Предлог-законот на 5 мај го потпишале пратениците Румен Христов, Даниел Митов, Екатерина Захариева, Красимир Валчев, Радомир Чолаков и неколку други народни претставници од ГЕРБ/СДС. На предлогот се спротиставува партијата БСП (социјалисти).

Целта на предлагачите е „Еднаш засекогаш да се разобличи и осуди криминалниот комунистички режим и да се запрат обидите да се разбуди носталгија кај современиците на режимот и да се доведе во заблуда младата генерација. кои немаат лични впечатоци за тоа“, пренесуваат бугарски медиуми.

Предлог-законот, исто така, предвидува сите државни органи и органи на локалната власт, јавни правни, културни и образовни институции, вклучително и правни и физички лица, да преземат активности за отстранување на сите симболи на комунизмот, на БКП (Бугарска комунистичка партија) и на нејзините водачи.

Во случај на неисполнување на одредбите од законот ќе бидат изречени сериозни казни, а прекршоците ќе ги утврдуваат петчлени комисии. Акциите за спроведување на Законот треба да се преземат во рок од еден месец од неговото влегување во сила.

Но бугарските социјалисти БСП сметаат дека „ова покажува дека предлог-законот е обид да се пренасочи јавното мислење и да се прикрие очигледната вистина дека 33 години по демократските промени во нашата земја – период во кој ГЕРБ владееше повеќе од една деценија, Бугарија е најсиромашната и најзаостаната земја во Европа“.

„Лудило … за насилно демонтирање на памтењето на луѓето, наместо борба за справување со политичката криза, а со тоа и со високите цени, со инфлацијата, со сиромаштијата.

Систематските обиди да се замени историјата со искривување на фактите и забраните, поттикнуваат исклучително опасен модерен феномен, како што е неонацизмот“, сметаат социјалистите (БСП).

Партијата што ја предводи Корнелија Нинова ги повикува авторите на извештајот да го повлечат за да се зачува и онака кревкиот јавен мир во државата.

The post БУГАРИЈА СО ЗАКОН ЌЕ ЈА ИСКОРЕНУВА НОСТАЛГИЈАТА КОН „ЕДНОУМИЕТО“? Секој споменик од комунистичкото минато мора да содржи и осуда appeared first on plusinfo.mk.

Бугарскиот претседател Румен Радев денеска ѝ го предаде третиот мандат за формирање нова влада на Бугарската социјалистичка партија, третопласираната партија на последните парламентарни избори, одржани на 11 јули. Мандатот го прими, лидерот на БСП, Корнелија Нинова.

– Избрав третиот мандат да ѝ го дадам на БСП , а има многу причини за тоа. БСП ги исполнува вредностите на слободата и солидарноста. БСП ја зачува отвореноста и дијалогот во последните напори за формирање влада. Верувам дека овие илјадници чесни луѓе се гарант дека третиот мандат ќе се искористи за формирање кабинет околу јасни вредности – изјави Радев при предавањето на третиот мандат на лидерката Нинова, јави БГНЕС.

„На Бугарија ѝ треба влада. Со Уредбата 218 Ви наредувам да го соопштите кандидатот за премиер“, ѝ се обрати претседателот на Нинова.

Лидерката на БСП од своја страна кажа дека во партијата ја разбираат одговорноста што ја преземаат.

– Ќе ги вложиме сите напори да формираме редовна влада, која ќе преземе мерки за реформи, мерки за промени, за во следните месеци да ја обезбедиме стабилноста на Бугарија. Ќе се обидеме да видиме како можеме да дадеме гаранции за безбедноста и стабилноста. Ви благодарам – му порача Нинова на претседателот откако го доби мандатот.

По излегувањето од средбата Нинова на медиумите им изјави дека сега следува период на здрав разум, мудрост, смиреност, земајќи ги предвид предизвиците со кои се соочува земјата и вложувајќи сериозни напори за формирање кабинет и мнозинство во парламентот.

Таа додаде дека уште денеска БСП ќе се обрати до другите партии за распоредот на разговорите и ќе го извести парламентот.

– Пред нас се два избора – да формираме редовна влада или да излеземе на избори. Сите се согласуваат дека доаѓаат кризи, на кои мора да одговориме смирено и разумно. Во првиот мандат имаше проблеми со министрите, бидејќи имаше готови решенија, сега предлагаме да седнеме и да разговараме за решенијата – додаде Нинова.

„Следниот петок треба да дојдеме кај претседателот со предлогот за премиер“, прецизира таа.

– Постои ризик ребалансот на буџетот на сегашниот владин кабинет да не го собере потребното мнозинство за изгласување. Ние го гледаме ребалансот на буџетот како можност за формирање мнозинство – коментираше Нинова.

The post НИНОВА ГО ДОБИ МАНДАТОТ Следниот петок доаѓа со премиер? appeared first on plusinfo.mk.

– Го познавам Илиев, многу интелигентно момче, многу умен, добро подготвен, квалитетен правник. Единственото што би можело да ме разубеди е дали тој има доволно искуство. Тој треба да има многу добар состав на советници, кои ќе му помагаат, инаку ќе извиси – коментира професорот Огнен Герџиков, бивш претседател на Собранието и премиер на Бугарија во првата влада на Румен Радев во 2017 година.

Зошто бугарските медиуми шушкаат за Илиев? Кога пред неполн месец Слави Трифонов го предложи својот 42-годишен пријател за министер за правда во свое обраќање преку каналот Јутјуб, стигнаа мешани реакции од другите партии. За „Демократска Бугарија“, човек кој истовремено раководи со конзулатот на Барбадос во Бугарија, офшор земја, како на пример Белизе и други даночни раеви, не би смеел да биде министер или на каква било позиција. Трифонов брзо ја повлече својата одлука и размислуваше.

Но, и покрај сѐ, Илиев е најприфатливиот кандидат за премиер од коалиционите партнери на Трифонов, во моментов. Веројатно ќе почекаме до утре за да видиме кој ќе биде официјалниот предлог на Трифонов, велат извори од неговата партија.

Тука е секако и БСП, бугарската левица, втора по големина партија во новата влада. Можеби, сепак, ќе се најде и некој друг? Многу луѓе во Бугарија зборуваат дека Илиев бил избран затоа што бил член на масонската ложа во Пловдив, но тој е роден во Софија каде што и ја изградил својата кариера.

Илиев е автор на две книги и на повеќе од 60 научни трудови во областа на правото. Специјализирал на Англиско трговско право и Европско право на универзитетот во Бакингем во Велика Британија, каде успешно ја завршил специјализацијата. Потоа во Њујорк го специјализирал Американското трговско право.

Ако биде избран, оваа година ќе биде тешка за Петар Илиев: година во која што „Има таков народ“, „Исправи се БГ! Доаѓаме!, „Демократска Бугарија“, БСП и ДПС ќе следат дали го исполнува она што е ветено од партијата на Слави Трифонов по консултациите, коментира бугарскиот портал 24 часа.

The post Ќе биде ли адвокатот Петар Илиев нов премиер на Бугарија? appeared first on plusinfo.mk.

Ќе има ли стабилна влада во Бугарија откако по 98 отсто од пребројаните гласови картата изгледа слична со онаа од 3 април годинава?

Како да не беше доволно што дури шест партии ќе влезат во новата широка влада на Бугарија, туку секоја од нив има свои услови и агенди. Откако шоуменот и политичар Слави Трифонов „за влакно“ му ја однесе победата на поранешниот премиер Борисов од ГЕРБ, тој објави славеничко видео во кое ги објави имињата на предложените министри. Но, Трифонов „немало да коалицира со никого, бидејќи самиот збор „коалиција“ веќе имал лоша перцепција во јавноста, а на другите било да го поддржат“, објаснува тој на ЈуТјуб.

Како мисли Трифонов сам да добие 121 место во бугарскиот парламент со само 65 негови, кога Борисов ќе има 61 пратеник, социјалистите БСП 38, Демократска Бугарија 35 и ДПС на Карадај 30 пратеника од поголемите партии, според „Галуп“?

Идниот бугарски премиер нè нарече северномакедонци

– Исто така, ќе иницираме и преку НАСА, двајца бугарски астронаути, маж и жена да заминат во вселената, а ќе земеме со нас и еден северномакедонски астронаут. Треба да престанеме да гледаме кон земјата, туку да почнеме да гледаме нагоре – заклучи Трифонов во видеото.

Погледнете го видеото кога во 21.40 Трифонов кажува „северномакедонци“. 

Вака Трифонов го искористи билатералниот спор меѓу двете земји во своето промо-видео пред бугарскиот народ, откако најави изградба на градинки, болници, патишта, набавка на хеликоптери и лаптопи за секое дете. Во продолжение видете го ова видео од 2007 година кога Трифонов се исмејуваше со Македонците.

„Венецуелски“ избори за Борисов, „најфер“ за Трифонов

Прво беа „венецуелски“ избори, како што изјави Борисов во текот на гласањето, а денес, откако ГЕРБ е втора на списокот, заменик-претседателот Дончев изјави дека „обидите за мамење се секако неуспешни без оглед на напорите што се прават“.

Тука Дончев мисли на скандалот со гласачките машини и со гласовите на дијаспората во странство и на турските гласови од Истанбул. Но, по изјавите, ниту Дончев, ниту Биков не одговараа на новинарски прашања.

– Се појавува влада која нема да сноси политичка одговорност или влада како на Беров или Орешарски – се придружи на коментарот и сопартиецот Биков од ГЕРБ и додаде дека ваквите влади секогаш завршуваат со неуспех.

За Трифонов, секако, вчера во Бугарија се случило обратното:

– Денес беше добар ден за бугарската демократија, бидејќи ова беа најправедни избори досега. И не заради резултатот од „Има таков народ“, туку заради новите изборни правила, кои ги ограничија купениот глас, корпоративниот глас и манипулација со „мртвите души“ – свечено рече Трифонов.

Трифонов да ѝ се јави на Нинова, ако сака поддршка

„Прашањето за мојата оставка не е на дневен ред. Ако „Има таков народ“ сакаат поддршка, очекувам да ме поканат на разговор. Нашата поддршка нема да биде безусловна.“

Ова го изјави лидерката на БСП Корнелија Нинова на прес-конференција во седиштето на партијата, јавија од БГНЕС. БСП е трета партија по бројот на гласови.

– Тие се на работ со минимална предност на „Демократска Бугарија“. Денешните избори покажаа невиден низок одзив за прв пат од одржување на изборите во Бугарија. Немаше вистинска политичка дебата. ГЕРБ се бореше со официјалниот кабинет, „Има таков народ“ – молчеа. Можеби ова е криминален глас против сите нас. 46-от парламент започнува со многу низок легитимитет. Ова е загрижувачко – јасна беше Корнелија Нинова.

Два услови од партијата на бугарските Турци

Тешко дека може да се замисли мнозинство без партијата на бугарските Турци, ДПС. Но, нејзиниот лидер вели дека тие „нема да поддржат секого“. Првиот услов е враќање на нормалноста и демократијата во Бугарија, како замена за „лилјак-партиите“. Вториот услов е јасна програма за забрзан економски развој.

Да не заборавиме дека тука е и партијата ДБ – Демократска Бугарија, со 31 пратеник, која е малку пред МРФ на Карадај, а помали партии се „Стани! Мутри, надвор!“ со 5,06 отсто освоени гласови и коалицијата „Бугарски патриоти“ со 3,21 отсто.

За наша среќа, ултрадесничарската партија „ВМРО“ на Каракачнов очигледно нема да влезе во новата бугарска влада.

The post АНАЛИЗА: Никој со никого не би коалицирал за нова влада на Бугарија? appeared first on plusinfo.mk.

Премиерот Борисов нема да се појави во пленарната сала, но ќе бидат сослушани Екатерина Захариева, министер за надворешни работи и Красимир Каракачанов, министер за одбрана.

Според заменик претседателот на Националното собрание, Кристијан Вигенин, владејачката партија повторно го скрила Борисов.

– Oткако позицијата на нашата земја е веќе заземена и објавена, се поставуваат други прашања во врска со идната политика на Бугарија кон нашиот сосед и во врска со проширувањето. Ние веруваме дека дискусијата треба да биде посеопфатна, не конкретно за оваа позиција, туку за односите меѓу двете земји од сега па натаму. Затоа, сметаме дека треба да се одржи сослушување со премиерот Бојко Борисов, а не со вицепремиерите, како што предложија од ГЕРБ – изјави Вигенин, пренесоа бугарски медиуми.

The post Бугарските социјалисти бараат Борисов да ги објасни идните позиции кон С Македонија appeared first on plusinfo.mk.