Заврши времето кога со слугување на агенди на туѓи држави се доаѓаше на власт во Македонија. Тој филм СДС веќе не го гледа, му порача пратеникот на ВМРО-ДПМНЕ Бране Петрушевски на лидерот на СДСМ Венко Филипче.

– Граѓаните сакаат достоинствен и предвидлив евроинтегративен пат, со гаранции дека нема веќе да има барања за идентитетски отстапки. Тоа ВМРО-ДПМНЕ го слуша и заедно, во сојуз со народот, ќе се избориме за заслуженото место на масата во ЕУ – додаде Петрушевски.

Според него, Филипче не само што не се разликува од Зоран Заев, туку е негова надградена верзија.

– Заев ги излажа граѓаните дека не доаѓа на власт за да го смени името, туку бараше доверба од граѓаните, небаре да донесе правда и живот за сите во Македонија. А Венко Филипче, не се крие дека сака да дојде на власт за да изврши национално предавство, да ги прифати и спроведе бугарските ултиматуми, на штета на македонскиот национален идентитет. Кога го менуваше името на државата, Заев ја убедуваше македонската јавност дека Македонија богато ќе ја омажи, додека пак Филипче сега од опозиција ги убедува дека македонскиот идентитет не е загрозен, наспроти јасните ултиматуми и негирања од страна на Бугарија. Бугарските власти не ги кријат нивните ставови и барања, тие сакаат македонската историја, јазик, култура, да се прогласат како дел од бугарската. И за тоа во Македонија си најдоа специјален пратеник, Венко Филипче, кој се претворил во пион на Радев и е најгласен да се прифати бугарскиот наратив и Бугари во Устав – рече Петрушевски.

Тој повтори дека Филипче отворено и беспоговорно прифаќа сѐ од Бугарија, во надеж дека некој од надвор ќе го донесе на власт, како што некогаш го донесоа Зоран Заев со изгубени избори.

The post ЗАВРШИ ВРЕМЕТО НА СЛУГУВАЊЕ НА АГЕНДИ НА ТУЃИ ДРЖАВИ Порака од Петрушевски до Филипче appeared first on plusinfo.mk.

Не знам, не сакам да шпекулирам дали пред ден-два имало тивко славје на „Бихаќка“, ама сигурен сум дека многумина славеле „во себе“, им лекнало што во евроизвештајот за Македонија останале и „вториот протокол“ и сѐ друго што ја кочи земјава во отворањето на пристапните преговори. И немам дилеми дека се точни – некои баш запнале да мислат дека се пресудни! – и многу други наводи за нашето неспроведување на очекуваните реформи (особено во правосудството), во борбата против корупцијата, заштитата на животната средина итн. Иако тие немаат никаква врска со почетокот на македонските пристапни преговори!

Зашто, замислете, според идејата на онаа „демократија“ викана еу (малите букви се…), во сите аспекти на започнувањето на пристапните преговори подобри од нас се дури и една Молдавија, па Украина (земја во војна), па и Албанија…! А Украина не си ги знае ни границите, ама ги исполнува условите за почеток на преговори.

Со таква „демократија“ тешко е да се бориш, особено кога и дома имаш идентични „демократи“!

Но ужасот без крај не е и крај на светот, иако кога ја гледате таа „еу демократија“ и тој еу парламент, кога слушате кој сѐ има право таму да тресе глупости, да крева два прста и да одлучува за нечии судбини…, крајот на светот сепак ви се гледа многу блиску, нели. Она што Македонија го помина во овие 22 години како земја кандидат, сето она што моравме да го голтаме од коекакви не само бугарски бивши уличари и ултранационалисти туку и од високопозиционирани полуписмени европски „демократи“ е – ужасно. А сепак, крајот на ужасот, барем во еден мал дел, зависи и од нас!

И повторно: иако не е баш крај на светот, ние се чини успеваме да стасаме и до последната граница на глупоста, до апсурдот односно неговиот пароксизам: странците – поточно известувачот за Македонија во европскиот парламент, голем дел од пратениците, како и видни политички имиња од меѓународната јавност – да укажуваат на неодржливоста на „вториот протокол“ во македонските евроинтеграции и да бараат негово премостување, додека еден грст домашни политиканти – или зошто не би ги викале „бугараши“? – хистерично инсистира на паролата „Бугари во Устав“!

И тоа веќе не е незнаење, неукост, политикантство…, не е само ни некаков ирационален инает или што и да е што произлегува од некакви патолошки состојби…. Ова дефинитивно смирисува – поточно: баш смрди! – на заедничка агенда, на исполнување на некакви и нечии желби…, на систем што треба целосно да ја понижи не само новата власт туку со неа и целата држава и да ги дезавуира сите компетентни предупредувања за можните далекусежни и крајно непредвидливи последици од таквото инсистирање. Се создаваат и локални непринципиелни коалиции, непримерни „дружби“ на шуто и рогато, на „смртни“ непријатели (или сето тоа во минатото била само глума?), се шират не само лажни вести (што потоа се припишуваат на „прокси војната“ и Русија) туку и алармантни „видовитости“ и предупредувања…

Клиентелистичките мегафони ечат на најсилно – загрижени се наводно за иднината на земјата зашто општеството било „прилично дезориентирано“ и без „верба во иднината“, онаа иднина без нивните газди на кормилото на државата. И ете, заради тоа не ќе можеле да градат демократија (sic). Како воопшто некогаш да имале такви амбиции! Угурсузи, ѓубреџии, бедни платеници…

Згора, ако навистина некој низ „општествово“ шири дезориентираност, апатија, песимизам, сомнежи во функционалноста на власта и нејзината предодреденост, или посветеност, како сакате, на евроинтегративниот пат, тогаш тоа била токму нивната номенклатура и никој друг. Пардон – и на нивниот бивш криминално-коруптивен коалициски партнер, сега нокаутиран и избркан во длабока илегала од која што тук-таму крева глава за да посее уште некое зрнце омраза и кавги. Но за тоа во некоја следна прилика.

И од секој нивен збор, безмалку од секоја нивна мисла, се истура некакво ужасно патолошки болно задоволство што, ете, бугарското мнр (малите букви се…) ни држи лекција дека палењето на два автомобили на бугарската амбасада во Скопје е „резултат на агресивен политички говор, поттикнување омраза и недостаток на соодветен одговор од страна на институциите во претходни слични случаи, што создава чувство на неказнивост за сторителите“. Ама никако да ги идентификуваат сите оние претходни историски „лекции“ што оваа држава мора(ше) да ги голта од нивните диригирани приземни историци, па дури и да се правда пред Европа и светот дека и ние имаме право на самоопределување, на самоидентификација и културна реализација, дека дури ни еу нема право на мешање во Уставот на суверена замја-кандидат итн. Па можно ли е на еден португалски европратеник да му е јасно дека во случајот со Македонија станува збор не за политика на проширување или за „Копенхашките критериуми“ туку за познатата девиза „раздели па владеј“, но на овдешната клиентелистика сето тоа да им е – нормално?

И одеднаш, баш Владата во Македонија е таа што „овозможи атмосфера во која Бугарија се смета за најголем душман на Македонија“, ама тоа, според сѐ, не е така, нели? И баш ние а не бугарските ултранационалисти сме тие кои „придонесоа денес да живееме во експлозивен амбиент кога ќе се спомене источниот сосед“?! Па нормални ли се овие луѓе, има ли нивниот клиентелизам и подаништво граници или баш сѐ е дел од нивната алаш-вериш „политика“?

И уште колку шамари треба да им поделат Радев и сега Борисов, кој хируршки прецизно и по којзнае кој пат потенцира дека: „Бугарите мора да бидат вклучени во Уставот на нашиот западен сосед, за да може да го почне својот суштински процес на преговори. За да продолжат овие преговори и Договорот за пријателство и добрососедство и сите негови протоколи мора строго да се спроведуваат, како што всушност е предвидено во европската преговарачка рамка. Сè друго ќе наиде на недоразбирање и широк институционален и јавен отпор, и во Бугарија и во Европа“ (sic!).

И за да ужасот без крај се комплетира, дали и понатаму ќе слушаме дека грижата за идентитетот ни е само алиби за блокада, дека самите си копаме подлабоко во живиот песок на балканската изолација, па дури и дека некаква наша манифестирана фрустрација кон Западот не е ништо друго туку подготовка за промоција на некаква „резервна варијанта“ односно аплицирање на турскиот капитал како примарен економски и политички сурогат?

Уште што друго им треба на шупелкиве за да ја разберат подмолната стапица поставена од бугарија и еу на македонскиот евроинтрегративен пат? Локалнава бугаровидна номенклатура е глупава, но не баш толку за да не умее да го прочита напишаното, црно на бело. Што повторно ќе рече дека ова веќе одамна не се само наивни опозициски игри за политикантско поткопување на новата власт, особено во делот на европолитиките. Дали сега ни е појасна улогата на сите оние празноглави „мудреци“ кои веќе две години долж и попреку фрлаат дрвја и камења дека некој овде ирационално, свесно и намерно заостанува на еу линијата, кои пелтечеа за неспроведувањето на потребните реформи сакајќи да ги прикријат децидните изјави на „маршалот“ со пластична ѕвезда Радев и неговиот пиштолџија Борисов и основниот план: ни чекор понатаму кон еу?

И до кога „бугарашиве“ ќе го потхрануваат овој ужас без крај? Или навистина мислат дека тој веднаш ќе сопре во моментот кога би ги впишале оние 250 Бугари во Уставот?

Извор: Теодосиевски уметност

The post Ужас без крај, но сепак: не дека е крај на светот… appeared first on plusinfo.mk.

Политичкото раководство на државата Република Северна Македонија тврдоглаво оди против интересот на сопствените граѓани за побрза европска интеграција, рече денеска премиерот на Бугарија Румен Радев.

– Властите во Скопје всадуваат говор на омраза, покажуваат нетолеранција и ја користат историјата како алатка во меѓународните односи – рече тој.

Радев потсети дека Бугарија инсистирала на вклучување на Бугарите во Уставот, токму за да ги заштити нивните права.

– Тогаш бев сам против сите. Успеав да ги убедам сите европски лидери да го сфатат проблемот со почитувањето на човековите права, за да можеме да го поставиме најферското нешто во преговарачката рамка – вклучување на Бугарите во Уставот и спроведување на Договорот за добрососедство, особено вториот протокол – истакна тој.

Радев рече дека во последно време има колебање во ставовите кај некои европски лидери во врска со ова прашање, а тоа го забележал и на Самитот ЕУ-Западен Балкан во Црна Гора.

– Сега јас повторно мора да вложувам напори да ги убедам каде и како треба да се држи Европа, како сојуз кој теба да ги штити интересите на сите граѓани во тој сојуз. Има колебање во ставовите на редица европски лидери, коенастана во времето кога мене ме немаше во ЕУ.  Некој не си ја завршил работата. Сега јас треба повторно да ги убедам лидерите на ЕУ дека консензусот постигнат во јули 2022 година мора да се почитува. Тоа и ќе го направам – рече Радев.

На прашањето дали однесувањето на властите во Скопјe покажува желба за членство во ЕУ, тој одговори:

– Не. Политичкото раководство прави сè што е можно за да го одложи членството на нивната земја во Европската Унија – рече премиерот на Бугарија.

На прашање за коментар во врска со палењето на двата дипломатски автомобили пред бугарската амбасада во Скопје и дали има протор за средба со македонскиот премиер Христојан Мицкоски, Радев рече:

– Нема место за таква средба затоа што проблемот не е двостран. Мицкоски има проблем со Европската Унија Нема место за таква средба затоа што проблемот не е двостран. Мицкоски има проблем со Европската Унија и Република Северна Македонија отсега па натаму ќе мора да ја убеди ЕУ дека дека ги почитува човековите права и дека може да ја гарантира безбедноста на сите дипломатски мисии на нејзина територија – рече тој.

Големиот проблем, додаде, е во тоа што ваквите инциденти не само што не се казнуваат од актуелното политичко раководство, туку се поттикнуваат и се користат во предизборни кампањи.

– Додека нема јасно утврдени принципи на владеење на правото, сè додека нема последици за сторителите на вакви недостојни дела, не може да има напредок. Ние немаме што повеќе да си кажеме со премиерот на Северна Македонија. Тој мора да им објасни на Европската Унија и на Европската Комисија како конечно ќе ги исполнат критериумите за членство – рече Радев.

БУГАРИ ВО УСТАВ ЗА ДА ПОЧНАТ ПРЕГОВОРИТЕ, ИСПОЛНУВАЊЕ НА ПРОТОКОЛИТЕ – ЗА ДА ПРОДОЛЖАТ! Борисов потврди дека Софија ќе продолжи да ја блокира Македонија

The post НЕМА ПРОСТОР ЗА СРЕДБА СО МИЦКОСКИ Радев повтори дека освен уставни измени, треба да се спроведе и вториот протокол од Договорот за добрососедство appeared first on plusinfo.mk.

Дафина Стојаноска, член на ИК на ВМРО-ДПМНЕ, во изјава за Алфа телевизија, по повод одбележувањето на 36 годишнината од основањето на ВМРО-ДПМНЕ, настан кој вечерва се одржува во Струмица под мотото „Македонија забрзува, наша обврска”, истакна дека ВМРО-ДПМНЕ и денес продолжува по истата патека како и пред 36 години кога партијата беше формирана, со цел развивање на демократските вредности во самостојна и независна Македонија, но секако денес, во согласност со предизвиците кои ги носат новите времиња.

– Денес се соочуваме со нови предизвици, но секако дека не забораваме како започнавме, кои беа идеалите и секако дека со нив, треба да ја газиме и иднината. Европскиот пат е зацртан и во статутот на нашата партија, од нејзиното формирање до денес. Европските реформи, коишто секако дека од нас се бараат треба да се воведат, но секако кажувајќи ја вистината за Македонија и за онаа неправда којашто Бугарија сака да ни ја наметне, а којашто за жал ја прифатија СДС и ДУИ кои ја предводеа владата пред две години – рече Стојаноска.

Стојаноска во својата изјава уште еднаш го истакна јасниот и непроменет став на ВМРО-ДПМНЕ, за европскиот пат на државата, нагласувајќи ја неопходноста од гаранции дека вметнувањето на Бугарите во Уставот ќе биде последното барање од страна на Бугарија за членството на Македонија во Европската Унија.

– Ние секогаш и секаде го кажуваме нашиот став и нема промена на нашиот став, бидејќи сите се свесни дека без пратениците на ВМРО-ДПМНЕ, во било коjа комбинациjа во Парламентот, не може да се случат повторни уставни измени и да, нашиот став е уставни измени со гаранции дека вметнувањето на Бугарите во Уставот ќе биде конечно и последно барање од страна на Бугарија, а не прв чекор после којшто ќе згазиме во нова бездна којашто ќе значи повторно бескрај на патот за Европа – децидна беше Стојаноска.

The post ВМРО-ДПМНЕ ИМА НЕПРОМЕНЕТ СТАВ ЗА ЕВРОПСКИОТ ПАТ НА МАКЕДОНИЈА Уставните измени мора да бидат последно бугарско барање за членство во ЕУ appeared first on plusinfo.mk.

Веројатно на секој разумен човек му е повеќе од јасно дека државата денес е исправена пред можеби најопасните предизвици во поновата историја – пред општа културна војна со непредвидливи далекусежни последици. Воведот, или прологот, на тој предизвик започна уште во онаа 1991 година со „спорот за името“, а првиот чин заврши во јуни 2018 година со она фрапантно „на слепо“ и апсолутно неморално коцкање со уставното име на државата, во тој миг признаено од 140 држави во светот, вклучувајќи ги и САД, Русија, Кина итн.! Не само спротивно на ставот на мнозинството граѓани кои отворено искажуваа несогласување и револт туку и заради фактот што тогашната власт беше наивно злоупотребена и изманипулирана околу ветувањето за започнување на пристапните преговори со еу (малите букви се…) веднаш по промената на уставното име! И скандалозно лажеше и го премолчуваше тој факт, потоа страотно перфидно манипулирајќи и со „референдумското“ прашање (за што подробно и аргументирано пишуваше Д. Апасиев) итн.

Не треба да се заборави дека заради сето тоа, опозицијата (сегашна власт) не даде парламентарна поддршка на „Преспанскиот договор“, но еден нејзин дел – во моментов неважно како и зошто – сепак на тогашната власт (сега опозиција) ѝ обезбеди двотретинско мнозинство за изгласување на уставните амандмани!

Денес ситуацијата како да е многу слична: тогашната власт – денес опозиција – не само што воопшто не е кооперативна во однос на вкупната надворешна политика, туку прави сѐ – дури и најнеочекувани лупинзи – да ја отежне меѓународната положба на власта поради нејзиното спротивставување на политиката на уцени од страна на источниот сосед и еу! Но и многу, многу различна: тогашните аргументи на опозицијата (сега власт) беа/се неспоредливо поцврсти, појасни, поддржани од голем дел од јавноста и граѓаните, но и од видни личности од меѓународната јавност. Што не е случај со опозициското иритантно инаетење и крајно сомнителното подметнување и манипулирање со необјаснивата флоскула „Бугари во Уставот“.

Сепак, некој ќе рече дека е тоа нејзино право, дека таа треба да се држи до сопствените политички убедувања (коишто, за жал, јавноста не може да ги види!) и очекувањата на нејзините гласачи (коишто се во огромно малцинство!) итн. Меѓутоа, тоа нејзино „право“, па и „политичко“ убедување, апсолутно се релативизира во ситуации како денешната во државата. Зашто овде веќе не станува збор за едни или други „политики“, туку за суштинскиот опстанок на државата и нејзината историја, јазик, култура и идентитет, наспроти обидите на опозицијата за релативизација на тие нешта и барањето за итна промена на Уставот во насоката на ветото на источниот сосед и еу. Без објаснувања, без гаранции, безусловно, наспроти сите аргументирани предупредувања од компетентни поединци во државата и вон неа… !

Секој кој ќе ги употреби зборовите неразумна, неука, скандалозно недржавничка… лекомисленост со елементи на длабоко предавство би бил во право. Поинакви зборови би биле перверзно прикривање на суштината.

Зошто? Затоа што, како што веќе пишував, одамна не станува збор за детински забавишни игри за тоа кој е посилен или може подалеку да скокне. Актуелниот премиер и доскорешен претседател на бугарија (малите букви се…) јасно и гласно порачува: „Нашата позиција е дека не треба да внесуваме наследени политички и историски проблеми внатре во европското семејство. Верувајте дека ќе продолжиме да стоиме зад ова позиција“!

Оттука, ако „посилната“ страна (како што некои наши празноглави „мудреци“ сакаат да ја претставуваат бугарија) нема намера да внесува во пристапниот процес „наследени политички и историски проблеми“, знае ли некој во македонската опозиција (или во прв ред во онаа секта што ја глуми некогашниот СДСМ) на што се однесува тоа? Или тоа нив не ги интересира? Ако е тоа така, а така изгледа, зарем нивната глупост, ароганција, незнаење и незаинтересираност за судбината на државата треба да ја турне истата во неизвесен процес на преиспитување на целата историја на Македонија? И б’лгарски индоктринирани историци да ни држат лекции кои сме, што сме, какви сме, од кога сме…?

Зашто, како и да ја вртите искажаната од Радев формулација, таа значи – токму тоа! Свесен ли е докторон за тоа, или оној „меѓународнион“ шарлатан, или веќе смешнана заменик претседателка и целиот Ивршен одбор…? Кога некому, а особено на бугарија, буквално ќе му седнете в скут со таква дозвола, тогаш следи историски, јазичен, идентитетски, национален… масакр! Односно – вториот чин во трагедијата.

Или, поинаку поставено: не е ли основен политички ред опозицијата конечно да се изјасни дали со прифаќањето на уцената „Бугари во Устав“ и т.н. „француска рамка“ за почеток на пристапните преговори едновремено ја прифаќаат и „заедничката историја“ и разрешување на оние „наследени политички и историски проблеми“ што се вртат во главата на Радев и бугарските ултранационалисти? Зашто тој процес нема да биде уште една домашна политикантска манипулација како „Преспанскиот договор“. Тоа ќе биде комплетен историски масакр на македонското право на сопствена историја, на саможртвата на оние национални револуционерни дејци, ќе биде черечење на македонскиот јазик како „блгарски дијалект“ (што неодамна, повторно, го слушнавме во Софија!), ќе претставува целосно откажување од македонските корени и национални проблесоци… итн.

Или Филипче и неговата булумента не мислат така? Во ред, и тоа е, во крајна линија, нечие право, но никој од нив, ама баш ниту еден, уште помалку некој од онаа клиентелистичка сурија што се влече зад нив, не кажал како инаку го замислуваат тој процес? Или мислат дека оние од онаа страна на границата ќе демонстрираат витешка милост наместо да им го пресечат вратот? Е па ако до денес не ги разбрале источните претензии, никогаш нема да ги разберат.

Но, повторно, а со цел да придобијат дел од граѓаните односно гласачкото тело на своја страна, некој од таа секташка булумента мора јавно да одговори на сите овие прашања. И на многу дури. А ќе ги има, богами, илјадници.

Или мислат дека онаа ултранационалистичка орда од другата страна на границата ќе им дозволи „историческо надхитряне“? Зарем може да се толку наивни?!

П.С.

Се разбира, она „уште“ во насловот се однесува на идиотското „согледување“ на некаква општинска организација на сектана од Свети Николе дека злостортствата на бугарскиот фашистички окупатор, како оној масакр на младинци во Ваташа, „не се вршени на национална основа (…) туку е тоа период на идеолошка војна помеѓу поддржувачите на комунистичкото и партизанското движење од една страна и врховисти, усташи, балисти и четници од друга страна“. И токму на вакви скандалозни „мудрувања“ на коекакви токмаци од таа секта што веќе утре можат да ни се случат мислам погоре. Каде ли живеат тие луѓе, во кој свет, и што наместо сива материја имаат во главите?

Извор: Теодосиевски уметност

The post Историски масакр во два чина, или: која историја (уште) ќе ја менуваат? appeared first on plusinfo.mk.

Претседателот на Движењето ЗНАМ за Наша Македонија, Максим Димитриевски, во интервју за „Фокус“ упати остри критики кон СДСМ, оценувајќи дека партијата продолжува со, како што рече, старата матрица на политички спинови и дефокусирање на јавноста од сопствените проблеми.

Димитриевски изјави дека обидите за создавање приказни за наводни незадоволства и поделби во ЗНАМ се дел од политичка стратегија на раководството на СДСМ.

– Сите овие приказни што периодично се пуштаат во јавноста дека некој бил незадоволен или маргинализиран се дел од старата матрица на политичкиот спин, поттикната од необољшевиците што сега го водат СДСМ и се обидуваат своите внатрешни проблеми да ги рефокусираат кај конкурентните партии – истакна Димитриевски.

Тој нагласи дека ЗНАМ останува стабилен политички субјект со сопствен интегритет и јасна визија, додавајќи дека движењето не функционира како привезок на туѓи политики.

Според него, ЗНАМ гради автентичен политички концепт во Македонија, со јасно поставени принципи и црвени линии.

Осврнувајќи се на прашањето за уставните измени и внесувањето на Бугарите во Уставот, Димитриевски повтори дека неговата партија нема да поддржи решенија што, како што рече, се наметнуваат под диктат и со постојани нови условувања.

– Ако воопшто се отвора Уставот, тоа мора да биде резултат на јасен внатрешен консензус и реални, проверливи гаранции за националните и државните интереси и врз база на реципроцитет. Без тоа, секое инсистирање е само продолжување на политичка несигурност и постојано поместување на условите – нагласи претседателот на ЗНАМ.

Димитриевски порача дека пратениците на ЗНАМ ќе носат одлуки исклучиво во согласност со националниот и државниот интерес, Уставот и програмските принципи на движењето.

Во интервјуто тој посочи дека ЗНАМ ќе продолжи со политиките насочени кон, како што наведе, градење стабилна држава, силни институции и решенија во интерес на граѓаните, со фокус на долгорочен раст и развој на државата.

The post СДСМ СЕ ОБИДУВА ДА ГИ СОКРИЕ СОПСТВЕНИТЕ ПРОБЛЕМИ Необошевици ја водат партијата, тврди Димитриевски appeared first on plusinfo.mk.

Пред средбата со францускиот претседател Емануел Макрон во средата во Париз, бугарскиот премиер Румен Радев откри дека прашањето за внесувањето на Бугарите во Уставот на Македонија го поставил уште во 2021 година.

– Ми требаше една година да ги убедам европските лидери зошто тоа треба да се случи. Му оддавам признание на претседателот Макрон, кој прв ја согледа оправданоста на оваа идеја и со заеднички напори таа беше вклучена во преговарачката рамка во јули 2022 година. Верувам дека на денешната средба ќе обезбедиме поддршка од Франција, за овој консензус да се спроведува во целост – ја пренесоа бугарските медиуми изјавата на Радев.

Деновиве Радев престојува во официјална посета на Париз и Брисел, каде што на агендата има средби со повеќе европски лидери. По посетата на Франција, Радев ќе патува за Брисел, каде што има средба со белгискиот премиер Барт де Вевер, а утре бугарскиот премиер се среќава и со генералниот секретар на НАТО, Марк Руте. На агендата се и разговори со претседателката на Европската комисија, Урсула фон дер Лајен, како и со претседателот на Европскиот совет, Антонио Кошта.

На прес-конференцијата во Париз Радев рече дека Европа мора да ја преиспита својата досегашна политика кон војната во Украина и да преземе поактивна улога во мировните преговори со Русија. Тој оцени дека дипломатијата треба повторно да стане клучен инструмент за решавање на конфликтот, додавајќи дека приоритет за бугарската влада е безбедноста и животниот стандард на бугарските граѓани, а не носење одлуки за дополнителна финансиска помош за Украина. Тој се осврна и на енергетската политика, нагласувајќи дека нуклеарната енергија треба да биде признаена како зелена и стратешки важна за Европа, при што ја потенцираше и соработката меѓу Бугарија и Франција во областа на нуклеарната енергетика и железничката инфраструктура.

The post МИ ТРЕБАШЕ ЕДНА ГОДИНА ДА ГИ УБЕДАМ ЕВРОПСКИТЕ ЛИДЕРИ ЗА УСЛОВОТ „БУГАРИ ВО УСТАВ“! Румен Радев се пофали како ја изблокирал Македонија на патот кон ЕУ appeared first on plusinfo.mk.

Заслепен од желбата да дојде на власт, Венко Филипче се претвори во специјален бугарски пратеник и единствен кој верува дека уставните измени се последната и единствена пречка на патот кон Европската Унија, соопшти ВМРО-ДПМНЕ.

„Наспроти пораките на официјална Софија дека Бугарите во македонскиот Устав се последно барање, на кои им веруваат само СДСМ и Филипче, бугарскиот премиер Румен Радев има јавни настапи каде што вели дека македонските револуционери како Гоце Делчев и Јане Сандански се Бугари. Радев оди понатаму и вели дека дејци како браќата Миладиновци, основоположниците на словенската писменост светите браќа Кирил и Методиј, како и Климент Охридски и Наум Охридски се Бугари и се дел од бугарската историја. Бугарскиот премиер, поранешен претседател Румен Радев, го негира и македонскиот јазик, при што вели дека потекнува од бугарскиот и дека постои од 1945 година“, се вели во соопштението.

Ова не е сè, се додава, Радев го оспорува и го негира и македонскиот идентитет, за кој, исто така вели дека пости од 1945 и дека пред тоа сме биле Бугари.

„Кај што стигнал на јавен настап пред поголема маса на луѓе Румен Радев не се воздржува, славната и надалеку прочуена македонска историја да ја претставува како бугарска. Потрагично од сето ова е што од домашните предавници СДСМ, Зоран Заев и Венко Филипче нема осуда за ваквите јавни негирања, оспорувања и присвојувања на македонските национални обележја, херои, великодостојници, историја и култура, иако сето ова се случуваше и во периодот кога тие беа власт во Македонија“, соопшти ВМРО-ДПМНЕ.

СДСМ и Венко Филипче за негирањата молчат, но затоа, пак, се најгласни за прифаќање на бугарските ултиматум, додава партијата.

„Филипче се претворил во пиун на Радев, на кој збор не смее да му врати и во специјален бугарски пратеник за спроведување на бугарската агенда. Многу е очигледно дека внесувањето на неколку илјади Бугари во Уставот не е ниту единствен, ниту последен услов за евроинтегративниот процес, туку Бугарија има пошироки барања за Македонија, кои директно навлегуваат во прашањата за македонскиот идентитет, историја и културно наследство“, се вели во соопштението.

Од друга страна, се додава, на виделина излегува тоа дека Филипче, исто како и Заев, за власт и за амнестија на криминалите е спремен на нови национални предавства.

„Граѓаните имаат право да знаат какви сè идентитетски и национални отстапки би следеле доколку СДСМ и Венко Филипче повторно добијат можност да дојдат на државни позиции и да одлучуваат за државни работи“, порачува ВМРО-ДПМНЕ.

На македонските граѓани им е доста од отстапки и ултиматуми, додава партијата, тие остро се спротивставуваат на поданичката политика на СДСМ и на Филипче, која ги донесе да бидат трета партија, со едвај 130.000 гласови.

„ВМРО-ДПМНЕ смета дека македонските национални интереси, достоинството на државата и историската вистина не смеат да бидат предмет на политички договори и трговија за власт и цврсто стои на овој став, кој граѓаните го препознаваат“, се вели во соопштението на ВМРО-ДПМЕ.

The post РАДЕВ НЀ НЕГИРА, ФИЛИПЧЕ ЗБОР НЕ СМЕЕ ДА МУ ВРАТИ Нека каже на какви отстапки кон Бугарија е подготвен ако стане премиер appeared first on plusinfo.mk.

Само специјалниот бугарски пратеник Венко Филипче слепо му верува на Румен Радев кога вели дека уставните измени се последната препрека за влез на Македонија во ЕУ, рече денеска портпаролот на ВМРО-ДПМНЕ, Валентин Манасиевски.

– На сите им е јасно, па дури и на птиците, дека уставните измени за внесување на Бугарите во Уставот е само првиот од многуте чекори кои бугарските власти ги имаат кон нас, а се однесуваат на македонскиот јазик, историја, култура и идентитет – рече Манасиевски.

И ова не го говориме ние како ВМРО-ДПМНЕ, туку тоа го говори сегашниот премиер на Бугарија, додаде тој.

– Во видео од 2019 година, кое е повторно актуелно на социјалните мрежи, Румен Радев како тогашен претседател на Бугарија, пред голем аудиториум на конференција во Русија на којшто присуствува и Владимир Путин, говори за македонската историја, но во бугарски контекст. Румен Радев во своето обраќање говори дека Гоце Делчев е Бугарин и дека писменоста дошла од Бугарија, а не од Македонија. Од македонските власти во тоа време, предводени од Зоран Заев и Венко Филипче, немаше никаква осуда за конкретниот говор на Румен Радев – рече Манасиевски.

Со ова, потенцира Манасиевски, јасно се докажува дека на Бугарија и на Румен Радев не им е само до внесување на 2.000-3.000 луѓе во Уставот на Македонија кои се чувствуваат како Бугари, напротив тие сакаат комплетно да ја редефинираат македонската историја, македонскиот јазик, култура и идентитет.

– Или попластично објаснето, доколку Филипче дојде на власт би им дозволил на Бугарите без задршка Гоце Делчев, Јане Сандански, Питу Гули, Даме Груев да бидат Бугари кои се бореле за бугарската држава, Кирил и Методиј да бидат Бугари кои ги описмениле словенските народи, секако по ова македонскиот јазик би бил од 1945 година па наваму, исто како и дека македонскиот идентитет е од по Втората светска војна, а сè пред тоа било бугарско. Венко Филипче и СДСМ за само еден ден би ја продале државата и око нема да им трепне, за власт, за амнестија од криминалите, за да можат да ја крадат државата и за моќ. ВМРО-ДПМНЕ тоа нема да го дозволи заедно со граѓаните кои ја ценат и ја поддржуваат нашата достоинствена политика која носи добробит на македонскиот народ – порача Манасиевски.

The post ФИЛИПЧЕ ЗА ЕДЕН ДЕН БИ ЈА ПРОДАЛ ДРЖАВАТА И ОКО НЕМА ДА МУ ТРЕПНЕ Бугарија сака комплетно да ги редефинира македонската историја, јазик и идентитет appeared first on plusinfo.mk.

Само специјалниот бугарски пратеник Венко Филипче слепо верува на политиките на Румен Радев дека уставните измени се последната препрека за нашиот влез во ЕУ, велат од владејачката ВМРО-ДПМНЕ.

Но, додаваат од партијата, не само што уставните измени не е последната препрека, туку не е ниту последно барање на Бугарија.

-На видео од 2019 година, слушаме како сегашниот премиер на Бугарија, Румен Радев јасно кажува дека Гоце Делчев е Бугарин и ги претставува неговите негаторски видувања за Македонија. Ова е од периодот кога Филипче и Зоран Заев се власт и секако немаа никаква осуда за овој говор на Радев – велат од партијата.

 

View this post on Instagram

 

A post shared by Златна България (@golden.bulgaria)

Оттаму го прашуваат лидерот на СДСМ дали го гледал ова обраќање на Радев и дали смета дека само Бугарите во Устав е проблемот кој се наѕира?

-Уставните измени се само првиот од многуте барања кои ги имаат Бугарите, а се однесуваат на бугаризација на наши историски ликови како Гоце Делчев, Кирил и Методиј, Јане Сандански, негирање на идентитетски разлики, негирање на македонскиот јазик и култура, како и менување на комплетната историја на Македонија – велат од ВМРО-ДПМНЕ.

The post 📽️ САМО ФИЛИПЧЕ СМЕТА ДЕКА „БУГАРИТЕ ВО УСТАВ“ СЕ ЕДИНСТВЕН ПРОБЛЕМ СО РУМЕН РАДЕВ Владејачката ВМРО-ДПМНЕ го прашува дали го слушнал говорот на Радев од 2019 година appeared first on plusinfo.mk.