Венко Филипче не ги брани македонските позиции и македонските интереси, туку упорно ја застапува агендата која целосно им одговара на официјална Софија и на бугарските интереси, се наведува во соопштение од ВМРО-ДПМНЕ.

„И покрај тоа што Македонија се соочува со постојани негирања на својот национален идентитет, јазик и историја, Филипче секојдневно настапува како портпарол на политиките на Бугарија кои бараат нови отстапки од македонска страна, без никакви гаранции и без никаква извесност за европската иднина на државата.

СДСМ и Венко Филипче не нудат визија, не нудат план и не нудат решенија. Единствената политика на СДСМ и Филипче е слепо прифаќање на сите барања кои доаѓаат однадвор, без притоа да покажат минимум достоинство и грижа за државните интереси.

Филипче продолжува да ја пласира истата реторика која со години ја слушаме од бугарските власти дека Македонија мора безусловно да попушта, а Бугарија не мора да направи ниту еден чекор кон почитување на македонскиот народ и неговите права.

Наместо да се бори за подобра преговарачка позиција на Македонија, Филипче упорно се бори за спас на сопствената политичка кариера. Токму затоа секој негов јавен настап е исполнет со истите пораки, истите флоскули и истите притисоци врз македонскиот народ.

Време е Венко Филипче да разбере дека Македонија нема да оди напред преку понижувања, уцени и национални отстапки. Македонија ќе оди напред само со политики кои ги штитат државните и националните интереси, а не со политики кои служат на туѓи агенди.

Граѓаните заслужуваат политичари кои ќе ја претставуваат Македонија, а не политичари како Филипче кои ќе ги оправдуваат позициите на другите држави.

Владата предводена од ВМРО-ДПМНЕ останува цврсто посветена кон европскиот пат, но тој пат треба да биде базиран на принципи а самиот процес да е кредибилен и предвидлив“ – се вели во соопштението на ВМРО-ДПМНЕ.

The post ФИЛИПЧЕ ДА ПРЕСТАНЕ ДА ПРИФАЌА СЀ ШТО ДОАЃА ОДНАДВОР Така ќе ја засили македонската преговарачка позиција appeared first on plusinfo.mk.

– Кога некоја високообразовна институција од Бугарја бара да отвори овде универзитет, а ги исполнува условите, а ние го спречиме тоа и покрај исполнувањето на условите тогаш не сме пријатели – рече премиерот Заев одговарајќи на пратеничко прашање.

Пратеничката Гордана Силјановска Давкова од Заев побара одговор врз која основа е дадено решение и одобрување за овој универзитет и забележа дека тој нема да придонесе за поквалитетно образование на младите, поради тоа што, како што истакна, е на 3.765 место на Шангајската листа на најдобрите универзитети во светот.

Според Заев, ова се регулира и со членот 24 од Законот за високо образование и врз основа на одобрение од Владата по претходно мислење на Одборот за акредитација и евалуација на високото образование. 

– Кога ви аплицира институција согласно законите во нашата земја и притоа ги исполнува условите во Законот и во прилог дава заинтересирани идни студенти коишто пријавиле интерес да го аргументирам тоа дека е така. Вие не можете да донесете одлука да видите дали е од прво рангираната или од шестилјадитата рангирана институција по Шангајската листа. Овде не пишува по Шангајската листа како да се водиме ние во законите. Ако некој ги исполнува законските услови треба да постапиме позитивно -рече премиерот Заев.

Законот, додаде Заев, е јасен и наставата таму треба да биде на некој од признатите јазици – англискиот, италијанскиот, германскиот, францускиот или македонскиот јазик.

Тој вели дека нема да има недоразбирања заради сличното име со Универзитетот „Свети Кирил Методиј“ од Скопје.

– Во самите дипломи има јасно кој тоа универзитет дал диплома. Се знае дека е „Свети Свети Кирил и Методиј“ од Велико Трново кој има овде отворено високообразовна институција, е различен од нашиот македонски универзитет „Свети Кирил и Методиј“ во Скопје кој што ги издава дипломите – рече Заев одговарајќи на прашање на пратеничката Силјановска Давкова.

The post Заев не ја есапи Шангајската листа: Македонија дала дозвола за бугарски универзитет кој е на 3.765 место во светот appeared first on plusinfo.mk.

– Ако Бугарија го блокира почетокот на преговорите за членство на Северна Македонија во ЕУ, можно е истото да го стори и со Албанија, бидејќи Софија претходно инсистираше дека двете земји, кои годинава добија зелено светло од Брисел за старт на преговорите, треба да одат заедно во пакет – додава порталот.

Германија, пак, инсистира на одржување на првите меѓувладини конефернции со двете земји до крајот на нејзиното претседавање со ЕУ, па од таму, според „Балкан Инсјат“, Берлин ги интензивира дипломатските напори за надминување на спорот за историјата и јазикот меѓу Бугарија и Северна Македонија, со цел да не се блокира почетокот на преговорите за членство на Скопје со Унијата.

Порталот потетстува дека во тој контекст шефот на германската дипломатија Хајко Мас и министерот за Европа, Михаел Рот во понеделникот беа домаќини на министерот за надворешни работи на Северна Македонија Бујар Османи и вицепремиерот задолжен за европски прашања, Никола Димитров и на шефицата на бугарската дипломатија Екатерина Захариева.

Според „Балкан инсјат“, и германскиот претседател Франк-Валтер Штајнмаер се приклучи кон напорите за изнаоѓање решение, со телефонски разговор со шефот на државата Стево Пендаровски, по што „се очекува своето внимание да го насочи кон бугарскиот претседател Румен Радев“.

Порталот потестува дека Бугарија не го признава македонскиот јазик и го смета за дијалект на бугарскиот, па бара во рамки на ЕУ тој да се нарекува „официјален јазик според Уставот на Северна Македонија“. – Ова е истата формулација употребена во историскиот Договор за пријателство, што двете соседни земји го потпишаа во 2017 година, додава инфопорталот.

– Бугарија, исто така, ги оспорува и македонските ставови за некои прашања од историјата, како што е етничкото потекло на револуционерот од отоманскиот период Гоце Делчев, кој двете земји го слават како национален херој – додава „Балкан Инсјат“.

The post „Балкан Инсајт“: Спорот меѓу Скопје и Софија може да го загрози проширувањето на ЕУ appeared first on plusinfo.mk.