Повикот е отворен до 17 март годинава и е објавен на ECEPP-платформата на ЕБОР од каде е обезбеден заем за изградбата на планираните 10,2 километри автопат.

Според претходните најави на надлежните институции, вкупните проектирани трошоци за автопатската делница изнесуваат 132,7 милиони евра, од кои 110 милиони евра заем од ЕБОР, а 19,8 милиони евра инвестициски грант од Инвестициската рамка за Западен Балкан.

„Автопатската делница ќе има двоен коловоз со по две сообраќајни ленти од 3,5 m, со брзина на движење од 100 километри на час.  Работите опфаќаат и изградба на клучки, мостови, пропусти, тунел, одводни канали, олуци, берми и потпорни ѕидови“, стои во повикот.

Во Годишната програма за работа на ЈПДП за Букојчани – Кичево се предвидени 650 милиони денари. Оваа делница е надоврзување на трасата Гостивар – Букојчани, во должина од 30,1 километар, која е дел од пакетот автопатски делници што ги гради американско-турскиот конзорциум „Бехтел и Енка“.

Како што изјави претходно за МИА директорот на ЈПДП Коце Трајановски, се преземаат активности за да се отвори што поголем фронт за работа на „Бехтел и Енка“ на трасите и изведбата да биде во рамки на роковите предвидени со Договорот. На крајот на 2024 година беа завршени 3241 од вкупно 4031 парцела за експропријација, а 791 беа во постапка.

На делницата Гостивар–Букојчани има активности на шест километри, на исто толку километри и на делницата Прилеп – Битола, а на делницата Тетово–Гостивар на три километри. Според плановите на ЈПДП, на почетокот на годинава се очекува да заврши изградбата на камповите на Изведувачот и значително да се зголемат активностите на терен.

ЈПДП планира годинава да се работи комплетно на целата траса Тетово–Гостивар во должина од 17 километри, на Гостивар–Букојчани на приближно 17 километри, а на Прилеп–Битола планирани се активности на приближно 25 километри.

The post ЌЕ СЕ ГРАДИ АВТОПАТОТ БУКОЈЧАНИ – КИЧЕВО Распишан е тендер со претквалификација на изведувач на изградбата appeared first on plusinfo.mk.

ЕУ го кофинансира проектот со  20 милиони евра инвестициски грант, преку Инвестициската програма за Западен Балкан (ИПЗБ).

Според кредиторите, новиот пат и подобрата поврзаност ќе го поддржат економскиот развој на земјата, правејќи ја мобилноста и трговијата полесни. Современата инфраструктура ќе помогне и во безбедноста на патот и ќе го направи поотпорен на оштетувања од временски услови.

-Банката игра уникатна улога во поддршката на патниот сектор во Северна Македонија уште од 2001 година. Ја финансираше изградбата и модернизацијата на регионалните, локалните и паневропските патишта, и обезбеди политички дијалог за зајакнување на институциите во земјата. Со оваа нова инвестиција, повторно ја потврдуваме нашата посветеност за изградба на подобра транспортна инфраструктура во земјата за добро на сите во граѓани и бизниси –  изјави  Анди Аранитаси, претставник на ЕБОР за С Македонија на потпишувањето на договорот за кредитот.

Министер за финансии Фатмир Бесими рече дека Коридорот 8 е еден од стратешките проекти за инфраструктурата на земјата, кој ќе ја направи поконкурентна.

– Со изградба на патната инфрастуктура од Коридор 8, во Северна Македонија ќе се заокружи изградбата на паневропски коридор значаен за подобра поврзаност на земјата со Албанија и Бугарија и останатите европски земји. Ова ќе отвори нови пазари за македонските компании, ќе ја подобри нивната конкурентност и ќе овозможи одржлив економски раст – рече Бесими.

Од ЕБОР велат декаво рамки на реализацијата на овој проект ќе се реализира и проектот за вклучување на младите.

-Покрај креирањето на нови работни места за време на изградбата, работите на новиот дел од автопатот ќе обезбедат можност за развој на вештини за младите луѓе во градежниот сектор, преку обука на лице место. Оваа програма за вклучување на младите е развиена од ЕБОР, и ги поддржува владините напори во промовирање на вработување на младите. Со проектот ќе се охрабри поголемо учество на приватниот сектор, со тендер за договор за градење и одржување, кој ќе вклучи справување со климатските ризици за време на фазите на изградба, работењето и одржувањето на проектот – велат од ЕБОР.

Коридорот 8 во земјава се протега на приближно на 305 километри и поврзува 62 отсто од популацијата во земјата. Неговиот развој е идентификуван како стратешки приоритет на земјата, но околу 60 отсто од истиот треба да биде изграден согласно стандардите за автопатишта.

Коридор 8 е патнички и железнички коридор од исток кон запад, кој се протега преку Бугарија, Северна Македонија и Албанија, поврзувајќи го бугарското пристаниште Варна на Црно Море, со албанското пристаниште Дурес на Јадранско Море. Опфаќа морски и езерски пристаништа, аеродроми, патишта и железница, во вкупна должина од 1.270 километри железница и 960 километри патишта.

ЕБОР ја поддржува Северна Македонија во напорите за подобрување на транспортната инфраструктура, во инвестиции во секторот патишта и железници. До сега, за изградба на патишта во земјата, има обезбедено над ЕУР 400 милиони.

The post ЕБОР ОДОБРИ КРЕДИТ ОД 110 МИЛИОНИ ЕВРА ЗА ИЗГРАДБА НА КОРИДОРОТ 8 Земјава добива и грант од 20 милиони евра од ЕУ appeared first on plusinfo.mk.