Фондацијата „Бугарска меморија“ од Бугарија бара од единствената партија на Македонците во Албанија оштета во висина од 10.000 евра и јавно извинување, тврдејќи дека е добротворна организација која преку донации помага, без никакви асимилаторски цели.

На рочиштето на 9 мај во Основниот суд во Корча беше напнато. Адвокатите на бугарската фонација, кои тужат, тврдат дека Македонската алијанса за европска интеграција (МАЕИ) со официјален допис до албанскиот државен врв и меѓународните институции побарала забрана на активностите на оваа фондација, пишува МКД.

Бугарската фондација вели и дека МАЕИ ја наклеветила дека „корумпира албански функционери со цел асимилација на Македонците” како и дека учествува во создавање „криминална група поврзана со бизнисот со бугарски пасоши, издавање лажни потврди и влијание врз пописот на населението во Албанија”.

На прашање од судијката, адвокатите на бугарската фондација рекле дека е можна спогодба под услов МАЕИ јавно да се извини и да прекине со јавните обвинувања.

Претседателот на МАЕИ, Васил Стерјовски на ова остро одговори дека „ние сме Македонци и никогаш нема да прифатиме дека сме Бугари“, додавајќи дека преку оваа тужба се врши притисок да се замолчи единствениот политички субјект што се бори за правата и идентитетот на Македонците во Албанија.

Тој нагласи дека сите активности на фондацијата во земјата се реализираат во „тесна координација со бугарската влада, Министерството за надворешни работи на Бугарија и бугарската амбасада во Тирана”.

The post БУГАРСКА ФОНДАЦИЈА БАРА 10.000 ЕВРА ОД ПАРТИЈА НА МАКЕДОНЦИТЕ Напнато беше на рочиштето во Корча appeared first on plusinfo.mk.

„Нашите медиуми во Северна Македонија стануваат 5. Во септември планираме да отвориме студио во Скопје, од каде ќе се емитуваат нашите програми и вести за нашата онлајн телевизија во Македонија“, соопшти Фондацијата преку нејзиниот профил на Фејсбук.

Фондацијата повикува секој да ѝ донира колку што може.

„Благодариме и заедно ќе ја подобриме ситуацијата на Бугарија во Северна Македонија“, се додава во објавата на Фејсбук на Фондацијата.

– Донациите се од активисти граѓани на Бугарија. Немаме некој голем инвеститор кој вложува сам во овој медиуми проект. Како активност во организација, ова е наша посебна работа да развиваме македонски медиуми во кои ќе работат македонски новинари кои ќе бидат мост на пријателство помеѓу двата народа, како што сум забележал дека има такви објективни кои не заземаат ниту една страна. Имаме два медиумa во моментов, подготвуваме уште три и сите тие ќе бидат онлајн – изјави првиот човек на Фондацијата, Виктор Стојанов за порталот „А1он“.

Фондацијата планира да снима видеа, подкасти и интервјуа.

– Планираме да отвориме новинарско студио во кое ќе имаме видеа, подкасти и тоа ќе оди онлајн, односно нема да биде класичен радиодифузер. Сега за сега медиумите ќе бидат дневно политички со вести од регионот. Но во блиска иднина ќе отвориме два портала за здрава храна и спортски портал кој ќе биде регионален со цел да го обединуваме Балканот на спортски начин. Ќе има вести од Албанија, Македонија, Србија и од Бугарија – открива Стојанов.

„Фондација Македонија“ објави дека деновиве ќе преземе фудбалски тим од Македонија со поддршка од 15.000 евра за целата сезона и дека со тој буџет ќе се овозможи тимот од трета да се рангира во втора лига.

Претходно, пропадна обидот на Фондацијата да влезе во најтрофејниот клуб „Вардар“ за кој Стојанов испратил понуда за купување од 300.000 евра преку бугарска компанија. Раководството на клубот веднаш ја одбило понудата и нагласило дека „Вардар не е на продажба“.

ВАРДАР НЕ Е НА ПРОДАЖБА! Раководството на клубот ја одби тенденциозната понуда на бугарската фондација „Македонија“

The post 5 ОНЛАЈН МЕДИУМИ ЌЕ ЈА БРАНАТ БУГАРСКАТА АГЕНДА ВО МАКЕДОНИЈА „Фондација Македонија“ собира донации appeared first on plusinfo.mk.