекурсори” според член 215 од Кривичниот законик.

Полицијата во петокот приведе тројца охриѓани осомничени дека физички нападнале свој сограѓанин во угостителски објект на кејот „Македонија” во Охрид.

The post ОСМАНИ ЌЕ ГО ПОСЕТИ ТЕПАНИОТ ПЕНДИКОВ ВО БОЛНИЦА ВО СОФИЈА Засега нема одговор врз која основа е изнесен од земјава appeared first on plusinfo.mk.

– Има ново законско решение(за имињата на клубовите). Можеме да разговараме со основачите на овие клубови за да видиме кои се нивните идеи за отворање на клубовите за да се направат мостови на соработка. Насилството не може да биде одговор и барам државата најбурно да реагира и мислам дека тоа се прави.

На прашањето дали мисли дека менување на имињата на клубовите би го решило проблемот Османи вели:

– Морам да разговарам со бугарската заедница и планирам да го направам тоа. Ајде да видиме која е целта. Ако целта е бугарската заедница да има свои организации, клубови. Ако идејата е подобро да се воспостави бугарската заедница. Работиме за ова – бугарската заедница да влезе во Уставот. Ако идејата е да се интегрираме во системот, да се запрат можните дискриминаторски политики кон него. Ајде да видиме кои се најдобрите начини да го направите ова. Мислам дека незадоволството на јавноста ќе го постигне тоа. Јас самиот сум од заедница која некогаш била потчинета на системот. И од моето искуство можам да кажам дека начинот што го избра бугарската заедница е погрешен пат. Ова го кажувам со најдобра намера. Наш интерес е бугарската заедница да биде интегрирана и во одлични односи со сите други заедници – македонскиот народ и другите народи.

Османи во интервјуто вели македонските институции веднаш го осудиле вандализмот и дека МВР ќе оди до крај и ќе открие кој стои зад оваа провокација. Тој во еден момент вели дека институциите имале резерва за името што било избрано за клубот.

– Имавме резерва за името што беше избрано за клубот. Сметаме дека тоа е провокација за нашите односи, провокација за јавноста. Никој во една земја не треба да биде предмет на напад, насилство. Имаме нулта толеранција за напади особено на помалите заедници – објаснува министерот.

Новинарот потоа го прашува Османи да ја коментира изјавата на премиерот Ковачевски кој, наводно рекол дека „тоа е очекувано бидејќи имињата на овие клубови се провокација“, но тој вели дека Ковачевски не кажал такво нешто.

– Не, мислам дека тоа не го кажа Ковачевски. Никој не го оправдува насилството без разлика како се вика. Постојат начини да се надминат овие разлики во однос на чувството за провокација што го имаат нашите граѓани за имињата – потенцира Османи.

The post ОСМАНИ САКА ДА СЕ СРЕТНЕ СО ОСНОВАЧИТЕ НА КЛУБОВИТЕ „Да видиме која е нивната цел, да изградиме мостови на соработка“ appeared first on plusinfo.mk.