Бугарскиот парламент денеска донесе закон со кој рафинеријата на руската група Лукоил во Бургас, на Црното Море, се става под државна контрола.

Ова е последица на санкциите на САД воведени во октомври против рускиот нафтен гигант, кои ја загрижија Владата на Бугарија дека поради санкциите таа руска рафинерија, најголемата компанија во Бугарија со промет од 4,68 милијарди евра во 2024 година, би морала да се затвори.

„Американските санкции, кои ќе стапат на сила на 21 ноември, „ќе доведат до запирање на работата на рафинеријата (…) поради одбивање на сите страни да извршат плаќања на компаниите кои ѝ припаѓаат на Лукоил“, објаснија членовите на мнозинската партија кога го поднесоа предлог-законот, донесен по забрзаната постапка.

Лукоил индиректно поседува 99,85 отсто од рафинеријата Нефтохим во Бургас.

Владата на Бугарија ќе именува посебен управник кој ќе ја раководи компанијата. Тој ќе има овластување, со одобрение од Владата, да продава акции „по пазарна проценка“, решија бугарските пратеници.

За време на дебатата, опозицијата ја обвини владејачката мнозинска партија дека го забрзала донесувањето на законот и дека состанокот на Комитетот за енергетика на Собранието траел едвај 30 секунди.

Исто така, изразија загриженост поради можноста управникот да ги продава акциите, бидејќи тоа би можело да доведе до правни постапки против Бугарија.

The post БУГАРИЈА ЈА КОНФИСКУВА РАФИНЕРИЈАТА ЛУКОИЛ ВО БУРГАС? Парламентот донесе дискутабилен закон appeared first on plusinfo.mk.

Македонија е подготвена да даде поддршка во справувањето со последиците од катастрофалните поплави во Бугарија, соопшти бугарскиот претседател Румен Радев по телефонскиот разговор со претседателката Гордана Сиљановска Давкова.

„Ѝ се заблагодарувам на претседателката Гордана Сиљановска Давкова за конструктивниот разговор и за изразеното сочувство за жртвите од поплавите во Бугарија, како и за понудената подготвеност на Македонија да помогне во надминување на последиците од катастрофата“, објави Радев.

Разговорот се одржа во момент кога Бугарија неколку дена се соочува со интензивни врнежи и со сериозни поплави, кои зафатија повеќе региони. Дел од населението остана без електрична енергија, а пристапот до најпогодените подрачја е и понатаму ограничен.

Според последните информации од бугарските медиуми, поплавите однесоа 4 човечки животи.

Massive flooding due to heavy rainfall in Elenite, Burgas Province – Bulgaria pic.twitter.com/n0Rfm8hCS0

— Dobreanu C. Bogdan (@BogdanDc) October 3, 2025

Најмногу е погодена источна Бугарија и крајбрежјето, особено околината на Бургас.

На социјалните мрежи се споделуваат стравични видеа од огромни количини вода што носи сè пред себе – куќи, камиони, автомобили, дрвја…

Поплавите настанаа од поројни дождови во неверојатни количини – според мерењата наврнале над 250 литри дожд на квадратен метар.

Massive flooding due to heavy rainfall in Elenite, Burgas Province, Bulgaria pic.twitter.com/1w2cKP2lgA

— Disaster News (@Top_Disaster) October 3, 2025

Во погодените области и натаму траат акциите за спасување и расчистување, во кои учествуваат волонтери, припадници на армијата и службите за итни интервенции, со цел што поскоро да се обнови нормалното функционирање и да се обезбеди безбедност за жителите.

Massive flooding due to heavy rainfall in Elenite, Burgas Province, Bulgaria pic.twitter.com/1w2cKP2lgA

— Disaster News (@Top_Disaster) October 3, 2025

The post 🎥ЧЕТВОРИЦА МРТВИ ВО КАТАСТРОФАЛНАТА ПОПЛАВА ВО БУГАРИЈА Сиљановска Давкова му понуди помош на Радев appeared first on plusinfo.mk.

Складот со оружје е сопственост на Емилијан Гебрев, еден од најголемите трговци со оружје во Бугарија. За агенција БTA тој изјавил дека не му се познати причините за експлозијата, а рекол дека во магацинот немало производство кое е запалливо. Тој изразил сомнеж дека во истиот објект, кој го делел со други фирми, можно е да имало некој нелегален бизнис.

Експлозијата ги поттикна шпекулациите дека е можно да се работи за саботажа, со оглед на тоа што Гебрев е познат по тоа што извезува оружје и опрема во Украина, уште од 2014 година. Неколкупати претходно бил цел на напади, па дури и обиди да биде отруен, што ги поттикна претпоставките дека руските разузнавачки служби се обидуваат да го елиминираат.

Во 2014 година се случи експлозија во еден од неговите магацини во Чешка, во селото Врбетице кај Злин, а по истрагата чешките власти уапсија и обвинија за диверзија двајца руски државјани, кои се претставиле како потенцијални купувачи. Москва тогаш негираше било каква вмешаност.

Во јуни 2022 година исто така се случи експлозија во друг магацин на Емилијан Гебрев во Бугарија.

The post ЕКСПЛОДИРА СКЛАД СО ОРУЖЈЕ ВО БЛИЗИНА НА БУРГАС Сопственикот e познат снабдувач со оружје на Украина appeared first on plusinfo.mk.

Како што соопшти Обвинителството, двајцата странски државјани се товарат дека незаконски им помагале на лица со авганистанско потекло да престојуваат и да транзитираат низ територијата на Бугарија.

Македонскиот државјанин е осомничен за организирање на илегален транспорт на 26 авганистански мигранти, кои биле откриени во неделата во селото Драганци во Општина Карнобат, во реонот на Бургас.  Романскиот државјанин, пак, е обвинет илегален превоз на 27 Авганистанци, пронајдени во понеделникот на потегот меѓу селата Житосвјат и Малина во истата Општина.

Авганистанските државјани биле превезувани со две моторни возила со иста марка и модел.

The post МАКЕДОНЕЦ ПРЕВЕЗУВАЛ 26 МИГРАНТИ ПРЕКУ БУРГАС Приведен е на 72 часа заедно со државјанин на Романија appeared first on plusinfo.mk.

Медиумите јавуваат дека ураганот изненадил стотици туристи на плажите во Бургас. Чадори, перници, лежалки – целиот инвентар на концесионерите на двете плажи е во Црното Море.

Во градот, оштетени се десетици автомобили врз кои паднале скршени гранки и дрвја. Засега нема информации за повредени во силното невреме.

Силниот ветер уништи барови и ресторани на плажите, а во градот откорна голем број дрвја и покриви. Брзината на ветрот достигна 70 километри на час, а метеоролозите соопштија дека приближно 3.000 молњи се забележани на небото околу Бургас.

The post ОКОЛУ 3.000 МОЛЊИ НАД БУРГАС Ураган предизвика огромна штета во црноморскиот град (ВИДЕО) appeared first on plusinfo.mk.

– Досега имало државјани од многу други земји кои се занимавале со шверц на мигранти, но немало македонски државјанин – додаде Рандева.

Таа наведе дека приведениот македонски државјанин е идентификуван како Зоран Камилов и според податоците од неговата лична карта има 60 години и е од Гевгелија. Тој е задржан од страна на бугарската полиција во 24-часовен притвор, а по истекот на овој период се очекува Јавното обвинителство во Бургас да му го продолжи притворот за уште 72 часа.

Истрагата за случајот е веќе започната, а судењето би можело да заврши до крајот на следната неделата.

Според изворите на дописникот на МИА од Софија, приведениот македонски државјанин со каминот со скопски регистарски таблички влегол во Бугарија од Турција преку еден од двата премини на бугарско-турската граница „Капитан Андреево“ или „Лесово“.

Тој по приведувањето во полициската станица изјавил дека со него не контактирале шверцери на мигранти, туку дека тој ги качил Авганистанците затоа што му ветиле дека ќе му платат за превозот.

Како што претходно јави дописникот на МИА од Софија, македонскиот државјанин беше приведен откако полицијата во бугарскиот град Бургас во камионот што го управувал открила најмалку 88 мажи од Авганистан.

Тие се качиле во багажниот простор на камионот во областа Дебелт, од каде возилото се упатило кон Бургас, при што било запрено од полициска патрола. Камионот бил пресретнат околу 06:45 часот по локално време (05:45 часот по македонско време) во близина на бензинска пумпа во бургаската населба „Меден Рудник“, низ која минува главниот пат од Средец до Бургас.

Полициската акција следувала откако полицијата добила информација од двајца очевидци дека во камионот кај Дебелт се натовариле мигранти, по што полициските службеници го пресретнале во Бургас. Авганистанците во текот на ноќта илегално ја преминале бугарско-турската граница и рано утрово се качиле во камионот.

The post МАКЕДОНЕЦОТ КОЈ ШВЕРЦУВАЛ МИГРАНТИ ОСТАНУВА ВО ПРИТВОР ВО БУРГАС Камилов превезувал најмалку 88 Авганистанци, му ветиле дека ќе му платат appeared first on plusinfo.mk.

Станува збор за 60-годишен македонски државјанин. Тој превезувал мажи  од Авганистан. Нив ги земал во областа Дебелт, а камионот поминувал низ Бургас. Полициски службеници го запреле камионот во приморскиот град. За случајот е поведена предистражна постапка, објави агенцијата БТА.

The post МАКЕДОНЕЦ УАПСЕН ВО БУГАРИЈА 60-годишник превезувал мажи од Авганистан со камион appeared first on plusinfo.mk.

Како што јави дописникот на МИА од Софија, во водите на Варна и Бургас постои потенцијална опасност за бродовите и рибарските чамци.

Бугарските власти постојано ги надгледуваат морските граници на земјата, како и курсовите на пловење на сите пловни објекти во територијалните води Црното Море.

Според поморската администрација во Бургас, мините можат да стигнат до бугарските води за 10 дена, а доколку тоа се случи, тие ќе бидат доста далеку од брегот, но сѐ уште има услови за опасност.

Гувернерот на регионот на Бургас денеска ќе се сретне со институциите за да процени како да се заштитат поморските граници на Бугарија. Подготвени се и бугарските поморски сили, но во моментов нема директна опасност за луѓето.

Бугарските власти сѐ уште немаат целосни информации за бројот и видот на мините, но, сепак, поради нивниот однос со рибарскиот сектор вчера биле цел ден во комуникација со двете големи здруженија за тие да ги предупредат своите бродови на внимателност.

– Од друга страна, има постојан контакт со Центарот за мониторинг на рибарството во Бугарија и известуваат дека времето е лошо поради невремето – објасни Христо Панајотов, извршен директор на Бугарската агенција за рибарство и аквакултура и додаде дека од тие причини во тој регион засега нема рибарски бродови и чамци.

Поморските власти во Бургас и во Варна вчера веќе упатија повик доколку видат веднаш да ги пријават сите големи тркалезни метални предмети до поморската администрација.

The post РУСКИТЕ МИНИ ЗАПЛОВИЈА КОН БУРГАС Невремето ги однело вo Црно Море, опасни се за бродовите и за рибарите appeared first on plusinfo.mk.