– Според член 26 од Уставот полицијата може да влезе во дом само ако има претходно одлука од Суд, а не по желба единствено на МВР или обвинителството. Или мафијата на Заев смета дека е суд, полиција и обвинителство во исто време па може да упаѓа по домовите и да бројат гости или ова е очаен обид на владата да го сврти вниманието од крахот и фијаското со здравствената криза. Заев и Филипче предизвикаа целосен дебакл на здравствен план. Немањето јасна стратегија резултираше во 364 новозаболени од коронавирус во текот на вчерашниот ден – велат од ВМРО-ДПМНЕ.

Од таму додаваат дека бројките галопираат. За три дена бројот на заразени е близу 1.000, односно половина од бројката од 2.000, колку што според Филипче требаше да изнесува бројот на заразени во Македонија во текот на целата пандемија.

– Кризата не ги затекна Заев и Филипче, тие знаеја дека ќе има уште пострашен удар од првиот бран, кој за жал кај нас е со продолжено траење, и не преземаа ништо во текот на летото за да ги зајакнат капацитетите на јавното здравство, како со болнички простории, така и со опрема. Наместо импровизации и неспособност потребна е одговорност – велат од ВМРО-ДПМНЕ.

The post ВМРО-ДПМНЕ: Ако главната мерка е Спасовски да брои гости по домовите, треба владата да си поднесе оставка appeared first on plusinfo.mk.