Мостот „Генерал Михајло Апостолски“ конечно се става во функција, напиша попладнево скопскиот градоначалник Орце Ѓорѓиевски на Фејсбук, нагласувајќи дека со години бил симбол на застојот.

„Кај скопјани остана запаметен како ‘мостот што водеше во дневна соба’ или ‘мостот за ловење риба’. Конечно, станува мост што ќе ги поврзува луѓето, ќе го забрзува сообраќајот и ќе го менува секојдневието на граѓаните. Ова е резултат на силна волја, чесен збор и секојдневна, макотрпна работа“, вели градоначалникот во објавата објавувајќи фотографии.

Тој посочи дека кога ја презел одговорноста да го води Скопје, ветил оти овој проблем ќе биде решен во текот на четиригодишниот мандат. Ѓорѓиевски истакна дека со гордост може да каже дека тоа ветување се исполнува за помалку од една година.

Во изминатиот период, посочи тој, решен бил најголемиот предизвик, експропријацијата.

„По истекот на рокот за преселување на семејствата кои живееја на трасата, денес започнуваме со расчистување на булеварот „АСНОМ“, токму од мостот „Генерал Михајло Апостолски“, со што започнува неговото конечно ставање во функција. Паралелно продолжува и процесот на експропријација на преостанатиот дел од булеварот, сѐ до неговото целосно завршување. Од срце сакам да им изразам благодарност на луѓето со кои денес заеднички испишуваме едно ново поглавје. Благодарам на чесните, достоинствени и домаќински семејства кои покажаа разбирање и мудрост, кои подадоа рака таму каде што со години имаше застој. Благодарам за довербата, за човечкиот однос. Денес, тие не се дел од проблемот, туку решението “, додаде Ѓорѓиевски.

Тој им се заблагодари и на неговите колеги, градоначалниците на општините Аеродром и Гази Баба – Дејан Митески и Бобан Стефковски, за нивната посветеност, поддршка и заедничка борба овој долгогодишен проблем конечно да стане минато.

– Но, ова не е единствениот откочен проект. За само неколку месеци ги откочивме „Момин Поток“, булеварот „Борис Трајковски“, мостот на „Љубљанска“ и подземната сообраќајница на булеварот „Македонија“ – проекти кои со години изгледаа како недостижна желба, а денес чекор по чекор стануваат реалност. Тоа е разликата кога има визија. Тоа е разликата кога има храброст да се носат одлуки. Тоа е разликата кога се работи секој ден, без изговори. Тоа е разликата кога дадениот збор пред народот е света обврска, а не празно политичко ветување – подвлече градоначалникот.

Ѓорѓиевски нагласи дека секоја завршена улица, секој откочен проект, секој нов мост е доказ дека Скопје повторно се движи напред.

– Ова е резултат на силна, искрена и неуморна работа. Но, повеќе од сѐ, ова е резултат на довербата што секојдневно ми ја давате вие, мојот народ. Таа доверба е мојата најголема сила и најголема обврска. Кога има искрена намера, кога има чесен пристап и кога постои љубов кон својот град, нема невозможни проекти. Продолжуваме уште посилно. За Скопје што повторно победува. За Скопје какво што го сакаме. За Скопје, какво што го заслужуваме – се додава во објавата на Ѓорѓиевски на Фејсбук.

The post НЕМА ПРЕЧКИ, МОСТОТ „ГЕНЕРАЛ МИХАЈЛО АПОСТОЛСКИ“ ЌЕ БИДЕ ПУШТЕН Експропријацијата е решена со мудрост и разбирање, вели Ѓорѓиевски appeared first on plusinfo.mk.

Триесет и четири патнички возила биле оштетени на паркинг на булеварот „АСНОМ“, а вкупната материјална штета е проценета на околу 11.000 евра, информираат од МВР.

– Денеска е пријавено дека од синоќа во 23.00 часот до 09.00 часот денеска паркинг простор на булеварот  АСНОМ се оштетени 34 патнички возила со вкупна материјална штета од околу 11.000 евра информираа од  МВР.

На местото и направен увид, а полицијата го бара сторителиот.

The post НЕКОЈ ЦЕЛА НОЌ СЕ „ЗАБАВУВАЛ“ НА ПАРКИНГ НА БУЛЕВАРОТ АСНОМ Зад себе оставил 34 оштетени возила appeared first on plusinfo.mk.

Кандидатот за градоначалник на Град Скопје од ВМРО-ДПМНЕ, Орце Ѓорѓиевски, денес беше во посета на општина Аеродром, каде ја претстави својата програма за сообраќајни решенија на една од најкритичните точки во градот. Станува збор за вкрстувањето меѓу булеварите Кузман Јосифовски – Питу и Јане Сандански со улиците Руди Чаевац и Симеон Кавракиров, во непосредна близина на основното училиште Блаже Конески.

– Овде секојдневно има голема фреквенција на возила, пешаци и ученици, а бројните сообраќајни незгоди што се случуваат се доказ дека е неопходно современо и трајно решение. Затоа, еден од првите проекти што ви ги претставувам е изградба на модерен кружен тек со безбедносни острови, јасна сигнализација и уредени пешачки премини. Така ќе обезбедиме побезбедно, побрзо и поефикасно движење за сите – изјави Ѓорѓиевски.

Тој нагласи дека кружниот тек е дел од поширок концепт за редизајн на 50 критични крстосници и улици во Скопје, кој до 2030 година треба да биде целосно реализиран.

– Визијата е јасна – нула фатални несреќи. Со кружни текови, подигнати премини и визуелни ограничувачи ќе ја намалиме брзината и ќе ја зголемиме видливоста, а тоа значи поголема сигурност за сите учесници во сообраќајот – додаде Ѓорѓиевски.

Посебен акцент стави на проектот за целосна изградба на булеварот АСНОМ, кој ќе го поврзе Аеродром со Гази Баба преку мостот „Михаило Апостолски“.

– Во првата фаза ќе обезбедиме фер решавање на експропријацијата и поврзување со булеварот Александар Македонски. Потоа ќе следи репроектирање на трасата кон „Ист Гејт“, за да се надминат имотно-правните предизвици. Тоа ќе значи побрзи излези, растоварен сообраќај и подобар квалитет на живот за илјадници граѓани – рече Ѓорѓиевски.

Како дел од капиталните зафати, тој го најави и продолжувањето на булеварот Февруарски поход со изградба на нов мост преку реката Вардар што ќе се поврзе со улицата Перо Наков.

– Со оваа интервенција ќе создадеме нова моќна сообраќајна оска што ќе ги обедини општините Аеродром и Гази Баба, ќе ги интегрира индустриските капацитети и јавниот превоз и ќе овозможи рамномерен развој на источниот и западниот дел од градот – изјави тој.

Ѓорѓиевски потенцираше дека сите овие проекти не се само локални решенија за Аеродром, туку стратегија за цело Скопје.

– Моја визија е Скопје да стане град во кој секое дете безбедно стигнува до училиште, секој возач безбедно пристигнува дома, а секој граѓанин живее во средина со современа инфраструктура и европски стандарди – порача Ѓорѓиевски.

The post МОДЕРЕН КРУЖЕН ТЕК И НОВИ БУЛЕВАРИ ВО АЕРОДРОМ Ѓорѓиевски има план како да го реши сообраќајниот хаос appeared first on plusinfo.mk.

Аеродром се соочува со сериозни инфраструктурни предизвици – метеж, недостиг од паркинг-простор и небезбедни пешачки и велосипедски патеки. Решенијата ги понуди кандидатот за градоначалник од редовите на СДСМ, Александар Трајановски, кој на денешната прес-конференција истакна дека неговата програма нуди конкретни мерки, а не празни зборови.

– Во соработка со Град Скопје ќе ја завршиме изградбата на булевар АСНОМ и ќе обезбедиме нови коридори за поврзување со соседните општини. Ќе изградиме нова сообраќајница меѓу Аеродром и Кисела Вода и ќе ја реконструираме улицата Фрањо Клуз и нејзините краци – изјави Трајановски.

Тој додаде дека во секој дел од Аеродром ќе има локални реконструкции и проширувања.

– Ќе ја направиме целосната реконструкција на споредни улици во Горно и Долно Лисиче, ќе уредиме нови паркинг-простори зад ТЦ Скопјанка, ТЦ Бисер и во Ново Лисиче. Со тоа ќе го решиме проблемот со паркирањето кој со години ги мачи жителите – нагласи кандидатот на СДСМ.

Според него, посебен акцент ќе се стави на безбедноста на пешаците и велосипедистите.

– Ќе воведеме „зона 30“ во сите сервисни улици, ќе изградиме нови велосипедски патеки и ќе воспоставиме нулта толеранција за паркирање на тротоари и пешачки патеки. Кај сите училишта ќе бидат поставени нови семафори за максимална заштита на децата – рече Трајановски.

Тој најави дека проблемот со паркирањето ќе се решава со паметни паркиралишта и катни гаражи, со почитување на принципите на одржлива урбана мобилност.

– Ова се решенија што директно ќе влијаат врз секојдневието на нашите граѓани – побезбеден сообраќај, поуредени улици и поголема мобилност за сите. Заедно ќе ставиме крај на сообраќајниот хаос и ќе изградиме модерна, европска општина Аеродром – општина по мерка на граѓаните. Се бориме за нашиот дом! – порача Трајановски.

The post КАТНИ ГАРАЖИ, НОВИ УЛИЦИ И ВЕЛОСИПЕДСКИ ПАТЕКИ Александар Трајановски најави голема реконструкција на Аеродром appeared first on plusinfo.mk.

Како што е соопштено, единицата за безбедност на патниот сообраќај при СВР Скопје ќе преземе мерки за пренасочување на сообраќајот.

Секторот за внатрешни работи Скопје апелира до сите учесници во сообраќајот да се почитуваат наредбите кои ќе ги даваат полициските службеници.

The post ЗА ДА НЕМА ХАОС ПОЧИТУВАЈТЕ ГИ ПРЕПОРАКИТЕ НА ПОЛИЦИЈАТА Утре дел од булеварот АСНОМ ќе биде затворен за сообраќај appeared first on plusinfo.mk.

Од Град Скопје посочуваат дека на трасата за новиот булевар кој е продолжение на мостот, се наоѓаат вкупно 285 имоти и објекти кои се експроприраат.

The post 285 ИМОТИ ТРЕБА ДА СЕ ЕКСПРОПРИРААТ ЗА ДА СЕ РАСЧИСТИ ТРАСАТА Град Скопје вели дека работи на продолжување на булеварот АСНОМ низ Керамидница appeared first on plusinfo.mk.