Според Петков, тоа може и треба да се направи врз основа на заедничко почитување и доверба.

– Тоа треба да се направи преку добра комуникација со коалициските партнери – рече Петков и дополни „со многу работа“.

Петков кажа и дека бугарската позиција останува таква каква што е сега, но мора да биде надградена.

Не сакаме, рече Петков, да продолжиме само со пароли од двете страни на границата, туку мора да седнеме и да работиме со тимови на различни теми за да се увериме дека преку заедничка работа и комуникација се движиме кон добрососедство. Но, заедно со тоа, идниот бугарски  премиер порача дека ќе се бранат бугарските национални интереси.

Во зградата на Народното собрание на Бугарија, идниот премиер предмалку, пред медиумите, го претстави составот на новата бугарска Влада, која ќе биде коалициска и ќе вклучува четири партии и коалиции. Ќе има пет вицепремиери и 17 министри.

Министер за надворешни работи ќе биде Теодора Ганчевска, која е од партијата на Слави Трифонов. Таа во претходните две недоговорени влади на „Има таков народ“, по изборите на 11 јули, беше предложена за министер за одбрана. Досега работеше во администрацијата на бугарскиот претседател како советник.

The post ПЕТКОВ ЌЕ СЕ УСОГЛАСИ СО ПАРТНЕРИТЕ ЗА БУГАРСКАТА ПОЗИЦИЈА Што може да очекува земјава од тоа? appeared first on plusinfo.mk.

Според Јотова, како што јави дописникот на МИА од Софија, Бугарија уште еднаш ќе ја повтори својата теза дека за неа најважно е да се почитуваат правата на граѓаните во Република Северна Македонија со бугарска самосвест. Јотова посочува дека резултатите од пописот што се одржува во Република Северна Македонија, ќе бидат многу важни за Бугарија.

– Доаѓаат многу загрижувачки сигнали. Уривањето на спомен плочите повторно започна. Ми се чини дека и работата на заедничката група меѓу Бугарија и Република Северна Македонија не може да се пофали со какви било резултати, ветувањата за отстранување на одредени текстови од учебници ги нема никаде – рече бугарската потпретседателка Јотова.

Медиумите во Бугарија опширно известуваат за утрешниот самит ЕУ-Западен Балкан во Бардо кај Крањ, информирајќи за серијата средби што претседателот на Бугарија Румен Радев ќе ги има со канцеларката на Германија Ангела Меркел и претседателот на Франција Емануел Макрон.

The post НЕМА ОСНОВА ЗА ПРОМЕНА НА БУГАРСКАТА ПОЗИЦИЈА Јотова вели дека не отстапуваат и покрај силниот притисок appeared first on plusinfo.mk.