Тие ја опишуваат Хана како нежна, љубена и смешна, но и како жестока феминистка која сакала да стане писателка и да студира англиски јазик на Универзитетот Оксфорд. Нејзиното средно училиште Латимер во Хамерсмит во Лондон изрази сожалување.

Тешкотијата во пронаоѓањето на преостанатите шестемина од екипажот на „Баезијан“, меѓу другото, е што бродот е добро сочуван на дното на морето. Она што излезе како интересна вест во западните медиуми вчера е дека милијардерот Линч во јуни оваа година бил ослободен од тешки обвиненија и од потенцијална затворска казна, па „Дејли Телеграф“ напиша дека тој го организирал патувањето за да ја прослави слободата.

Партнерот на Линч кој исто така беше дел од судскиот процес загина во болница во Велика Британија на денот кога јахтата потона, а два дена претходно доживеа сообраќајна несреќа.

The efforts of the Italian rescue teams have been truly immense as they search for those missing from the Bayesian near Palermo

Sadly, hope is slim for:

Mike Lynch and his daughter
Jonathan Bloomer and his wife
Chris Morvillo and his wife
pic.twitter.com/Ay1tGHH860

— Mambo Italiano (@mamboitaliano__) August 20, 2024

Медиумите исто така пишуваа за смс-пораката која ја испратила преживеаната Ајла Роналд штом ја извлекле од водата.

„Имаше мртви луѓе“, му напишала Роналд на татко си, во само три зборови.

Денеска спасувачуите ќе се обидат да ја прегледаат внатрешноста на потонатата јахта со подводни дронови. Според експертите, шестемината по кои се трага не имаат голема шанса да преживеат бидејќи, дури и да останале заглавени во делот од бродот каде има воздух, не би издржале толку долго време со толку малку воздух.

Во вторникот вечерта, специјални нуркачи неуморно се обидуваа да ја истражат јахтата што лежеше на морското дно. Како што навеле, на нивниот пат имало „планина од нешта“ која ги спречила да влезат во собите на јахтата, а нуркачите имаат само десет минути за пребарување, а потоа треба да излезат на површина.

The post САКАЛА ДА СТАНЕ ПОЗНАТА ПИСАТЕЛКА Која е ќерката на „британскиот Бил Гејтс“, еден од шестемина од потонатата јахта кај Сицилија? appeared first on plusinfo.mk.

Телото на еден маж од ултралуксузната јахта „Бајезијан“ вредна 30 милиони долари која потона е пронајдено, а според крајбрежната стража се работи за бродскиот готвач Рикардо Томас, пишува Би-Би-Си. Неговото име во извештаите некаде е напишано и како Рекалдо.

Додека 15 лица беа спасени во мистериозното потонување на бродот, италијанската крајбрежна стража активно се трага по шестмина, меѓу кои и „британскиот Бил Гејтс“, Мајк Линч, за кој се верува дека го организирал патувањето. Фактот што Линч во јуни во САД бил ослободен од обвиненија за кои му се закануваше казна од 20 години затвор, направи ДејлиТелеграф да напише дека патувањето било организирано заради „прослава на слободата“.

Во случајот беше обвинет и неговиот бизнис-партнер Стив Чембрлејн.

Два дена пред потонувањето на јахтата Чембрлен беше удрен од автомобил сообраќајна несреќа во Кембриџшир во Велика Британија. Тој почина утрово. Ова повторно е причина за шпекулации во врска со случајот. Чембрлен беше шеф на позната компанија за сајбер-безбедност Дарктрејс.

Експертите велат дека е многу тешко да се трага по лицата, бидејќи потонатата јахта лежи речиси недопрена и неоштетена на морското дно.

Освен тајкунот Линч, се трага и по неговата 18-годишна ќерка Хана Џонатан Блумер, претседател на меѓународната банка Морган Стенли Џуди Блумер, сопругата на Блумер Крис Морвило, адвокат на Клифорд Шанс.

Меѓу 15-мината спасени, пак, се:

Сопругата на Линч, Анџела Бакарес Шарлот Голунски, нејзиниот сопруг Џејмс и нивната едногодишна ќерка Софи Ајла Роналд, државјанка на Нов Зеланд која работи во Клифорд Ченс и нејзиниот партнер.

Нуркачите се обидуваат да стигнат до остатоците од јахтата, кои се наоѓаат на околу 50 метри под вода на морското дно. Првичните обиди за пристап до него беа попречени од мебелот на бродот што го блокираше пристапот.

Се стравува дека телата на исчезнатите може да се најдат внатре. По силното невреме што ја предизвика трагедијата, во текот на ноќта има повеќе дождови и ветер.

Локалните метеоролози велат дека временската тревога била воведена околу четири дена пред катастрофата, откако големата топлина ја подигнала температурата на Медитеранот на 30 степени Целзиусови, повисока од нормалната.

The post КОИ СЕ ШЕСТЕМИНА ПО КОИ СЕ ТРАГА НА ПОТОНАТАТА ЈАХТА КАЈ СИЦИЛИЈА? „Британскиот Бил Гејтс“ сакал да ја „прослави слободата“ со крстарењето, пишува Дејли Телеграф appeared first on plusinfo.mk.

Ова го соопшти цивилната заштита на Сицилија додавајќи дека на луксузната 56-метарска едрилица имало 22 лица, државјани на САД, Велика Британија и Канада. Спасени се 15 лица, а потврдено е дека е пронајдено телото на готвачот.

Сведоци за италијанската новинска агенција Анса изјавиле дека сидрото на едрилицата било спуштено кога ја погодило невремето, поради што јарболот се скршил, а бродот изгубил рамнотежа и потонал. Потонатиот брод лежи на морското дно на длабочина од 50 метри, а нуркачите се подготвуваат да ја продолжат потрагата по исчезнатите.

Мајк Линч, еден од исчезнатите патници „е британскиот Бил Гејтс“. Тој е коосновач на софтверската компанија Autonomy, а во 2011 година ја продаде на американскиот компјутерски гигант Hewlett-Packard (HP) за 11 милијарди долари. Во јуни, тој беше ослободен во САД од повеќе обвиненија за измама, поради кои му се закануваше казна од 20 години затвор.

Јахтата потона истиот ден кога Стивен Чембрлен кој беше обвинет со Линч во случајот со измама, почина откако го удри автомобил.

Луксузната едрилица може да прими до 12 гости во шест апартмани. Сопственичката е Анџела Бакарес, сопругата на Линч, која е една од 15-те спасени луѓе. Преживеале и мајка и нејзиното едногодишно бебе од Велика Британија. Жената раскажала дека го држела своето бебе над површината на морето за да го спаси од давење.

Таа за италијанскиот весник „Ла Република“ изјави дека нејзиното семејство преживеало бидејќи биле на палубата кога потонала јахтата.

– Нè разбудија громови, молњи и бранови. Се чувствувавме како да доаѓа крајот на светот. На две секунди ја изгубив ќерка ми во морето, а потоа брзо ја прегрнав – ја цитира весникот.

Преживеаните раскажуваат дека патувањето го организирал Линч за неговите колеги од работа.

Брод кој пловел под холандско знаме во близина ги спасил преживеаните додека не пристигнала итната помош. Откако невремето поминало, капетанот Карстен Борнер рече дека неговиот екипаж забележал дека јахтата зад нив исчезнала.

– Видовме црвен факел, па јас и мојот прв офицер отидовме на позицијата и најдовме чамец за спасување со 15 преживеани, од кои тројца беа тешко повредени – изјави тој.

Осуммина од спасените се пренесени во болница, соопшти италијанската крајбрежна стража.

The post УШТЕ СЕ ТРАГА ПО ЈАХТАТА КОЈА ПОТОНА КАЈ СИЦИЛИЈА „Британскиот Бил Гејтс“ и уште петмина се водат за исчезнати appeared first on plusinfo.mk.