Британскиот премиер Кир Стармер објави дека износот на подароци, бесплатни билети за концерти и натпревари и бесплатно сместување сега надминува 100.000 фунти, што е повеќе од кој било друг лидер на лабуристите или конзервативците што имал во последните години, објави денеска Гардијан.

Премиерот прифатил речиси 40 бесплатни билети додека бил лидер на Лабуристите, главно за фудбалски натпревари, но и билети во вредност од 4.000 фунти за концертите на Тејлор Свифт и за Колдплеј од 698 фунти.

Оваа недела премиерот се најде на удар на критиките за подароците што му ги дал лорд Али, кој платил за работната облека на Кир Стармер 12.000 фунти, сместување во вредност од над 20.000 фунти и очила вредни 2.485 фунти. Голем дел од оваа сума била обезбедена за време на изборниот период, но по победата на лабуристите во јули, премиерот пријавил уште 4.000 фунти во билети за концертот на Тејлор Свифт и сместување од Али во вредност од 20.000 фунти. Лабуристите одбија да кажат дали Али го финансирал хотелското сместување на Стармер за време на изборите или тој позајмил еден од неговите имоти како база.

Дејвид Камерон, пак, додека бил лидер на опозициската партија, пријавил дека добил подарок еден сет билети за Светскиот куп во рагби и за тренинзи, во вредност од 4.475 фунти. Поранешниот лабуристички лидер Џереми Корбин откри дека земал билети за фестивалот Гластонбери во вредност од околу 450 фунти за член на семејството две години по ред, но не прифатил гостопримство како лидер на лабуристите од 2015 до 2020 година – освен книгата од првото издание донирана на музеј. Откако ја напушти таа позиција, тој пријавил околу 600.000 фунти донации во неговиот фонд за правни случаи.

Поранешните конзервативни премиери Борис Џонсон, Лиз Трус и Риши Сунак немаат споредливи пријави за подароци, бидејќи тие станаа премиери веднаш по преземањето на функцијата лидери на нивните партии.

The post БИЛЕТИ ЗА КОНЦЕРТ НА ТЕЈЛОР СВИФТ И ЗА ФУДБАЛ, ОБЛЕКА, ОЧИЛА… Што сѐ примил британскиот премиер додека бил лидер на партија? appeared first on plusinfo.mk.

Тенковите „Челинџер“ од британско производство се меѓу значајните западни оклопи кои сега ја сочинуваат ударната сила на Украина во упадот во областа Курск, потврди за Би-Би-Си извор од Велика Британија. Украина нема дозвола од Велика Британија да напаѓа цели во Русија, освен со ракетите „Сторм Сенка“.

Украинскиот претседател Володимир Зеленски изјави денеска дека украинските трупи имаат целосна контрола над рускиот град Суџа во Курск. Во градот, кој е најголем кој Украина наводно го зазела досега, пред војната живееле околу 5.000 луѓе. Низ Суџа тчече природен гас од западен Сибир кој ја снабдува Украина.

Џонатан Бејл, дописник за теми од одбраната за Би-Би-Си пишува дека западни оклопни возила биле веќе забележано на територијата на Русија претходно овој месец. Тие вклучуваат оклопни возила „Бредли“ и „Страјкер“ испорачани од САД, како и „Мардерс“ испорачани од Германија.

Но, тој исто така додава дека досега нема прикажани слики од британските „Челинџери“ или американските тенкови „Абрамс“ преку границата. Лани Украина доби 14 тенкови од Велика Британија за својата неуспешна офанзива на југот, а во моментот нема објавена информација за други можни испораки.

Во однос на успехот на Украинците во продорот во Куркс Бејл пишува:

„Западните воени експерти го истакнаа успехот на украинската офанзива поради употребата на, како што го нарекуваат „маневар за комбинирано вооружување“ – користејќи војници заедно со оклопни возила, артилерија и тенкови, како и електронско војување и беспилотни летала – за напад“.

Врховниот командант на украинските вооружени сили Олександр Сирски денеска изјави дека во Курск е формирана воена команда „со цел да се одржи редот и да се обезбедат приоритетните потреби на населението во контролираните територии во областа“. Украински началник на Курск ќе биде генерал-мајор Москаљов.

The post УКРАИНА ГО КОНТРОЛИРА ГРАДОТ СУЏА ВО КУРСК Британски тенкови „Челинџер“ се користат во офанзивата, тврди Би-Би-Си appeared first on plusinfo.mk.

Британските спортисти се пожалија на недостиг и неквалитетна храна во Олимпиското село во Париз, изјави првиот човек на британската олимписка асоцијација, Енди Ансон, цитиран од Дејли мејл.

Британските олимпијци не се задоволни од понудата во главниот ресторан во селото.

– Има недостиг на одредени видови храна: јајца, пилешко, одредени јагленхидрати. Исто така, квалитетот е важен бидејќи на спортистите им се служи сирово месо. Тие одлучија дека повеќе би сакале да јадат во нашиот ресторан во Клиши – рече Ансон.

На квантитетот и квалитетот на храната во Олимпиското село претходно е пожалија и натпреварувачи од други земји.

Олимпијадата во Париз свечено ќе биде отворена вечерва и ќе трае до 11 август.

ОЛИМПИЈЦИТЕ ВО ПАРИЗ ГЛАДУВААТ, ИМ ГИ БРОЈАТ И ЈАЈЦАТА Знаевме дека има проблем со климите, ама што е со кокошките?

АЛООО, СТАВАЈТЕ КЛИМИ ВО СОБИТЕ, ДОАЃАМЕ НА ОЛИМПИЈАДА, А НЕ НА ПИКНИК! Ај што нема да има ладење, парижаните наумиле од спортистите да прават вегетаријанци!

The post ПОКРАЈ ЈАЈЦА, НЕМА НИ МЕСО НИ ШЕЌЕР Британските атлети нема да се хранат во Олимпиското село appeared first on plusinfo.mk.

Новинарот Мајк Мосли од Би-Би-Си кој исчезна на островот Сими пред неколку дена е пронајден мртов, пишува „Катимерини“. Телото на 67-годишен маж е пронајдено во месноста Аја Марина, на десетина метри од плажата на карпите, пренесува весникот.

Мосли се барал од четвртокот наутро, кога неговата сопруга официјално го пријавила како исчезнат.

Мосли последен пат бил виден во средата во 13:30 часот. Исчезнал откако излегол на прошетка по многу топлото време по карпестата крајбрежна патека од плажата Агиос Николаос до селото Педи.

Немал мобилен телефон со себе, а ова ги отежнало спасувачките напори. Полицијата, пожарникарите и волонтерите го пребарувале островот со помош на хеликоптери, дронови и кучиња трагачи.

Тој беше еден од водителите на емисијата „Верувај ми, јас сум доктор“ која се емитува на Би-Би-Си. Познат беше и по неговите настапи на различни телевизиски емисии и водеше поткаст на тема здравје.

Роден е во Индија, но израснал во Англија. Студирал политика, филозофија и економија на Универзитетот Оксфорд. Прво работел како банкар во Лондон, потоа решил да студира медицина.

По дипломирањето, го освоил новинарството, а во 1995 година беше прогласен за медицински новинар на годината. Потоа продуцираше неколку научни програми главно за Би-Би-Си, од кои едната, научниот документарен филм „Човечкото лице“  со нарација од британскиот актер Џон Клиз (од Монти Пајтон), кој ја испитуваше убавината преку науката. Филмот беше номиниран за наградата Еми во 2002 година.

Во петокот, ќерката на градоначалникот на Сими, Мика Папакалодука, изјави за новинската агенција PA дека „многу“ островјани се приклучиле на потрагата и со свои чамци се обидуваат да го пронајдат британскиот државјанин.

– Тоа е мал остров, луѓето зборуваат. Ние всушност сме добри луѓе овде. Сите го бараат. Тоа е толку мал остров што некој би се изгубил. Нам ни е толку чудно. Сите се загрижени и го бараат – таа рече тогаш.

НОВИНАР НА БИ-БИ-СИ ИСЧЕЗНА НА ГРЧКИ ОСТРОВ „Сакаше пеш да се врати од плажа“

The post ПРЕСВРТ ВО ДРАМАТА НА ГРЧКИОТ ОСТРОВ Пронајдено телото на новинарот на Би-Би-Си appeared first on plusinfo.mk.

Во текот на вчерашниот ден Министерството за здравство соопшти дека според анализата направена во МАНУ од брисот земен кај првиот пациент било детектирано присуството на британскиот сој на вирусот.

Инаку за потсетување, битолчанец и неговата сопруга кои патувале во Занзибар, Африка, биле позитивни на ковид-19. Двајцата веќе се сместени во болница. Мажот се лекува во одделението за нефрологија во Струшката болница, а жената во Скопје.

The post Британскиот сој детектиран и кај вториот пациент кој бил во Занзибар appeared first on plusinfo.mk.

Во делот на соевите, односно мутациите на коронавирусот, Филипче рече дека во овој момент се прави анализа на една серија во Лабораторијата во МАНУ, од која резултатите се очекуваат следната недела, која треба да даде одговор и на зголемниот број случаи на ковид инфекции во последните неколку дена.

– Целта е да се види колкав процент од вкупно дијагностицираните, практично, се должи на британскиот сој на вирусот. Последната анализа укажа на тоа дека некаде околу 50 проценти и тоа беше зголемување во однос на оние 20-ина отсто претходно и тоа е доказ дека се повеќе го има овој британски сој на вирусот. Ние во последните неколку денови гледаме и зголемување на бројот на позитивни од вкупниот број на направени тестови. Во овој момент со епидемиолозите, дел од членовите на Комисијата за заразни болести се прават анализи дали може да се утврди на што се должи тоа. Иницијалниот впечаток е дека е можно да се должи и на британскиот сој, меѓутоа и на генерално непочитување на мерките во делот на собирите. Еве, времето е убаво, сведоци сме дека се повеќе луѓе надвор има коишто не ги почитуваат мерките. Во таа смисла за евентуални дополнителни мерки ќе разговараме во периодот којшто е пред нас – рече Филипче.

Запрашан во однос на реинфекции со ковид-19, министерот Филипче истакна дека постојат публикации, но вели, станува збор за публикациите во однос на некои специфични случаи коишто не се правило. Значи, конкретно се уште науката не дала одговор на ова прашање, како и дека се уште многу работи во врска со вирусот се непознати и сега се прават анализи и испитувања.  

Во однос на вработени во здравството кои работат со ковид пациенти, а не биле ставени на списоците за исплата, Филипче рече дека се прават напори со директорите на ФЗОМ да изнајдат начин дали може да се изнајде дополнителна сума на средства тие да бидат исплатени, за што вели дополнително ќе информираат.

The post Расте бројот на заразени со британскиот сој, можни се дополнителни мерки, но не сега appeared first on plusinfo.mk.

Во „Истражувањето спасува животи“, со цел да се анализира пандемијата на Кипар, лабораторијата за биотехнологија и молекуларна вирусологија на Универзитетот во Кипар, кипарската компанија за биотехнологија „NIPD Genetics“ и ковид болница од островот, во соработка со белгискиот католички универзитет од Лувен и други научници, анализирале 768 примероци на потврдени случаи на коронавирусот во периодот од март 2020 до јануари 2021 година, а на Кипар идентификувани се 37 различни мутации на ковид-19.

Конкретната мутација што е најзастапена, односно „кипарскиот“ вид Β.1.258 е слична на британскиот вид (Β.1.1.7) и е присутна во неколку земји, на Кипар стигнала од Шведска, Велика Британија, Словенија и Данска, а од островот е „извезена“ во Велика Британија, Чешка и Данска.

Професорот Леондиос Кострикис, кој е раководител на лабораторијата за биотехнологија и молекуларна вирусологија на Универзитетот во Кипар вели дека кипарскиот вид е „братучед“ на британскиот вид и не се оспорува ефикасноста на постоечките вакцини и за оваа мутација.

– Овој вид, на Кипар пристигна околу септември 2020 година и оттогаш преовладува кај заразените. Во последните месеци, 90 отсто од заразените се со овој конкретен вид – вели Кострикис за кипарската државна телевизија РИК, додавајќи дека и овој тип, исто како и британскиот, брзо се шири.

Во однос на британскиот вид Β.1.1.7, генералниот директор на „NIPD Genetics“ вели дека во декември се појавил со само еден отсто, но за еден месец достигнал до 16 проценти

The post На Кипар доминира нова мутација на коронавирусот, „братучед“ на британскиот вид appeared first on plusinfo.mk.

– Евидентно е зголемување на бројот на заразени со корнавирус во изминатиот период и тоа онаму каде што е детектирана новата британска мутација. Зголемувањето е за 20 отсто до 50отсто, за последните два дена, а како причина се одредеи настани и прослави – истакна Филипче, додавајќи дека заразените се од различна возраст, а не само млади лица.

The post Британскиот сој се шири во Кавадарци, Охрид и во Прилеп appeared first on plusinfo.mk.

– Засега не гледаме драстична промена или некое оптоварување на здравствениот систем во делот на болниците. Во исто време гледаме што и како се случува во некои европски земји и затоа сме внимателни да не случи едно значајно зголемување на пациентите на кои ќе им биде потребно хоспитализација зошто е докажано дека овој вирус многу полесно се пренесува – изјави Филипче.

Прашан што значат истражувањата на МАНУ дека откриле неколку нови мутации на коронавирусот, Филипче рече дека кај нас досега има детектирано повеќе мутации на вирусот или 30-ина од вкупно 1.000 кои се детектирани ширум светот. Појасни дека една мутација е т.н. британска, за која, како што рече, има докази дека тој тип на вирус полесно се пренесува.

Министерот за здравство смета дека некаква значајна рестрикција поголема во однос на тоа што е сега, нема да има ефект.

– Ние во целокупниот изминат период имавме добро балансирани мерки, кои овозможија и контрола на вирусот, што се виде со падот на заболени и дијагностицирани во текот на денот. Имаме предвид како влијаат рестриктивните мерки и на менталното здравје итн. Токму тој балансиран пристап сега даде одлични резултати – рече Филипче.

Можно е, како што рече, ама за тоа сега нема никаква индикација дека има потреба, некаква дополнителна рестрикција. И секако дека ќе ја препорачаме ако видиме дека тоа е начинот за во даден момент се спречи дополнително ширење на вирусот. Нагласи дека засега нема таква индикација, ниту знак дека треба таква работа да препорачаме.

Како што соопшти Министерството за здравство, во изминатите 24 часа регистрирани се нови 347 случаи на заболени од ковид-19 од направени 2.383 тестирања. Оздравени се 168 пациенти, а починати се седум. Шест пациенти се починати во болнички услови и еден е починат во домашни услови.

The post Филипче: Со британскиот сој се заболени половина од новорегистрираните appeared first on plusinfo.mk.

– Иако бројките не се ниски нема драстичен скок, нема голем кластер низ градовите. Ја следиме состојбата во Скопје и другите градови ги следиме како посебни епидемиолошки региони, застапеноста на британскиот сој на вирусот расте, сега е некаде околу 20 отсто, најмногу во Прилеп и Охрид. Во тие центри не приметуваме зголемување на бројот на пациенти. Точно е и тоа е утврдено дека полесно се пренесува, според некои публикации можно е болеста да е полесна, според некои други публикации е потешка, тоа не може се уште со точност да го утврдиме. Кај нас има 30-тина детектирани соеви на вирусот, близу 1000 ширум светот – истакна Филипче.

Тој нагласи дека засега во земјава не се регистрира влошување на епидемиолошката ситуациј, но таа сепак внимателно се следи.

– Секогаш апелираме граѓаните да ги почитуваат мерките, сега е тоа од посебно големо значење – потенцира Филипче.

Тој истакна и дека одговорност или разрешување ќе има за секој за кого ќе се утврдат неправилности, без разлика дали станува збор за директор или раководител во здравствена установа.

Во врска со последните случувања во Струга, министерот Филипче нагласи дека извештаите од ДСЗИ се завршени, а се чекаат стручните надзори кои ги врши Лекарска комора, по што Министерството ќе постапи согласно наодите.

The post Филипче: Нема влошување со британскиот сој, мерките мора да се почитуваат appeared first on plusinfo.mk.