Бројката на неевиденирани заболени од ковид е 7 до 10 пати поголема од официјалните дневни бројки што ги соопштува Министерството за здравство.

– Бројката на неевиденирани не е 2-3 пати поголема, туку 7-10 пати поголема. За да имаме каков-таков увид Комисијата за заразни болести предложи секој ден аптеките да даваат извештај за бројот на продадени брзи тестови, но за жал до сега таква информација немаме – коментира д-р Нико Беќаровски по вчерашната објава на текстот на Плусинфо „ОДБИВААТ ДА ПРАВАТ ПЦР ТЕСТ Омикронот хара низ земјава, ама во официјалната статистика опаѓа“.

Како што дознаваме, во периодот од мај и заклучно со август годинава во еден познат синџир аптеки во земјава се продадени 48.130 рапид тестови за откривање на ковид-19. Во споредба со истиот период лани, од мај до август се продадени 13.380 вакви тестови, со што пикот бил во август кога имаше и над илјада заболени од ковид дневно во официјалната статистика.

– Годинава продажбата е многу зголемена. Пикот на продажба на брзите домашни тестови беше во јули и во август – велат од овој синџир аптеки.

Во аптеките годинава се продаваат тестови од повеќе производители од Европа, но има и кинески. Цената на тестовите лани се движела од 300 до 450 денари, а годинава е намалена и се движи од 210 до 299 денари.

– Во периодот мај-август 2021 се продадени 5 500 тестови, а во истиот период годинава се продадени 18 000 тестови – рекоа од аптеки Еурофарм за Плусинфо.

За да води евиденција за сивата бројка заболени од ковид Комисијата за заразни болести побарала од аптеките да им доставуваат информации за бројот на продадени тестови, но како што вели Беќаровски, никој не им ги дал бараните податоци за продажбата. Комисијата нема начин како да дојде барем проближно до точната бројка заболени од ковид затоа што огромен број граѓани одбиваат да прават ПЦР тест и се тестираат со домашни тестови или воопшто не се тестираат. Тоа повлекува и непочитување на пропишаните протоколи за изолација на заболените од 7 или 10 дена, зашто секој сам проценува кога е „здрав“ и почнува да се социјализира. Тоа веројатно е главната причина поради која толку многу е раширен вирусот во овој период во земјава.

– Замислете колку е раширен вирусот, а болните не се евидентирани во официјалната статистика. Од 9 болни што ги знам во моментов, само тројца сме тестирани со ПЦР, другите се тестирани со домашни тестови, а некои не се тестирани ни со домашни тестови. Секој сам си одредува колку време ќе седи во изолација, иако официјално треба 10 дена да се биде изолиран – вели скопјанка за Плусинфо.

Од друг познат синџир аптеки, исто така, потврдуваат дека продаваат голем број тестови, особено во последно време.

– Оваа варијанта дава полесна клиничка слика и со витамини многумина ја лекуваат брзо и за една недела веќе се негативни. Не прават тестови затоа што со правење тест во лиценцирана институција веднаш добиваат решение за изолација и со тоа им се отвора боледување. А за да не им биде намалена платата за 5-6.000 денари, си се лекуваат сами дома со витамини – велат од овој синџир аптеки.

Варијантата омикрон на ковид-19 која што доминира во овој период носи полесна клиничка слика и за лекување се препорачува главно витаминска терапија.

The post 7 ДО 10 ПАТИ Е ПОГОЛЕМ БРОЈОТ НА ЗАБОЛЕНИ ОД КОВИД Аптеките уриваат рекорди во продажба на брзи тестови appeared first on plusinfo.mk.

Сертификат за вакцинација: доколку имате навршено најмалку четиринаесет (14) дена од вакцинацијата и не повеќе од 9 месеци по завршувањето на основната вакцинација или без временско ограничување за патниците кои ја примиле и третата доза, потврда за прележана болест по лабораториско тестирање со методот PCR или по контрола со користење на брзи антигенски тестови.

Европскиот дигитален сертификат за прележана болест се издава четиринаесет (14) дена по првиот позитивен тест и неговата важност трае до сто и осумдесет (180) дена по тестот; или негативни резултати од лабораториски тест со методот PCR спроведен во последните седумдесет и два (72) часа пред нивното пристигнување во Грција или со брз антиген тест (rapid test) во рок од дваесет и четири (24) часа пред пристигнувањето во Грција.

The post ОБЗНАЕНИ НОВИТЕ ПРАВИЛА ЗА ВЛЕЗ ВО ГРЦИЈА Еве што ќе ви биде потребно appeared first on plusinfo.mk.

Од „Меѓаши“ посочуваат дека организирале јавна дебата на тема „Најдобар интерес за децата – за и против носењето маски и тестирањето во училиштата“, емитувана на социјалните мрежи на 27 јануари на која освен медиумите била поканета и целата јавност. На дебатата дискутирале д-р Мими Кимовска Христов од Универзитетската клиника за детски болести, д-р Злате Мехмедовиќ од Здравствениот дом Скопје, д-р Бесник Зеќири од Институтот за белодробни заболувања кај децата, проф. д-р Никола Пановски од Медицинскиот факултет при УКИМ и Ана Попризова, училишен психолог.

– Во дел од заклучоците од вчерашната дебата се наведува дека бројот на заболени деца што се јавиле во Институтот за белодробни заболувања во периодот крајот на декември 2021 – почетокот на втората половина на јануари е двојно зголемен од вообичаениот број за време на најголемите пикови во претходните бранови. Со оглед на тековната состојба на заболени од коронавирусот сите панелисти се согласија дека е неопходно да се размисли дали започнувањето на наставата со физичко присуство е најсоодветниот начин на продолжување на наставата или е подобро да се започне барем две седмици подоцна или онлајн. Ставовите на мнозинството од панелистите околу носењето маски е дека треба да се носат во затворени простории, а сите се потив задолжително носење маски на отворено и дека е пожелно да се прават тестирања еднаш неделно во училиштата.

Цврсто веруваме дека оваа одлука треба да биде преиспитана во насока на започнување на полугодието со онлајн настава,најмалку за две седмици од февруари, а потоа да се одлучи повторно за евентуално продолжување одреден период, следејќи ја актуелната епидемиолошка состојба. Меѓу другото, сметаме дека е добро Владата да размисли за брзо реагирање и обезбедување на сите основни и средни училишта со брзи тестови, така како што и голем дел држави веќе подолго време практикуваат. Веруваме дека и приватниот сектор (особено фармацевтскиот) би можел да излезе пресрет и да го заштити јавното или колективното здравје доколку им се обрати Владата. Искрено веруваме дека ќе ја донесете вистинската одлука што е во најдобриот интерес на децата, стои во барањето од „Меѓаши“.

The post „МЕЃАШИ“ БАРА ДА СЕ ПРЕИСПИТА ОДЛУКАТА ЗА НАСТАВА СО ФИЗИЧКО ПРИСУСТВО Брзи тестови во сите училишта! appeared first on plusinfo.mk.

Д-р Квилти ја нарече својата објава „демо за тоа колку брзо можете да станете позитивни“ и додаде вреден совет: „Тестот направете го непосредно пред да се гледате со некого“.

Со други зборови, доколку имате симптоми на коронавирусот, брзиот тест тоа ќе го покаже, порано или подоцна. Само му треба повеќе време. Затоа, најубаво е да се тестирате што подоцна, односно токму пред да се видите со некого, а не претходно.

A demo of how fast you can turn positive:

Yesterday morning, yesterday lunchtime, yesterday evening, this morning.

Do LFTs *just* before meeting up. pic.twitter.com/3zM2rDkoa7

— Billy Quilty (@BQuilty) December 16, 2021

Секако, брзите тестовите не се 100 отсто веродостојни. Експертите секогаш за сигурен резултат препорачуваат да се прави ПЦР-тест, но овој научник ги оправдува брзите тестови како начин луѓето да се заштитат за време на празниците и јавните настани.

Во Велика Британија постои кампања да се користат овие тестови, но во моментот нема доволно возачи кои би можеле да достават доволно брзи тестови до аптеките. Побарувачката за нив е голема.

На слично мнение со Квилти е и Лоренс Јанг, виролог и професор по молекуларна онкологија на Медицинскиот факултет на Универзитетот Ворвик, вели дека секој треба да ги користи придобивките од домашните тестови сè додека короната е распространета.

– Треба да ја поттикнеме одговорната употреба на домашните тестови пред луѓето да излезат да се дружат со другите. Тие се исто така важен показател за тоа дали можете безбедно да уживате во Божиќ со вашето семејство и пријателите – вели професорот.

The post БРЗИОТ ТЕСТ БРЗО МОЖЕ ОД НЕГАТИВЕН ДА СТАНЕ ПОЗИТИВЕН Епидемиолог објаснува кога е најдобро да го користиме appeared first on plusinfo.mk.

– Сакаме скрининг на состојбата, бидејќи децата се често и асимптоматски преносители. Методологијата ќе ја кажеме во следните денови, бидејќи бара согласност од родителите и така натаму – рече Филипче.

Тој најави дека методологијата за скрининг на тестирање на ученици во основните и средните училишта ќе се прави со брзи антигенски тестови.

Според последните податоци на Министерството за образование и наука добиени од училиштата, на дневна основа бројот на новозаразени ученици се движи од 0,01 до 0,03 отсто од вкупно 240 илјади ученици, што, според Министерството е исклучително низок процент.

The post ПОРАДИ МАЛАТА ТРАНСМИСИЈА НА КОРОНА Ќе се прави скрининг во основните и средните училишта appeared first on plusinfo.mk.

– Не станува збор за желби и можности, туку за препораки од здравствените власти. Ако Комисијата за заразни болести утврдила протокол и постапување, сметам дека сите општини и сите училишта треба да ги почитуваат. Ако тие не препорачале тестирање, значи дека тоа нема додатна вредност во даден момент. Доколку тие утврдиле дека има потреба, тогаш ќе го спроведеме во сите училишта, но во моментов останува да се почитуваат препораките што се дадени, а тоа е да има дезинфекција, мерење температура и проветрување на просториите – изјави Царовска одговарајќи на новинарски прашања при денешната посета на средното училиште „Ѓорче Петров“ во Крива Паланка.

Вчера Општина Илинден подели 1.000 брзи тестови во четирите училишта на нејзина територарија, а од училиштата објаснија дека тестовите ќе им бидат понудени на родителите доколку некое дете покаже повишена телесна температура при доаѓање.

Министерката посочи дека училиштата се подготвени за преминување на моделот настава на далечина, наставниците се обучени и имаат пристап до националната платформа и секаде каде што досега се појавиле ковид случаи и изолирање на учениците, училиштата ги ставиле во функција овие алатки. Притоа посочи дека се видело оти системот функционира и е на располагање за онлајн настава уште на 1 септември кога четири средни училишта во Тетово и во Гостивар почнаа да работат онлајн.

Во однос на критиките од опозицијата Царовска одговори дека не ја разбира критиката и не гледа проблем во тоа што на учениците кои немаат дигитални уреди во своите домови и немаат финансии да ги купат, училиштата ќе им ги обезбедуваат уредите на реверс. Во библиотеките има 20 проценти од печатените учебници и тие им се даваат само на ученици кои немаат услови за користење дигитални уреди зашто немаат електрична енергија во нивните домови.

– Минатата година се утврди дека такви ученици има 1.200. Тие 12 години владееја со државата и не утврдија колку ученици немаат електрична енергија. Ние тоа го направивме за една година. Токму затоа, за 20 проценти од бројот на ученици во државата се испечатени учебници и се во библиотеките со цел учениците во училиште да имаат пристап до учебниците. Исто така, и учениците кои немаат дигитални уреди да ги земат за во своите домови – рече Царовска.

Таа додаде дека опозицијата нема ниту еден конструктивен коментар за процесите што ги води МОН, но дека дневно може да ги видат сите проекти – опремување на училиштата, отворање нови струки и дуални паралелки во соработка со компаниите, како и спроведување на новата концепција за основно образование која почнала успешно во целата држава.

– Апелирам до политичките партии да ги тргнат рацете од образовниот систем и образовните процеси затоа што образованието не разликува политичка партија. Таму се и нашите, и нивните деца, и сите ние работиме со една цел – подобрување на квалитетот на образованието кое е на очајно ниво. Тие не се трудеа да го подобрат и тоа го видовме во 12 години. Затоа и резултатите од ПИСА, ТИМСС и ПИРЛС се очајни, зашто се години се обидуваме да останеме на статус кво наместо да направиме храбри чекори за унапредување на образовниот систем. Нема да застанеме поради нечии ситни партиски цели, туку ќе работиме во интерес на сите наши деца – додаде Царовска одговарајќи на новинарски прашања при посетата на гимназијата во Крива Паланка.

The post НА ЦАРОВСКА НЕ Ѝ СЕ ДОПАДНА ДОНАЦИЈАТА НА БРЗИ ТЕСТОВИ Министерката се вади на препораките на Комисијата appeared first on plusinfo.mk.

За извршување на аквизицијата, конзорциумот го формираше социјалното претпријатие „Глобал Аксес Хелт“ (ГАХ), чија цел е да се прошири пристапот до достапната медицинска технологија.

Членовите на ГАХ, како што е наведено, се подготвени да инвестираат над 41 милијарда долари за финансирање на аквизицијата. Трансакцијата ќе вклучува купување на сите постојни акции на „Мологик“.

– Пандемијата на ковид-19 болно ги демонстрираше основните нееднаквости во глобалното јавно здравство, а особено клучната важност на пристапот до дијагностички алатки за спасување живот. Во оваа единствена трансакција, филантропските фондови и инвеститорите работат заедно за да се справат барем со дел од овој недостаток, овозможувајќи најсовремената трговска компанија да ги насочи сите свои ресурси кон решавање на еден од најитните светски проблеми со јавното здравство – рече Шон Хинтон, извршен директор на СЕДФ.

„Мологик“ неодамна доби милион фунти од британските власти за развој на тестови за ковид-19, но подоцна ја обвини владата дека ја „цементира“ употребата на тие тестови во матичната земја.

Генералниот директор на „Мологик“, Марк Дејвис го поздрави договорот за аквизиција, истакнувајќи дека тоа значи трансформација на неговата компанија во социјално претпријатие, што тој го оцени како „промислен, логичен и природен чекор насочен кон обезбедување прифатлива дијагностика и биотехнологија на местата што се маргинализирани во немилосрдната трка за профит“.

The post Нова инвестиција на Сорос и Гејтс, купуваат компанија за брзи ковид тестови appeared first on plusinfo.mk.

Но, очигледно, ваквиот производ за нас сè уште претставува научна фантастика и покрај тоа што Европската Унија ја одобри неговата употреба,. И многу еминентни вирусолози ширум светот апелираат да се искористи ваквото поедноставување на процедурата за тестирање, бидејќи, како што тврдат, пандемијата би се држела под поголема контрола доколку луѓето можат само да плукнат и веднаш да дознаат дали се позитивни на ковид-19.

До Министерството за здравство испративме прашање за тоа кога и дали воопшто се планира набавка на ваквите брзи тестови во земјава, но сè уште не добивме одговор.

Плусинфо контактираше и со неколку аптеки, но во ниту една не се продава брз тест за корона со метод на плунка. Неколку аптеки ни понудија брз тест кој е сличен на ПЦР-тестот и кој чини 560 денари, но ниту еден од фармацевтите со коишто разговаравме не слушнал дека во земјава наскоро ќе пристигнат тестови за кои не е потребен брис од нос и од грло.

– Искрено, прв пат слушам дека во Македонија може да се купи брз тест со метод на плунка. Затоа и се зачудив кога ни побаравте таков производ, бидејќи ниту некогаш сме имале, ниту, пак, имаме најава дека во скоро време ќе добиеме такви тестови – ни рече вработена во аптека во Карпош.

Резултат за 10 минути

Точноста на резултатот од брзиот тест на плунка изнесува 93,94 проценти, наведено е во упатството на „RealyTech“ тестот кој се продава во аптеките во Хрватска и чини нешто повеќе од 5 евра.

„Брзо и едноставно тестирање со плунка, а резултатот се добива за 10 минути. Точноста на тестот е 93,94 проценти. Идентификацијата се темели на детекција на моколонски антитела специфични за новиот коронавирус антиген. Најголемата предност на овој тест е едноставното земање примерок за тестирање. Со тоа се намалува ризикот од пренесување на вирусот врз други луѓе за време на тестирањето. Тестот може да се користи и кај деца за кои земањето брис од грло и од нос е секогаш проблематично. Тестирањето на плунка не создава непријатност како што е во случајот со земањето брис од грло или од нос. Тестот е одобрен од Европската Унија“, се вели во упатството за употреба.

Портпаролката на хрватската Агенција за лекови, Маја Башиќ, вели дека брзите тетови на плунка се медицински производи кои се наменети за самостојна употреба од страна на лаици.

– Имајќи предвид дека ги користат непрофесионалци во процесот на проверка на овие тестови беше потребно да се докаже дека се доволно сигурни и едноставни и дека граѓаните можат да ги користат безбедно – изјави Башиќ.

Во продолжение, погледнете како изгледа тестот и каква е процедурата за тестирање.

Научници од Ниш изработија тест на плунка

Директорот на компанијата „НеоМедика“ од Ниш, која го произведе брзиот тест на плунка за откривање коронавирус, Саша Тричковиќ, вели дека Агенцијата за лекови и медицински средства веќе го одобрила нивниот производ и дека за многу брзо време ќе се продава во аптеките во Србија.

Во цел свет има десетици илјади произведувачи на тестови со назален брис, а има само 24 кои прават тестови на плунка.

Саша Тричковиќ Директор на „НеоМедика“, Србија

Тој вели дека цената на ваквиот тест сè уште не е дефинирана, но дека производот секако ќе биде поевтин од ПЦР-тестовите кои во Србија чинат и до 9.000 динари.

– Потребата се јави уште на почетокот на пандемијата кога се правеа првите антигенски тестови. Земањето брис од грлото и во носот е прилично агресивна и непријатна метода, особено за децата. Тогаш преговаравме со една австриска компанија и тие ни рекоа да направиме тест на плунка. Меѓутоа, многу е комплицирано да се изработи таков тест. Имено, плунката содржи многу ензими од кои е многу тешко да се издвои антигенот. Во цел свет има десетици илјади произведувачи на тестови со назален брис, а има само 24 кои прават тестови на плунка – објаснува Тричковиќ.

Тестот на плунка е ефикасен исто како и ПЦР-тестот, додава тој.

– Тоа што брзите антигенски тестови за корона не можат да го детектираат, нашиот тест може. Антигенскиот тест може да биде лажно негативен, а нашиот тест дава исти резултати како и ПЦР-тестот. Пред да го одобри српската Агенција за лекови, тестот на плунка го одобри и Европската Унија – објаснува Тричковиќ.

Грција „плука“ веќе шест месеци

Грците уште во јануари годинава имаат можност да си купат брз тест за коронавирусот со примерок од плунка. Како што јавуваат грчките медиуми, покрај тоа што се брзи, овие тестови се многу поевтини и полесни за изведување.

„Тестовите на плунка даваат непосредни резултати и можат да претставуваат клучно решение за намалување на ширењето на коронавирусот, а тоа е поради можноста за рано дијагностицирање на болеста. Тестот за брзо откривање со плунка дава резултати во рок од 10 до 15 минути и погоден е за деца“, истакнуваат грчките здравствени власти, пренесуваат медиумите.

Франција: Приоритет имаат три категории на лица

Тестовите на плунка може да се користат за откривање на зарази со ковид-19, но само кај луѓе со симптоми, соопшти Високиот здравствен орган на Франција.

Високиот здравствен орган не ги препорачува овие тестови за луѓе без симптоми, кај кои „би пропуштил повеќе од 75 отсто“ од зарази поради недоволна ефикасност, посочи професорот Доминик Ле Гулудек, претседател на Колеџот на Високиот орган за здравство, за време на онлајн прес-конференција.

– Ние советуваме да резервираме тестови на плунка во приоритет за оние кои не можат да го поднесат класичното тестирање со ПЦР тест. Овие тестови ги користат деца кои имаат ринитис и одат на лекар, многу стари лица и оние кои имаат ментални нарушувања – истакна професорот Ле Гулудек.

САД: Евтина и едноставна метода

Американската Управа за храна и лекови (ФДА) го одобри тестот на плунка кој се користи во итни случаи за откривање на ковид-19, а кој беше тестиран на играчи и персонал на Националната кошаркарска асоцијација (НБА).

Комесарот на ФДА, Стивен Хан, тестот го нарече „револуционерен“ поради неговата ефикасност.

– Тестот на плунка се смета за евтина, поедноставна и помалку инвазивна метода за тестирање за која не е потребна екстракција на нуклеинска киселина и може да се користат неколку лесно достапни реагенси – истакна Хан.

The post Цел регион се тестира со плунка, а само нас ни „бушат“ синуси ВИДЕО appeared first on plusinfo.mk.

И оваа, најнова донација на ОКТА во борбата против пандемијата ковид-19 е спроведена во координација со Министерството за здравство, согласно нивните проценки за приоритетните потреби на здравствениот систем.

– Ова е трета донација на ОКТА на Клиниката за инфективни болести од почетокот на пандемијата. Свесни сме дека само преку континуирана поддршка и со заеднички напори може да придонесеме за што побрзо пребродување на оваа здравствена криза која има влијание врз сите нас. Со набавка на тестовите за брза детекција на вирусот остануваме посветени на нашата грижа за заедницата, како еден од основните елементи на стратегијата за општествена одговорност на ОКТА – изјави главниот извршен директор на ОКТА, Вук Радовиќ.

Новата количина тестови се надоврзува на претходната донација на ОКТА од 3.000 серолошки тестови кои исто така беа набавени за потребите на Клиниката за инфективни болести, како здравствена установа во која се третираат најголемиот број случаи на ковид-19 и која го понесе најголемиот товар на пандемијата.

– Поддршката која константно ја добиваме од бизнис секторот е од огромно значење за здравствениот систем во справувањето со пандемијата. ОКТА беше меѓу првите донатори на медицинска опрема уште на почетокот на кризата, а со обезбедувањето на овие брзи тестови повторно на дело го потврдија статусот на општествено одговорна компанија – изјави министерот за здравство, Венко Филипче.

Од почетокот на пандемијата до сега, ОКТА реализираше неколку донаторски проекти наменети за намалување на последиците од здравствената криза, како дел од нејзината стратегија за општествена одговорност. Имено, во текот на минатата година компанијата набави неопходна медицинска опрема, а потоа и серолошки тестови за Инфективната клиника, додека на почетокот на новата учебна година беа донирани 30 лаптопи и 10.000 заштитни маски за потребите на основните училишта во Општина Илинден.

The post ОКТА донираше уште 1.300 брзи тестови за откривање на ковид-19 appeared first on plusinfo.mk.

Според истите информации, 67-годишниот маж, 27-годишниот син и 23-годишната ќерка, сите грчки државјани, ќе треба да платат и казна од 5.000 евра, а биле уапсени за прекршување на мерките за спречување на ширењето на коронавирусот и денеска ќе бидат изведени пред јавен обвинител.

Освен негативен ПЦР тест направен 72 часа пред патувањето, на сите оние кои преку копнените граници влегуваат во Грција задолжително им се прават и брзи тестови

The post Уапсени тројца Грци, одбиле да им се направи тест при влез во Грција appeared first on plusinfo.mk.