Брижит Макрон, сопругата на францускиот претседател Емануел Макрон, изгуби рамнотежа качувајќи се на скали предвидени за правење групна, семејна фотографија за време на самитот Г7, што се одржува во францускиот град Евијан на Женевското Езеро.

Еден момент пред да падне, што сигурно ќе се случаеше, француската прва дама силно се фати за подлактицата на американскиот претседател Доналд Трамп и успеа да ја поврати рамнотежата. Потоа, очигледно добро расположена, се качи на повисока скала за биде во иста висина со Трамп.

 

View this post on Instagram

 

A post shared by 鳳凰資訊 PhoenixTVNews（凤凰资讯） (@phoenixtv_news)

The post 🎥 ПОГЛЕДНЕТЕ КАКО БРИЖИТ МАКРОН ГО ЗГРАПЧИ ТРАМП! На домаќинката на Г7 ѝ требаше стабилна потпора appeared first on plusinfo.mk.

Тринаесет секунди можеби не звучат многу. Но, на дипломатски самит исполнет со камери, тоа беше доволно за да се роди нова интернет сензација.

При пристигнувањето на самитот на Г-7 во Горна Савоја во Франција, шефот на САД најпрво се ракуваше со Емануел Макрон. Поздравот траеше кратко. Потоа следеше поздравот со Брижит Макрон и токму тој момент го привлече вниманието на присутните.

„Кој прв ќе попушти?“

Според дел од медиумите и набљудувачите, ракувањето траело околу 13 секунди, што е значително подолго од вообичаените дипломатски поздрави.

На социјалните мрежи веднаш почнаа споредби со натпревар во издржливост, додека други го опишаа моментот како непријатен и необично напнат.

Сенка од старата афера

Необичното ракување доби дополнително внимание и поради претходните коментари на Трамп за брачниот однос на Макронови.

Во мај 2025 година снимка од авион на која Брижит Макрон го оттурна францускиот претседател стана светски хит. Трамп подоцна јавно се пошегува на сметка на двојката и оцени дека Брижит се однесува „екстремно лошо“ кон својот сопруг.

Макрон тогаш возврати дека таквите коментари не се во духот на дипломатската комуникација.

Стара приказна со ново поглавје

Ова не е првпат ракувањата на Доналд  Трамп и Макрон да предизвикаат внимание.

Уште при нивната прва средба во Брисел во 2017 година, двајцата лидери имаа долго и цврсто ракување кое тогаш беше анализирано како своевиден тест на политичка и лична доминација.

Во годините што следуваа, нивните односи се движеа од блискост до остри несогласувања околу царините, Украина и Иран.

Момент што ги засени лидерите

Иако самитот е посветен на големи геополитички прашања, од војните до глобалната економија, токму краткиот момент пред камерите повторно стана една од најсподелуваните сцени од собирот.

Понекогаш доволни се 13 секунди за да се украде целото шоу.

The post 📽️ ТРАМП НЕ ЈА ПУШТИ БРИЖИТ, МАКРОН ГЛЕДАШЕ ЗБУНЕТ Шефот на САД се оддолжи откако ја критикуваше двојката за шамарот? appeared first on plusinfo.mk.

Пораките меѓу францускиот претседател Емануел Макрон и иранската филмска ѕвезда Голшифтех Фарахани наводно довеле до инцидентот во кој Брижит Макрон го оттурнала или удрила својот сопруг во претседателскиот авион, тврди новата книга „Скоро совршен пар“ на новинарот Флоријан Тардиф, пренесува „Тајмс“.

Инцидентот се случил минатата година при слетување во Ханој и беше снимен од камера на Асошиејтед Прес. Тогаш Макрон тврдеше дека станувало збор за шега меѓу сопружниците. Но книгата нуди многу подраматична верзија.

Според авторот, Брижит Макрон наводно видела порака што Голшифтех Фарахани му ја испратила на францускиот претседател. Во интервју за РТЛ, Тардиф тврдел дека Макрон ѝ испраќал пораки на актерката како:

– Те сметам за многу убава.

Авторот инсистира дека односот бил „платонски“, но дека пораките предизвикале расправија што кулминирала со инцидентот во авионот.

– Сè во книгата се факти, факти и само факти – изјавил Тардиф.

Официјални негирања

Откако видеото стана вирално, Елисејската палата првично се обиде да го минимизира случајот. Советници на Макрон дури сугерирале дека снимката е лажна, но францускиот претседател подоцна ја призна автентичноста.

– Јас и сопругата се каравме, повеќе се шегувавме – рече Макрон.

Брижит Макрон подоцна изјавила дека била преморена од летот и турбуленциите.

– Не сакав да излезам од авионот. Тој се обиде да ме насмее. Ми даде вода и го турнав – рекла таа.

Извор близок до првата дама за „Ле Паризиен“ изјавил дека Брижит „категорично негира“ дека проверувала пораки во телефонот на својот сопруг.

Која е Голшифтех Фарахани?

Голшифтех Фарахани е една од најпознатите ирански актерки и долгогодишен критичар на режимот во Техеран. Таа стекна светска слава со улогата во филмот „Тело на лаги“ на Ридли Скот, каде играше со Леонардо Дикаприо.

По појавувањето без хиџаб во филмот, иранските власти ја нападнаа, а подоцна ѝ беше забрането да се врати во земјата. Дополнителни контроверзии предизвика во 2012 година кога позираше гола за француски медиум, што беше сфатено како политички протест против иранскиот режим.

Brigitte Macron slapped her husband in the face after he sent flirty message to Iranian actress, according to a new book.

The book has claimed Macron text the actress telling her she was “very pretty” leading to Brigitte shoving him in a rage. pic.twitter.com/1VI6rLTh4H

— Oli London (@OliLondonTV) May 14, 2026

Минатата година и самата Фарахани ги негираше шпекулациите за романса со Макрон.

– Мислам дека на некои луѓе им недостасува љубов, па затоа создаваат вакви приказни – изјави актерката.

Подоцна за магазинот „Гала“ додаде:

– Мора да ги оставите гласините да си одат. Тие се како бранови што доаѓаат и си заминуваат.

Трамп се потсмеваше

Случајот доби и политичка димензија. Доналд Трамп во април го искористи инцидентот за потсмев кон францускиот лидер, коментирајќи дека Макрон „сè уште се опоравува од ударот“.

Францускиот претседател одби подетално да одговори.

– Тие коментари не заслужуваат одговор – изјави Макрон.

Во Франција, каде приватниот живот на политичарите често се третира поинаку отколку во англосаксонските медиуми, аналитичарите не очекуваат приказната значително да влијае врз неговиот рејтинг. Но, на социјалните мрежи, случајот повторно експлодира.

The post 📽️ ОТКРИЕНО ЗОШТО БРИЖИТ ГО УДРИЛА МАКРОН? Иранска актерка наводно ги запалила страстите во Елисејската палата appeared first on plusinfo.mk.

Сопругата на премиерот Христијан Мицкоски, Рози Мицкоска, го продолжи своето учество на глобалниот самит во Белата куќа, во организација на правата дама на Соединетите Американски Држави (САД), Меланија Трамп, фокусиран на улогата на вештачката интелигенција и образованието, соопшти прес-службата на Владата.

„Овој настан во рамките на иницијативата „Fostering the Future Together”, претставува историски самит, како најголемо меѓународно собрание организирано од прва дама на САД, на кој учествуваа претставници од рекордни 45 земји и водечки технолошки компании.

Во рамките на самитот, сопругата на премиерот, Рози Мицкоска оствари краток разговор и размени мислења со првата дама на Соединетите Американски Држави, Меланија Трамп како и со првата дама на Франција, Брижит Макрон.

Настанот беше насочен кон унапредување на образованието, дигиталната писменост и употребата на технологија и вештачка интелигенција за поддршка на децата ширум светот.

– Денес ми е посебна чест денес да примам толку импресивна група лидери. Четириесет и петмина од вас патуваа од секој агол на планетата за да ја претставуваат својата нација како дел од оваа нова коалиција. Заедно ја негуваме иднината. Нашата мисија, да им дадеме моќ на децата преку технологијата и образованието, е остварлива – истакна во своето обраќање првата дама на САД.

Централен момент беше претставувањето на американски изработен хуманоиден робот, кој јавно се обрати и комуницираше со присутните, покажувајќи ги можностите на напредната роботика и вештачката интелигенција. Овој дел од програмата беше замислен како симбол на технолошкиот напредок и улогата на САД во развојот на иновации.

Настанот во Белата куќа послужи како платформа за меѓународно поврзување, размена на идеи и демонстрација на технолошки достигнувања, со акцент на иднината и глобалната соработка„ – се вели во владиното соопштение.

Фото: Влада на Република Македонија

СОПРУГАТА НА ПРЕМИЕРОТ МИЦКОСКИ НА САМИТ ОРГАНИЗИРАН ОД МЕЛАНИЈА ТРАМП Први дами од целиот свет се собраа во Вашингтон

The post 📷 РОЗИ МИЦКОСКА СЕ ЗАПОЗНА СО МЕЛАНИЈА ТРАМП И СО БРИЖИТ МАКРОН Сопругата на премиерот Мицкоски на самит за вештачка интелигенција во Белата куќа appeared first on plusinfo.mk.

На модната ревија на брендот Interdee, одржана во хотелот Marois во Париз, модата и уметноста се споија во елегантна вечер на која присуствуваа бројни познати имиња. Ревијата беше придружена со уметничка изложба, каде што Лоренс Озиер, ќерка на француската прва дама Брижит Макрон, ги претстави своите дела.

Се очекуваше Брижит Макрон да присуствува на настанот со своите две ќерки, Лоренс и Тифан Озиер, но на самиот почеток на вечерта стана јасно дека тоа нема да се случи.

Лоренс ѝ се обрати на публиката за да го објасни отсуството на нејзината мајка.

– Не ѝ е дозволено да се движи. Овој викенд имаше итна операција на мрежницата. Не може да патува – изјавила постарата ќерка на првата дама, пренесува Paris Match.

Брижит накратко се појави преку видео повик на телефонот на нејзината ќерка. Носејќи очила за сонце, таа се јави од Елисејската палата и им се обрати на присутните.

 

View this post on Instagram

 

A post shared by Paris Match (@parismatch)

– Објасни им – ѝ вели таа на Лоренс, пред самата да раскаже кратка приказна за историјата на местото на одржување и да ја замоли ќерка си да ја преведе причината за нејзиното отсуство на англиски јазик.

И покрај здравствените проблеми, првата дама барем виртуелно ја поддржуваше ќерка си на важната вечер, а нејзиното кратко појавување предизвика аплауз и воодушевување од публиката.

The post 🎥 ПРВАТА ДАМА НА ФРАНЦИЈА ЗАВРШИЛА НА ИТНА ОПЕРАЦИЈА Брижит Макрон ја поддржа својата ќерка на нејзината изложба преку јавување на Фејстајм appeared first on plusinfo.mk.

Првата дама на Франција, Брижит Макрон, се најде во центарот на скандал откако во јавноста протече видео на кое таа ги нарекува феминистичките активистки „глупави кучки“ („sales connes“). Нејзиниот испад се случи пред настапот на комичарка која претходно беше обвинета за силување, а чиј настап беше прекинат од активисти, пишува France 24 .

На снимката, објавена од локалните медиуми во понеделник, се гледа Брижит Макрон и нејзината ќерка Тифан Озиер како разговараат со комичарот Ари Абитан пред неговиот настап во недела. „Се плашам“, се слуша како вели Абитан, на што Макрон одговара: „Ако има глупави кучки, ќе ги исфрлиме“.

Нејзиниот коментар се однесуваше на активистите кои го прекинаа стендап настапот на Абитан во саботата. Носејќи маски со неговиот лик и зборовите „силувач“, тие скандираа „Абитан силувач“. Да потсетиме дека една жена го обвини актерот за силување во 2021 година, но истражителите го отфрлија случајот во 2023 година поради недостиг на докази.

Феминистичкото здружение #NousToutes („Сите ние“), кое стои зад протестната акција, ја претвори навредата во хаштаг на социјалните мрежи, а бројни објави беа споделени во знак на поддршка. Меѓу нив е и актерката Џудит Годреш, икона на француското движење #MeToo, која објави на Инстаграм: „И јас сум глупава кучка“.

Активистка која учествуваше во акцијата, користејќи го псевдонимот Гвен, рече дека колективот е „длабоко шокиран и згрозен“ од јазикот на првата дама.

„Тоа е уште една навреда за жртвите и феминистичките групи“, рече таа.

Кабинетот на првата дама се обиде да ја смири ситуацијата, тврдејќи дека нејзините зборови се „критика на радикалниот метод што го користеле оние што ја прекинале емисијата“. „Брижит Макрон не го одобрува овој радикален метод“, рече член на нејзиниот тим.

Инцидентот се случува во време кога Франција е потресена од серија обвинувања за силување и сексуален напад против истакнати личности во културниот свет. Филмската икона Жерар Депардје беше осуден за сексуален напад во мај, а се соочува и со судење по обвиненијата за силување од 2018 година, кои тој ги негира.

Во 2023 година, францускиот претседател Емануел Макрон предизвика контроверзии изразувајќи восхит кон обвинетиот Депардје, велејќи дека актерот е цел на „лов на луѓе“ и дека се залага за презумпција на невиност.

The post БРИЖИТ МАКРОН ПРЕДИЗВИКА СКАНДАЛ Нарече „глупави кучки“ активистки што протестираат appeared first on plusinfo.mk.

The post НА СУДЕЊЕТО ПОРАДИ ТВРДЕЊАТА ДЕКА БРИЖИТ МАКРОН Е МАЖ СВЕДОЧЕШЕ И ТИФАНИ ОЗИЕР Најмладата ќерка на првата дама е загрижена за здравјето на мајка си appeared first on plusinfo.mk.

Првата дама на Франција, Брижит Макрон, се најде во центарот на бизарна теорија на заговор – и сега е решена конечно да ја разоткрие, дури и по цена на сопствената приватност. Заедно со нејзиниот сопруг, францускиот претседател Емануел Макрон, таа ќе презентира „научни и фотографски докази“ дека е жена пред американскиот суд за да се одбрани од долгогодишните обвинувања дека всушност е родена како маж.

Одлуката доаѓа откако американската десничарска инфлуенсерка Кендис Овенс повеќе пати јавно го повторува ова тврдење, нарекувајќи го „резултат на темелна истрага“ и предизвикувајќи лавина од навреди, исмејување и онлајн вознемирување.

Како започна теоријата на заговор за Брижит Макрон

Скандалот датира од 2021 година, кога француските блогерки Амандин Ру и Наташа Реј објавија видео на Јутјуб во кое тврдат дека Брижит Макрон е родена како маж по име Жан-Мишел. Видеото брзо стана вирално, а таблоидите и социјалните медиуми почнаа да ги вртат наводните „докази“ што ги изнесоа блогерките.

Иако францускиот суд пресуди во корист на Макрон во 2024 година и ги осуди блогерките за клевета, пресудата беше поништена оваа година по жалба врз основа на слобода на изразување. Макронови сега се обидуваат да го добијат случајот на повисок суд во Франција, паралелно со постапката што ја покренале во Соединетите Американски Држави.

Тужбата против Кендис Овенс и „кампањата на глобално понижување“

Во јули 2025 година, Брижит и Емануел Макрон поднесоа тужба од 218 страници во американската држава Делавер против Овенс, обвинувајќи ја за водење „глобална кампања за понижување“. Тие тврдат дека таа ги пренела тврдењата од видеата на Ру и Реј на своите милиони следбеници, игнорирајќи ги повеќекратните предупредувања од адвокатите дека тие се лажни.

– Кампањата на г-ѓа Овенс беше јасно дизајнирана да нè вознемири и повреди нас и нашите семејства, и да привлече внимание и слава. Ѝ ја дадовме секоја можност да се повлече, но таа одби – рекле Макронови во заедничка изјава.

Адвокатот на двојката, Том Клер, открил во подкастот „Fame Under Fire“ на Би-Би-Си дека се подготвени да одат до крај. Според него, научни докази и фотографии од Брижит Макрон од нејзината бременост и семеен живот ќе бидат презентирани на суд за неоспорно да се докаже дека таа е жена и дека тврдењата на Овенс се неточни.

Цената на одбраната на приватноста: „Болно е, но неопходно“

Клер признал дека сето ова е „неверојатно вознемирувачко“ за Брижит Макрон, но дека е подготвена да жртвува дел од својата приватност за да ги запре лагите еднаш засекогаш.

„Тоа е процес низ кој таа ќе мора да помине на многу јавен начин, но е подготвена да направи сè што е потребно за да ги поправи работите“, рекол тој.

Овој потег предизвика бура од јавни реакции: некои ја поздравуваат решеноста на Макрон да ја бранат вистината, додека други велат дека е ужасно што жената мора да го докажува својот пол на суд поради интернет гласини.

Културата на теории на заговор и мизогинија на интернет

Овој случај, исто така, одразува поширок феномен: бран на мизогинија и теории на заговор на социјалните медиуми, каде што моќните жени често стануваат мета на исмејување и обиди да се одземе нивниот кредибилитет.

Кендис Овенс, позната по своите провокативни и десничарски ставови во рамките на движењето Turning Point USA, постојано ги таргетира жените од јавниот живот, нарекувајќи ги „симболи на декаденција“. Сега, сепак, таа би можела да се соочи со сериозни последици за ширење клевета.

Што е следно и зошто ова судење е преседан

Случајот Макрон-Овенс би можел да стане преседан во заштитата на јавните личности од онлајн дезинформации и клевети, особено во ерата кога лажните вести се шират побрзо од кога било.

Ако американскиот суд пресуди во корист на Макронови, тоа би можело да ја отвори вратата за други жртви на дигитално вознемирување да бараат правда.

Брижит и Емануел Макрон велат дека нивната цел не се парите, туку вистината и мирот за нивното семејство.

– Искрено се надеваме дека оваа тужба ќе стави крај на оваа кампања на клевета еднаш засекогаш – навеле во изјавата.

The post ПРВАТА ДАМА НА ФРАНЦИЈА ЈАВНО ДОКАЖУВА ДЕКА НЕ Е МАЖ Брижит Макрон одлучила да оди на суд, да докаже дека е жена и да ги запре гласините appeared first on plusinfo.mk.

Апелациониот суд во Париз ги ослободи две Французинки, обвинети за ширење гласини дека првата дама на Франција, Брижит Макрон, е всушност родена како маж. Судот донесе ослободителна пресуда по сите 18 точки од тужбата за клевета поднесена од Брижит и нејзиниот брат Жан-Мишел Троње, јавува весникот Le Monde.

Наташа Реј и Амандин Рој во 2021 година ја објавија теоријата на заговор во четиричасовно интервју на YouTube, во кое тврдеа дека вистинската Брижит никогаш не постоела, и дека нејзиниот брат всушност го презел нејзиниот идентитет по наводна промена на пол. Тие објавија и фотографии, лични податоци, па дури и шпекулираа за нејзините деца и медицински интервенции.

Во септември 2023 година, на првостепениот суд, двете беа прогласени за виновни и осудени на условна парична казна од по 500 евра и вкупна отштета од 13.000 евра. Но, Апелациониот суд сега ја поништи таа пресуда, повикувајќи се на начелото на „добра намера“.

„Наташа Реј беше гонета и осудувана. Но, на крајот, таа е ослободена“, изјави нејзиниот адвокат Франсоа Данглент.

Адвокатот на Брижит Макрон, Жан Еноки, најави дека ќе се разгледаат следните чекори, бидејќи семејството не е согласно со пресудата.

Брижит Макрон ќе бара правда пред Касациониот суд во Франција, пишува Дејли меил.

Сопругата на Емануел Макрон не присуствуваше на изрекувањето на одлуката на судот по жалбата поднесена од Рој и Реј, бидејќи се враќа од државна посета на Велика Британија.

Инспирација за гласините делумно беше и книгата „Becoming Brigitte“ од францускиот автор Ксавије Пусар, кој досега не е тужен од семејството Макрон.

The post БРИЖИТ МАКРОН НЕ Е МАЖ Францускиот суд ги ослободи жените што ги ширеа гласините appeared first on plusinfo.mk.

Француската прва дама Брижит Макрон (72) го придружуваше својот сопруг, претседателот Емануел Макрон (47), во текот на државната посета на Велика Британија, и покрај личната трагедија што ги снајде само неколку дена пред да заминат за Лондон.

Како што објавија странските медиуми, Брижит Макрон претрпела тешка загуба – минатата недела нејзината сестра Ан-Мари Троњо починала во нејзиниот роден град Амиен. Иако во длабока жалост, Брижит одлучила да не го остави својот сопруг сам на важното меѓународно патување.

Нејзиното повлечено и сериозно однесување веднаш го привлече вниманието на јавноста. Камерите го забележаа моментот кога претседателот Макрон ѝ ја подаде раката на сопругата додека се симнуваа по скалите на авионот, а таа го одби гестот и наместо тоа се фати за оградата.

French State Visit

TRH The Prince & Princess of Wales greet President Emmanuel Macron & Mrs Brigitte Macron on their first day of the State Visit to the U.K. pic.twitter.com/9ZIhBvVsec

— Imperial Material ♚ (@implmaterial) July 8, 2025

– Ова е главната причина зошто првата дама изгледа замислено и повлечено. Загубата на нејзината сестра длабоко ја погоди, бидејќи беа многу блиски. Сепак, таа одлучи да биде покрај својот сопруг, сметајќи го тоа за своја должност – изјави извор близок до двојката за „Мејлонлајн“.

Ан-Мари е втората сестра што Брижит ја изгуби – претходно ја загуби својата сестра Маривон во сообраќајна несреќа кога имала само 27 години.

Да потсетиме дека односот помеѓу француската претседателската двојка често е предмет на медиумско внимание. Во мај, видео од аеродромот во Ханој стана вирално на социјалните мрежи, каде што се чинеше дека Брижит го „дисциплинира“ Макрон со удар по лицето. Официјални лица од Елисејската палата во тоа време го негираа ова, наведувајќи дека тоа бил „забавен момент“ пред почетокот на официјалната турнеја.

Парот е во брак 18 години, а нивната врска предизвикува јавни контроверзии со години – Брижит беше професорка по драма на Макрон во средно училиште, мажена и мајка на три деца, кога тогашниот 16-годишен Емануел изјави дека еден ден ќе се ожени со неа. Иако родителите се обидоа да ја прекинат врската, љубовта преживеа и стана дел од нивната лична и политичка приказна.

The post ОТКРИЕНА ПРИЧИНАТА ЗА ОДНЕСУВАЊЕТО НА БРИЖИТ КОН МАКРОН Првата дама доживеала трагедија пред да пристигне во Лондон appeared first on plusinfo.mk.