Борисов, вечерва ќе учествува на видео конференција на членовите на Европскиот совет, на која ќе се дискутира за ова прашање.

– Се согласивме со австрискиот премиер Себастијан Курц и со другите колеги, со нашите грчки пријатели, како ќе го наречеме – електронски, зелен пасош, но да им олесниме на сите што биле вакцинирани и болни да живеат нормален живот – рече Борисов.

Во врска со непочитувањето на договорот за испорака на вакцини од страна на АстраЗенека тој коментира дека се прави се што е потребно и се надева дека ЕК ќе биде многу построга, „ако треба дури и преку суд, и оти парите ќе бидат вратени“.

– Ги потсетувам големите глобални компании дека инвестиравме за производство на вакцини. Не е фер ако некој даде повеќе пари од ЕУ за да им се испраќаат повеќе вакцини. Ова е дури и неприфатливо. Не е коректно, не е фер, не е правилно.

Според него, ЕК треба да биде „крајно сурова“ и истакна дека ја поддржува Урсула фон дер Лајен со сè во оваа област.

Борисов додаде дека Бугарија е подготвена да испрати авион за да ги земе вакцините, бидејќи тоа ќе заштеди еден до два дена од превозот.

– Со авион ќе ги испратиме најдобрите бугарски виролози за да можеме да ги почитуваме сите правила. И со ова темпо на вакцинација, два дена заштедени од доставата значат уште 40.000 вакцинирани бугарски граѓани – рече бугарскиот премиер.

The post Борисов е за електронски пасош за нормален живот на вакцинираните и луѓето што прележале ковид appeared first on plusinfo.mk.

– Кој сака, нека протестира, Но, дали е демократски на ваков начин да се нарушуваат нечии права? Дали е во ред да се напаѓаат и да се провоцираат полицајците? Нека има протести, но да не се затвораат крстосници, да не се попречува нормалниот живот на луѓето – вели Борисов.

Тој на крајот порачува дека изборите ќе бидат демократскиот начин на смирување на состојбата.

– В гогодина има избори. Кој ќе победи, тој ќе ја води државата. Ете, тоа е демократија – заклучува тој.

Во Софија и останатите поголеми градови низ Бугарија веќе повеќе недели се одржуваат протести на кои се бара оставка од владата на Борисов, како и државниот јавен обвинител Иван Гешев.

The post Борисов на прошетка со својот автомобил: Кој сака, нека протестира, в година има избори ВИДЕО appeared first on plusinfo.mk.