Процентот на отчитување на броилата е зголемен на 95 отсто на тримесечно ниво, односно на 90 отсто на месечно ниво, а дополнително се таргетирани 10.000 потрошувачи кои во изминатите две години поднеле приговори или поплаки поврзани со фактурирањето, со кои е започната етапна телефонска комуникација.

Ова се дел од активните мерки што, по налог на Регулаторната комисија за енергетика, водни услуги и услуги за управување со комунален отпад (РКЕ), ги презеде операторот на електро-дистрибутивниот систем „Електродистрибуција ДООЕЛ“ Скопје.

Во пресрет на зимските месеци, по иницијатива на РКЕ беше одржан координативен состанок со раководството на „Електродистрибуција“, на кој беа презентирани мерките насочени кон подобрување на услугата и воспоставување поефикасна двонасочна комуникација со потрошувачите, со цел јакнење на довербата, транспарентноста и отчетноста.

Како што соопштија од РКЕ, регулаторите посочиле дека од клучно значење е редовното отчитување на броилата да продолжи и во првите недели од јануари. Од „Електродистрибуција“ информирале дека, земајќи ги предвид искуствата од претходните години и зголемениот број поплаки за време на празниците, се организирани вонредни екипи кои ќе работат и за време на празници и викенди.

Целта, како што посочуваат од компанијата, е потрошувачите да добиваат сметки со реална, а не со прогнозирана потрошувачка.

Дополнително, од 1 декември годинава, „Електродистрибуција ДООЕЛ“ ги прошири дигиталните услуги за потрошувачите, со воведување на нова услуга за онлајн корекција на фактури. Воедно, вработените се мобилизирани да им помагаат на граѓаните при креирање кориснички профили и користење на дигиталните алатки.

На располагање остануваат и претходно воведените услуги, како „Пријави состојба“, „Е-фактура“, како и јасната ознака на фактурите со „О“ – отчитана состојба или „М“ – проценета состојба, со што потрошувачите имаат целосна информација дали сметката е базирана на реална или проценета потрошувачка.

Од РКЕ и „Електродистрибуција“ упатија апел до граѓаните и во текот на зимскиот период да продолжат со одговорно и рационално користење на електричната енергија.

The post ПОВЕЌЕ РЕАЛНИ СМЕТКИ, ПОМАЛКУ ПОПЛАКИ Електродистрибуција и РКЕ со нов сет мерки appeared first on plusinfo.mk.

Потребни ќе бидат ИТ експерти за да се имплементира идејата секој граѓанин или фирма да може во реално време, преку апликација или на интернет да има информации за своите системи за струја, меѓу кои и обновливите.

Вака беше речено на брифингот за новиот амбициозен Закон за енергетика кој, според директорот на Електродистрибуција Сашо Салтировски, е здрав темел кон европските директиви врз кои треба да се изгради „куќата“ од подзаконски акти со кои различни категории граѓани ќе можат да инвестираат во различни извори на струја.

Надоврзувајќи се на изјава на министерката за енергетика Сања Божиновска која најави дека со овие граѓански групи станарите во една зграда ќе можат да се договорат за поставување и управување соларни панели, Салтировски вели:

– Ако некој им викендичка на Матка со соларни панели ќе може да си размени струја со некој којшто живее во општина Аеродром. Ако еден граѓанин има електричен автомобил, друг соларен панел, трет батерија, сите тие имаат обврски. Тоа нема да се случи преку ноќ, потребна е дигитализација.

Според шефот на Електродистрибуција, законот предвидува жив систем во кој потрошувачот ќе биде на прво место.

Министерката Божиновска, која го нарече законот историски, го најави делот со складирање батерии. Новата дејност ќе им биде достапна на сите енергетски објекти, но со обврска за складирање една петтина од вкупната моќност на струјата.

– Ќе се олесни градењето на соларни централи. Секој нов енергетски објект ќе има обврска за 20% батерии, кои се новитет. Министерството ќе развие 10-годишен план за електропреносниот систем – изјави министерката.

Она што е ново е дека со вмрежување меѓу ЕСМ и МЕПСО, преносникот и дистрибутерот на струја, се намалуваат непознаниците за корисникот. Ова особено важи за инвеститорите кои ќе сакаат да вложат во производство на струја од зелени извори.

Заменик директорот на МЕПСО Александар Пауновски рече дека во членот 87 има одредби за обновлива енергија.

– Секоја централа која користи систем за обновлива енергија, мора да складира батерии со 20% од моќноста. Со ова се овозможува флексибилност на системот. Значи, мрежата побрзо ќе се управува при преноси на струја, дополнувања и така натаму – рече тој.

Пауновски потсетува дека за првпат ќе има правна рамка за складирање на електричната енергија. Складиште станува посебна енергетска дејност, посебна активност за која може да се јават компании и да добијат лиценца, дури и ако не се од таа дејност. Тие ќе можат да инсталираат складишта за струја. Тие ќе можат да учествуваат во пазарот на баланс на енергија.

Во МЕПСО и во ЕСМ имало дури 8.500 паралелни апликации од заинтересирани лица и фирми за произведување чиста енергија. Ова преклопување настанало поради моменталните непознаници за тоа што е потребно за да се инсталира соларен панел или ветерница или друг систем на сопствено земјиште.

– Нема повеќе само купување земја и дозволи и одење во ЕВН и во МЕПСО и оп, нема капацитет за приклучок. Сега ќе има предвидливост и инвеститорите ќе знаат – вели Салтировски велејќи дека промените се во синхронизирање на систем-операторите.

Пауновски од МЕПСО објасни дека се работи на „систем оф систем“, каде што операторите ќе си разменуваат податоци во реално време. Инвеститорите, од друга страна, нема да кружат меѓу институциите.

– Најголемата новина е процедура за приклучување на сите инвеститори кои сакаат обновлив извор на енергија до 1 мегават час, ќе има централизирана постапка со барање во Министерството, а МЕПСО и ЕВН заедно ќе го надгледуваат тоа – рече тој.

Пауновски уверува дека со новиот систем ќе бидат избегнати паралелните приклучувања и ќе се избегнуваат спорови меѓу претпријатијата.

– Законот препознава дека мрежата не е еднонасочна. Имаме 8.500 прелиминарни приклучоци, но со законот речиси сите се поништени бидејќи голем дел од нив се преклопени точки на ЕВН и МЕПСО – објасни Пауновски.

Со новиот закон МЕПСО ќе биде под капа на Министерството за енергетика, рударство и минерални суровини. Најавена е целосна компатибилност со европскиот модел „Clean energy package“.

– Законот ќе значи повеќе инвестиции, но и повеќе одговорност. За МЕПСО тоа значи и јасна регулација на системските услуги. Поддршка за воведување смарт решенија за пренос на струјата – додаде Пауновски.

Според студија во ЕУ, во наредните 10 години инвестициите во Унијата мора да се зголемат дупло, односно на околу 400 милијарди евра.

Новиот закон за енергетика кој веќе е на сила предвидува 10-годишен план за Македонија во кој обновливите зелени извори се приоритет за земјава.

Според челниците на енергетските оператори на брифингот за новинарите, спроведувањето на законот ќе ја стави Македонија на прво место во регионот и сигурно на мапата во Европа по имплементирањето на стандардите.

The post НЕКОЈ НА МАТКА ЌЕ МОЖЕ ДА СИ РАЗМЕНИ СТРУЈА СО НЕКОЈ ВО АЕРОДРОМ Еве зошто инвестирањето во панели и во батерии ќе стане лесно и исплатливо appeared first on plusinfo.mk.

Нов дигитализиран систем во кој потрошувачот на струја ќе биде во центарот, предвидува обемниот Закон за енергетика кој неодамна беше изгласан. На брифинг со новинарите во Едукативниот центар на Матка, министерката за енергетика и челници од ЕСМ и МЕПСО ги објаснија придобивките, меѓу кои е прецизноста на добиените информации.

Во фокусот на измените се паметните броила за далечинско отчитување струја кои ќе треба да бидат набавени постепено во следните 10 години, а 80% од броилата треба да бидат поставени до 2031 година.

Предвидени се и подобрени механизми за надомест при прекини или штети и нови регулаторни алатки за кориснички приговори. Новиот закон предвидува МЕПСО и ЕВН во реално време да разменуваат информации за да нема „дупки“ кога корисникот ќе праша за неговата сметка.

Граѓаните со новите промени би можеле да отчитуваат колку трошат или произведуваат на уредите кои ги поседуваат, дали се тоа клима уреди, соларни панели или нивното броило за струја. Јасната и детална пресметка е една од целите на законот во делот за транспарентност.

Министерката Сања Божиновска вели дека ова би значело крај на поплаките на граѓаните кои, како што вели, се исти и во зима и во лето.

– Можност за паметни сметки и за подобро снабдување на системот, имавме загуби од 24%, сега сме на 14%, сакаме да стигнеме на едноцифрена бројка – рече министерката заблагодарувајќи им на МЕПСО за експертизата и на ЕВН за соработката на, како што рече, историската реформа.

Истакнувајќи ги клучните делови од законот таа рече:

– Првпат воведуваме заштита за ранливите граѓани, во енергетската сиромаштија, ќе има нефискална група која ќе може да се исклучи во текот на зимата. Ќе имаме либерализиран конкурентен пазар. Ќе има „intraday“ тргување и „market coupling“. Со новиот закон за 48 часа ќе може да се смени снабдувачот. Ќе има т.н. граѓански заедници, тоа значи станарите ќе можат да се договорат да постават соларни панели во зградата.

Сашо Салтировски, шеф на Електродистрибуција, на брифингот даде детали за новите паметни броила. Тој вели дека ЕСМ веќе има набавено 200.000 од овие GSM броила за далечинско отчитување и дека во тек е тендер, но дека реално првите инсталирани броила може да ги видиме најрано од 1 јануари.

Tој вели дека 80% случаи треба да купат броила, додека за 10 години треба целосна имплементација.

– Правиме пик кој е многу сензитивен во бизнисот. И да сакаме немаме логистика преку ноќ да промениме 900.000 броила. Предност ќе имаат тие што ќе покажат интерес. Направивме проект и план со инфраструктура. Само процесот на набавка е една година, значи најмалку една година за да ги видиме првите броила. Но, ние ќе мора да избереме и соодветен софтвер. Корисникот сака во моментот на апликација да знае колку му потрошил објектот, односно произвеле соларните панели или климата – рече Салтировски.

Тој уверува дека нема да има никакво поскапување на струјата во процесот кој веќе трае. Но, она што ќе одземе време е јавната расправа за броилата, меѓу кои и оценките на Регулаторната комисија за проектот.

– Смарт броилата се регулирани во новиот закон. Имаме веќе 150.000 далечински броила. Технолошки се комплицирани. Мора добро да размислиме. Проблемот е и приватноста на информациите. Временски, не можеме да ги смениме сите броила во земјата. Прво ќе има студија, јавна расправа, па тендер. Целта е годишно рамномерно да се менуваат броилата со смарт броила – додаде тој.

Зборувајќи за дигитализацијата и за можностите за инвестиции во обновливи извори на струја преку една нова централизирана и поедноставна постапка, Салтировски ја спомна можноста двајца граѓани да си разменат струја или да тргуваат на пазарот.

Целата точност на системот кој треба да биде електронски треба да доведе и до помали загуби на струја. Според податоците на Електродистрибуција во Скопје се губи струја до 18,1% во Скопје, а потоа на списокот е Штип со загуби од 14,6%. Салтировски вели дека сигурно паметните броила ќе го забрзаат тој процес.

ЕСМ има мастер план за загуби, уверува тој.

– Секоја година планот е да се намалат по 10 милиони евра од загубите, до 2033 година загубите да бидат под 10%. Дел од тоа е и вадење на броилата надвор од објектите каде што е можно. Но, секако, крадењето струја е фактор и тука имаме соработка со обвинителството, МВР и со институциите – додаде тој.

На брифингот врзан со новиот закон зборуваше и Александар Пауноски, заменик директор на МЕПСО. Тој вели дека новиот закон предвидува динамична соработка меѓу МЕПСО и ЕВН во врска со балансирањето на сметките.

Тоа практично значи дека граѓаните нема да бидат препраќани во „лавиринтот на институциите“ кога ќе побараат помош во врска со нивната сметка.

Пауноски открива дека ЕВН излегла во пресрет во врска со балансирање на сметките.

– Со новото правило деновите на фактурирање се намалени од 60 на 25 дена. Бевме држава со најголеми отстапувања од цела Европа. Трпевме притисоци како МЕПСО од ЕУ. Тоа беше фрапирачки. Ни беше сугерирано дека мора да има казни – вели Пауновски откривајќи дека тоа е една од клучните работи кои ги повело Министерството за енергетика и дека новиот закон ги користи најдобрите пракси од законите во регионот и во ЕУ.

На прашањето дали ќе се вратат 10 милиони евра во МЕПСО од дебалансите, тој вели дека сега тие се сведени на 10 до 20 мегават часови, додека порано изнесувале меѓу и 500 и 600.

The post СО ПАМЕТНИТЕ БРОИЛА ЌЕ ЗАБОРАВИМЕ НА ПАУШАЛИТЕ Што точно добиваме како потрошувачи со новиот закон за енергетика? appeared first on plusinfo.mk.

The post ЛЕТОВО ЌЕ ВИДИМЕ КОЛКУ Е OТЧИТАНО, А КОЛКУ НЕ Е ВО СМЕТКИТЕ ЗА СТРУЈА Новиот закон предвидува автоматска корекција на сметките на 3 месеци appeared first on plusinfo.mk.

Министерството за енергетика, рударство и минерални суровини започнува иницијатива за зголемување на заштитата на граѓаните и обезбедување поголема транспарентност при мерењето на потрошената електрична енергија. Како дел од оваа иницијатива, министерката за енергетика Божиновска бара Бирото за метрологија во најкраток можен рок да ја стави во функција софистицираната опрема за тестирање и верификација на броилата, која повеќе од седум години останала неискористена.

Станува збор за трофазен систем за мерење на електрична енергија и моќност, кој со години бил складиран во подрумските простории на Бирото. Со активирањето на оваа опрема ќе се овозможи не само редовна верификација на мерилата, туку и проверка на нивната исправност по жалби од потрошувачи. Божиновска инсистира на оваа мерка поради честите поплаки на граѓаните за сомнително фактурирање на електричната енергија.

Минатата недела, министерката Божиновска изврши обиколка на Бирото за метрологија за да ја утврди состојбата на опремата. Веднаш биле дадени насоки за нејзино активирање, по што Бирото добило задолжение да распише тендер за проверка на функционалноста, инсталација и пуштање во употреба на уредот, како и обука на вработените.

„Со оваа мерка, граѓаните конечно ќе добијат можност за независна проверка на исправноста на своите броила во државна институција. Ова ќе им овозможи секој сомнеж за неправилно фактурирање да биде проверен со прецизни мерења, по што ќе добијат јасен и недвосмислен одговор“, порачуваат од Министерството.

Дополнително, ова ќе претставува механизам за контрола врз компаниите кои ги инсталираат и одржуваат броилата, со што ќе се обезбеди поголема правичност во наплатата на потрошената енергија и ќе се намалат можностите за неправилности.

Министерството за енергетика останува посветено на воведување системски решенија кои ќе обезбедат фер и точен систем на мерење, заштита на потрошувачите и спречување на можни злоупотреби во фактурирањето на електричната енергија.

The post СТРУЈАТА СКАПА, А БРОИЛАТА 7 ГОДИНИ СЕ НЕПРОВЕРЕНИ Божиновска воведува контрола за да ги заштити граѓаните appeared first on plusinfo.mk.

Тој очекува оваа недела да бидат прилагодени сите броила за кои Електродистрибуција ќе има пристап.

Претходно ЕВН појасни дека прилагодувањето на броилата за струја за користење евтина тарифа се реализира според редоследот како што претходно биле исклучувани, односно според редоследот на читање на струјомерите. Сепак, нивните вработени немаат пристап до  дел од струјомерите за да ја завршат таа операција.

Пресметките на регулаторите се дека со користењето на евтината тарифа за струјата просечно семејствата ќе можат да  заштедуваат по 1.000 денари месечно.

Евтината тарифа за струјата се воведе од 1 декември годинава.

The post 80% ОД БРОИЛАТА ЗА СТРУЈА СЕ ПРИЛАГОДЕНИ ЗА ЕВТИНАТА ТАРИФА Неделава треба да заврши нагодувањето на сите броила appeared first on plusinfo.mk.

Тој негира дека се компензира воведената евтина тарифа со новата ставка во фактурите заради тоа што, како што појасни, граѓаните кои што имаат повеќе потреба од поддршка се повеќе во рамки на првиот и вториот блок во потрошувачката. Тие што се во четвртиот блок, според него, немаат никаква потреба да бидат поддржани од страна на државата.

На новинарско прашање за коментар на барањето на енергетските компании цената на струјата да се зголеми за 27%, Бектеши рече дека тие можат да бараат и 400 и 500 %, во делот на трошоците што ги пријавуваат, но оти Регулаторната комисија за енергетика ќе одлучи колку од тие трошоци ќе прифати.

– Дваесет и седум отсто не е некое големо побарување ако споредиме со претходните години од страна на МЕПСО и од страна на ЕВН дистрибуција и ЕВН Хоум. Најверојатно нема да бидат прифатени. Цената за домаќинствата и малите потрошувачи нема да се зголеми од 1 јануари, во спротивно ќе имаат дополнителна можност со користење на евтината тарифа да им биде намалена – рече Бектеши.

Тој порача дека имаме правична методологија и согласно категории на граѓани.

– Во склоп на Енергетскиот совет речиси веќе една година се работи на нова методологија со цел да се врати евтината тарифа. Новата давачка ќе тангира одредени групи граѓани кои имаат викендици, по две-три куќи, два-три стана и слично, поради тоа што во делот на наплаќање за дистрибутивната мрежа повеќе плаќаат тие граѓани кои навистина користат електрична енергија. Тие кои имаат викендици и ги користат еднаш, двапати, трипати во годината, тие кои не ги користат становите, куќите, ќе го платат тој надомест, а за граѓаните кои навистина користат електрична енергија и имаат еден стан или куќа ќе се намали ставката за дистрибутивна мрежа. Тоа значи дека имаме правична методологија и согласно категории на граѓани во нашата држава – рече Бектеши.

Како што дополни, најранливите категории граѓани кои што имаат просечна потрошувачка во првиот и вториот блог, ќе плаќаат помалку во делот на електричната енергија и во вкупната сметка за струјата, имајќи ја во предвид и цената на дистрибутивната мрежа.

The post НЕМА ПОСКАПУВАЊЕ НА СТРУЈАТА ОД 1. ЈАНУАРИ Бектеши уверува дека новата методологија нема да ги зголеми сметките appeared first on plusinfo.mk.

Граѓаните и по 6 дена од стартувањето на евтината тарифа се збунети зошто, иако имаат дигитален бројач, не можат да ја користат евтината струја од 13 до 15 часот. Тие велат дека не ги интересира оправдувањето дека не е можно во кус рок да се адаптираат сите струјомери и прашуваат зошто нивните броила, кои се дигитални, не можат директно да се адаптираат.

Од ЕВН веќе најавија дека сетирањето на броилата ќе се одвива по групи и заедно со отчитувањето, но е непознато колку од броилата досега се адаптирани на новите барања.

Првиот човек на Регулаторната комисија за енергетика Марко Бислимовски вели дека оние домаќинства кои немаат евтина тарифа на струја ќе почекаат додека да се адаптираат нивните мерила, но заменик-народниот правобранител оценува дека оваа мерка ги става во нерамноправна положба домаќинствата чии броила не можат далечински да се адаптираат.

Граѓаните на кои им е важно да ја користат оваа струја, бидејќи сметаат на заштедата во сметката за струја за декември, велат дека никој не ги информира кога нивните „дигитални“ броила ќе бидат сетирани. Незадоволни се од тоа што поголемиот дел од нив ќе го изгубат овој месец за користење на оваа тарифа.

– Рекоа дека кај првата група со дигитални броила ќе имаме најбрзо евтина тарифа, но следев и немаше на 1 декември и сè уште нема. Им пишав во ЕВН да ме информираат што се случува и ми одговорија дека приспособувањето на дневната евтина тарифа ќе се врши со отчитувањето на броилата според групи, согласно отчитувачки недели во кои спаѓаат мерните места. Во мојот случај тоа било втората недела во месец декември. Не ми беше јасно па повторно им пишав и ми одговорија дека тоа значи дека треба да дојде следната недела човекот што го чита саатот. И после што? Автоматски ќе почне да имаме евтината струја? Нели требаше да информирате за ова наместо луѓето да мислат дека доколку имаат дигитален бројач автоматски од 1 декември ќе имаат и дневна евтина тарифа – вели револтирана скопјанка.

Друг граѓанин вели дека редовно плаќа струја и затоа се чувствува измамен и дискриминиран што ќе изгуби еден месец од мерката евтина дневна тарифа, која беше стартувана на 1 декември.

– Зарем треба да изгубам цел месец, ако сум во последната група на отчитување на броилото? Сакам да знам зошто сум дискриминиран во тој поглед. Сè што бараше ЕВН при моето приклучување на електричната мрежа – направив. Сега прашувам: Зошто моето броило да не може далечински да се отчитува? Кој одлучува кое броило ќе биде во таков режим, а кое не? Кога ќе се случи и моето броило да може далечински да се адаптира? Одговори нема зашто никој не се повикува да ги даде – вели тој.

Бислимоски деновиве појасни дека домаќинствата кои немаат евтина дневна тарифа ќе треба да почекаат нивните броила да се прилагодат рачно.

– Од 1. декември официјално евтината тарифа се врати кај домаќинствата. Кај нас во Македонија сите броила се дигитални, но не значи дека секое дигитално броило има далечинско отчитување. Како што ќе доаѓа отчитувачката група за да се промени, така ќе биде променета енергијата од скапа во евтина. Потрошувачката за декември ќе биде со целосна применета евтина тарифа. Не можат екипите на ЕВН одеднаш да заменат повеќе од 400.000 броила, но до крајот на месецот ќе биде 90% завршена. Никој нема да биде оштетен – рече Бислимоски во телевизиска емисија.

Заменик-народниот правобранител Јован Андоновски смета дека оваа состојба е дискриминациска за поголемиот дел од домаќинствата.

„Дискриминациска практика на ЕВН Македонија со воведувањето на евтина дневна тарифа. Имаа доволно време да ги направат потребните подготовки за сите домаќинства. Не знам зошто ги толерира Регулаторна комисија за енергетика?“, напиша тој на Фејсбук.

Електродистрибуција поседува 170.000 броила со далечинска комуникација односно тоа се таканаречени „Смарт броила“ и 650.000 броила кои не можат далечински да се прилагодат и треба да се посетат на самото место.

Прашавме колку од броилата досега се адаптирани, која ќе ја надомести штатата што граѓаните еден месец нема да користат евтина тарифа и како се одвива дигитализацијата на сите броила односно нивното далечинско адаптирање, но иако ни беше ветено дека ќе добиеме одговори, до објавување на текстот не ги добивме.

Од компанијата меѓутоа веќе најавија дека сите броила што ќе бидат достапни ќе бидат нагодени во текот на декември заедно со читањето на потрошената струја. Практика е броилата да се читаат еднаш месечно по групи, и тогаш сите тие ќе бидат сетирани оптички со посебен уред со физички контакт. При читањето софтверот ги адаптира како што треба да бидат сетирани.

Евтината дневна тарифа беше укината на 1 јануари 2022 година, кога имаше и поголемо зголемување на цената на електричната енергија за 9,48 отсто. Изминатата година граѓаните можеа да користат поевтина струја само во текот на ноќта – од 22 до 7 часот секој ден и во недела цел ден.

The post ДИСКРИМИНИРАНИ СЕ ДОМАЌИНСТВАТА ШТО НЕ МОЖАТ ДА ЈА КОРИСТАТ ЕВТИНАТА ТАРИФА! Нема оправдание за ЕВН, имаше доволно време appeared first on plusinfo.mk.

– Се надевам дека екипите на ЕВН ќе можат сетирањето да го направат во најбрз можен рок зашто се работи за нешто што мора дистрибутерот да го направи на терен. Тие имаат екипи, имаат знаење и стручност, се работи за реномирана австриска компанија и сметам дека тоа ќе го направат на задоволсвото на граѓаните – рече премиерот Ковачевски по средбата со претставници од здруженија на пензионерите.

Од денеска за повеќе од 170 илјади домаќинства, или за една третина од околу 700 илјади домаќинства во земјава, кои имаат дигитални броила, почнува евтината тарифа на електрична енергија од 13 до 15 часот. Останатите треба да почекаат да им бидат адаптирани броилата.

Одговарајќи на новинарско прашање Ковачевски рече дека не очекува зголемување на цената на електричната енергија, „особено не за 90 проценти од граѓаните кои се во првиот и во вториот блок и кои трошат нормални количини на електрична енергија што му се потребни на едно домаќинство“.

– Во овој момент можам да кажам дека не очекувам зголемување на цената на електричната енергија, а финалниот збор, согласно законските надлежности, го има Регулаторната комсија за енергетика – рече Ковачевски,

Висината на сметките за електрична енергија, посочи премиерот, не зависи само од електричната енергија која дистрибутерот ја обебедува од ЕСМ, туку и од други ценовни елементи.

– Финалната цена на електричната енергија ја одредува Регулаторната комсија за енергетика, каде што се калкуриураат и маржите на секој од играчите на пазарот, на преносниот систем, на загубите итн. – рече Ковачевски.

ВО 13 ЧАСОТ ПРОВЕРЕТЕ ДАЛИ ОЗНАКАТА Т2 Е НА ВАШИОТ СТРУЈОМЕР Стартува евтината дневна тарифа

The post КОВАЧЕВСКИ ГО ПОВИКУВА ЕВН ШТО ПОБРГУ ДА ГИ „СЕТИРА“ БРОИЛАТА Засега, само тие со дигитално броило може да ја користи евтината тарифа appeared first on plusinfo.mk.

– Од утре официјално се враќа евтината тарифа за домаќинствата. Кога ја укинавме во декември 2021, тоа беше во услови кога имавме цени на електрична енергија по 300-400 евра по мегаватчас, а во текот на денот достигнуваше до 500, 600, 700 евра. Едноставно, тие трошоци не можеа да се издржат. Бевме принудени да ја укинеме, но тогаш ветивме – во првиот момент кога ќе се создадат технички и пазарни услови, ние ќе ја вратиме евтината тарифа – рече Бислимовски.

Првиот човек на РКЕ објасни дека цената во текот на денот од март до октомври во тој период е за два до три пати пониска, отколку кога ќе се затемни, со што и ЕСМ и ЕВН ќе се стимулираат да купуваат струја во тие термини од слободниот пазар.

– Сите домаќинства кои имаат далечинско отчитување, утре ќе имаат евтина тарифа, група по група ќе се сетираат мерилата. Не можат екипите на ЕВН одеднаш да заменат уште 400.000 броила, но до крајот на месецот ќе ја имаат 90 отсто, додаде тој.

The post ОД УТРЕ ОФИЦИЈАЛНО СЕ ВРАЌА ЕВТИНАТА СТРУЈА Ќе треба еден месец за да се подесат сите броила appeared first on plusinfo.mk.