,,За 16 месеци, споредбено со изминатите 7 години навистина се направи еден охрабрувачки исчекор во делот со борбата со корупцијата и би сакала ова да го поткрепам со факти. Повикувајќи се токму на Извештајот од Европската комисија, после два последователни најлоши извештаи во 2023 и 2024 година, конечно 2025 година ја бележиме со еден охрабрувачки раст од една оцена 1,55 и со една тенденција 3,11 за подготвеноста во делот на усогласување со европското законодавство“.

Вака изјави Марија Петрушевска, пратеничка во Собранието од редовите на ВМРО-ДПМНЕ, во денешното издание на регионалната телевизија Њусмакс.

Зборувајќи во врска со Самитот ЕУ-Западен Балкан, Петрушевска истакна дека Македонија останува цврсто посветена на реформите, регионалната соработка и усогласеноста со надворешната и безбедносната политика на ЕУ.

– Овој Самит претставува исклучителна можност, токму челниците на ЕУ да ја потенцираат политиката на проширување, како дел од својата геостратешка определба и приоритет кога станува збор за силна и обединета Европа. Сите земји од Западен Балкан, не само географски, туку и културолошко припаѓаат во тоа европско семејство. Овој Самит е дел од таа стратешка агенда на ЕУ со којшто ќе се потенцира или повторно ќе се адресира прашањето, дека политиката на проширување особено кога се однесува на земјите од Западен Балкан, вклучително и Македонија е високо на агендата – посочи Петрушевска.

За очекувањата од самитот Петрушевска вели:

– Очекуваме на овој Самит да се адресираат и прашањата кои што ги засегаат и регионот, а во којшто е вклучена и Македонија. Тоа е регионалната соработка, потоа прашањата кои што се поврзани со надворешната и безбедносната политика. Во овој дел, Македонија е навистина во еден чекор понапред споредбено од нашите соседи.

Петрушевска додаде дека во последниот Извештај на Европската комисија, во делот на надворешните односи, како што вели таа, се потенцираше дека земјата останува во целост усогласена со надворешната и безбедносна политика на ЕУ.

– Меѓутоа, за прв пат се споменува и се поздравува пристапувањето на СЕПА и партнерството кое што Министерството за одбрана го потпиша со ЕУ, а тоа се однесува на безбедност и стабилност – кажа Петрушевска.

The post ОХРАБРУВАЧКИ БРОЈКИ ВО ИЗВЕШТАЈОТ НА ЕК ЗА БОРБАТА ПРОТИВ КОРУПЦИЈАТА Македонија бележи промени по 7 години стагнација appeared first on plusinfo.mk.

@hecticnick♬ Cool Kids (our sped up version) – Echosmith

Toчниот број е 3452839.

The post 📽️ КОЈ БРОЈ ГО ГЛЕДАТЕ НА ОВАА СЛИКА? Оптичка илузија што збуни милиони тиктокери appeared first on plusinfo.mk.

За 4 часа се одложува подигнувањето на изборен материjал и гласањето на болни и изнемоштени лица во Ново Село откако биле забележани грешно испечатени редни броеви на советничките листи. За случајот е информирана Државната изборна комисија. Оттаму брифираа дека гласачкиот материјал за советници е повлечен и се дистрибуира нов и дека сите болни и изнемоштени ќе го остварат своето право.

„Избирачкиот материјал од Општина Ново Село е повлечен. Таму денеска ниту едно пријавено болно или изнемоштено лице нема гласано. Станува збор за гласачки материјал за советнички листи. Се дистрибуира нов и сите болни и изнемоштени лица ќе гласаат“, соопштија од ДИК.

За гласање утринава во општината се пријавиле 400 лица кои со медицинската документација потврдиле дека не можат утре да излезат на избирачките места да гласат, па согласно законот, своето право требаше да го остварат денеска.

Во струмичкиот регион пријавени се 1.308 болни и изнемоштени лица. Освен во Општина Ново Село, денеска гласаат и 514 болни и изнемоштени во Општина Струмица, во Босилово 232, а во Општина Василево 162.

The post ВО НОВО СЕЛО ПОГРЕШНО БИЛЕ ОТПЕЧАТЕНИ БРОЕВИТЕ НА СОВЕТНИЧКИТЕ ЛИСТИ Изборниот материјал е повлечен, се дистрибуира нов appeared first on plusinfo.mk.

Поранешниот командант на американските сили во Европа, генерал Бен Хоџис, предупреди дека секој руски напад врз членка на НАТО би предизвикал непосреден и разорен одговор.

Во интервју за проектот „Vote Talk“, Хоџис нагласи дека клучните руски воени објекти, вклучувајќи ги и оние во Калининград и Севастопол, би биле уништени во рок од неколку часа од почетокот на конфликтот.

– Замислете ако Русија ја нападне Полска во 2025 година по истиот модел како Украина. НАТО би реагирал веднаш. Воздухопловните и копнените сили би ги уништиле руските трупи. Калининград би бил елиминиран во првите неколку часа, нема да остане ништо. Истото важи и за Севастопол – рече Хоџис, додавајќи дека Русија нема шанси во директен конфликт со НАТО.

Генералот беше особено критичен кон западниот одговор на почетокот на војната во Украина во 2014 година, истакнувајќи дека западните земји се премногу економски зависни од руските извори на енергија, што ја ограничува нивната решителност.

– Многу луѓе тогаш рекоа: „Не претерувајте, Русија е сериозна земја со нуклеарно оружје“. Не испративме јасен сигнал дека Кремљ ќе биде одговорен за својата агресија. Договорите од Минск беа празни, а санкциите немаа никаков ефект – рече Хоџис, според медиумите.

Според него, на почетокот на руската инвазија на Украина во 2022 година, НАТО требало јасно да ја дефинира целта, а тоа е целосно ослободување на украинската територија, и требало да му ги обезбеди на Киев сите потребни ресурси.

– Доколку тоа веднаш беше прогласено за заедничка цел, Украина денеска ќе беше во многу подобра позиција – е убеден Хоџис.

Наместо тоа, вели тој, западните престолнини потрошија време дискутирајќи за можни руски нуклеарни закани и преговори, што само и користеше на Москва.

Во меѓувреме, НАТО разгледува порешителни мерки против Русија, вклучително и распоредување беспилотни летала за напад во близина на руската граница и промена на правилата за отворање оган врз руските авиони.

Според извештаите, Русија ги интензивира тајните и отворените напади врз Европа, влегувајќи во таканаречената „нулта фаза“ на подготовки за конфликт со НАТО, што вклучува информативни и психолошки операции.

Предупредувањето на Хоџис доаѓа во време кога тензиите меѓу Русија и Западот ескалираат, а НАТО ја зајакнува својата одбранбена подготвеност за одговор на потенцијални закани.

The post „РУСКИТЕ КАЛИНИНГРАД И СЕВАСТОПОЛ БИ ПАДНАЛЕ ЗА НЕКОЛКУ ЧАСА“ Екс-командант е уверен дека НАТО може да се справи со Русија appeared first on plusinfo.mk.

Просечната плата во досегашното владеење на коалицијата чиј предводник е ВМРО-ДПМНЕ реално се покачила двојно отколу во владата на СДСМ која владееше од 2017 до 2024 година, тврдат од ВМРО-ДПМНЕ и приложуваат графикон во соопштение до јавноста.

Според ВМРО-ДПМНЕ порастот на реалната плата во време на ВМРО-ДПМНЕ изнесува 6,7% за разлика од 3,5% во времето на СДСМ.

Во прилог е соопштението на партијата:

„Венко Филипче одамна изгубил чувство за реалноста, очигледно некаде по првиот тендер како министер за здравство, но сега откако беше на јахтата на Заев и тоа малку што го имал го нема.

Народот денес е побогат од времето на СДСM. Единствена разлика е што нема милиони за него и Заев од државниот буџет.

Бројките се секогаш тврдоглави, а тие го говорат следното:

Растот на просечната нето-плата во период од последната година кога ВМРО-ДПМНЕ е на власт е 10,3%, за разлика од периодот кога СДСM беше на власт, кога просечната плата порасна за 8,3%.

Уште поголем удар за СДСM е фактот што реалниот пораст на просечната плата во период на ВМРО-ДПМНЕ е двојно поголем од периодот на СДСM. Имено порастот на реалната плата во време на ВМРО-ДПМНЕ е 6,7%, за разлика од 3,5% во време на СДСM. Тоа значи дека стандардот на граѓаните сега, е поголем од времето кога СДСМ беше власт.

Кога сме кај инфлацијата, и таму бројките се лоши за СДСM. Во време на СДСM инфлацијата во просек изнесувала 4,8%, за разлика од сега кога во просек е 3,6%.

СДСM и Филипче може да лажат колку сакаат, но едно не можат да сменат, а тоа е реалноста“, велат од ВМРО-ДПМНЕ.

The post 📷 ПРОСЕЧНАТА ПЛАТА ПОРАСНАЛА ДВОЈНО ПОВЕЌЕ ОД ГОДИНИТЕ КОГА ВЛАДЕЕШЕ СДСМ Бројките ја покажуваат реалноста, тврди ВМРО-ДПМНЕ appeared first on plusinfo.mk.

Во првата половина од годината земјава ја посетиле 520.861 туристи, што е за 13,% повеќе од  истиот период лани, обајви  Државниот завод за статистика.

Во периодот јануари – јуни  регистрирани се 125.306 домашни туристи, што е за 2,5 %  помалку од истиот период лани, додека странските доаѓања се зголемиле за дури 19,7 % или вкупно 395.555 туристи.

Туристите во овој период направиле 980.246 ноќевања, што претставува раст на годишно ниво од 8,5 %.

Кај домашните туристи има намалување за 1,1%, а кај странските има зголемување за 13,3 %.

Бројот на туристите во јуни 2025 година изнесува 126 415, од кои 20,1 % се домашни туристи, а 79,9% се странски туристи.

Позитивни  бројки се забележани и кај ноќевањата. Во јуни се забележани  243.157, од кои 26,7 % се на домашните туристи, а 73,3 % на странските туристи.

Според податоците, во јуни најбројни биле туристите од Турција (34.366), а ги следат Србите (8.897), Германците (8.011) и Холанѓаните (3.604).

The post ПОВЕЌЕ ОД ПОЛОВИНА МИЛИОН ТУРИСТИ ВО ПРВОТО ПОЛУГОДИЕ Турците се најбројни appeared first on plusinfo.mk.

Министерството за здравство информира за состојбата на пациентите во установите во земјава и странство, согласно воспоставените процедури за известување од медицински центри во странство.

Министерството напоменува дека сите пациенти се соодветно згрижени и добиваат 24-часовна врвна медицинска нега во земјава и во специјализираните медицински центри во странство.

„Од вкупно 178 повредени, во јавните здравствени установи во државата во моментот се третираат 64 пациенти, кои се во релативно стабилна состојба, во приватните здравствени установи се лекуваат 13 пациенти, а 101 пациент се третира во странски медицински центри.

Во Австрија од вкупно шест пациенти кои беа на интензивно лекување, еден пациент е префрлен на оддел, а другите се во потешка, но стабилна состојба.

Во Литванија четворица пациенти сè уште се на интензивно лекување, кои се во стабилна состојба во моментот.

Во Србија, од вкупно 30 пациенти, 11 се интубирани во потешка општа состојба, а останатите се стабилни.

Во Бугарија се хоспитализирани вкупно 15 пациенти, од кои седум се интубирани и 6 оперирани, со стабилна хемодинамика, а двајца почнуваат од денес да се движат.

Во Словенија во УКЦ Љубљана се хоспитализирани двајца пациенти, кои се во потешка здравствена состојба, со благо подобрување од вчера.

Во Грција од вкупно 12 пациенти, двајца се критични, но стабилни во моментот, тројца од нив се оперирани. Утрово се пристигнати и нови пациенти во Атина, кои се хоспитализирани и се под опсервација.

Во Белгија и во Италија се хоспитализирани по 4 пациенти и сите се стабилни.

Во Хрватска се хоспитализирани двајца пациенти во тешка општа состојба, но стабилни, а за пристигнатите тројца нови пациенти во тек се дополнителни иследувања.

Исто така, во Полска се на лекување двајца пациенти, од кои едниот е екстубиран, а другиот е на интензивно лекување.

Денес се во тек подготвителни активности за транспорт на двајца пациенти за Шведска.

Упатуваме благодарност до медицинските тимови од странство, кои со својата стручна експертиза, заедно со нашите здравствени работници заеднички и посветено се грижат за повредените пациенти во нашите здравствени установи. Благодарност и за поддршката од сите општествено одговорни компании“, соопшти Министерството за здравство.

The post ДОМА СЕ ЛЕКУВААТ 77, ВО СТРАНСТВО 101 ПОВРЕДЕН ВО ПОЖАРОТ Министерството за здравство ги објави деталите appeared first on plusinfo.mk.

Mинистерот за јавна администрација Горан Минчев на денешната прес-конференција информираше дека за измените се процентите на балансерот, алатката за вработување според национална припадност во државните институции. Како што вели Минчев во август 2022 година, тогашниот министер Адмирим Алити направил нова пресметка, броејќи ја и дијаспората од пописот во 2021 година, и го зголеми процентот за вработување Албанци на 29,54%.

Министерот вели дека досега Законот за вработените во јавниот сектор не бил почитуван, бидејќи во пресметките бил вклучен и бројот на нерезидентно население.

– Измената на процентите на балансер алатката исклучиво се направени согласно Законот за вработените во јавниот сектор, кој претходно не бил испочитуван. Тоа значи дека во пресметката на балансерот како дел од годишните планови за вработување во институциите во јавниот сектор ќе биде вклучен само бројот на резидентното население, а нерезидентното население е исклучено од пресметката на балансерот – изјави министерот.

Така, според новите пресметките во годишните планови за вработување во институциите од јавниот сектор се коригираат процентите: Македонци од 54,21% на 58,44%, Албанци од 29,52% на 24,30%, Турци од 3,98% на 3,86%, Роми од 2,34% на 2,53%, Срби од 1,18% на 1,30% и Власи од 0,44% на 0,47%.

Минчев рече дека во неговото министерство се пристигнати околу 120 годишни планови за вработување во институциите од јавниот сектор и од нив само пет се со позитивно мислење, а останатите се вратени со забелешки по кои треба да постапат институциите и да ги усогласат со новите проценти.

Според последниот попис, одржан во септември 2021 година, на територијата на Македонија живеат 58,44 отсто Македонци, 24,3 отсто Албанци, 3,86 отсто Турци, 2,53 отсто Роми, 1,3 отсто Срби, 0,87 отсто Бошњаци и 0,47 отсто Власи. 7,2 отсто, или 132.260 граѓани, се попишани од административни извори и тие не влегуваат во процентите на националности. Според резултатите од самопопишувањето, во дијаспората се 66,36 отсто Албанци и 24,45 отсто Македонци.

Кога ќе се соберат бројките од резидентното население во Македонија и самопопишаните македонски државјани во странство, 54,21 отсто се Македонци, 29,52 отсто се Албанци, 3,98 отсто се Турци, 2,34 отсто се Роми, 1,18 отсто се Срби, 0,87 отсто се Бошњаци и 0,44 отсто се Власи.

Законот за вработените во јавниот сектор, кој започна со примена во 2015 година, предвидува механизам за распределба на новите вработувања со соодветна и правична застапеност на припадниците на заедниците, на ниво на секоја од институциите во јавниот сектор, а врз основа на потребите на самите институции изразени преку Годишни планови за вработување.

– Според укажувањата кои по писмен пат се доставени до релевантните институции, ја користам оваа прилика уште еднаш да ги повикам институциите од јавниот сектор да постапат по нашите забелешки, укажувања и инструкции и истите во најкраток можен рок да ги достават повторно на одобрување до Министерството за јавна администрација. Потенцирам, дека согласности на годишните планови за вработување, Министерството за јавна администрација исклучиво ќе издава  согласно новите проценти во самата дигитална алатка Балансер, а согласно Законот за вработените во јавниот сектор – додава Минчев.

The post МИНЧЕВ ГО ИЗБАЛАНСИРА БАЛАНСЕРОТ Се зголемува процентот на Македонци, а се намалува на Албанци за вработување во јавна администрација appeared first on plusinfo.mk.

Црвениот аларм за државата одамна е веќе вклучен за високиот број на работоспособно население кое се сели од земјава, велат економисти кои очекуваат итна реакција преку краткорочна и долгорочна стратегија, пред да биде доцна за економијата и животниот стандард на населението кое останува во земјава.

Дел од нив посочуваат и на податоци за тоа колку е алармантна состојбата, но сите се согласни дека лошо ѝ се пишува на земјава бидејќи веќе заминуваат цели семејства.

Според нив, новата влада која треба да стапи на функција месецов има огромен товар кој треба да го решава многу брзо.

Посебно е загрижувачки, велат експертите, тоа што се иселуваат млади кои ги формираат своите семејства надвор од земјава, што се гледа и од податоците за наталитетот и старосната структура на населението. Во меѓувреме, земјата се празни и со агресивното дејствување на земјите кои се соочуваат со проблеми со работна сила, а се далеку појаки економии од нашата. Тие ги олеснуваат условите за обезбедување на работници и регрутираат кадар меѓу незадоволните граѓани во земјава.

Економистот Маријан Николов вели дека ако не се преземат мерки за ублажување на состојбата со увоз на работници може да се очекуваме натамошно стагнирање на економијата и сѐ поголеми проблеми во обезбедување пари за нормално функционирање на државата.

– Факт е дека иселувањето не стивнува, а последните години сме сведоци дека на работа во странство не оди само еден или двајца членови од семејството, туку цело семејство што значи дека овие луѓе не планираат да се вратат. На другата страна имаме намален наталитет, помал број на деца во училиштата, демографска структура што не ветува понуда на работна сила која е потребна на компаниите кои не можат да го планираат развојот. Состојбата со години се продлабочува, а ако не се преземат мерки може да се доведат во прашање и функциите на државата во чија каса нема да се собираат доволно средства за да се сервисираат социјалните потреби на граѓаните. Со еден збор нема да може да се смета на економски раст и нормално функционирање на државата, а животот во земјава ќе станува потежок – вели Николов.

Решение на проблемот, вели тој, е во поголем ангажман на државата за негово решавање.

– Проблемот се наталожувал со години и нема брзо решение, но може да се направат напори за негово ублажување, а со тек на време и подобрување. За тоа е потребен договор и стратегија која ќе се реализира. Во овој период е потребно да се работи на подобрување на политиките за да се овозможи подобри услови за работа и живеење, да се намали иселувањето и да се почне процес на враќање на оние што заминале од земјата. Ќе треба да се увезе и работна сила за да можат компаниите да работат. И тука ќе треба да се обезбедат услови тие луѓе да се задржат подолг период и да не заминат уште првите месеци во некоја од посилните економии кои исто така бараат работна сила и нудат поволности. Првите примери за вакви случки веќе се видливи со работниците кои дојдоа во македонски компании и без никакви образложенија си заминаа од земјава  – вели тој.

Даночниот експерт Павле Гацов за да покаже колку е предизвикувачки за државните институции преземањето мерки за намалување на иселувањето од земјава и одливот на кадар од реалната во сивата економија објави споредбени бројки за периодот 2022-2023 година во однос на вработеноста и невработеноста кои покажуваат дека 16.000 луѓе исчезнале од евиденцијата на невработени и на вработени.

– Бројот на невработени во Македонија за една година (2023 во однос на 2022) паднал за повеќе од 12,5 илјади. За истиот период и бројот на вработени паднал за повеќе од 3,7 илјади лица. За една година, повеќе од 16 илјади лица недостасуваат во двете евиденции заедно. Се апстрахираме од природниот влез и излез во оваа евиденција. „Парадоксот“ е во егзодусот на кадрите (одлив е веќе слаб збор) – вели Гацов.

Според него, потребни се политики за задржување на работниците.

– Особено на младите и професионалците, и особено политики за вклучување во регуларната економија на непријавените (сива/црна економија), и конечно политика на враќање на кадрите кои заминале (за ова не е доволно само зголемувањето на платите …) – вели Гацов.

Дека иселувањето последните години зема замав говорат и податоците за последните 6 години пред воведувањето на новата методологија во статистика 2017-2022 година.

Во третиот квартал (јули-септември) 2017 година во Македонија имало 954.814 работоспособни и активни лица, додека во третиот квартал (јули-септември) во 2022 година таа бројка се намалила на 808.328 лица, или речиси 150.000 лица помалку (во овој период има речиси ист број на пензионери), што значи овие лица се вработиле во сивата економија или заминале од земјава.

Се претпоставува дека 90% од овие лица се иселиле од државава или годишно во просек се иселиле по речиси 25.000 луѓе. Во овие бројки не се сметаат иселените деца и пензионери, па заедно со нив бројот е сигурно многу поголем.

Официјални бројки за иселување  од земјава нема, но анкетите меѓу младите покажуваат дека 90% од нив сакаат да живеат надвор од татковината.

Новата влада која треба да стапи на функција месецов најави низа мерки со кои ќе ги подобри условите за живот и работа во земјава, што, како што велат, ќе придонесе да почне враќањето на дел од иселените.

The post ЛОШО Ѝ СЕ ПИШУВА НА МАКЕДОНСКАТА ЕКОНОМИЈА До 25.000 луѓе годишно ја напуштаат земјава appeared first on plusinfo.mk.

За регистрските таблички кои имаат само троцифрен број предвидени се посебни налепници со кодот „NMK“ кои се со различни димензии од тие за табличките со четирицифрени броеви. Проблемот е што овие налепници помалку ги има во станиците за технички преглед, каде се подигаат овие налепници.

Затоа, на прашањето „дали имате налепници со NМК“ службениците во станиците за технички преглед веднаш одговараат со контрапрашање – „А колку бројки има вашата табличка?“. Ако одговорите со три бројки, најчесто следи одговор – „е такви немаме“.

За да подигнете налепница за табличка мора да покажете сообраќајна дозвола, но неопходно е и вашето возило да биде „присутно на лице место“ во станицата за технички преглед. Не е дозволено да ја подигнете налепницата и да ја залепите дома сами.

The post ТАБЛИЧКА СО ТРИ БРОЈКИ – ТРИПАТИ ПОВЕЌЕ ГЛАВОБОЛКИ! Налепниците за нив се посебни и ретко ги има во станиците за технички преглед appeared first on plusinfo.mk.