Челичните ходници под Банкова повторно проговориле. Украинскиот претседател Володимир Зеленски објавил снимка по повод 4 години од почетокот на целосната руска инвазија и ја покажал внатрешноста на бункерот во Киев, од каде во првите денови барал оружје и поддршка од светските лидери.

Истовремено, тоа е бункерот во кој Зеленски се засолна додека имаше повеќе обиди за ликвидација на украинското раководство од страна на руските служби. Според украинската страна, руски диверзантски групи планирале атентато врз Зеленски и пуч во Киев во првите часови од војната.

Станува збор за засолништето на улицата Банкова, каде што се наоѓа претседателската администрација. Од таму се одржувале дневни воени брифинзи, телефонски разговори и клучни одлуки во најкритичните моменти.

– Ова е денот кога поминаа точно четири години откако Путин ја започна својата тридневна кампања врз Киев. Самото ова многу кажува за нашиот отпор, за тоа како Украина се бореше цело време. Зад овие зборови стојат милиони наши луѓе. Зад овие зборови стојат огромна храброст, неверојатно напорна работа, издржливост и долгиот пат по кој се движи Украина од 24 февруари – рече Зеленски.

„Нашиот народ избра отпор“

На видеото се гледаат долги коридори и канцеларии каде што работеле стотици соработници.

– Нашиот народ не го крена белото знаме, туку го бранеше сино-жолтото. А окупаторите, кои мислеа дека тука ќе бидат пречекани од масите со цвеќиња, наместо тоа видоа редици пред регрутните центри. Нашиот народ избра отпор – рече Зеленски.

Тој се присети на првите денови кога цивили формирале човечки ѕидови и запирале воени колони.

– Обичните луѓе буквално формираа човечки ѕидови, запираа колони од воени возила и заедно го покажаа единствениот вистински пат кон залутаната Русија.

Потсетување на Буча и Мариупол

Зеленски ги спомна Буча, Ирпин, Бородјанка и Мариупол. Говореше за масовни гробници и напади врз станбени згради и врз породилишта.

– Мажите не се борат вака. Луѓето не се однесуваат вака. Украинците нема да го заборават ова. Нека сите оние кои немаат каење, сите оние кои сè уште му помагаат на руското зло и сè уште купуваат нафта од Путин, ги видат овие видеа.

Од панцири до „Патриот“ и „Ф-16“

Претседателот на Украина истакна дека земјата минала пат од донирани панцири до напредни системи како „Патриот“, „Ирис-Т“, „НАСАМС“ и борбени авиони „Ф-16“. Посочи дека земјата денес произведува повеќе од 3 милиони беспилотни летала годишно.

Според него, украинската армија соборува стотици беспилотни летала „Шахед“ за една ноќ и спроведува операции од големи размери, како операцијата во Курскиот регион и операцијата „Пајажина“.

„Путин не ги постигна своите цели“

Зеленски им оддаде почит на загинатите бранители и им се заблагодари на војниците, семејствата, лекарите, волонтерите и наставниците.

– Путин не ги постигна своите цели. Тој не ги уништи Украинците. Тој не ја доби оваа војна. Ние ја зачувавме Украина и ќе направиме сè за да обезбедиме мир и правда.

The post 📽️ ЗЕЛЕНСКИ ГО ПОКАЖА БУНКЕРОТ ОД КОЈ МУ ПРКОСЕШЕ НА ПУТИН Украина останува непоразена по 4 години војна appeared first on plusinfo.mk.

Британски „Сандеј тајмс“ објави слики за кои тврди дека се од 13 руски офицери обвинети за масакрот во Буча во Украина. Меѓу нив е и „месарот“ Азатбек Омурбеков, командант на 64-та бригада, кого САД веќе го поврзуваат со убиства, силувања и мачења.

– Омурбеков бил главниот координатор на операциите во северна Буча и се смета за еден од најодговорните за масовните погубувања – изјави истражител за „Сандеј тајмс“.

Офицерите, заедно со уште 12 команданти, се именувани во британскиот истражувачки извештај со целосни фотографии, титули и наводни злосторства, пренесе Б92.

Истрагата, според „Сандеј Тајмс“ ја воделе независни правници и истражители користејќи отворени извори, сведоштва на преживеани и украински безбедносни извори. Офицерите се идентификувани по рангови, командни зони и врз основа на нивната директна или индиректна улога во теророт над цивилите.

В The Sunday Times вышла статья “Putin’s men unmasked”. В ней издание опубликовало ещё 13 имён русских офицеров, связанных с массовыми убийствами в Буче. О причастности пятерых ранее не было известно.

Новые имена в списке убийц:

Генерал-полковник Валерий Солодчук — командовал… pic.twitter.com/1fJAX1ST3x

— Denis Danilov (@DenisDanilovL) September 28, 2025

На листата се и генералот Валериј Солодчук, полковник Артем Городилов и други високи функционери на руската армија. Некои се веќе под санкции, а други се предмет на барања за апсење од меѓународни судови.

„Ова е прва објава. Следуваат нови имиња и барања за екстрадиција“, стои во извештајот.

Русија продолжува да тврди дека „Буча е исценирана“.

Мислењата за масакрот во Буча уште во април 2022 година ја поделија светската јавност, но и самите медиуми. Некои западни медиуми, меѓу кои и Би-Би-Си, дури го користеа зборот „геноцид“, опишувајќи ги сцените како едни од најморничавите по Втората светска војна.

Украинската страна обвини дека руските сили извршиле масовни егзекуции врз цивили, жени и деца, при повлекувањето од градот. Руската страна, пак, категорично го негираше тоа, нарекувајќи го „инсценирана измама“ со цел пропаганден удар.

Британските медиуми го третираа случајот како типичен пример за воени злосторства од најтешка категорија, организирани, систематски и со директна одговорност од највисоките командни структури.

The post 📷 ДАЛИ СЕ ОВА 13 ОФИЦEРИ ОДГОВОРНИ ЗА МАСАКРОТ ВО БУЧА? Меѓу нив е и „месарот“ Омурбеков, тврди „Сандеј Тајмс“ appeared first on plusinfo.mk.

Според британското издание Тајмс, десетици туристички компании нудат посети на места како Буча, Ирпин или Хостомел, предградијата на Киев кои влегоа во вестите во првата година со резултатите од руската окупација.

Шестчасовна тура низ овие градови чини 130 фунти. Локалните жители, вклучувајќи ја и Татјана Володимировна, им раскажуваат на туристите во Буча за деновите кога биле под руска контрола. Организирани се посети на подрумите, каде луѓето со денови се држеле во целосен мрак, како и други „глетки“ кои ги зачувале трагите од руската окупација. За неделна обиколка на ослободените територии туристите плаќаат повеќе од 4.000 долари, наведуваат и агенциите.

Во првите месеци бевме против овие посети бидејќи беа многу трауматични за луѓето, изјавија за Си-Ен-Ен од државната агенција за туризам. Сега, пак, локалните жители се подготвени да раскажат за тие денови и посетите стануваат се почести, првично од делегации и членови на меѓународни организации, дипломати и волонтери, но денес и од сѐ повеќе туристички групи.

Интересот е толку голем што локалниот туристички водич Свитозар Мојсеив од почетокот на активната туристичка сезона во мај има организирано 30-40 тури до овие места. Туристите велат дека ги следат настаните во Украина од почетокот на војната во полн обем и сега сакаат да ги видат овие места. Првично, компанијата на Мојсеив Капитал Турс организираше пешачки тури низ Киевско-Печора лавра и некои од поукрасените метро станици во главниот град. Сега, местата кои беа под окупација во пролетта 2022 година ги интересираат и странците.

Сакаат да видат како изгледа војната, коментираше туристичкиот водич додека на новинарите на Тајмс им покажуваше зграда во Киев уништена во бомбардирање на почетокот на годината. Мојсеив коментираше за публикацијата дека се прашува колку е етичко да се прикажуваат овие места на туристите, но тој смета дека тие треба да бидат видени од целиот свет.

И пред војната, во Украина имаше места кои можеа да ги привлечат оние кои бараат понеобични искуства – на пример, градот Припјат, евакуиран по несреќата во нуклеарната централа во Чернобил. Работите таму се „замрзнати“ од април 1986 година. По истоимениот филм на HBO, интересот за местото се зголеми, па дури и претседателот Володимир Зеленски потпиша указ за облагородување на областа и претворање во туристичка атракција, потсетува Си-Ен-Ен.

На локацијата требаше да се изградат патишта, музеј и друга туристичка инфраструктура, а очекувањата беа од 2025 година местото да го посетуваат 1 милион туристи годишно. Војната ги промени овие планови – Чернобил исто така беше окупиран од руската војска, а по нивното соборување, областа сега е отворена само за војска.

Сега Украина има многу повеќе да им покаже на трагачите по нестандардни туристички искуства.

И покрај војната, туризмот во Украина почна да закрепнува, додава украинската агенција Униан. Во Одеса, на пример, се отвори летната сезона и на плажите се појавија туристи. За туристи е отворена и резиденцијата на поранешниот претседател Виктор Јанукович, кој избега во Русија по протестите на Мајдан во 2013 година.

The post СТРАНЦИ ПЛАЌААТ ДА ГИ ГЛЕДААТ УЖАСИТЕ ВО БУЧА Во подем е воениот туризам во Украина appeared first on plusinfo.mk.

„Планот претпоставуваше… дека Полска може да се брани само две недели и дека непријателот ќе стигне до десниот брег на Висла по седум дена“, изјави Блачак на видеото.

Блачак на снимката сака да го дискредитира својот ривал, поранешниот премиер и сегашен европратеник Доналд Туск, објаснувајќи дека планот за одбрана на Полска кој Туск тогаш, во 2011 година, го направил можел да доведе до масакр налик на оној во градот Буча во Украина.

Според Блачак, Туск бил подготвен да се откаже од половина земја во случај на војна.

– Планот претпоставуваше… дека Полска може да се брани само две недели и дека непријателот ќе стигне до десниот брег на Висла по седум дена – вели тој во видеото и додава:

– Планот јасно покажува дека: Лублин, Ржесов или Ломза можеле да бидат полска Буча – додаде тој.

Prawo i Sprawiedliwość będzie broniło każdego skrawka Polski! #BezpiecznaPolska pic.twitter.com/tV12dAUXji

— Prawo i Sprawiedliwość (@pisorgpl) September 17, 2023

Неговите зборови беа придружени со слики од она што изгледаше како дел од планот за одбрана. Политико пишува дека објавувањето на овој план ја вознемири јавноста во Полска, иако тој е од 2011 година и не е актуелен денеска.

Пензионираниот генереал Валдемар Скрипчак рече дека објавувањето на планот ја поткопува довербата која НАТО ја има во Полска и дека тоа докажува дека „ние Полјаците сме способни за сѐ, дека можеме да ги предадеме најдлабоките тајни на Полска и на НАТО“.

Станислав Козиеј, друг пензиониран генерал тврдеше дека овие планови за одбрана биле изготвени уште во 2007 година.

Објавувањето на планот го изненади и Радослав Сикорски, поранешниот министер за одбрана на Полска, во владата на Доналд Туск. Тој го нарече чинот скандалозен и предупреди дека планот, иако стар, може да биде искористен од страна на Москва.

The post 📽 ПОЛСКА ОБЈАВИ ТАЕН ДОКУМЕНТ НА НАТО Русите во 2011 година можеле да ја окупираат земјата за две недели? appeared first on plusinfo.mk.

Седумдесет и пет отсто од жртвите се мажи, два отсто се деца, а останатите 23 отсто жени, објасни шефот на украинската полиција.

– Тоа се цивили, овие луѓе немаа никаква врска со војската или со органите на редот – нагласи Клименко.

Засега 1.200 од жртвите сѐ уште не се идентификувани, додаде тој.

Повеќе од 1.500 тела беа пронајдени во областа околу главниот град Киев, откако руските војници се повлекоа на крајот на март. Откривањето на масовните гробници и врзаните трупови во предградието Буча предизвика меѓународен шок и негодување.

ОН досега регистрираа 4.300 цивилни жртви.

The post ДОСЕГА ЗАГИНАЛЕ НАД 12.000 ЦИВИЛИ Овие луѓе немаа никаква врска со војната во Украина appeared first on plusinfo.mk.

FM Annalena Baerbock with reflexes of a winger. “You can throw as many eggs as you like” pic.twitter.com/IwlugKsRSu

— Trent Murray (@trent_murray) May 9, 2022

„Можете да фрлате јајца колку сакате“, рече таа, додавајќи дека не дозволува никој да ја заплаши, а на жената што фрлаше со јајца ѝ порача „дека има право на свое мислење, но дека нејзиниот начин (тоа да го искаже) не е најдобар“.

Денеска, Бербок пристигна во ненајавена и ненадејна посета на градот Буча близу Киев во Украина, каде се одвиваа нерасчистени убиства на цивили и потенцијален геноцид. Во обиколка на градот со главниот обвинител на Украина, Баербок рече дека одговорните за убиствата треба да се соочат со правдата.

– Тоа е она што им го должиме на жртвите. И овие жртви, можете да почувствувате дека овде многу интензивно, овие жртви можевме да бидеме ние – изјави таа.

Посетата на Баербок дојде во моментот кога Киев и Берлин се обидуваат да ги поправат односите по расправиите околу неподготвеноста на Берлин да ѝ испорача тешко оружје на Украина. Холандскиот министер за надворешни работи Вопке Хоекстра, исто така, отпатува во Киев со Баербок, соопшти холандското Министерство за надворешни работи.

Германската министерка ќе посети повеќе места во Украина, а свои идни посети најавија и германскиот канцелар и претседателот.

The post ГЕРМАНСКАТА МИНИСТЕРКА ВЕШТО ИЗБЕГНА ЈАЈЦЕ Можете да фрлате колку сакате, секој има право на мислење (ВИДЕО) appeared first on plusinfo.mk.

Десет војници на 64-та моторизирана пешадиска бригада на руските вооружени сили, дел од 35-та армија, се осомничени за сурово постапување со цивили и други прекршувања на законите и обичаите на војната, се наведува во соопштението на украинското Државно обвинителство.

По повлекувањето на руските сили од Буча беа пронајдени безживотни тела на најмалку 400 луѓе.

Рускиот претседател Владимир Путин ги одликуваше припадниците на руската на 64-та бригада за посебни заслуги, херојски акции и храброст.

Русија негира каква било вмешаност во убиствата на цивили во Буча.

The post ОТВОРЕНА ИСТРАГА ЗА БУЧА Десет руски војници се истражуваат за воени злосторства appeared first on plusinfo.mk.

Припадниците на 64-та бригада се одликувани за посебни заслуги, херојски акции и храброст, соопшти Кремљ. За време на одликувањето, Путин зборуваше за нивното „искусно и посветено однесување“ за време на руската „специјална воена операција“ во Украина.

Русија негира каква било вмешаност во убиствата на цивили во Буча, кои беа откриени дури откако руските сили се повлекоа од тој дел на Украина.

Градоначалникот на украинскиот град Буча во близина на Киев минатата недела изјави дека властите досега пронашле 403 тела на луѓе за кои се верува дека биле убиени од руските сили за време на окупацијата на областа, но тој број во меѓувреме се зголемил.

Москва, која негира дека цели на цивили од почетокот на инвазијата на Украина на 24 февруари, ги нарече обвинувањата дека руските сили егзекутирале цивили во Буча за време на окупацијата на градот како „монструозен фалсификат“ со цел да се оцрни руската војска.

The post ДОБИЈА ОДЛИКУВАЊА ЗА БОРБАТА ВО БУЧА Путин ја одликува воената единица обвинета за злосторства appeared first on plusinfo.mk.

Телата на повеќе од 900 цивили се откриени во регионот на Киев по повлекувањето на руските сили, изјави денеска регионалниот началник на украинската полиција Андриј Небитов.

Тој посочи телата биле оставени на улица или привремено закопани, а 95 отсто од жртвите починале од снајперски оган и прострелни рани.

– За време на руската окупација, луѓето едноставно беа застрелувани по улиците. Ова е факт кој е регистриран. Во 21 век е невозможно да се сокрие овој вид на криминал. Тие се видени од набљудувачи, а исто така и снимени на камера – додаде тој.

Тим експерти од форензичкиот оддел на француската национална жандармерија веќе неколку дена работи на истрага и идентификација на закопаните во најголемата масовна гробница досега пронајдена во опустошениот град.

– Бројот на убиени цивили надмина 900 и нагласувам дека тоа се цивили чии тела ги откривме и ги предадовме на вештачење – рече тој.

Тој додаде дека секој ден се наоѓаат се повеќе тела, под урнатините и во масовните гробници.

– Најголем број жртви е пронајден во Буча, каде има повеќе од 350 тела – рече тој.

По повлекувањето на руските сили, телата на мажи облечени во цивилна облека, некои со врзани раце, беа пронајдени расфрлани по улиците.

Оттогаш, откриени се неколку масовни гробници. Градоначалникот на Буча, Анатолиј Федорук, изјави дека по повлекувањето на руските трупи биле пронајдени повеќе од 400 тела.

Меѓународниот кривичен суд со седиште во Хаг, кој се занимава со кршење на човековите права, има истражители во Украина, а водачот на тимот ја опиша земјата како „место на злосторство“.

The post НАД 900 ЦИВИЛИ УБИЕНИ БЛИЗУ КИЕВ 95 отсто од жртвите починале од прострелни рани appeared first on plusinfo.mk.

– Тука сме затоа што имаме добра причина да веруваме дека се извршени злосторства, за што е и надлежен Судот. Мораме да ја растераме воената магла, за да дојдеме до вистината – истакна Британецот.

Изјавата ја даде во Буча, градот што стана симбол на злосторства во конфликтот, бидејќи стотици тела беа откриени таму кон крајот на март, според украинските власти. Русија негира дека извршила какви било злосторства.

Тим на форензичари од Меѓународниот кривичен суд се подготвува за работа, појасни Кан, за „навистина да може да се одвои вистината од измислиците“.

The post МОРАМЕ ДА ЈА РАСТЕРАМЕ ВОЕНАТА МАГЛА И ДА ЈА ОТКРИЕМЕ ВИСТИНАТА Главниот обвинител на Меѓународниот суд со тим форензичари во Буча appeared first on plusinfo.mk.