За четири лица за кои постои основано сомнени дека учествувале во навивачката пресметка во Чаир во која беше повреден еден бугарски државјанин, основното јавно обвинителство Скопје поднесе предлог за определување на мерки на претпазливост.

„Постои основано сомнение дека лицата на возраст од 28 до 32 години учествувале во физичка пресметка со навивачи на бугарскиот фудбалски клуб „Левски“ со што сториле кривично дело – Насилство согласно член 386 став 4 во врска со став 3 и став 1 од Кривичниот законик.

Имајќи ги предвид сите околности на настанот, кој беше предизвикан кога бугарските навивачи со две возила се движеле во близина на трговскиот центар “Чаирчанка” и најпрвин влегле во вербална расправија со случајни минувачи и граѓани, а потоа ги запреле возилата и излегле од нив, по што вербалната расправија преминала во физичка пресметка со група граѓани кои излегле од околните објекти, јавниот обвинител за осомничените предложи неколку мерки на претпазливост: обврска да се јавуваат повремено на определено службено лице во Основниот кривичен суд Скопје, привремено одземање на патните исправи, како и забрана за посетување на определено место – спортски натпревари“ – информираат од скопското Обвинителство.

Претходно, од МВР информираа дека полициски службеници од Единицата за насилен криминал при СВР Скопје на 28.07.2023 лишиле од слобода четири лица поради насилство извршено врз навивачи на бугарскиот фудбалски клуб Левски на ул. Цветан Димов во скопската населба Чаир, кои самоволно се издвоиле од рутата обезбедена од полицијата и се движеле кон стадионот „Тоше Проески” во Скопје со цел да присуствуваат на фудбалскиот натпревар ФК „Шкупи”- ФК „Левски”.

The post ЛИЦЕТО ШТО ГО ИЗБОДЕ БУГАРСКИОТ НАВИВАЧ ВО БЕГСТВО Мерки на претпазливост за четворица учесници во тепачката во Чаир appeared first on plusinfo.mk.

– Тоа беше меч оценет како меч од висок ризик. Меѓутоа, морам да кажам дека од почетокот на мечот до неговото завршување практично и немавме некаков инцидент. На почетокот при влегувањето имавме една група навивачи кои дојдоа од соседна Бугарија и кои практично се однесуваа насилно кон припадниците на македонската полиција. Приведени се вкупно 21 лице, од кои 19 бугарски државјани и двајца македонски државјани кои биле дел од навивачката група на Шкупи – рече Спасовски, одговарајќи на новинарски прашања по поставувањето на камен-темелник на новиот објект на полициската станица во Аеродром.

Тој посочи дека македонската полиција била организирана за овој натпревар со предзнак од висок ризик и затоа навивачите од Бугарија, кои пристигнале на граничниот премин Деве Баир биле преземени и во полициски кордон донесени на фудбалскиот стадион. За инцидентот во Чаир, како што појасни, најверојатно имало навивачи кои пристигнале со неколку возила.

– При поминувањето во Чаир, преку одредена провокација која што ја прават, настанува конфликт при што знаеме дека има едно повредено лице. Таму се идентификувани веќе напаѓачите. Моментално работат колегите и јас очекувам за многу скоро време да ги имаме детално сите информации за што ќе ве известиме – изјави Спасовски.

Првиот човек на македонска полиција порача дека спортските настани треба да бидат места за уживање, а не места во коишто ќе се продуцира насилство.

– Тоа е најважната порака што сакам да ја пратам до сите граѓани, посебно до сите спортски навивачи коишто учествуваат на спортските натпревари – рече Спасовски.

The post ИДЕНТИФИКУВАНИ СЕ ПОВЕЌЕ НАПАЃАЧИ ВО ИНЦИДЕНТОТ ВО ЧАИР Спасовски вели дека најверојатно имало навивачи кои пристигнале со неколку возила appeared first on plusinfo.mk.

За насилство на спортски натпревар и физички напад на полициски службеници уапсени се 19 бугарски навивачи, а двајца навивачи на ФК Шкупи се лишени од слобода поради физичка пресметка.

„На 27.07.2023 година во врска со фудбалскиот натпревар помеѓу екипите на ФК Шкупи од Скопје и ФК Левски од Софија Република Бугарија приведени се 19 навивачи од Република Бугарија, поради нарушување на јавниот ред и мир пред и за време на натпреварот.
Од нив, осум лица за насилство на спортски натпревар, две лица за физички напад на полициски службеници кои вршеле службени дејства, а девет поради агресивно однесување кон нив. По документирање на случајот против нив ќе бидат поднесени соодветни поднесоци“ – известуваат од МВР.

Пред почетокот на натпреварот, во Чаир дошло до физичка пресметка меѓу двете навивачки групи при што еден од навивачите на Лвески се здобил со тешки телесни повреди и е пренесе во ГОБ „Св.Наум Охридски“.

„Околу полноќ полициски службеници од СВР Скопје лишиле од слобода и двајца навивачи на навивачката група на ФК Шкупи, кои го нарушиле јавниот ред и мир со физичка пресметка. И тие се приведени и ќе се соочат со законски предвидените поднесоци.

Во врска со физичкиот напад врз четирите бугарски државјани, за кој во 18.38 часот е пријавено дека се случил на ул.„Цветан Димов”, при што бил употребен и остар предмет до кој бугарскиот државјанин Д.А. се здобил со тешки телесни повреди, по преземени мерки и активности утврден е идентитетот на поголемиот дел од напаѓачите и се расчистува случајот, по што ќе бидат поднесени пријави. Повредениот Д.А. бил пренесен во ГОБ „Св.Наум Охридски” и е во стабилна состојба“ – информираат од МВР.

The post ВО СКОПЈЕ ПРИВЕДЕНИ 19 БУГАРСКИ НАВИВАЧИ Еден симпатизер на Левски прободен со нож appeared first on plusinfo.mk.

Настанот бил дел од оние немири кои се случија во населбата Чаир, уште на повеќе од два часа пред почетокот на натпреварот Шкупи – Левски, кога локалните жители напаѓале бугарски автомобили, а очигледно дошло и до директна пресметка.

Според бугарските медиуми, некои од навивачите биле вадени од автомобилите и тепани, а еден од нив бил прободен со нож. Веднаш бил пренесен во „Мајка Тереза“, каде што му била укажана прва помош.

Според „БТН“, навивачот не бил во животна опасност, но некои медиуми, како „Нова“, велат дека тој се борел за живот.

Бугарските навивачи влегоа во пресметка и со полицијата, непосредно пред стартот на наптреварот, во поттрибинскиот простор на арената „Тодор Проески“.

The post БУГАРСКИ НАВИВАЧ БИЛ ПРОБОДЕН СО НОЖ ВО СКОПЈЕ? Инцидентот наводно се случил во Чаир appeared first on plusinfo.mk.

Навивачите на Левски уште со самото влегување на стадионот почнаа со навредливи слогани и извици со провокации кон дел од навивачите на македонската екипа кои пристигнуваа на стадионот, поради што мораше да интервенира и полицијата.

„Уби, уби Шиптара… Ова е Бугарија… Цигани…“ – се дел од навредливите слогани упатени кон играчите на Шкупи кои во моментов се загреваат во очекување на натпреварот.

Сето тоа предзвика и реакција на македонската полиција која мораше да скроти дел од навивачите на Левски кои ја напуштија својата предвидена зона на Источната трибина, па следуваа и апсења за дел од најагресивните навивачи на бугарската екипа.

Според информациите до кои дојдовме, уапсени се најмалку тројца навивачи на Левски, а информација за повредени полицајци сѐ уште нема.

Претходно, инцидент се случил и во скопската населба Чаир, каде што навивачите на Левски биле нападнати од фанови на Шкупи.

Чаирчанка, нападнати две бугарски возила pic.twitter.com/bwkoYfXJ7e

— Зеко (@MeZnaesOdSank) July 27, 2023

Попладнево, навивачите на Левски не штедеа зборови како да го понижат македонскиот народ ниту пред камерите:

The post (ВИДЕО) БУГАРСКИТЕ НАВИВАЧИ СЕ СТЕПАА СО ПОЛИЦИЈАТА НА ГРАДСКИ Летаа канти за ѓубре во Чаир appeared first on plusinfo.mk.